22/07/2025
Minamahal naming DLCCBC Family,
Mapagpalang araw po at nawa’y nasa mabuti kayong kalagayan sa biyaya ng Panginoon. Salamat sa Panginoon sa patuloy Niyang biyaya sa ating igleysa, at salamat rin sa patuloy niyong panalangin, malasakit at pagmamahal sa ating iglesya.
Itong buwan pong ito, dahil sa sunod-sunod na malalakas na ulan, napagkasunduan ng ating Council Leaders na inspeksyunin at ayusin ang ating kisame. Sa pag-inspeksyon, lumabas na mas malala pala ang sira kaysa inaasahan—marami pa palang butas at meron ding mga bahagi na tinamaan na ng anay na naging sanhi ng lalong malaking sira. Magandang maagapan ito dahil marami pang ulan ang inaasahang darating sa ganitong panahon at kung hindi agad maaaksyunan, mas lalaki pa ang pinsala.
Kaya ito ay ibinabalita upang tayo ay makabahagi at hikayatin na manalangin at tumugon ayon sa biyaya ng Diyos sa bawat isa. Hiniling po namin ang tatlong bagay:
✅ Panalangin – Ipanalangin po natin na gabayan tayo ng Panginoon sa mga susunod na hakbang at bigyan tayo ng karunungan at pagkakaisa.
✅ Pag-ninilay – Tanungin natin ang sarili: “Paano kaya ako makakatulong sa panahon na ito?” Maaaring sa pamamagitan ng pagbibigay, pagvolunteer, o pagtulong sa paghahanap ng tamang tao para sa repair.
✅ Pagbibigay – Kung kayo po ay pinakikilos ng Panginoon, inaanyayahan naming kayong magbigay ayon sa bukal sa inyong puso. Anumang halaga—malaki man o maliit—ay malaking tulong para mapanatiling ligtas at maayos ang ating sambahan. Makipag-ugnayan lamang po sa ating Finance Committee (Sis.May Macalima) o sa ating Building Committee (Sis.Beng Oberes)
Alam natin na ang tunay na iglesya ay hindi ang gusali kundi ang mga tao. Pero bilang tagapangalaga ng lugar kung saan tayo sama-samang sumasamba at lumalago, naniniwala tayong mahalaga rin na pag-ingatan ito.
Napatunayan na natin kung paano tayo binigyan tugon ng Diyos ng mga taong nakalipas, at Siya ring Diyos na tapat at magbibigay ngayon. Sama-sama nating tuparin ang ating bahagi—hindi lang para ayusin ang bubong, kundi para ipakita ang ating pagmamahal sa tahanan ng Diyos.
Maraming salamat sa inyong panalangin at pagtugon.
Sa Kanyang biyaya,
Ptr. Gilbert Jimenez
kasama ng buong Konseho ng DLCCBC
