10/07/2017
Praise the Lord!
Blessed!
"There is a real hero and HEROse from the dead"
Girls, naay Ginoo nga nagpakamatay para maluwas kamo. Naay Ginoo nga giangkon ang kasal-anan makabaton lamang mo ug kinabuhing walay katapusan. Siya lang ang makapatagbaw ninyo, Siya lang ang Ginoo nga kaya mo protektahan. Siya lang ang Ginoo nga gisakripisyo ang kinabuhi Niya para kaninyo. Siya og Siya lang jud.
Busa ayaw padani sa mga pulong sa tao nga buhaton ko kini para kanimo, ako lang ang makapatagbaw kanimo, akong ihatag ang kasingkasing nako para kanimo, mamatay ko kung wala ka kanako. "Daghans" na kaayo ug ing-ana nga tao karong panahona, daghans na kayo ug mu-attempt nga isulti na sa inyuha. Pero pakatiman-i kini, naa pay pulong nga mas nindot paminawon ug makita kana sa pulong sa Ginoo.
Mas nindot paminawon tong, ako ning buhaton para sa Ginoo, unsaon nalang ko kung wala ang Ginoo, tinguhaa tong lalake nga mas gihigugma pag-ayo ang Ginoo kaysa sa imo. Ayaw na nang mag pahero-hero lang. Pero timan-an nato nga maskin Kristohanon pa na nga lalake pero kung dili gihapon kabubot-on sa Ginoo, wala gihapon na.
Palandungi ang kinabuhi ni Jonah, ang giingon sa Ginoo kay adto sa Nineveh para musangyaw. Pero ang gibuhat ni Jonah niadto siya ug Tarshish, pero ang goal niya kay musangyaw gihapon. Will ni Lord ang musangyaw siya pero ang pangutana, didto ba siya gipaadto sa Ginoo? Mao na kung muingon ta nga siya na jud, Kristohanon siya, nangalagad siya sa Ginoo, naga ministry siya, pero kung ang Ginoo muingon nga dili siya, dili jud siya. Mas maayong mutuman para wala nay lain nga tao ang mapagan.
"Si Hesus ang tinuod nga Hero"
