04/11/2020
https://www.facebook.com/1875469692719473/posts/2062068044059636/?sfnsn=mo
"Kanang purgatoryo, imbento ranas Katoliko. Wala man gud na sa Biblia."
Mao ni kasagaran sa mga mabasa ug madungog nako gikan sa mga non-Catholics.
Ang pangutana (P): TINUOD BA ANG ILANG GIPANGSTORYA BATOK SA ATONG PAGTOO BAHIN SA PURGATORYO?
Ato kining tun-an, mga kaigsuonan kong Katoliko!
Pangutana (P): ASA MAN MABASA ANG WORD NGA PURGATORYO SA BIBLE?
Tubag (T):
Kon Bisaya/Tagalog/English nga Bible imong gamiton, wala gyud tay mabasa nga PURGATORYO niana kay ang PURGATORYO nga word nagagikan sa SPANISH nga pulong "PURGATORIO."
Matod pa sa La Sagrada Biblia:
"Alos tales predico mucho tiempo el espiritu de Cristo por boca de Noe, que doro la fabracion del arca, el Padre se intiente por carcel el PURGATORIO (1 Pedro 3:19)."
"In which also Christ went and made a proclamation to spirits in prison (1 Peter 3:19)."
P: UNSA MAY KONEKSYON SA 1 PET 3:19 UG PURGATORYO?
T: Sa adlawng Sabado de Gloria (patay ang lawas ni Cristo niining adlawa), niadto si Cristo sa mga kalag nga napriso (SPIRITS IN PRISON) (1 Pet. 3:19).
Unsa may gibuhat ni Cristo didto? NAGSANGYAW SA EBANGHELYO.
Sa ato pa, buhi diay ang kalag bisan ug patay na ang lawas. Kinsa man ning mga SPIRITS IN PRISON?
Atong tiwason ug basa:
"WHO IN FORMER TIMES DID NOT OBEY, WHEN GOD WAITED PATIENTLY IN THE DAYS OF NOAH, DURING THE BUILDING OF THE ARK, IN WHICH A FEW, THAT IS, 8 PERSONS, WERE SAVED THROUGH WATER (1 Peter 3:20)."
Sa ato pa, mao kini ang mga kalag sa mga namatay before sa kamatayon ni Cristo. Kining mga kalaga naghuwat sa Mesiyas nga ablihan ang ganghaan sa langit nga nahimong posible pinaagi sa pagsakripisyo sa lawas ug dugo ni Cristo diha sa krus.
Gitawag kining estado/lugar nga NETHERWORLD. SHEOL sa Hebreo, HADES sa Griyego, ug INFERI sa Latin.
Ang resemblance sa NETHERWORLD karon mao ang PURGATORYO kay ang mga kalag nga kinahanglang hinloan aron mamahimong hingpit ug aron makasulod sa langit anaa man karon nag antos sa PURGATORYO.
P: Unsa man diay gyud ang PURGATORYO? 2nd Chance ba kini sa afterlife?
T: Dili. Dili kini 2nd chance. Kitang tana pagahukman base sa atong pagpanginabuhi dinhi sa kalibutan.
Apan, dili kita makasulod dayon sa langit kon aduna pa kitay mga VENIAL SINS nga wala nahinulsoli ug nabayri pinaagi sa mga sakripisyo nga atong nahimo sa buhi pa kita.
Sayod kita nga adunay duha ka klase sa sala: MORTAL ug VENIAL. Mabasa kini sa 1 John 5:16-17.
Kon wala nimo hinulsoli ang MORTAL NGA SALA nga nabuhat before ka namatay, diretso kas impyerno. Kon nakahinulsol ka apan aduna pay mga VENIAL nga sala nga imong nakalimtan, dili pa ka makasulod diretso sa langit kay ingon si Juan
(Revelation 21:27)
“…but nothing UNCLEAN will enter [heaven], nor anyone who does abominable things or tells lies."
Sa Hab. 1:13, "You [God]... are of PURER eyes than to behold evil and CANNOT LOOK on wrong..."
