Tadeo Pongasi Montes

07/03/2022

MARSO 8, 2020 – MARTES
Unang Semana sa Kwaresma

PUDYOT SA EBANGHELYO

Ang pag-ampo sa Amahan Namo nag-awhag kanato sa pagsusi sa tinubdan sa atong pagkatawo. Mga anak kita sa Ginoo tungod kay ang Iyang bugtong anak nga si Jesus naghatag kanato sa katungod nga makaambit sa iyang pagka-anak sa Dios. Kini nagpadayag kanato sa kamatuoran – nga ang atong mga silingan nga militok sa samang pag-ampo - atong mga igsoon, tungod kay sila usab mga anak sa mao rang Amahan nga atoa sa Langit. Sa iyang pagtudlo kanato niini, si Jesus nagpukaw sa atong galamhan sa pagsabot nga kitang tanan adunay kalambigitan sa usa’g-usa, kini ang pinakabililhong kamaturoan nga sa kanunay atong malimtan.

ANG PAGBASA GIKAN SA BASAHON NI PROPETA ISAIAS (Is. 55.10-11)

“Kay ingon nga ang ulan ug ang yelo mangahulog gikan sa langit ug dili na mobalik didto, kondili mopatubig hinoon sa yuta aron manurok ang mga tanom niini, ug kahatagag binhi ang magpupugas ug pagkaon ang mga tawo, ang akong mga pulong usab dili mobalik kanako nga kawang lamang; hinonoa, tumanon niini ang akong tuyo ug molampos gayod kini.
ANG PULONG SA GINOO.
SALAMAT SA DIOS.

SALMO RESPONSORYO
Ps. 34:4-5, 6-7, 16-17, 18-19

T. Ang Dios magluwas sa mga matarong gikan sa tanan nilang mga kagul-anan.

Himayaa ang Ginoo uban kanako, atong ibayaw ang iyang ngalan. Gipangita ko ang Ginoo, ug iya akong gitubag, ug giluwas ako sa tanan kong mga gikahadlokan.

T. Ang Dios magluwas sa mga matarong gikan sa tanan nilang mga kagul-anan.

Tan-awa siya aron mosanag kamo sa kalipay, ug ang inyong mga nawong dili manlipaghong sa kaulaw. Sa pagsangpit sa nag-antos nga tawo, namati ang Ginoo, ug sa iyang kagul-anan giluwas siya.

T. Ang Dios magluwas sa mga matarong gikan sa tanan nilang mga kagul-anan.

Ang Ginoo nagatan-aw sa matarong, ug namati sa ilang mga dangoyngoy. Ang Ginoo miharong sa mga dautan aron dili sila mahinumdoman sa yuta.

T. Ang Dios magluwas sa mga matarong gikan sa tanan nilang mga kagul-anan.

Sa pagsangpit sa matarong, ang Ginoo namati kanila, ug gikan sa ilang mga kagul-anan giluwas sila niya. Ang Ginoo haduol kanila nga naguol; ug kanila nga nag-antos nagluwas siya.

T. Ang Dios magluwas sa mga matarong gikan sa tanan nilang mga kagul-anan.

BERSO SA DILl PA ANG EBANGHELYO (Lk. 15:18)
ALELUYA (Mt. 4:4)
Dili mabuhi ang tawo sa pan lamang, kondili sa matag pulong usab nga isulti sa Dios.

