Parokya ng Hesus Nazareno

24/05/2026

Sa tuwing binibigkas natin ang Credo o ang Papuri sa Diyos, hindi lamang ito basta mga salita—ito ay isang banal na deklarasyon ng ating pagkakakilanlan at kasaysayan bilang mga Anak ng Diyos.

Ang Simbahang Katolika, na itinatag ni Kristo at ipinagkatiwala sa mga Apostol, ay nananatiling matatag sa kabila ng mga dantaong pagsubok. Bilang sambayanan ng Parokya ng Hesus Nazareno, tayo ang mga "buhay na bato" na nagpapatuloy sa misyong ito ngayon. Patuloy nating isabuhay ang pagkakaisa, kabanalan, at pagmamahal sa kapwa na siyang pundasyon ng ating pananampalataya.

24/05/2026

“Ang pagsasayaw sa Karakol ay hindi lamang galaw ng katawan, kundi isang panalangin na nagmumula sa puso."

Bilang pagtatapos ng ating pagdiriwang ng Flores de Mayo, sama-sama nating ialay ang ating pasasalamat at hiling sa Mahal na Birheng Maria sa pamamagitan ng tradisyunal na Karakol.

Magtipon-tipon tayo ngayong ika-30 ng Mayo, sa ganap na 4:00 ng hapon sa Parokya ng Hesus Nazareno, Brgy. Luzviminda II, Dasmariñas, Cavite.

Sama-sama nating ihayag ang ating pagmamahal natin sa ating Mahal na Ina, halina’t maki-isa at maki-indak sa ating karakol!

24/05/2026

𝐀𝐑𝐀𝐋 𝐍𝐆 𝐌𝐈𝐒𝐘𝐎𝐍 | 𝐋𝐈𝐍𝐆𝐆𝐎 𝐍𝐆 𝐏𝐄𝐍𝐓𝐄𝐊𝐎𝐒𝐓𝐄𝐒

“𝐀𝐧𝐠 𝐩𝐚𝐠𝐩𝐚𝐩𝐚𝐭𝐚𝐰𝐚𝐝 𝐚𝐧𝐠 𝐬𝐢𝐲𝐚𝐧𝐠 𝐭𝐮𝐥𝐚𝐲 𝐬𝐚 𝐛𝐮𝐡𝐚𝐲 𝐧𝐚 𝐰𝐚𝐥𝐚𝐧𝐠 𝐡𝐚𝐧𝐠𝐠𝐚𝐧.”

— 𝐑𝐞𝐛. 𝐏𝐝. 𝐉𝐨𝐬𝐞𝐥𝐢𝐭𝐨 𝐈. 𝐒𝐚𝐥𝐯𝐚𝐝𝐨𝐫, 𝐒𝐕𝐃

Sa panahon na puno ng sugat, tampuhan, at sama ng loob, pinaaalalahanan tayo ng Panginoon na ang tunay na kapayapaan ay nagsisimula sa pagpapatawad. Hindi madaling magpatawad, lalo na kung malalim ang nasaktan sa atin, ngunit sa bawat pagpapatawad ay mas lalo tayong lumalapit sa puso ng Diyos.

Ang pagpapatawad ay hindi tanda ng kahinaan kundi ng matatag na pananampalataya at pagmamahal. Sa pamamagitan nito, napapalaya natin ang ating sarili mula sa galit at hinanakit, at nabubuksan ang ating puso sa biyaya ng Espiritu Santo.

Nawa’y maging daan ang mensaheng ito upang matutunan nating magmahal, umunawa, at magpatawad tulad ni Kristo. Sapagkat sa pusong marunong magpatawad, nananahan ang tunay na buhay at pag-asa ng walang hanggan.

23/05/2026

"Halina, Espiritu Santo, punuin mo ang puso ng iyong mga tapat at papag-alabin mo rito ang apoy ng iyong pag-ibig."

Inaanyayahan ang buong sambayanan ng Parokya ng Hesus Nazareno na magsama-sama sa pagdiriwang ng Linggo ng Pentekostes. Atin pong alalahanin at ipagdiwang ang pagbaba ng Espiritu Santo sa mga Apostol at ang pagsilang ng Simbahan.

Narito ang iskedyul ng ating mga Banal na Misa ngayong Linggo:
Umaga:
6:30 AM
8:30 AM
Hapon:
4:00 PM
5:30 PM

Magsama-sama po tayo sa pananalangin upang muling mapuspos ng lakas, karunungan, at biyaya ng Espiritu Santo ang ating mga buhay at pamilya.

23/05/2026

Isang pagpupugay sa kalalakihan ng ating pamayanan! Itatatag na po ang Knights of Columbus sa ating parokya, ang Parokya ng Hesus Nazareno.

