https://www.facebook.com/541540689032101/

Kapilya Katolika ng Nuestro Padre Hesus Nazareno- Buisan

Home
Philippines
Dasmariñas
Kapilya Katolika ng Nuestro Padre Hesus Nazareno- Buisan

Sa tulong at panalangin ng Mahal na Patrona, Santa Maria Jacobe

21/08/2026

TINGNAN: Isinagawa ang discernment session kanina sa ating kapilya upang makapili ng mga taong kakatawan sa ating kapilya at mamamagitan sa ating parokya.

Tayo ay patuloy na manalangin para sa magiging resulta ng discernment natin.

Salamat po sa lahat ng nakiisa sa gawaing ito.

Discernment session: August 21, 2026 | 4:00pm
Facilitator: Bro. Dindo Cabalsa

17/08/2026

PAANYAYA: Ang lahat po ay inaanyayahan na dumalo at makiisa sa gaganaping Discernment session sa ating kapilya sa darating na August 21, 2026 araw ng Biyernes sa ganap na 4:00 ng hapon.

Ang discernment session po ay isang malayang pagpili ng mga mamumuno sa ating pamayanan at kapilya (coordinator, assistant coordinator, secretary, treasurer, at auditor). Ito po ay hindi isang botohan bagkus ito po ay gagawin sa gabay ng espiritu santo na pangungunahan ng ilan sa mga discernment team ng ating Diyosesis sa Imus.

Hinihingi lamang po ang 30-45minutes ng inyong oras sa araw na ito upang makiisa sa gawaing ito. Inaasahan po tayong lahat na makiisa sa ating Discernment Session.

Maraming salamat po!

08/08/2026

𝘕𝘈𝘡𝘈𝘙𝘌𝘕𝘖 2027!🙌𝙏𝙐𝙒𝙄𝙍𝙄𝙉

Narito na ang Opisyal na Tema para sa nalalapit na Traslacion 2027 "𝙏𝙐𝙒𝙄𝙍𝙄𝙉 𝙉𝙄𝙉𝙔𝙊 𝘼𝙉𝙂 𝘿𝘼𝙍𝘼𝘼𝙉𝘼𝙉 𝙉𝙂 𝙋𝘼𝙉𝙂𝙄𝙉𝙊𝙊𝙉" (Juan 1:23)

Manatiling nakaantabay para sa mga susunod na paghahanda para sa nalalapit na Traslacion 2027 VIVA POONG JESUS NAZARENO!🙌

03/08/2026

MAY AWA ANG DIYOS!

May galak po naming ibinabahagi sa inyo ang natapos ng retablo ng Poong Hesus Nazareno sa aming kapilya. Ito po ay isang proyekto ng Samahang Kabataan ng Buisan na buong pusong sinuportahan ng aming kasalukuyang community chapel coordinator, Ate Beth Huelgas at ng mga residente at katandaan ng aming sambayanan. 🥹🥹

Muli, mula po sa aming sambayanan at buong puso, maraming maraming salamat po sa mga tumulong at sumuporta sa aming Retablo ni Nazareno Raffle Draw. Pagpalain po kayo ng Poong Hesus Nazareno. 🥹

Ang maringal na pagbabasbas ng altar at retablo ay amin pong ipagbibigay alam sa mga susunod na araw!

Muli, kami po sa sambayan ng Buisan ay taos pusong nagpapasalamat sa inyong lahat!

02/08/2026

Happy Priests’ Day, Fr. Ren!

Taos-puso pong ipinaparating ng Sambayan ng Buisan ang aming pagbati sa aming minamahal na Kura Paroko, Rev. Fr. Ren.

Maraming salamat po sa inyong walang sawang paglilingkod, paggabay, at pagmamahal sa aming pamayanan. Nawa'y patuloy kayong pagpalain ng Panginoon ng mabuting kalusugan, lakas, karunungan, at kagalakan sa inyong banal na bokasyon. Patuloy po naming ipagdarasal na maging masagana ang inyong misyon at lalo pang maging daluyan ng pag-asa, pananampalataya, at pag-ibig sa bawat isa.

Maligayang Araw ng mga Pari, Father!

26/07/2026

TARA, SIMBA TAYO! 🙏

Sa dami ng ating natanggap na biyaya—malalaki man o maliliit—nararapat lamang na maglaan tayo ng oras upang magpasalamat sa Diyos.

Hindi lamang tayo nagsisimba upang humingi ng biyaya, kundi upang magpasalamat sa lahat ng Kanyang kabutihan at walang hanggang pagmamahal.

07/07/2026

TINGNAN: Sa punto pong ito, ay ganito na po ang kalagayan nang ginagawang retablo ng ating kapilya. Muli, wala po kaming sawang magpapasalamat sa mga tumulong sa aming fundraising project para sa retablo ng Poong Hesus Nazareno.

Abangan po ang mga susunod na litrato para sa mas magandang mukha ng retablo.

28/06/2026

Ang punong abala sa taunang Pistang Nazareno— Samahang Kabataan ng Buisan ❤️

27/06/2026

PABATID: Ipinapaunawa po sa lahat na pansamantala muna po tayong walang misa simula ngayong araw, June 27, 2026 dahil sa alikabok na hatid nang paggagawa ng retablo sa ating kapilya.

Maunawaan po sana ng lahat na hindi po ito makukuha sa isang linisan lamang at ang alikabok at ang amoy ng semento ay hindi maganda sa ating kalusugan. Sa oras na maaari na pong muling magamit ang ating kapilya ay ibabalik na po ang ating Banal na Misa.

Ganoon pa man, maaari po tayong maki-isa sa iba’t ibang schedule ng misa na malapit po sa ating pamayanan.

Maraming salamat po sa inyong pang-unawa.

Address

Sitio Buisan, Brgy. Langkaan II
Dasmariñas
4114

Website

facebook.com

Alerts

Be the first to know and let us send you an email when Kapilya Katolika ng Nuestro Padre Hesus Nazareno- Buisan posts news and promotions. Your email address will not be used for any other purpose, and you can unsubscribe at any time.

Want your place of worship to be the top-listed Place Of Worship in Dasmariñas?