Pope Saint Paul VI Parish

31/08/2026

𝐀𝐆𝐎𝐒𝐓𝐎 30, 2026 | 6:00 𝐍.𝐆. 𝐌𝐢𝐬𝐚 𝐧𝐠 𝐋𝐢𝐧𝐠𝐠𝐨
𝐈𝐤𝐚-22 𝐋𝐢𝐧𝐠𝐠𝐨 𝐬𝐚 𝐤𝐚𝐫𝐚𝐧𝐢𝐰𝐚𝐧𝐠 𝐩𝐚𝐧𝐚𝐡𝐨𝐧

Sa Ebanghelyo ngayong araw (𝙈𝙖𝙩𝙚𝙤 16:21–27), ipinahayag ni Hesus sa kaniyang mga alagad na kailangan niyang magdusa, mamatay, at muling mabuhay, at tinawag niya silang pasanin ang kanilang krus at sumunod sa kanya.

Kaya naman, sa kanyang homiliya, iniwan sa atin ni 𝐑𝐞𝐛. 𝐏𝐝. 𝐑𝐨𝐠𝐢𝐞 ang isang mahalagang tanong na nakaugat sa mensahe ng Ebanghelyo: 𝙎𝙞𝙣𝙤 𝙣𝙜𝙖 𝙗𝙖 𝙨𝙖 𝙖𝙩𝙞𝙣 𝙖𝙣𝙜 𝙣𝙖𝙜𝙣𝙖𝙣𝙖𝙞𝙨 𝙣𝙖 𝙢𝙖𝙜𝙙𝙪𝙨𝙖 𝙨𝙖 𝙗𝙪𝙝𝙖𝙮? Marahil pare-pareho ang ating sagot: 𝗪𝗔𝗟𝗔. Lahat tayo ay naghahangad ng magaan at payapang buhay. Kaya sa Ebanghelyo, hindi sinang-ayunan ni Pedro ang sinabi ni Hesus tungkol sa kanyang paghihirap.

Ngunit ang tanong, paano pala kung nasa plano ng Diyos na tayo ay makaranas ng pagdurusa? At OO ito ay nasa plano ng Diyos! Hindi para mahirapan lang ng walang dahilan, kundi para may matutunan tayo sa buhay bilang isang Kristiyano. Hindi para parusahan kundi para makaranas ng malalim na pagkilos ng Diyos sa ating Buhay. Mga kapatid ito ang dapat na makita natin sa
ating buhay bilang isang Kristiyano. Ang buhay ay hindi lamang tungkol sa kasiyahan at kawalan ng problema. Dahil walang klase ng buhay na hindi makararanas ng problema at
walang klase ng buhay na puro kasiyahan lamang. Di'ba wala naman kahit sino ang nag nanais pero ito ay dumarating sa ating buhay. Kahit hindi ginugusto, lahat ay nakararanas pa rin ng paghihirap at pagdurusa.

Tulad ni Hesus, na kusang yumakap sa Krus para sa ating kaligtasan, tinatawag din tayong pasanin ang sarili nating krus nang may pananampalataya. Tulad ni Jeremias, nawa'y manatiling nag-aalab ang ating puso sa pagsunod sa Diyos sa kabila ng paghihirap.

Kaya sa bawat krus na ating pinapasan, huwag sana tayong maging hadlang tulad ni Pedro. Sa halip, gawin natin itong daan tungo sa mas malalim na pagsunod kay Kristo. Mga kapatid, sa bawat pagyakap sa mga babatahin nating paghihirap at pagdurusan sa buhay; gawin natin itong kaisa sa paghihirap ni Hesus upang ito ay maging daan din ng pagliligtas na patuloy na ibinibigay sa atin ni Hesus. Sa bawat pagyakap sa mga babatahin nating
paghihirap at pagdurusa sa buhay, mas magiging malinaw sa atin ang kahulugan ng Krus na pinasan at niyakap ni Hesus. Krus ng paghihirap at pagdurusa ngunit punong puno ng pagmamahal, awa, at habag ng Diyos. Ito rin sana ang maging kahulugan ng bawat krus ng paghihirap at paggdurusa natin sa buhay. Nawa'y ganoon din ang maging kahulugan ng ating mga krus: 𝐏𝐀𝐆𝐌𝐀𝐌𝐀𝐇𝐀𝐋, 𝐏𝐀𝐆-𝐔𝐍𝐀𝐖𝐀, 𝐚𝐭 𝐏𝐀𝐆𝐏𝐀𝐏𝐀𝐊𝐔𝐌𝐁𝐀𝐁𝐀.

