23/02/2026
Mateo 4:1-11
Ang Pagtentar kay Jesus
1Pagkatapos sadto, gindala sang Espiritu Santo si Jesus sa kamingawan para tentaron sang yawa. 2Sa sulod sang 40 ka adlaw kag 40 ka gab-i nagpuasa si Jesus, kag gin-gutom siya. 3Nagpalapit sa iya ang manugtentar nga si Satanas kag nagsiling, โKon ikaw ang Anak sang Dios, himua ini nga mga bato nga mangin tinapay.โ 4Pero nagsabat si Jesus sa iya, โNagasiling ang Kasulatan, โIndi lang sa pagkaon mabuhi ang tawo, kundi sa tagsa ka pulong sang Dios.โ โ a
5Dayon gindala siya sang yawa sa Jerusalem, ang balaan nga siyudad, didto sa pinakamataas nga parte sang templo. 6Dayon nagsiling siya kay Jesus, โKon ikaw ang Anak sang Dios, lukso ka paidalom. Kay nagasiling ang Kasulatan,
โ โSuguon sang Dios ang iya mga anghel sa pagbantay sa imo.
Saluon ka nila para indi mapilas ang imo tiil sa bato.โ โ โผ
7 Pero ginsabat siya ni Jesus, โNagasiling ang Kasulatan, โIndi pagtestingi ang Ginoo nga imo Dios.โ โ c
8Sa liwat gindala pa gid siya sang yawa sa mataas gid nga bukid, kag ginpakita sa iya ang tanan nga ginharian sang kalibutan kag ang iya sini gahom kag manggad. 9Nagsiling ang yawa sa iya, โIni tanan ihatag ko sa imo kon magluhod ka kag magsimba sa akon.โ 10Dayon nagsiling si Jesus, โPalayo ka Satanas! Nagasiling ang Kasulatan, โSimbahon mo ang Ginoo nga imo Dios kag siya gid lang ang imo alagaron.โ โ d
11Dayon naghalin ang yawa, kag nag-abot ang mga anghel sang Dios kag nag-alagad kay Jesus.