ANG PAGBASA GIKAN SA EBANGHELYO SUMALA NI SAN MATEO (Mt. 6: 7-15)

Si Jesus miingon sa iyang mga tinun-an, “Sa inyong pag-ampo, ayaw daghana ang inyong mga pulong ingon sa gibuhat sa mga pagano nga naghunahuna nga dunggon sila tungod sa taas nilang pag-ampo. Ayaw panig-ingon kanila kay ang inyong Amahan nahibalo nang daan sa inyong gikinahanglan bisan gani sa dili pa kamo mangayo kaniya. Ingna niini pag-ampo:
‘Amahan namo nga naa sa langit: Simbahon unta ang ngalan mo; maghari ka unta kanamo, ug tumanon ang imong pagbuot dinhi sa yuta ingon nga gituman kini didto sa langit. Ihatag kanamo ang kalan-on nga among gikinahanglan karong adlawa; ug pasayloa kami sa among mga sala, ingon nga gipasaylo namo ang nakasala kanamo. Ayaw kami itugyan sa malisod nga pagsulay; luwasa hinoon kami sa dautan. [Kay imo ang gingharian, ang gahom ug himaya hangtod sa kahangturan.]’”
“Kay kon pasayluon ninyo ang nakasala kaninyo, pasayluon usab kamo sa inyong Amahan nga atua sa langit. Apan kondili ninyo sila pasayluon, dili usab kamo pasayluon sa inyong Amahan nga atua sa langit.”
ANG EBANGHELYO SA GINOO.
DAYGON IKAW, O CRISTO.

KATILINGBANONG PAG-AMPO

P: Gisultihan kita ni Cristo nga makatawag kita sa Dios atong Amahan. Busa uban sa hugot nga paglaom atong dad-on ang atong mga pangamuyo sa iyang atubangan: PATALINGHUGI ANG AMONG PAG-AMPO, GINOO.

1.Nga ang Simbahan sa tibuok kalibutan kanunay’ng magpadayag sa lawom nga pagsalig diha sap ag-abot sa gingharian sa gugma, hustisya ug kalinaw sa Amahan. Mag-ampo kita.

2.Nga taliwala sa kalisdanan sa kinabuhi dili kita muhonong sap ag-ampoug dili mopasig-uyon sa mga tentasyon. Mag-ampo kita.

3.Nga ang mga masakiton ug ang mga nag-alima kanila makahimamat sa Ginoo sa ilang pagsakripisyo matag adlaw. Mag-ampo kita.

4.Nga ang mga nangamatay makaatubang sa Ginoo didto sa puloy-anang dayun. Mag-ampo kita.

P: Langitnong Amahan, Tabangi kami nga makanunayong mosalig sa imong mga mahigmaong pamaagi ug sa pagdawat sa imong kabubut-on diha sa among kinabuhi. Kini among gipangayo pinaagi ni Cristo among Ginoo. Amen.

Source:
Cebuano Daily Mass Readings

14/02/2022

PEBRERO 15, 2022 – MARTES
Ikaunom nga Semana Sulod sa Tuig
(Green)

PUDYOT SA EBANGHELYO

Dugay rang gipadayag ni Jesus ang iyang kaugalingon nga Kalan-on sa Kinabuhi. Giunsa ba nato pagsabot ang kahulugan sa pagpikas-pikas sa pan? Sa higayon nga gituman nato ug gipuy-an ang Pulong sa Ginoo, padayon natong masabtan kining pan. Sa matag higayon usab nga miambit kita sa pagpikas-pikas sa pan diha sa kasaulogan sa Eukaristiya gidapit kita aron tugotan ang atong kaugalingon nga pikason ug ipaambit tungod ug alang sa uban.

ANG PAGBASA GIKAN SA SULAT NI SANTIAGO (Jas. 1:12-18)

Bulahan ang tawo nga mobarog taliwala sa mga pagsulay; kay sa iyang pagdaog sa mga pagsulay makadawat siya sa kinabuhi, ang ganti nga gisaad sa Dios alang niadtong mga nahigugma kaniya. Kon ang usa ka tawo tintalon, dili siya angay moingon, “Kining tentasyon gikan sa Dios.” Kay ang Dios dili man matintal sa pagbuhat ug dautan, ug dili usab siya motintal kang bisan kinsa. Apan moabot ang tentasyon kon ang tawo ganoyon o hayloon sa dautan niyang tinguha. Unya ang iyang dautang tinguha manamkon ug manganak ug sala, ug inigkahingkod na sa sala, manganak kini ug kamatayon.
Minahal kong mga igsuon, ayaw kamo palimbong! Ang tanang maayo ug hingpit nga gasa naggikan sa Iangit; gikan kini sa Dios nga maoy nagbuhat sa mga kahayag diha sa langit. Dili gayod siya mausab ni magpakitag landong sa pagkausab. Sa iyang pagbuot iya kitang gihimong mga anak pinaagi sa pulong sa kamatuoran aron sa tanan niyang binuhat mahisama kita sa unang mga bunga.
ANG PULONG SA GINOO.
SALAMAT SA DIOS

