10/03/2026
Nahaunang Adlaw Pag-ampo kay Segunda Patron, Snr. San Jose.
Santos uyamut nga Amahan ug Patriarca Sr. San Jose tungud sa kasakit nga gibati sa kasingkasing mo sa pagtawan-aw nga nanamkoon si Maria Sanntisima nga mahal nga esposa mo, kay bisan sa kalig-on kanimo ang dayag nga pagpakaila sa mahal nga virtudes niya ug sa hingpit niya nga pagkaulay, bisan pa ngani nakasakit kanimo ang kasayuran nga gikan sa mga mata mo, ug tungud niana imong katarungan gituyo mo dili kay isumbong no siya, kon dili mipahawa ka ug mibulag kaniya ug kini kasakit kayo sa kasingkasing mo; tungud sa kalipay nga gibati sa kalag mo sa pag-ingon kanimo sa Anghel nga dili ka mahadlok, kay ang putli ug ulay uyamot nga esposa mo nga si Maria Santisima nanamkon sa Anak sa Dios, sa lalang ug grasya sa Espiritu Santo; nangamuyo kami kanimo nga ig-ampo mo kami, ug idangat kami sa tong Ginoong Dios, nga gawason mo kami sa ngatanan nga kalisud namo, aron makadawat kami dinhi niining kinabuhi sa kahusay ug kadait sulod sa among mga kalag; ug nangamuyo usab kami kanimo nga idangat mo kami sa gipangayo namo niining novena, kon daw angay sa himaya sa Dios ug sa dungog mo Amen. Jesus, Maria y Jose. Karon ang tagsatagsa magdasig sa iyang pagsalig ingon sa iyang maabut sa mga pulong nga mga pagpalandong nga labing angay sa iyang devocion, ug mangayo sa mahimayaon nga Patriarca Senor San Jose sa grasya o kalooy nga gituyo niya.
