20/06/2026
PAGHINGI NG TULONG PARA SA PAGPAPATAYO NG AMING KAPILYA ⛪
Kami po sa DKPC – Rizal, Cuyapo ay buong pusong lumalapit sa inyong kabutihang-loob upang humingi ng tulong para sa pagpapatayo ng Our Lady of the Holy Rosary Chapel sa Rizal, Cuyapo, Nueva Ecija.
Pangarap po naming magkaroon ng isang maayos at banal na tahanan ng panalangin kung saan ang aming komunidad ay maaaring magtipon-tipon upang sumamba at mapalapit sa Diyos. Sa kasalukuyan, patuloy pa po ang aming pagpapagawa at nangangailangan pa ng pondo upang ito ay matapos.
Anumang halaga na inyong maibabahagi ay malaking tulong at biyaya para sa aming munting kapilya. Higit sa lahat, hinihiling din po namin ang inyong mga panalangin para sa matagumpay na pagtatayo nito.
Maraming salamat po sa inyong kabutihan at pagmamalasakit. Nawa'y pagpalain kayo ng Panginoon at ng Mahal na Birheng Maria.
🙏 "Ang bawat isa'y magbigay ayon sa pasya ng kanyang puso." — 2 Corinto 9:7
DKPC – Rizal, Cuyapo
Our Lady of the Holy Rosary Chapel
