19/12/2025
IKALIMANG ADLAW SA NOVENA
Birhen nga Santos uyamut, gikoronahan sa mga masilaw nga bitoon, mapuanguron nga Inahan sa mga bulahan nga Apostoles, baso nga pinili ug labing milabaw kanila, nagatahud ako kanimo, ug nagadayeg kay pinili ka aron mag Inahan sa Diosnon nga Berbo, nga nagpakatawo sa imong puthi ug ulay uyamut nga tiyan, gipauswag ka sa labing hataas nga pagkahalangdon sa pagpamulong mo, O talahuron nga Rayna! nga ikaw ulipon; tungud niining hataas uyamot nga misteryo; nangamuyo ako kanimo Señora nga itugot mo kanako, ang bahin sa pagpaubus nga nakahimo kanimo nga takus nga Inahan sa Dios ug tungud niana, mahimo unta akong takus nga imong anak, tungud sa grasya nga gipangayo ko kanimo kon mahimo man aron sa pagtahud sa Dios, ug makaayo sa akong kalag. Amen.
Dinhi pangadyeon karon ang siyam ka Amahan namo, Maghimaya ka Maria ug Gloria Patri
ORACION
Itugot Mo kanamo nga imong mga alagad, nga naga-ampo Kanimo Dios nga among Ginoo, nga makapahimulos unta kami sa dayon nga kaayohan sa kalag ug lawas, ug nga tungud sa mahimayaon nga panabang sa bulahan nga Birhen gikapon Santa Maria maluwas unta kami niini karon nga kalisud aron himuslan, namo ang walay katapusan nga himaya. Tungud kang Jesucristo nga among Gino nga ipon kanimo ug sa Espiritu Santo naghari sa tanang mga katuigan. Amen.
Birhen de los Remedios, iampo mo kami.