23/08/2026

𝐀𝐆𝐎𝐒𝐓𝐎 23, 2026 | 6:00 𝐍.𝐆. 𝐌𝐢𝐬𝐚 𝐧𝐠 𝐋𝐢𝐧𝐠𝐠𝐨
𝐈𝐤𝐚-21 𝐋𝐢𝐧𝐠𝐠𝐨 𝐬𝐚 𝐤𝐚𝐫𝐚𝐧𝐢𝐰𝐚𝐧𝐠 𝐩𝐚𝐧𝐚𝐡𝐨𝐧

"𝗣𝗮𝗮𝗻𝗼 𝗻𝗮𝘁𝗶𝗻 𝘁𝘂𝗻𝗮𝘆 𝗻𝗮 𝗻𝗮𝗸𝗶𝗸𝗶𝗹𝗮𝗹𝗮 𝘀𝗶 𝗛𝗲𝘀𝘂𝘀

Sa homiliya ni 𝐑𝐞𝐛. 𝐏𝐝. 𝐑𝐨𝐠𝐢𝐞, Tayo ay inaanyayahang pagnilayan kung paano natin kinikilala si Hesus. Masasabi nating siya ay mabuti, maawain, at mapagmahal; ngunit saan nagmumula ang ating pagkakilala sa kanya? Hindi lamang sa narinig natin mula sa iba, kundi higit sa lahat, sa sarili nating karanasan kung paano siya kumikilos sa ating buhay.

Sa mga nakaraang Ebanghelyo, paulit-ulit na ipinakilala ni Hesus kung sino siya: sa pagpapakain sa limang libo sa pamamagitan ng limang tinapay at dalawang isda, sa paglalakad niya sa ibabaw ng tubig, at sa kanyang mga pagpapagaling. Sa bawat pangyayari, ipinakikita niya ang kanyang kapangyarihan, kabutihan, at pagmamahal.

May isang tagpo sa pagkilala kay Hesus sa pagbabalik niya sa kanyang sariling lugar, nakilala lamang siya bilang "𝖺𝗇𝖺𝗄 𝗇𝗀 𝗄𝖺𝗋𝗉𝗂𝗇𝗍𝖾𝗋𝗈". Isang pagkilalang nanatili sa mababaw na antas. Ipinapaalala nito sa atin na mahalaga ang tunay na pagkilala kay Hesus, sapagkat dito umuusbong ang isang matibay na pananampalataya.

Kung tunay natin siyang kilala, alam nating sa gitna ng mga pagsubok ay hindi niya tayo pababayaan. Patuloy niya tayong gagabayan, sasamahan, at pagpapalain. Ang pagkilala sa kay Hesus ay nagbubunga ng pananalig na marunong magtiwala.

Kaya mga kapatid, mabuti na tayo ay nagdarasal araw araw at ginagampanan ang obligasyon na makadalo ng Banal na Misa, pero dapat ito ay maghatid sa atin sa malalim na personal na pagkilala kay Hesus na ating Panginoon. Kaya patuloy nating tanungin ang ating sarili: 𝙉𝙖𝙠𝙞𝙠𝙞𝙡𝙖𝙡𝙖 𝙠𝙤 𝙗𝙖 𝙩𝙖𝙡𝙖𝙜𝙖 𝙨𝙞 𝙃𝙚𝙨𝙪𝙨?

Balikan natin ang mga karanasan kung saan nakita natin ang kanyang kabutihan, awa, at pagmamahal. Sapagkat sa tunay na pagkilala sa kanya, natututo tayong yumakap, tumanggap, at higit na magtiwala.

Nawa'y ang pagkakilala natin kay Hesus ay hindi manatiling mababaw, kundi maging ugat ng isang pananampalatayang matatag, buhay, at tunay na nakasandig sa kanya.