Dili makasulod sa langit kon DILI KA HINLO. Dili gyud mutugot ang Dios nga mahilangit ka unya aduna pa kay tatsa sa sala. Kinahanglan ang PERFECTION aron makasod sa langit kay ang langit PERFECT man. Mao bitawng gipalayas si Adan ug Eba sa Tanaman sa Eden kay DILI naman sila PERFECT tungod sa sala.
PERFECT lang ang adunay katungod nga mupuyo sa paraiso. Sa samang paagi, ang PERFECT lang ang makasulod sa langit.
(Note: Ang pasabot nako sa PERFECT mao ang WALAY TATSA SA SALA BISAG MAGAMAY NGA SALA.)
So, unsaon man na nga dili man HINLO ang kalag kon aduna pay mga VENIAL SINS nga wala hinulsoli o pagabayri pinaagi sa pagsakripisyo sa dihang buhi pa siya? Dili man pod ma impyerno kay nakahinulsol man siya sa mga MORTAL nga sala before namatay? Dili pod mahilangit dayon kay dili paman gyud siya TOTALLY CLEAN?
Mao nang HINLOAN sa ang kalag pinaagi sa proseso sa paghinlo nga gitawag nato ug PURGATORYO.
P: Unsa man juy pasabot sa PURGATORYO?
T: Nagagikan ang pulong nga PURGATORYO sa usa ka Old French nga pinulongan "PURGATOIRE" ug sa Medieval Latin "PŪRGĀTŌRIUM."
Sa Late Latin, PURGATION, nga gikan sa "PURGO" o "PURGARE" sa English nga nagapasabot ug "THE PURGE" which means "PURIFY".
In short, PURGATORY means PURIFICATION, PAGHINLO in Bisaya aron mamahimong HINGPIT ang kalag ug aron makasulod na kini sa langit, ang Gingharian sa Dios.
Ang PURGATORYO usa ka LUGAR ug ESTADO kon asa hinloan ang mga kalag aron makasod sa langit eventually.
P: Kinsa may muhinlo sa kalag didto sa purgatoryo?
T: Walay lain kon dili si Cristo. Tungod kini sa GRASYA ug KALUOY sa Dios alang kanato hilabina kadtong naningkamot nga musunod sa Iyang kabubut-on apan nahugawan sa mga VENIAL nga sala sa dihang buhi pa. Kinahanglang pagabayran sa kalag ang iyang mga VENIAL SINS didto sa purgatoryo.
Tinuod nga gibayran ni Cristo ang atong tanang sala pinaagi sa iyang sakripisyo sa krus, apan wala kini nagapasabot nga dili na kita mulihok. Kinahanglan nga atong ihiusa ang atong FREE WILL didto sa kabubut-on sa Dios pinaagi sa paglikay sa bisan unsang klase sa sala ug paghigugma Kaniya labaw sa tanan ug sa atong isig ka tawo.
P: UNSA PA MAY LAING BIBLE VERSES NGA MO SUPORTA SA ATONG PAGTOO BAHIN UG PURGATORYO?
T: Ang pinaka "main" gyud nga sumbanan bahin sa atong pagtoo sa PURGATORYO mao ang 2 Maccabees 12:39-46.
Gisaysay diri nga verses nga nadiscover ni Judas Macabeo, usa ka Judio nga pari nga nangulo sa gyera batok sa Seleucid Empire, nga ang mga namatay nga kauban niya sa iyang "military force" nagdala ug mga token gikan sa dios-dios sa ilang mga kaaway. Mao ng nag-alay ug pag ampo si Macabeo ug ang iyang mga kauban aron mapasaylo sa Dios ang sala sa iyang mga kauban nga nakasala ug idolatry.
Nahibalo si Macabeo nga dili ma impyerno ang iyang mga namatay nga kauban tungod kay nakig away man sila alang sa Dios. Apan, tungod kay nakasala sila, kinahanglan nga pagabayran nila kini sa afterlife.