SALMO RESPONSORYO
Ps. 94:12-13, 14-15, 18-19

T. Bulahan ang tawo nga imong tudloan, O Ginoo.

Bulahan ang tawo nga imong gitun-an, O Ginoo, nga pinaagi sa imong balaod imong gitudloan, Gihatagan mo siya og pahulay sa dautang mga adiaw.

T. Bulahan ang tawo nga imong tudloan, O Ginoo.

Kay ang Ginoo dili mosalikway sa iyang lungsod ni mobiya sa iyang kabilin; Apan ang hukom molungtad pag-usab uban sa katarong, ug ang tanang matarong og kasingkasing magsunod kaniya.

T. Bulahan ang tawo nga imong tudloan, O Ginoo.

Sa pag-ingon nako, “Nadalin-as ang akong tiil,” ang imong kaluoy, O Ginoo, nagasagang kanako; Diha nga nagadaghan ang kabalaka dinhi kanako, ang imong kahupayan nagalipay sa akong kalag.

T. Bulahan ang tawo nga imong tudloan, O Ginoo.

ALELUYA (Jn. 14:23)
T. Aleluya.
Ang nahigugma kanako magtuman sa akong gisugo. Mahigugma kaniya ang akong Amahan, ug ang akong Amahan ug ako moanha ug magpuyo diha kaniya.
T. Aleluya.

ANG PAGBASA GIKAN SA EBANGHELYO SUMALA NI SAN MARCOS (Mk. 8:14-21)

Ang mga tinun-an nakalimot sa pagdalag pan; apan didtoy usa ka buok pan sa sakayan. Unya miingon si Jesus kanila, “Pagbantay kamo sa igpapatubo sa pan sa mga Pariseo ug ni Herodes.” Ug nag-ingnanay sila. “Gisulti niya kini kay wala man kitay pan.” Nahibalo si Jesus kon unsay ilang gipanagsultihan, busa gipangutana niya sila, “Nganong naghisgot man kamo mahitungod sa inyong wala pagpakadalag pan? WaIa ba gihapon kamo makasabut? Bugo naba gayod kamo kaayo? May mga mata man unta kamo – dili ba kamo makakita?
May mga dalunggan man unta kamo – dili ba kamo makadungog? Wala ba kamo mahinumdom sa akong pagpikaspikas sa lima ka pan alang sa lima ka libo ka mga tawo? Pila ka bukag ang napuno sa mga salin nga inyong nahipos?” “Napulog-duha,” mitubag sila. “Ug sa akong pagpikaspikas sa pito ka pan alang sa upat ka libo ka mga tawo, pila ka bukag ang napuno sa mga salin nga inyong nahipos?” “Pito,” mitubag sila. “Ug wala pa ba gihapon kamo makasabut?” miingon siya kanila.
ANG EBANGHELYO SA GINOO
DAYGON IKAW, O CRISTO.

KATILINGBANONG PAG-AMPO

P: Nagkatigum isip katawhan sa Dios, atong ihatud ang atong mga panginahanglan atubangan sa Amahan, masaligon nga iyang ihatag ang atong gipangayo : MAHIGUGMAONG AMAHAN, TULTULI KAMI SA IMONG MGA PAMAAGI.