17/08/2026

𝐀𝐆𝐎𝐒𝐓𝐎 16, 2026 | 6:00 𝐍.𝐆. 𝐌𝐢𝐬𝐚 𝐧𝐠 𝐋𝐢𝐧𝐠𝐠𝐨
𝐈𝐤𝐚-21 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

Sa Misa ni 𝐑𝐞𝐯. 𝐏𝐝. 𝐉𝐚𝐦𝐞𝐬 𝐒𝐨𝐥𝐥𝐚𝐧𝐨, pinaalala sa atin na sa ating buhay, madali ang magsabi ng panalangin, humingi ng gabay, at magpasalamat sa Diyos. Ngunit higit pa sa mga salitang binibigkas natin ang hinihingi ng ating pananampalataya. Ito ay ang pagsasabuhay ng mga aral na ating ipinapanalangin.

Ang panalangin ay hindi lamang dapat marinig ng ating mga labi, kundi makita rin sa ating mga kilos. Sa paraan ng ating pakikitungo sa kapwa, sa pagpapatawad, sa pagtulong, sa pagiging mabuti, at sa pagpili ng tama kahit walang nakakakita, doon tunay na naipapakita ang ating pananampalataya.

Sapagkat walang saysay ang panalanging hindi nagbubunga ng pagbabago sa ating pagkatao. Kung tunay tayong lumalapit sa Diyos sa panalangin, nararapat lamang na makita rin Siya sa paraan ng ating pamumuhay. Ang bawat panalangin ay dapat maging daan upang mas maging mabuti, mapagmahal, mapagpatawad, at makatarungan tayo sa ating kapwa.

Kaya’t tanungin natin ang ating sarili: 𝙉𝙖𝙠𝙞𝙠𝙞𝙩𝙖 𝙗𝙖 𝙨𝙖 𝙖𝙠𝙞𝙣𝙜 𝙖𝙨𝙖𝙡 𝙖𝙣𝙜 𝙢𝙜𝙖 𝙗𝙖𝙜𝙖𝙮 𝙣𝙖 𝙞𝙥𝙞𝙣𝙖𝙣𝙖𝙡𝙖𝙣𝙜𝙞𝙣 𝙠𝙤?

Nawa’y hindi lamang maging bahagi ng ating mga salita ang ating pananampalataya, kundi maging bahagi rin ng bawat kilos at desisyon natin. Sa bawat pagkakataong tayo ay tumulong, magpatawad, magmahal, at gumawa ng tama, nawa’y maging buhay na patotoo tayo ng ating panalangin. Sapagkat ang tunay na dasal ay hindi lamang sinasabi, ito ay isinasabuhay.

15/08/2026

09/08/2026

𝐀𝐆𝐎𝐒𝐓𝐎 09, 2026 | 7:30 𝐍.𝐔. 𝐌𝐢𝐬𝐚 𝐧𝐠 𝐋𝐢𝐧𝐠𝐠𝐨
𝐈𝐤𝐚-19 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

Sa homilya ni 𝐑𝐞𝐛. 𝐏𝐝. 𝐑𝐨𝐠𝐢𝐞, pinaalala sa atin na hindi mawawala ang mga takot sa ating buhay. Ito ay pwedeng nagmumula sa mga pagsubok, problema, at pangamba na madalas ay nagpapabigat sa ating puso.

Ngunit sa halip na hayaang lamunin tayo ng takot, tinuturuan tayo ng mga pagbasa sa Linggong ito na sa bawat takot ang naisin natin ay makipagtagpo sa Diyos upang patuloy na maranasan ang kanyang kabutihan. Tulad ng paghahanap ni Elias sa Diyos sa unang pagbasa naisin din natin na makita at makatagpo ang Diyos sa pangamba at takot na mayroon tayo sa ating buhay. Matututo tayo kay Pedro sa Ebanghelyo. Huwag natin ibaling sa malakas na hangin ang ating atensyon bagkus ito ay patuloy na iton kay Hesus upang hindi tayo malunog dala ng mga takot ng buhay.