Adunay mga PAGSUPAK ang mga non-Catholics bahin ani nga verses. Kasagaran kining duha:
1. Wala nila dawata ang libro nga Macabeo. Para nila DILI kini INSPIRED BY THE HOLY SPIRIT. So, dili daw ni pwede mamahimong basehan aron mapamatud-an ang pagkatinuod sa PURGATORYO.
2. Para sa mga non-Catholics nakasala ug idolatry si Judas Macabeo ug ang iyang mga kauban. So, sayop daw ang ilang gibuhat.
P: NGANO MAN NGA WALA MAN DAWATA SA MGA NON-CATHOLICS ANG LIBRO NGA MACABEO?
T: Actually, dili lang ang duha ka libro sa Macabeo ang ilang gisalikway. Apil na niini ang TOBIT, JUDITH, WISDOM, SIRACH (also called Ecclesiasticus), BARUCH, ug dugang nga mga sulat ni DANIEL (Azariah's Prayer, Sussana, Bel & the Dragon).
So, ang Catholic Bible adunay 73 BOOKS samtang ang non-Catholic Bible adunay 66 BOOKS lamang. (Kulang nalang ug isa ka 6 aron mamahimong 666. Joke. Hahaha.)
Ngano man ni?
Tungod ning Martin Luther, usa ka pari nga nibiya sa Simbahan ug iyang gitukod ang Protestantismo sa tuig 1517.
Matod pang Luther, DILI daw INSPIRED BY THE HOLY SPIRIT kining mga libroha tungod kay dili daw HEBREO ang pinulongan.
Mao ni dakong sayop ni Luther. Wala nagapasabot nga kon dili Hebreo ang pinulongan nga gigamit sa libro, dili na dayon INSPIRED. Nakalipat si Luther nga nasakop sa Babylonia ang Israel. Mao nang nausab ang linggwahe sa mga Israelita, in the long run. Ug sa dugang pa, nagapasabot ba nga DILI INSPIRED ang New Testament (NT) kay dili man pod Hebreo ang linggwahe nga gigamit sa mga apostoles sa dihang gisulat nila ang NT? Greek man ang linggwahe nga ilang gigamit.
Usa pod sa laing rason nganong gitangtang ni Luther ang 7 ka libro, tungod daw ni kay adunay mga verses nga supak sa iyang pagtoo. Dili man mutoo si Luther ug PURGATORYO, mao ng iyang gitangtang.
Hapit gani niya tangtanga ang libro ni Santiago (James) tungod kay nasulat man didto nga FAITH ALONE WITHOUT GOOD WORKS IS DEAD (James 2:20). Hapit ni niya tangtanga kay nagatuo man si Luther nga FAITH ALONE (Sola Fidei) is enough. Basta daw mutoo lang ka, maluwas na ka. Bahala daw ug sigeg pagpakasala basta kay nitoo kang Cristo, luwas na daw ka. Toinks. Pwede jay na? Hahaha.
P: NGANO MAN NGA GI CONSIDER MAN SA MGA NON-CATHOLICS NGA IDOLATRY ANG GIBUHAT NILA MACABEO?
T: Giisip man gud sa mga non-Catholics nga kon imong iampo ang mga patay, abomination na daw na. Mao ba? Sakto kaha sila? Atong subayon ang Biblia.
Bisan si San Pablo, iyang giampo ang usa ka patay nga tawo nga si ONESIPHORUS. Mabasa ni sa iyang sulat diha sa 2 Tim. 1:16-18,
“May the Lord grant mercy to the household of Onesiphorus, for he often refreshed me; he was not ashamed of my chains, [17] but when he arrived in Rome he searched for me eagerly and found me – [18] may the Lord grant him to find mercy from the Lord on that Day – and you well know all the service he rendered at Ephesus."
Nganong giampo man ni Pablo si Onesiphorus nga patay naman? Ingon si Pablo nga unta kaloy-an sa Dios si Onesiphorus.