1. Nga ang atong mga kaparian mohalad sa ilang kinatibuk-ang kinabuhi sa pagsangyaw sa Ebanghelyo pinaagi sa ilang pagsaksi sa kinabuhi. Mag-ampo kita sa Ginoo.

2. Nga ang mga ginikanan ug magtutudlo mahimong mga buhing panig-ingnan sa pagtoo niadtong anaa ubos sa ilang pag-amuma. Mag-ampo kita sa Ginoo.

3. Nga atong ihatag ang pinakamaayo kon unsa ang matarong ug unta ang pulong sa Ginoo mahimong buhing gahum nga magadasig sa atong mga lihok. Mag-ampo kita sa Ginoo.

4. Nga mobati kita’g kalooy ngadto sa mga tigulang, mga nagmamingawon, ug mga masakiton. Mag-ampo kita sa Ginoo.

5. Nga ang mga nangamatay makakaplag sa pahulay ug bag-ong kinabuhi sa Gingharian sa Dios. Mag-ampo kita sa Ginoo.

P: Langitnong Amahan, palawumi ang among pagtoo aron kami molambo diha sa imong gugma ug maunungon nga moalagad kanimo uban sa manggihatagon ug matinuuron nga kasingkasing. Kini among gipangayo pinaagi ni Cristo among Ginoo. Amen.

Source:
Cebuano Daily Mass Readings

12/01/2022

ENERO 13, 2022- HUWEBES
Unang Semana sa Ordinaryong Panahon
San Hilarion, Obispo ug Doktor sa Simbahan
(Green)

PUDYOT SA EBANGHELYO

TINIUOD BA NGA ANG SAKIT USA KA SILOT GIKAN SA DIOS?

Sa panahon ni Hesus ang mga sanlahon giisip nga hugaw kaayo ug dakong makasasala. Ang ilang kahimtang gitan-aw nga silot gikan sa Dios. Gidid-an sila nga moduol sa mga tawo aron dili makatakod ug dili makahimong hugaw sa uban. Apan si Kristo wala mosunod ning maong mentalidad. Gani, gitugotan niya ang usa ka sanlahon nga moduol kaniya. Iya kining gihilam ug giayo sa iyang sakit – usa ka pagpakita nga ang sanlahon wala isalikway sa Dios. Nindot kini nga balita alang sa mga masakiton. Dili nila angay’ng isipon nga sila gipanghimaraot sa Ginoo. Kon duna man silay sala, mangayo sila’g pasaylo. Apan, hunahunaon nila nga sila duol sa kasingkasing sa Dios ug gusto niya nga sila mapasaylo ug mamaayo. (Bp. Abet Uy of Tagbilaran)

AMG PAGBASA GIKAN SA UNANG BASAHON NI SAMUEL (1 Sm. 4:1-11)

