24/12/2025
๐๐๐-๐ฆ๐๐ฌ๐๐ ๐ก๐๐ ๐๐๐๐๐ช ๐ฆ๐ ๐ ๐๐ฆ๐ ๐๐ ๐๐๐๐๐ข
๐๐ณ๐ฆ๐ด๐ช๐ฅ๐ฆ๐ฅ ๐ฃ๐บ ๐๐ฆ๐ท. ๐๐ณ. ๐๐ถ๐ฑ๐ฆ๐ณ๐ต๐ฐ ๐. ๐๐ข๐ฎ๐ช๐ญ๐ช ๐๐๐, ๐๐๐
๐๐๐๐๐ฆ๐๐๐ซ ๐๐, ๐๐๐๐
Mga igsoon, karon mao na ang ika-siyam ug katapusang adlaw sa atong Misa de Gallo. Sa Ebanghelyo karong adlawa, kita gipahinumduman sa usa ka pulong nga lawom kaayo ug makahuluganonโpagpasalamat.
Sama sa gibuhat ni Zacarias pinaagi sa iyang awit sa pagdayeg, iyang gipadayag ang dakong kalipay ug pagpasalamat sa tanang grasya nga iyang nadawat gikan sa Dios. Human sa taas nga panahon sa kahilom ug paghulat, napuno ang iyang kasing-kasing sa pagdayeg, tungod kay ang tinuod nga kalipay nagagikan sa usa ka kasing-kasing nga mapasalamaton.
Mga igsoon, bisan sa ginagmay nga mga butang, kung kita mapasalamaton, matarong ug sakto kini sa atubangan sa Dios. Ang usa ka kasing-kasing nga kabalo mopasalamay, dali usab mapuno sa kalipay.
Busa kita gina-awhag nga magpasalamat dili lamang sa dagkong panalangin, kondili labi na sa mga gagmayng grasya nga matag-adlaw gihatag sa Dios kanatoโang kinabuhi, ang pamilya, ang paglaum, ug ang mapasalamaton nga atong nabati.
Mga igsoon, we can give without loving, but we can never love without giving. Mao kini ang tinuod nga ekspresyon sa gugmaโang paghatag dili lang sa materyal nga butang, apan ang paghatag sa atong kaugalingon: sa atong oras, pagtagad, ug sakripisyo. Kay ang pagkamapasalamaton nagdala sa pagkamalipayon, ug ang pagkamalipayon nagdala sa paghatag - mao kini ang kahulugan sa Pasko.
Christmas is about giving, about love. Sama sa gibuhat sa Ginoo sa pagpadayag sa Iyang gugma Iyang gihatag ang Iyang Anak aron sa pagluwas kanato. Hinaot nga ang atong kasing-kasing mamahimong mapasalamaton, ug pinaagi niini, mamahimo usab kitang tinubdan sa kalipay ug gugma sa uban.
