Mother of Perpetual Help Parish - Ibo, Danao City

22/08/2026

13/08/2026

Dako kaayong atong pasalamat nila ni Mr. and Mrs. Melvin Manto sa pagdonate og mga electric fan para simbahan.

Panalanginan unta kamo kanunay sa atong Ginoo ug tabangan kanunay sa atong Inahan sa Kanunayng Panabang.

10/08/2026

09/08/2026

𝗩𝗠 𝗜𝗩𝗬 | 𝗗𝗢𝗠𝗜𝗡𝗚𝗚𝗢 𝗦𝗔 𝗣𝗔𝗚𝗛𝗔𝗡𝗗𝗢𝗠 💙

Sa pagtapos niining Domingo, maayong higayon kini nga mohunong kadiyot ug mamalandong sa mga butang nga importante ang pagtuo, pamilya, ug pag-alagad sa isigkatawo.

Karong Adlaw sa Ginoo, ang Parish of Our Mother of Perpetual Help sa Barangay Ibo, nagpahinumdom kanato nga ang pagtuo dili lamang makita sulod sa simbahan. Mas makita kini pinaagi sa atong pag-atiman, pagpaminaw, ug pagtabang sa usag usa.

Espesyal usab kini nga dapit sa among pamilya kundiin dinhi napalig-on ang usa ka tinguha nga dugay na namong gidala. Ang mga grasya nga atong nadawat mas adunay kahulugan kon mahimo usab natong paambiton ngadto sa uban. Usa kini sa mga prinsipyo nga nagpadayon sa misyon sa Ramon Nito Durano Family Foundation.

Ug mao usab kini ang usa sa labing maayong pahinumdom gikan sa Our Mother of Perpetual Help: nga kanunay adunay dapit alang sa kaluoy, pag-amuma, ug pagtabang sa nanginahanglan.

Sa atong tagsa-tagsa ka paagi isip ginikanan, anak, silingan, higala, o alagad sa katawhan nga aduna kitay mahimo alang sa uban.

Ang pagtuo dili lang nato isulti. Atong ipakita pinaagi sa pag-alagad.

Hinaut nga Our Mother of Perpetual Help kanunay mag-amping ug maggiya sa matag panimalay ug sa tibuok Pamilyang Danawanon.

Bulahan ug malinawon nga Domingo sa tanan. 🙏🏻

02/08/2026

Synodal Formation: PYCC, Youth Catechists, ug Sacristans.

31/07/2026

Maayong buntag sa tanan.

Mangayo kami og pasensya sa tanan tungod kay natumba ang kahoyng mangga nga nahimutang dapit sa atong dagkotanan. Karong adlawa, ato kining paningkamotan nga mahawan aron dili na kini mahimong hinungdan sa kalisod o kasamok sa atong mga parokyano ug sa tanang moanhi sa simbahan.

Salamat sa inyong pagsabot ug pagpasensya. Mag-ampo kita nga ang atong Inahan sa Kanunayng Panabang mag-uban ug magpanalangin sa tanan natong mga buluhaton.

26/07/2026

Pahibalo ug Pagpasalamat

Nagpasalamat ang atong Parokya sa inyong kanunayng pagsuporta sa atong Simbahan pinaagi sa inyong mga church project donations, ug second collections.

Ang pondo alang sa atong church projects gidumala nila Sir Jiggler, Ma’am Rosalie Montes, ug sa Parish Pastoral Council (PPC). Kini nga pundo gikan sa inyong church project donations ug sa Abag Fund. Kon adunay moy mga pangutana o gusto nga klarohon bahin sa mga galastuhan o sa paggamit sa maong pundo, mahimo ninyo silang duolon tungod kay anaa kanila ang kompleto nga mga rekord ug dokumentasyon.

Mahitungod usab sa parish quota, kini gidumala sa Parokya. Samtang ang second collections mao ang mga koleksyon nga gimando sa atong Archdiocese ug kuhaon sumala sa gitakdang iskedyul ug katuyoan nga gipahibalo sa Archdiocese.

Ang adlaw-adlaw nga operasyon sa Parokya, lakip ang mga bayronon sa kuryente, maintenance, ug uban pang regular nga gastuhan, ginatubag sa Parokya pinaagi sa Parish Priest.

Daghang salamat sa inyong padayon nga pagsalig, pagkamanggihatagon, ug suporta sa atong Simbahan. Hinaut nga panalanginan ug tabangan kitang tanan sa atong mahal nga Mama Mary, Our Mother of Perpetual Help, ug sa kanunay mag-uban kanato ang iyang inahanong pagpanalipod ug pagpangaliya.

12/07/2026

Planning, presentation, and the integration of synodal formation within all mandated organizations, while prioritizing the needs of the different BEC seldas, to build a more participatory, mission-oriented, and dynamic Church community.

05/07/2026

Parish Caritas Meeting