Niadtong higayona nakiggubat ang Israel sa mga Filistihanon. Nagkampo sila didto sa Ebeneser, ug ang mga Filistihanon didto nagkampo sa Apek. Naglaray ang mga Filistihanon atbang sa mga IsraeIita ug sa ilang panagsangka nabuntog ang Israel sa mga Filistihanon, ug upat ka libo ka Israelita ang nangamatay. Sa pagpauli sa mga tropa didto sa ilang kampo, ang mga pangulo sa Israel miingon, “Nganong gipabuntog man kita sa GINOO niining adlawa? Dad-on ta nganhi gikan sa Silo ang Sudlanan sa Kasabutan sa GINOO aron ubanan kita niya ug luwason gikan sa atong mga kaaway.” Busa nagsugo silag mga tawo pag-adto sa Silo aron pagkuha sa Sudlanan sa Kasabutan sa GINOO, nga maoy naghulagway sa mahimayaong trono sa GINOO nga Labing Gamhanan. Ang duha ka anak ni Eli, si Opni ug si Pinehas, mikuyog sa Sudlanan sa Kasabutan. Sa pag-abot sa Sudlanan sa Kasabutan didto sa kampo, naninggit ang tanang mga Israelita ug milanog ang ilang tingog. Sa pagkadungog sa mga Filistihanon sa singgit, miingon sila, “Unsa may buot ipasabot sa mga Hebreo nga naninggit man sila?” ug sa pagkasayod nila nga ang Sudlanan sa Kasabutan sa GINOO diha na sa kampo, nangahadlok ang mga Filistihanon ug miingon, “Ang mga dios miabot sa kampo.” Ug sila miingon, “Alaot kita kay walay nahitabo nga sama niini sukad masukad! Pagkaalaot nato! Kinsa may makaluwas kanato gikan niining gamhanang mga dios? Mao kini ang mga dios nga nagsakit sa mga Ehiptohanon pinaagi sa tanang matang sa katalagman didto sa kamingawan. Dili kita manga-hadlok ug magpakalaki kita aron dili kita maulipon sa mga Hebreo ingon nga kaniadto sila naulipon nato. Mosukol kita kanila. Busa nakig-away ang mga Filistihanon ug nabuntog nila ang mga Israelita, ug nanglayas ang mga Israelita, ug namauli na sa ila. Daghan kaayo ang nangamatay kay miabot ug katloan ka libo ka sundalo ang nakalas. Nailog ang Sudlanan sa Kasabutan sa Dios ug namatay ang duha ka anak ni Eli, si Opni ug si Pinehas.

ANG PULONG SA GINOO.
SALAMAT SA DIOS.

SALMO RESPONSORYO
Ps. 44:10-11, 14-15, 24-25

T. Luwasa kami, Ginoo, sa imong kaluoy.

Imo kami karong gisalikway ug gibutang sa kaulawan, ug wala na ikaw mouban sa among mga kasundalohan. Mitugot ka nga pasibogon kami sa among mga kaaway; silang nagdumot kanamo miamong-among kanamo sa ila lang gusto.

T. Luwasa kami, Ginoo, sa imong kaluoy.

Gihimo mo kami nga kabasulanan sa among mga silingan, Gibugalbugalan ug giyam-iran kanilang naglibot kanamo. Gihimo mo kaming sanglitanan diha sa kanasuran, usa ka kataw-anan taliwala sa katawhan.
T. Luwasa kami, Ginoo, sa imong kaluoy.

Nganong gitago mo ang imongnawong, gikalimtan mo ang among kagul-anan ug among kadinaugdaog. Kay nangapukan kami ngadto sa abo, ang among mga lawas giyatakan ngadto sa yuta.

T. Luwasa kami, Ginoo, sa imong kaluoy.

ALELUYA (Mt. 4:23)
T. Aleluya
Si Jesus misuroy sa tibuok Galilea ug nagtudlo sulod sa ilang mga sinagoga, ug nagwali sa Maayong Balita bahin sa paghari sa Dios, ug nag-ayo sa mga masakiton..
T. Aleluya.

ANG PAGBASA GIKAN SA EBANGHELYO SUMALA NI SAN MARCOS (Mk. 1:40-45)

May usa ka sanlahon nga miduol kang Jesus, miluhod, ug mihangyo sa iyang panabang. Siya miingon, “Kon buot ka, makaayo ka kanako.” Naluoy si Jesus kaniya, ug gihikap niya ang sanlahon ug miingon, “Buot ko. Mamaayo ka!” Dihadiha naayo ang sanlahon. Unya gipalakaw siya ni Jesus ug gipahimangnoan pag-ayo, “Ayaw kini isugilon kang bisan kinsa, apan adtoa dayon ang pari ug pagpahiling kaniya. Unya paghalad sumala sa gisugo ni Moises aron pagmatuod sa tanan nga naayo ka na.” Apan milakaw ang tawo ug nanugilon hinoon sa tanang katawhan mahitungod sa nahitabo. Hilabihan gayod niyang panugilon ug tungod niini, si Jesus dili na makapasayasaya pagsulod sa lungsod. Nagpabilin na lamang siya sa mga dapit nga awaaw ug nangadto kaniya ang mga tawo nga gikan sa nagkalainlaing dapit.

