12/04/2026
NATIONAL CONSECRATION TO THE DIVINE MERCY
(Pagaampuon sa tanang Misa sa Ikaduhang Domingo sa Pagkabanhaw, puli sa Mga Pag-ampo sa Katawhan)
Labing Maluluy-ong Jesus,
Ikaw ang Nawong sa Kaluoy sa Amahan.
Tungod sa kaluoy, gitawag mo kami.
Nga mahimong maluloy-on sama sa Amahan
mao ang misyon nga imong gitugyan kanamo.
Uban sa hingpit nga pagsalig
sa imong walay kinutubang gugma,
gihalad namo ang among tibuok kaugalingon nganha kanimo ug ibutang ang among kaugalingon
ubos sa panalipod sa imong maluloy-on nga pag-atiman.
Gihiusa namo ang among kaugalingon sa imong hingpit nga halad,
uban sa Espiritu Santo, ngadto sa Amahan,
aron kami mahimong hingpit nga maumol
ngadto sa Imong Pagkamaluluy-on.
Kaloy-i kami
taliwala sa mga panghitabo
sa mga gubat tali sa mga nasud
ug mga kalisang nga nagasamok kanamo.
Kaloy-i kami
alang sa mikaylap nga mga sala batok sa kamatuoran
ug makalilisang nga mga sala
batok sa katarungan ug sa panag-igsoonay.
Kaloy-i kami
tungod sa mga pagpasipala batok sa Imong Diosnong Kaluoy ug ang salawayon nga pagbiaybiay sa mga mahuyang ug sa mga kabus.
Kaloy-i kami
tungod sa mga pag-abuso batok sa dignidad sa tawo,
mga sala batok sa kinabuhi, gugma ug pamilya.
Magmaluloy-on ka kanamo
sa mga abuso batok sa dignidad sa tawo,
mga sala batok sa kinabuhi, gugma ug pamilya.
Tabangi kami, O Ginoo,
aron kami makasalamin sa Imong Kaluoy ngadto sa mga tao sa among palibot.
Bantayi kami nga imong katawhan nga gipanag-iya,
aron nga sa panahon sa kalisud dili kami mawad-an sa paglaum kon dili uban sa dakong pagsalig
itugyan namo ang among kaugalingon sa Imong balaang kabubut-on.
Himoa kami nga kahimanan sa kahupayan sa uban
nga nawad-an sa paglaum ug wala mosalig sa Imong Kaluoy.
Hinaot nga ang tanang katawhan makaila sa Imong dili matugkad nga kaluoy,
magasalig sa imong kaluoy ug magahimaya sa Imong Kaluoy hangtud sa kahangturan.
Jesus, Hari sa Kaluoy,
misalig kami Kanimo.
Imoka kaming tanan.
Amen.
