09/07/2026
SUNDAY SCHOOL GUIDE
provided by: UCCP Western Visayas Conference
Season: Pentecost
Age Level: Adult
Ikapito nga Domingo sang Pentekostes
Ang Nagadihon kag Nagasangkap nga Gahum sang Espiritu
Dan nga Katipan: Deuteronomio 31:8
8 Pangunahan ka sang Ginoo kag magaupod siya sa imo; indi niya ikaw pagbayaan ukon pagpabay-an. Gani indi ka magkahadlok ukon magkaluya.โ
Salmo 40:1-3
Naghulat ako nga mapailubon sa Ginoo,
kag ginpamatian niya ang akon pagpangayo sang bulig.
2 Daw pareho lang nga ginbatak niya ako sa lunangon nga buho ukon lamawan.
Kag gintungtong niya ako sa bato agod indi ako maano.
3 Gintudluan niya ako sang bag-o nga kanta,
kanta nga pagdayaw sa iya nga aton Dios.
Madamo nga tawo ang makakita sini,
kag magatahod sila kag magasalig sa Ginoo.
Bag-o nga Katipan: Bugna 21:3-4
3 Pagkatapos may nabatian ako nga mabaskog nga tingog halin sa trono nga nagasiling, โKaron, ang puluy-an sang Dios ara na sa mga tawo! Magapuyo siya upod sa ila, kag sila mangin iya na nga katawhan. Ang Dios mismo mangin ila kaupod [kag ila Dios]. 4 Pahiran niya ang ila mga luha. Wala na sing kamatayon, kasubo, paghibi ukon kasakit tungod kay ang daan nga mga butang nakaligad na.โ
Madalom nga Pagpahangop Texto
(Exegesis of the Biblical References)
Pangkabilogan nga Concepto:
(General Concept)
Ang Iglesia nagahakos sang pagministeryo pinaagi sa presencia agud mapakita ang Dios nga amo ang Immanuel.
Sentro nga Panghunahuna
(Key Concept)
Ang Balaan nga Espiritu nagpanghikot agod ang presencia sang Dios mangin presente sa aton mga kabuhi agu kita magsalig sa Iya kag indi magkahadlok.
Deuteronomio 31:8. Karon si Moises tuman na ka tigulang, kag kinahanglan niya nga ipasa ang iya pagkapangulo kay Josue. Gani sa isa ka asembleya sa atubang sang tanan nga mga Israelinhon nga nagahanda agud magtabok sa Jordan, si Moises nagpasalig kay Josue sang nagapadayon nga presencia sang Dios kag nagpulong sang mga pulong sang pagpabakod kag paglaygay.
Salmo 40:1-3. Ini nga bersikulo bahin sang Salmo sang Pagpasalamat sang isa nga nagatawag sa Dios kag naluwas. Ini nga texto nagalaragway kon paano ang Salmista ginbuligan sang Dios, kag tungod sini, isa ka ambahanon sang pagdayaw kag pagpasalamat ang nag-abot. Ini nagasugid nahanungod sang kamalahalon sang pagsalig sa Dios.
Bugna 21:3-4. Ini nga texto nagapakita kon paano nga ang presencia sang Dios matuod gid nga yara upod sa mga katawhan, wala sapayan nga Sia may kasugtanan upod sa ila. Ang Dios magalugpay sa ila kag magapamag-an sang ila kasakit kag kasubo, kag nagasaad nga ang kamatayon madula. Dira sa realidad nga :bag-o nga langit kag bag-o nga duta,โ ang Dios amo ang Dios sang katawhan, Immanuel. Ang presencia sang Dios yara sa mga kabuhi sang mga katawhan sang Dios gikan pa sa pagsugod sang kalibutan. Kita ginpasalig pinaagid sang mga pulong sang Dios nga sia kaupod naton, ang Immanuel. Kabay pa ini nga ihibalo magahatag sa aton sing paglaum kag magdihon sa aton nga magpadayon sa aton padayon nga pagbuhat sang ministeryo sang buluhaton sang Dios nga iya ginsalig sa aton subong isa ka Iglesia: nga suno sa aton pagbaton sang Ginharian sang Dios nga may gugma, kalooy kag paghidaet upod ang hustisya.
Mga Katuyuan:
(Objectives)
Matapos ang pagtuon, ang mga manugtuon ginapaabot nga:
โข Makasugid sang ginhalinan sang ngalan nga Immanuel
โข Makahangop nga ang Balaan nga Espiritu magatuman sang kamatuuran nga Dios kaupod naton kag mahimo man nga mangin posible nga si Cristo man mangin presente sa aton man mga kabuhi;
โข Mapaathag nga ang presencia ni Cristo sa aton mga kabuhi magapabakod sa aton kag wala sing kahadlok; kag
โข Magaupod gid sa ministeryo sang presencia dira sa Iglesia nga maghimo sa aton nga mabakod kag maisog sa pagbulig sa iban.