ANG EBANGHELYO SA GINOO.
DAYGON IKAW, O CRISTO.

KATILINGBANONG PAG-AMPO

P: Mag-ampo kita sa Makagagahum nga Amahan ang tinubdan sa tanang kaayuhan. Sa matag pangaliyupo moingon kita: GINOO, HUPAYA KAMI.

a.) Sa tanang tinugyanan sa Imong Simbahan ilabina ang Santo Papa, mga Obispo ug kaparian nga sa kanunay nangandoy sa kabag-ohan ug kahiusahan sa tanan. Kami nagaampo.

b.) Sa tanan nga imong gihatagan ug tahas sa pagdumala sa Imong katawhan ilabina sa among nasudnong panggamhanan nga makabaton og igong katakus sa paghupot og makiangayon nga gahum alang sa kaayuhan sa nasud. Kami nagaampo.

c.) Sa tanan nga masakiton sa lawas, hunahuna ug kasingkasing nga nangandoy kanunay sa makahupay nga paghikap sa atong Ginoo magmalig-on ug magmatuohon unta sila nga ila kining masinati. Kami nagaampo.

d.) Sa mga katilingban nga misalikway sa ilang mga igsoon nga nagmasakiton makamatngon unta sila nga si Cristo walay gipalabi, ang tanan Iyang giamoma ug gimahal. Kami nagaampo.

e.) Sa tanan nga ania karon dinhi mahupay unta kita sa tanan natong gibati nga makapalayo kanato sa usag-usa ilabi na sa atong mga garbo ug kasina. Kami nagaampo.

P: Langitnon nga Amahan, diha ni Cristo, among nasinati kun unsa Ikaw kaduol sa matag usa kanamo. Itugot nga among maangkon ang kahupayan diha sa Imong kalinaw ug gugma pinaagi ni JesuCristo among Ginoo. Amen.

Source:
Cebuano Daily Mass Readings

12/01/2022

HUWEBES, ENERO 13, 2022
Unang Linggo sa Karaniwang Panahon

UNANG PAGBASA
1 Samuel 4, 1-11

Pagbasa mula sa unang aklat ni Samuel
Dumating ang araw na nagdigmaan ang mga Israelita at ang mga Filisteo. Sa Ebenezer nagkampo ang mga Israelita at sa Afec naman ang mga Filisteo. Sa kanilang paglalaban, natalo ang Israel at may apat-na-libo ang napatay sa kanila. Nang makaurong na sila sa kanilang kampo, nagtanungan ang matatanda ng Israel, “Bakit kaya pinabayaan ng Panginoon na matalo tayo ng mga Filesteo? Ang mabuti’y kunin natin sa Silo ang Kaban ng Tipan. Baka kung nasa atin iyon ay iligtas tayo ng Panginoon sa ating mga kaaway.” At kinuha nga nila sa Silo ang Kaban ng Tipan at sumama naman ang dalawang anak ni Eli, sina Ofni at Finees.
Ang mga Israelita’y napasigaw sa tuwa nang idating sa kanilang kampo ang Kaban ng Tipan; umalingawngaw sa palibot ang kanilang sigawan. Nang marinig ito ng mga Filisteo, itinanong nila, “Bakit kaya nagkakaingay ang mga Hebreo?”
Nang malaman nilang nasa kampo ng mga Israelita ang Kaban ng Tipan, nasindak sila. Inisip nilang may dumating na diyos sa kampo ng mga Israelita. Kaya nasabi nila, “Ano ngayon ang mangyayari sa atin? Ngayon pa lamang tayo makararanas ng matinding kasawian! Ano ngayon ang mangyayari sa atin? Sino ngayon ang makapagliligtas sa atin sa mga diyos nilang makapangyarihan? Ito ang mga diyos na nagpahirap sa mga Egipcio sa pamamagitan ng iba’t ibang salot. Mga kababayan, lakasan natin ang ating loob. Magpakalalaki tayo upang hindi tayo malupig at maalipin ng mga Hebreo, tulad ng pang-aalipin natin sa kanila. Lumaban tayo.”
Muling naglaban ang mga Filisteo at ang Israelita at nalupig na naman ang mga taga-Israel. Ang napatay sa kanila ay tatlumpunlibo at nagkanya-kanyang takas papauwi ang mga natira. Ang Kaban ng Diyos ay kinuha ng mga Filisteo at pinatay sina Ofni at Finees.
Ang Salita ng Diyos.

