04/10/2026
Sa nag-post ug dautan batok kanamu, ug sa tanan nga nagbilin og mga pulong nga pagjudge kanamu
Kung ang inyong pagbiay-biay, paghukom, o pagpakaulaw kanamo nakatabang sa inyong kalipay o sa inyong gitinguha nga kaluwasan Hinaot nakapuno kini sa inyong adlaw. Kami dili magdumot; hinuon, kini nahimong sukod aron kami mas molig-on, mas maningkamot, ug mas mapadayon sa among misyon.
Apan labaw sa tanan dako kaayo ang among pasalamat sa inyong mga Sugbuanon nga may kasingkasing sa pagtabang. Sa inyong walay pagpili sa tinuohan, sa inyong bukas nga pultahan kamo ang naghatag kanamo og kusog.
Mapasalamaton kami sa mga opisina sa gobyerno, sa mga alagad sa katawhan, nga nagpakita og pagkamatarung ug respeto sa nagkalain-laing tinuohan. Gipakita ninyo nga bisan lahi-lahi ta sa paagi sa pagsimba, usa ra ang Dios nga atong gialagaran.
Ilabi na kang Rev. Fr. Siano sa Compostela Parish dako kaayo ang among pasalamat. Sa Gipakita niya kung unsa ang tinuod nga pagpari: nga ang pagkalain-lain sa tinuohan dili angay mahimong babag sa pagtinabangay. Ang inyong kalooy nagpamatuod nga ang gugma sa Dios labaw sa tanan.
Sa pagpauli namo sa Davao, dala namo ang kalipay ug ang kaayo nga inyong gipakita. Hinaot nga sa kadugayan, masabtan sa tanan: ang atong pagkalain-lain dili babag kini rason aron mas magtinabangay ta. Kay bisan unsa pa ang atong simbahan, usa ra ang Dios nga atong gisimba, ug Siya ang nagtudlo kanato sa paghigugma sa usag-usa.
Daghang salamat, Sugboanon! Magpabilin ta sa pagrespeto, sa pagtinabangay, ug sa pagtuo sa usa ka Dios.
Panalanginan ta kitang tanan sa Dios! 🙏✨