Mga Kinahanglanon:
Biblia
Pamaagi sa Pagtuon:
2. Bukas nga Pangamuyo
3. Bukas nga Kalantahon
B. Mga Pagpanghanda
(Getting Ready)
Ihatag ang mga masunod nga impormasyon
(Provide the following information)
1. โImmanuel (Hebrew: kahulugan, โAng Dios kaupod natonโ) isa ka Hebreo nga ngalan nga makita sa libro ni Isaias subong simbolo nga ang Dios maga-apin sa panimalay ni David.โ
2. Ang Ebanghelyo ni Mateo1:22-23 nga ang bahin sini nagsiling, โIsa ka birhin magapanamkon sang isa ka bata, kag maga-anak sang isa ka lalaki, kag sila magatawag sa Iya โEmmanuek,โ subong pagtagna sang pagkatawo sang isa ka Mesias kag katumaan sang Kasulatan pinaagi sa kay Jesus.
3. Ang ngalan nga Immanuel, nagapakita nga ang Dios nga anak, nangin kaupod naton dira sa bug-os nga makatilingala nga pamaagi. Kabay pa kita magatinguha nga magpabilin upod sa iya.
C. Ti-on sa Pag-tuon
(Learning Time)
1. Bahinon ang klase sa 3 ka groupo kag tagsa ka grupo magatuon sang Balaan nga Kasulatan kag mangin handa sa pagsugid ko nano ang ila ginbasa.
a. Deuteronomio 31:8. Ihambal sa mga manugtuon nga magtipon sang iban pa gid mga impormasyon kon sin-o kag nga aini nga versikulo ginhambal. Ipabasa sa ila ang Deuteronomio 31:7 agud ila makita ang mga panghitabo sa likod sini nga kapahayagan.
b. Salmo 40:1-3. Isa ini ka pangamuyo pinaagi sa ambahanon sa panahon sang kalisod. Itugot nga ila marealisar nga si Jesus padayon nga nagahambal sa Iya mga gintoton-an nga ila paabuton ang mga pagtilaw kag mga kagamo.
c. Bugna 21:3-4. Ang Ginoo nagpahayag kay Juan nahanungod sa โbag-o nga langit kag bag-o nga duta.โ
D. Pagpadalom sang Buluhaton/Pagpakig-ambit
Itudlo ang estorya kag ipamangkot ini:
1. Ngaa si Moises nagwali sang mga saad sang Dios nahanungod sang iya presencia sa mga Israelitas matapos nga ginpili si Josue subong magasunod sa iya? (Buot ni Moises nga ipasiguro nga ang mga Israelitas nagasalig sa Dios kag nga ang Dios nagatuman sang Iya mga saad sa mga katawhan.โ)
2. Sa ano nga mga pamaagi nga ang Dios nagabulig sa mga katawhan sa ti-on sang sila mga kalisod? (Sa sini nga Salmo sang pagpasalamat, si David nagsugid kon paano nga ang Dios nagluwas sa iya gikan sa boho. Ipahanumdom sa ila nga kon ang Dios magluwas gikan sa boho, kinahanglanon naton nga ibantala ang kayo sang Dios)
3. Ano nga mga butang ang indi na matabo dira sa โbag-o nga langit kag duta?โ
E. Pagtukib sang kamatuuran sa Kasulatan
(Discovering the Biblical Truth)
Pamangkot: Kasan-o ginhatag sa aton ni Cristo ang Iglesia? (Sang si Cristo nagkayab sa langit amo ang paghatag Niya sa aton sang Iglesia.)
F. Pag-aplikar sang Kamatuuran gikan sa Kasulatan
(Applying the Biblical Truth)
1. Pamangkuta ang mga manugtuon sang pinaka sentro nga bersikulo nga ila ginabasa,
2. Isugid sa mga manugtuon nga panan-awon ang โbag-o nga langit kag bag-o nga duta.โ Ihambal ang mga masunod nga mga pulong kag ang mga manugtuon magahatag sang kabaliskarana agud ilaragway ko nano ang dagway sang langit.
a. kamatayon ______ (kabuhi)
b. paghibi__________ (kalipay)
c. kasakit __________ (kaayohan)
d. pagpatay________ (paghigugma sang kabuhi)
e. pagpangawat ____ (paghatag)
f. pagsimba sa mga gina-idolo_____ (worship of God)
g. kaakig ___________ (gugma)
h. kadalok _________ (pagka-kontento)
l. pagkamaiya-iyahon_______ (pagdumdom sa iban)
3. hambalon ang mga manugtuon nga il aiga demonstrar ang presencia ni Cristo sa ila mga kabuhi kag kon paani nila mapakita ini sa ila mga kabuhi. Ipahanumdom sa ila nga ang Dios yara padayon nga ila kaupot bisa ano pa ang mga circumstancia.
Paghalad
Takop nga Kanta
4. Takop nga Pangamuyo
****
guys/ Liboo council/ CEN/ CROs presidents for your perusal:
Elvia Lomugdang Bartolome
Richlyn Estolloso Mangga