Upang mapanatili natin ang pakikipagtagpo kay Hesus pahalagahan din natin ang buhay pananalangin dahil ito ay ipinaalala sa atin ni Hesus sa unang bahagi ng Ebanghelyo. Sa pamamagitan ng buhay pananalangin, natututo tayong ipagkatiwala ang lahat ng ating pangamba sa Diyos. Sa araw araw na pananalangin ang pintuan ng pagkikioagtapo kay Hesus ay patuloy natin binubuksan at mararanas. Ang panalangin ay hindi lamang sa pagkakataon ng takot, pangamba, at pangangailangan. Ito ay pakikipagtagpo sa Diyos na nagbibigay ng katiyakan na hindi tayo nag-iisa.

Tulad ng mga alagad na natakot sa unos, tayo man ay dumaraan sa bagyo ng buhay. Ngunit sa bawat unos, naroon ang Panginoon na handang patahimikin ang ating takot at palitan ito ng pananampalataya. Kaya’t tanungin natin ang ating sarili: 𝙋𝙖𝙖𝙣𝙤 𝙠𝙤 𝙝𝙞𝙣𝙖𝙝𝙖𝙧𝙖𝙥 𝙖𝙣𝙜 𝙢𝙜𝙖 𝙥𝙖𝙜𝙨𝙪𝙗𝙤𝙠: 𝙢𝙖𝙮 𝙥𝙖𝙨𝙖𝙨𝙖𝙡𝙖𝙢𝙖𝙩 𝙗𝙖 𝙨𝙖 𝙠𝙖𝙗𝙞𝙡𝙖 𝙣𝙜 𝙝𝙞𝙧𝙖𝙥, 𝙤 𝙥𝙪𝙧𝙤 𝙥𝙖𝙜-𝙖𝙖𝙡𝙖𝙡𝙖 𝙡𝙖𝙢𝙖𝙣𝙜?

Nawa’y matutuhan nating yakapin ang ating mga takot bilang paalala na kailangan natin ang Diyos sa bawat sandali. Sa tuwing tayo’y nangangamba, piliin nating lumapit sa Kanya, sapagkat sa Kanyang presensiya, ang takot ay nagiging biyaya, at ang pangamba ay nagiging daan tungo sa mas matibay na pananampalataya.

04/08/2026

Happy Priest Day to all our dear priests!

Thank you for being living witnesses of Christ's love and hope. Your faithful ministry continues to inspire hearts and strengthen our faith. May God always renew your strength and fill your lives with His peace and grace.

02/08/2026

Happy Priest's Day, Rev. Fr. 𝐑𝐨𝐠𝐢𝐞 𝐌𝐚𝐫𝐤 𝐆𝐮𝐚𝐳𝐨𝐧, 𝐌𝐒!

Today, we give thanks to God for the precious gift of your priesthood and for your faithful response to His call. Your life of service, humility, and dedication reflects the heart of Christ, inspiring many to grow in faith and to draw closer to Him. Thank you for your unwavering commitment to proclaiming the Gospel and for being a compassionate shepherd who serves with love and generosity.

May the Lord continue to bless you with good health, wisdom, renewed strength, and lasting joy as you faithfully carry out your ministry. May His grace sustain you in every step of your vocation, and may the Blessed Virgin Mary always accompany and protect you. Thank you for your inspiring witness and selfless service. Happy Priest's Day, Rev. Fr. 𝐑𝐨𝐠𝐢𝐞 𝐌𝐚𝐫𝐤 𝐆𝐮𝐚𝐳𝐨𝐧, 𝐌𝐒! May God bless you abundantly today and always.

02/08/2026

𝐀𝐆𝐎𝐒𝐓𝐎 2, 2026 | 6:00 𝐍.𝐔. 𝐌𝐢𝐬𝐚 𝐧𝐠 𝐋𝐢𝐧𝐠𝐠𝐨 𝐈𝐤𝐚-18 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

"𝘼𝙣𝙤 𝙠𝙖𝙮𝙖 𝙖𝙣𝙜 𝙡𝙞𝙢𝙖𝙣𝙜 𝙩𝙞𝙣𝙖𝙥𝙖𝙮 𝙖𝙩 𝙙𝙖𝙡𝙖𝙬𝙖𝙣𝙜 𝙞𝙨𝙙𝙖 𝙣𝙖 𝙩𝙖𝙜𝙡𝙖𝙮 𝙣𝙖𝙩𝙞𝙣 𝙨𝙖 𝙖𝙩𝙞𝙣𝙜 𝙗𝙪𝙝𝙖𝙮?"