Para sa mga nagnanais at interesadong sumali, narito ang mga alituntunin:

- Katolikong lalaki na may edad 18 pataas.
- Naninirahan sa mga lugar na sakop ng Parokya ng Hesus Nazareno.

Abangan ang kanilang booth sa labas ng ating Parokya bukas ng LINGGO, ika-24 NG MAYO upang magparehistro o magtanong para sa karagdagang detalye.

Ibahagi ang iyong lakas, talino, at pananampalataya sa paglilingkod sa Diyos at sa kapwa. Maki-isa sa paglilingkod, at maging isa sa mga susunod na Knights of Columbus!

22/05/2026

Lubos na nagluluksa ang Parokya ng Hesus Nazareno sa pagpanaw ni Bro. Ramir Lopez, tapat na miyembro ng Extraordinary Ministers of Holy Communion.

Sa aming paglalakbay bilang sambayanan ng Diyos, naging ilaw ka ng pananampalataya at huwaran ng tapat na paglilingkod. Sa bawat pagdiriwang ng Banal na Misa at sa bawat pagtanggap ng Katawan ni Kristo ng mga mananampalataya, naroon ang iyong mapagkumbabang puso na handang maglingkod nang walang hinihinging kapalit.

Maraming salamat sa iyong pagmamahal sa Simbahan at sa iyong walang sawang pagsisilbi sa Panginoon. Bagamat masakit ang aming pamamaalam, nananalig kami na ngayon ay kapiling mo na ang Diyos sa Kanyang walang hanggang kaharian, kung saan wala nang lungkot, pagdurusa, at paghihirap.

Nawa’y pagkalooban ka ng Panginoon ng walang hanggang kapahingahan, at nawa’y patuloy mong ipanalangin ang aming pamayanan mula sa langit.

Panginoon, yakapin Mo po siya sa Iyong awa at pag-ibig. Amen.

19/05/2026

𝐏𝐚𝐧𝐚𝐥𝐚𝐧𝐠𝐢𝐧 𝐬𝐚 𝐏𝐚𝐧𝐠-𝐌𝐚𝐫𝐭𝐞𝐬 𝐧𝐚 𝐃𝐞𝐛𝐨𝐬𝐲𝐨𝐧 𝐤𝐚𝐲 𝐒𝐚𝐧 𝐀𝐫𝐧𝐨𝐥𝐝 𝐉𝐚𝐧𝐬𝐬𝐞𝐧

Sa ating pagninilay tuwing Martes, iniaalay natin sa Diyos ang ating mga pagod, pangamba, at mga panalangin sa pamamagitan ng debosyon kay 𝐒𝐚𝐧 𝐀𝐫𝐧𝐨𝐥𝐝 𝐉𝐚𝐧𝐬𝐬𝐞𝐧.

𝐍𝐚𝐰𝐚’𝐲 𝐩𝐚𝐭𝐮𝐥𝐨𝐲 𝐭𝐚𝐲𝐨𝐧𝐠 𝐦𝐚𝐠𝐢𝐧𝐠 𝐦𝐚𝐭𝐚𝐭𝐚𝐠 𝐬𝐚 𝐩𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚, 𝐛𝐮𝐤𝐚𝐬 𝐬𝐚 𝐩𝐚𝐠𝐥𝐢𝐥𝐢𝐧𝐠𝐤𝐨𝐝, 𝐚𝐭 𝐦𝐚𝐠𝐢𝐧𝐠 𝐢𝐥𝐚𝐰 𝐧𝐠 𝐩𝐚𝐠-𝐚𝐬𝐚 𝐚𝐭 𝐩𝐚𝐠𝐦𝐚𝐦𝐚𝐡𝐚𝐥 𝐬𝐚 𝐚𝐭𝐢𝐧𝐠 𝐤𝐚𝐩𝐰𝐚 𝐬𝐚 𝐠𝐢𝐭𝐧𝐚 𝐧𝐠 𝐦𝐠𝐚 𝐡𝐚𝐦𝐨𝐧 𝐧𝐠 𝐛𝐮𝐡𝐚𝐲.

𝐒𝐚𝐧 𝐀𝐫𝐧𝐨𝐥𝐝 𝐉𝐚𝐧𝐬𝐬𝐞𝐧, 𝐢𝐩𝐚𝐧𝐚𝐥𝐚𝐧𝐠𝐢𝐧 𝐦𝐨 𝐤𝐚𝐦𝐢.

17/05/2026

𝐌𝐚𝐫𝐚𝐦𝐢𝐧𝐠 𝐒𝐚𝐥𝐚𝐦𝐚𝐭, 𝐅𝐫𝐚𝐭𝐞𝐫 𝐁𝐞𝐚𝐯𝐞𝐫!