Klaro kaayo. Si San Pablo adunay Katoliko nga pagtuo sama sa tanang apostoles. Atong giampo ang mga kalag kay wala tay sure kon nahilangit ba gyud sila dayon. Posible nga nag antos pa sila karon sa kalayo sa purgatoryo.
P: NGANONG KINAHANGLAN MAN PAGABAYRAN ANG SALA PINAAGI SA ATONG SAKRIPISYO? DILI PA BA DIAY IGO ANG SAKRIPISYO NI CRISTO DIHA SA KRUS?
Tinuod nga gibayran ni Cristo ang atong mga sala pinaagi sa pagpakamatay sa Krus. Tungod niini, naabli pag usab ang pultahan sa langit.
Kinahanglan siguro pod masabtan nato ang REDEMPTION ug SALVATION. Collective ang REDEMPTION, individual ang SALVATION.
Gi REDEEM ni Cristo ang tibuok katawhan apil na niini ang mga dautan. Giablihan Niya ang langit alang sa tanan. Atoa ng turno kon buot ba kita nga musulod niini o dili.
Apan, aron MALUWAS, kinahanglan Siyang dawaton sa kasing-kasing sa tawo isip MANLULUWAS ug SUNDON ang tanan Niyang sugo. Kinahanglan nga MULIHOK kita aron maluwas. Likayan tanang klaseng sala ug ubang butang nga DILI MAKAPAHIMUOT sa Dios. Kon nakasala man kita, kinahanglan nga ato kining PAGABAYRAN pinaagi sa atong sakripisyo ug paghimo ug mga BUHAT SA GUGMA UG KALOOY.
Mao kini gitawag sa Simbahan nga REPARATION. Asa man gitudlo sa Biblia ang REPARATION?
Ma realize nato ang doktrina sa REPARATION diha sa PAGHINULSOL NI ZACCHAEUS, usa ka tax collector (Lucas 19:1-10).
Wala lang NAGBASOL si Zacchaeus, iyang GIBAYRAN ang iyang offense pinaagi sa pag uli sa kwarta sa iyang mga nalimbongan ug paghatag sa katunga sa iyahang bahandi ngadto sa mga kabus, usa ka buhat sa gugma ug kaluoy.
Mao kini usa sa mga lig-on nga biblical foundation sa doktrina sa REPARATION. Mao nang kada kumpisal nato, muhatag ang pari sa PENANCE nga magadepende sa imong sala nga nabuhat. Kasagaran paampuon lang ka ug pipila ka "Amahan Namo" or "Maghimaya ka, Maria." Or, kon NAKAPANGAWAT ka, kinahanglang iuli nimo ang imong kinawat. Kon nakapakasakit sa ubang tawo, kinahanglan kang mangayo ug pasaylo sa personal ug kinasing-kasing nga pamaagi.
Ang buhat sa gugma ug kaluoy usa pod ka pamaagi sa pagbayad sa sala. Ang pagpugong sa kaugalingon nga gitawag ug MORTIFICATION.
P: WHAT IF WALA NAKO MABAYRI TANANG SALA NAKONG NABUHAT SA BUHI PA KO?
T: Kon dili igo ang imong REPARATION sa dihang buhi pa ka, mao ng imo kining pagabayran sa PURGATORYO given nga naghinulsol ka sa imong MORTAL SINS.
Si Cristo miingon, YOU WILL NOT GET OUT UNTIL YOU'VE PAID THE LAST PENNY (Mateo 5:26, Lucas 12:59).
Dili kita makagawas sa PURGATORYO unless nabayran nato bisan ang katapusang gamayng sala nga nabuhat nato sa dihang buhi pa ta.
Mao ng sama ni Judas Macabeo ug Pablo, atong iampo ang atong mga minahal sa kinabuhi nga nibiya na niining kalibutana kay wala tay kasiguradoan kon nahilangit ba sila dayon, hilabina kadtong mga nahibaw-an nato nga mga buyagon sa dihang buhi pa sila.
P: UNSA MAY BUHATON NAKO ARON MUDIRETSO NAKO SA LANGIT UG DILI NA MOAGI SA PURGATORYO?