Sa Ebanghelyo, ipinakita ni Hesus na ang isang munting handog ay maaaring maging daan sa dakilang himala. Hindi Niya hinahanap ang dami ng ating maibibigay, kundi ang pusong handang magbahagi at magpagamit sa Kanya.

Sa kanyang homiliya, ipinaalala ni 𝐑𝐞𝐛. 𝐏𝐝. 𝐑𝐨𝐠𝐢𝐞 na huwag nating maliitin ang maliliit na biyayang taglay natin: ang ating oras, talento, kakayahan, malasakit, at kabutihan. Kapag ang mga ito ay inialay natin sa Diyos, nagiging instrumento tayo ng Kanyang pag-ibig para sa iba.

Kasabay nito, tinatawag din tayong maging mapagpasalamat. Madalas tayong nakatuon sa ating mga kakulangan kaya nagiging bulag tayo sa mga biyayang ipinagkakaloob ng Diyos. Ngunit ang pusong marunong magpasalamat ay pusong marunong ding makuntento at magbahagi.

Kaya't itanong natin sa ating sarili: 𝘈𝘯𝘰 𝘢𝘯𝘨 𝘮𝘢𝘢𝘢𝘳𝘪 𝘬𝘰𝘯𝘨 𝘮𝘢𝘨𝘢𝘸𝘢? 𝘈𝘯𝘰 𝘢𝘯𝘨 𝘮𝘢𝘢𝘢𝘳𝘪 𝘬𝘰𝘯𝘨 𝘮𝘢𝘪𝘱𝘢𝘨𝘬𝘢𝘭𝘰𝘰𝘣? 𝘈𝘯𝘰 𝘢𝘯𝘨 𝘮𝘢𝘢𝘢𝘳𝘪 𝘬𝘰𝘯𝘨 𝘮𝘢𝘪𝘵𝘶𝘭𝘰𝘯𝘨? Sapagkat sa Diyos, walang maliit o kakaunti. Ang bawat kabutihang iniaalay natin sa Kanya ay maaaring magbunga ng biyayang higit pa sa ating inaasahan.

Katulad ng ipinapahiwatig ng 𝗆𝗈𝗍𝗍𝗈 na "𝘈𝘯𝘶𝘮𝘢𝘯𝘨 𝘮𝘢𝘨𝘢𝘭𝘪𝘯𝘨, 𝘬𝘢𝘩𝘪𝘵 𝘮𝘢𝘭𝘪𝘪𝘵, 𝘣𝘢𝘴𝘵𝘢'𝘵 𝘮𝘢𝘭𝘪𝘮𝘪𝘵 𝘢𝘺 𝘱𝘢𝘵𝘶𝘯𝘨𝘰𝘯𝘨 𝘭𝘢𝘯𝘨𝘪𝘵.", ay pinaaalalahanan din tayo sa Ebanghelyo at pinababatid nito sa atin:

"𝑨𝒏𝒖𝒎𝒂𝒏𝒈 𝒎𝒂𝒍𝒊𝒊𝒕 𝒏𝒂 𝒕𝒂𝒈𝒍𝒂𝒚 𝒏𝒂𝒕𝒊𝒏𝒈 𝒌𝒂𝒃𝒖𝒕𝒊𝒉𝒂𝒏, 𝒃𝒂𝒔𝒕𝒂'𝒕 𝒊𝒑𝒂𝒈𝒂𝒈𝒂𝒎𝒊𝒕 𝒔𝒂 𝑫𝒊𝒚𝒐𝒔 𝒂𝒚 𝒎𝒂𝒈𝒊𝒈𝒊𝒏𝒈 𝒊𝒔𝒂𝒏𝒈 𝒎𝒂𝒌𝒂𝒍𝒂𝒏𝒈𝒊𝒕 𝒏𝒂 𝒌𝒂𝒓𝒂𝒏𝒂𝒔𝒂𝒏."

01/08/2026

August 1, 2026 | Anticipated Mass @ Barangay Burol 1 Covered Court | 6:30PM

01/08/2026

AUGUST 1, 2026 | Dawn Procession and Healing Mass