Mula sa 𝐏𝐚𝐫𝐨𝐤𝐲𝐚 𝐧𝐠 𝐇𝐞𝐬𝐮𝐬 𝐍𝐚𝐳𝐚𝐫𝐞𝐧𝐨, taus-puso kaming nagpapasalamat sa iyong tapat at mapagkumbabang paglilingkod sa aming pamayanan sa pamamagitan ng iyong Weekend Apostolate. Sa maikling panahon ng iyong pananatili, naging inspirasyon ka sa marami sa pamamagitan ng iyong pananampalataya, kabutihang-loob, at kahandaang maglingkod.

Maraming salamat, 𝐅𝐫𝐭. 𝐌𝐚𝐫𝐤 𝐁𝐞𝐚𝐯𝐞𝐫 𝐁𝐚𝐮𝐭𝐢𝐬𝐭𝐚, 𝐒𝐕𝐃, sa pagbabahagi ng iyong oras, talento, at pagmamahal para sa Simbahan at sambayanan ng Diyos. Ang iyong presensya ay naging pagpapala sa aming parokya at naging daan upang higit naming maramdaman ang pagmamahal ng Panginoon.

𝐍𝐚𝐰𝐚’𝐲 𝐩𝐚𝐭𝐮𝐥𝐨𝐲 𝐤𝐚𝐧𝐠 𝐠𝐚𝐛𝐚𝐲𝐚𝐧 𝐚𝐭 𝐩𝐚𝐠𝐩𝐚𝐥𝐚𝐢𝐧 𝐧𝐠 𝐃𝐢𝐲𝐨𝐬 𝐬𝐚 𝐢𝐲𝐨𝐧𝐠 𝐛𝐨𝐤𝐚𝐬𝐲𝐨𝐧 𝐚𝐭 𝐦𝐢𝐬𝐲𝐨𝐧𝐠 𝐭𝐢𝐧𝐚𝐭𝐚𝐡𝐚𝐤 𝐛𝐢𝐥𝐚𝐧𝐠 𝐥𝐢𝐧𝐠𝐤𝐨𝐝 𝐧𝐠 𝐒𝐚𝐥𝐢𝐭𝐚. 𝐃𝐚𝐥𝐚𝐧𝐠𝐢𝐧 𝐧𝐚𝐦𝐢𝐧 𝐚𝐧𝐠 𝐢𝐲𝐨𝐧𝐠 𝐤𝐚𝐥𝐚𝐤𝐚𝐬𝐚𝐧, 𝐤𝐚𝐫𝐮𝐧𝐮𝐧𝐠𝐚𝐧, 𝐚𝐭 𝐤𝐚𝐭𝐚𝐩𝐚𝐭𝐚𝐧 𝐬𝐚 𝐩𝐚𝐠𝐩𝐚𝐩𝐚𝐭𝐮𝐥𝐨𝐲 𝐧𝐠 𝐢𝐲𝐨𝐧𝐠 𝐩𝐚𝐠𝐥𝐚𝐥𝐚𝐤𝐛𝐚𝐲 𝐬𝐚 𝐛𝐮𝐡𝐚𝐲 𝐬𝐞𝐦𝐢𝐧𝐚𝐫𝐲𝐨 𝐚𝐭 𝐩𝐚𝐠𝐦𝐢𝐦𝐢𝐬𝐲𝐨𝐧.

𝐁𝐢𝐭𝐛𝐢𝐭 𝐦𝐨 𝐚𝐧𝐠 𝐚𝐦𝐢𝐧𝐠 𝐩𝐚𝐧𝐚𝐥𝐚𝐧𝐠𝐢𝐧 𝐚𝐭 𝐬𝐮𝐩𝐨𝐫𝐭𝐚 𝐬𝐚𝐚𝐧 𝐤𝐚 𝐦𝐚𝐧 𝐝𝐚𝐥𝐡𝐢𝐧 𝐧𝐠 𝐢𝐲𝐨𝐧𝐠 𝐦𝐢𝐬𝐲𝐨𝐧. 𝐌𝐚𝐫𝐚𝐦𝐢𝐧𝐠 𝐬𝐚𝐥𝐚𝐦𝐚𝐭 𝐚𝐭 𝐩𝐚𝐠𝐩𝐚𝐥𝐚𝐢𝐧 𝐤𝐚 𝐧𝐚𝐰𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧 𝐬𝐚 𝐥𝐚𝐡𝐚𝐭 𝐧𝐠 𝐩𝐚𝐧𝐚𝐡𝐨𝐧!

17/05/2026