10/03/2026
MARTES, Marso 10, 2026
SUPER BOARD
SUPERBALITA
Kapin 4K deboto mitambong sa 50th anniversary sa Charismatic Renewal sa Sugbo
Kapin sa upat ka libo ka mga Katolikong magtu-
tuo gikan sa nagkadaiyang parokya sa Sugbo nitam-bong sa selebrasyon sa
50th Anniversary sa Catholic Charismatic
Renewal (CCR) sa Archdiocese of Cebu nga gipahigayon ni adtong Dominggo,
Marso 8, 2026, sa IEC Pavilion sa Dakbayan sa Sugbo.
Ang maong bulawanong anibersaryo giorganisar sa Archdiocese of Cebu Council of Charismatic Renewal Services (ACCCRS) ubos sa tema nga "50 Years Renewed, Now Sent for a Mission."
Sumala sa mga tigpasiugda, ang selebrasyon usa ka pag-pasalamat sa lima ka dekada sa espirituhanong pagbag-o, ebanghelisasyon, ug pag-alagad sa Simbahang Katolika ug sa katilingban.
Gisugdan ang kalihukan sa kapin sa usa ka oras nga praise and worship diin nagkahiusa ang mga par-
tisipante sa pagdayeg ug pag-ampo.
Gisundan kini sa welcome remarks ni Bro.
Jummy Dagoya, coordinator sa ACCCRS nga niabiabi sa li-boan ka miyembro sa Charismatic Renewal gikan sa nag-kalainlaing organisasyon ug parokya sa Sugbo. Usa sa mga highlight sa pro-
grama mao ang inspirational message ni Sis. Fe Barino, Charis Philippines National Coordinator ug presidente sa Cebu Archdiocese Commission on Laity. Sa iyang mensa-he, gipasiugda niya ang dakong papel sa Charismatic Renewal sa kinabuhi sa daghang magtu-tuo sulod sa milabay nga 50 ka tuig.
"The Catholic Charismatic Renewal hasa very big impact in the lives of people. There are many life changes, healings, transfor-mations," matod ni Barino.
Dugang pa niya nga ang
Sugbo nahimong usa sa mga sentro sa Charismatic Renewal sa nasod ug sa ubang lugar sa kalibotan.
"From Cebu, it spread to Visayas,
Mindanao, and
abroad. So Cebu is like the seedbed of the Charismatic Re-newal," dugang pa niya.
Gipakita sab sa programa ang kasaysayan sa Charismatic Renewal pinaagi sa paghisgot ni
Bro. Ale Aguspina nga nagpasab-ot nga ang kalihukan nagsugod sa kalibotan niadtong Pebrero 16, 1967, ug nisidlak sa daghang lugar lakip na ang Sugbo.
Nihatag sab og personal nga testimonya ang youth sharer nga si Sis. Myles Ca-marillo, usa ka aktibong
miyembro sa lainlaing charismatic organizations nga nagpasiugda sa papel sa ka-batan-onan sa padayon nga misyon sa kalihukan.
Nipaambit sab maong se-lebrasyon si Msgr. Roger Fuentes, Vicar General sa Archdiocese of Cebu, sa men-sahe mahitungod sa misyon sa mga miyembro sa Charismatic Renewal human sa 50 ka tuig nga pag-alagad.
Gitapos ang kalihukan pi-naagi sa selebrasyon sa Ba-laang Misa isip pagpasalamat sa Ginuo alang sa lima ka dekada nga panalangin ug espirituhanong pagbag-o sa Charismatic Renewal sa Sugbo.
BEBIE JANE F. CASIPONG-BAYA
Editor
[email protected]