Mao gyud ni gi ingon sa atong Ginoo nga ang dalan paingon sa langit lisod, piot (Mateo 7:13, Mateo 19:23-25). Kinahanglan gyud WALA TAY SALA bisan magamay aron makasulod sa langit. Kinahanglan kitang mamahimong MGA SANTOS aron MAHILANGIT DAYON.
Apan, dili kini nato mahimo kon wala ang GRASYA ug KALUOY sa Dios. Mapasalamaton tang mga Katoliko kay aduna kitay mga SAKRAMENTO nga gitukod ni Cristo aron dinhi modagayday ang Iyang GRASYA NGA MAKALUWAS.
Ang BUNYAG makaluwas aron mapapha ang tatsa sa SALANG PANULONDON (Juan 3:3-5, 1 Pedro 3:21).
Ang KOMPIRMA makaluwas ug himuon kitang mga SUNDALO SA DIOS (Buhat 8:14-17, 9:17, 19:6, Hebreo 6:2).
Ang EUKARISTIYA maoy pinaka importante ug pinakagamhanan nga klase sa pag ampo. Si Cristo mismoy niingon nga ang MUKAON SA IYANG LAWAS ug MUINOM SA IYANG DUGO (John 6), makasulod dayon langit, provided nga mingkalawat kita UNDER THE STATE OF GRACE.
Ang KAMINYUON makaluwas pod kay kini nagapadayag sa atong gamhanan nga TRINITARIAN GOD. Buot sa Dios nga ang tibuok natong pamilya maluwas.
Ang HOLY ORDERS (Lucas 22:19) makaluwas kay pinaagi lang sa mga pari adunay EUKARISTIYA ug ubang sakramento.
Ang KUMPISAL makaluwas pod kay pinaagi sa mga pari, nadawat nato ang pagpasaylo sa Dios sa atong mga sala (Juan 20:21-23).
Ang ANOINTING OF THE SICK makaluwas pod (James 5:14-16).
Isip mga binunyagang Katoliko, kon magDEBOSYON lang gyud kita sa mga sakramento hilabina sa KUMPISAL ug EUKARISTIYA, posible gyud nga modiretso ta sa langit. Plus, pakapinan pa gyud ug PAG AMPO sa Santos nga Rosaryo adlaw-adlaw ug PERSONAL NGA PAG AMPO.
Ug PINAKALABAW SA TANAN ang pagbuhat sa mga BUHAT SA GUGMA UG KALUOY alang sa uban ug PAGLIKAY SA SALA BISAN UG KINATAPUSANG GAMAYNG SALA sa buhi pa ka.
Kon buhaton lang gyud nato kini, SIGURADO GYUD NGA DIRETSO KITA SA LANGIT.
P: POSIBLE BA NGA MA IMPYERNO ANG MGA KALAG NGA TOA SA PURGATORYO?
DILI. Langit ang LAST DESTINATION sa mga kalag nga anaa sa PUGRATORYO.
Sa 2nd Coming, duha nalang ka DESTINATION ang mahabilin: LANGIT ug IMPYERNO. Mao kini gitawag ug FINAL JUDGEMENT.
Karon, anaa pa kita sa PARTICULAR JUDGEMENT. Temporaryo lang ang PURGATORYO.
Apan, ayaw kompyansa kay DILI LALIM MAG ANTOS SA PURGATORYO. May-ong pod nis IMPYERNO. Grabe pod ang pag antos didto.
Human siya gidala ni Cristo didto sa PURGATORYO, si Santa Faustina nagkanayon,
"Mas pilion ko pa ang pag antos ug kinse ka tuig sa kalibutan kaysa pag antos ug lima ka minuto didto sa purgatoryo."
NGILGIG diay gihapon didtos PURGATORYO. Mao nang samtang buhi pa kita, maningkamot kita nga mubuhat sa tanan natong makaya aron mahilangit dayon nga mamahimong posible lamang pinaagi sa GRASYA UG KALOOY SA DIOS ug sa atong pagsunod sa Iyang kabubut-on.