SALMONG TUGUNAN
Salmo 43, 10-11. 14-15. 24-25

Tugon: P**n, kami’y ‘yong iligtas, pag-ibig mo’y di kukupas.

Ngayo’y iyong itinakwil, kaya kami ay nalupig,
hukbo nami’y binayaa’t hindi mo na tinangkilik;
binayaan mo nga kami kaya kami ay tumakas;
lahat naming naiwanan ay sinamsam nilang lahat.

Tugon: P**n, kami’y ‘yong iligtas, pag-ibig mo’y di kukupas.

Sa sinapit naming ito, mga Hentil ay nagtawa,
inuuyam kaming lagi, kami’y iniinis nila.
Pati bansang walang Diyos, sa gitna ng sanlibutan,
sa nangyari’y umiiling bilang tanda ng pag-uyam.
Tugon: P**n, kami’y ‘yong iligtas, pag-ibig mo’y di kukupas.
Kami’y huwag mong pagkublihan,
huwag magtago sa amin,
Ang pangamba nami’t hirap ay huwag mong lilimutin.

Tugon: P**n, kami’y ‘yong iligtas, pag-ibig mo’y di kukupas.

ALELUYA
Mateo 4, 23
Aleluya! Aleluya!
Ipinangaral ni Hesus ang paghahari ng Diyos. Sakit ay kanyang ginamot.
Aleluya! Aleluya!

MABUTING BALITA
Marcos 1, 40-45

Ang Mabuting Balita ng Panginoon ayon kay San Marcos
Noong panahong iyon, may isang ketonging lumapit kay Hesus, nanikluhod at nagmakaawa: “Kung ibig po ninyo’y mapagagaling ninyo ako.” Nahabag si Hesus at hinipo siya, sabay ang wika, “Ibig ko. Gumaling ka!” Noon di’y nawala ang ketong at gumaling ang tao. Pinaalis siya agad ni Hesus matapos ang ganitong mahigpit na bilin: “Huwag mong sasabihin ito kaninuman. Sa halip ay pasuri ka sa saserdote. Pagkatapos, maghandog ka ayon sa iniutos ni Moises, upang patunayan sa mga tao na ikaw ay magaling na.” Ngunit umalis siya at bagkus ipinamalita ang nangyari, anupat hindi na hayagang makapasok ng bayan si Hesus. Naroon na lamang siya sa labas, sa mga ilang na pook, at doon pinagsasadya ng mga tao buhat sa iba’t ibang dako.
Ang Mabuting Balita ng Panginoon.

Source:
Daily Mass Reading – Tagalog

07/09/2021

September 8, 2021- Feast of the Nativity of the Blessed Virgin Mary

15/03/2020

Congratulation Winner;
Jepara and Semarang Team 1 🤝🏼🤝🏼🇵🇭🇵🇭🇵🇭

Thank you Team;
Team Batang and Semarang 2 sa suppprta🤝🏼🤝🏼🇵🇭🇵🇭🇵🇭

15/02/2020

Valentine's 2020 Special Saturday Night👍🏼👍🏼❤❤

09/12/2019

26/03/2019

My baby now a Lady❤❤❤❤

24/03/2019

Juara Senyum 2019