Saint Peter Parish Cavite City

28/09/2026

𝐃𝐀𝐋𝐀𝐖 𝐁𝐈𝐑𝐇𝐄𝐍 𝟐𝟎𝟐𝟔
Parokya ng San Pedro Apostol | Lungsod ng Cavite

Ilan sa mga kuhang larawan sa pagsisimula ng ikalawang bahagi ng Dalaw Birhen 2026 ng ating parokya.

Sinimulan ang ikalawang bahagi noong Linggo, Setyembre 27, matapos ang huling Banal na Misa sa hapon, nang ihatid ang banal na imahe ng Mahal na Birhen sa Barangay 32. Sinundan ito ng Panalangin sa Pagtanggap na pinamunuan ng kanilang Punong Barangay.

Lunes, Setyembre 28, nagpatuloy ang Dalaw Birhen sa pamamagitan ng pagbabahay ng banal na imahe sa mga tahanan ng mga nasasakupan ng Barangay 32, kung saan sama-samang dinasal ang Santo Rosaryo. Dinalaw rin ng banal na imahe ng Mahal na Birhen ang Bautista Hospital, upang dalhin ang Kanyang presensya, panalangin at pag-asa sa mga naroroon.

Sinundan ang pagdalaw ng pagdarasal ng Nobena at Panalangin ng Pamamaalam na ginanap sa Barangay Hall. Matapos ang Nobena, inihatid ang banal na imahe ng Mahal na Birhen patungo sa Barangay 34, kung saan ito ay tinanggap ng pamayanan sa pamamagitan ng Panalangin sa Pagtanggap na pinamunuan ng kanilang Punong Barangay.

Nawa’y patuloy na maging daan ang Dalaw Birhen upang mapalalim ang ating pananampalataya, mapagtibay ang pagkakaisa ng bawat pamayanan, at mailapit ang bawat tahanan sa ating Panginoong Hesukristo, sa ilalim ng mapagkalingang paggabay ng Mahal na Ina.

Mahal na Birhen ng Soledad, ipanalangin mo kami.

¡Viva la Virgen!
¡Viva la Reina de Cavite!
¡Viva la Luz de Filipinas!

24/09/2026

𝐃𝐀𝐋𝐀𝐖 𝐁𝐈𝐑𝐇𝐄𝐍 𝟐𝟎𝟐𝟔
Parokya ng San Pedro Apostol | Lungsod ng Cavite

23 Setyembre 2026

Ilan sa mga kuhang larawan sa pagdalaw ng Mahal na Birhen ng Soledad sa mga tahanan ng Bukluran ng M. Castro, kung saan sama-samang dinasal ang Santo Rosaryo, na sinundan ng Nobena at Banal na Misa bilang parangal sa Mahal na Birhen.

Matapos ang Banal na Misa, isinagawa ang isang maikling prusisyon pabalik sa parokya, bilang pagtatapos ng unang bahagi ng Dalaw Birhen 2026

Taos-puso po ang aming pasasalamat sa Cluster 1, na binubuo ng Barangay 33, Barangay 38M, at Barangay 38A, sa kanilang mainit na pagtanggap, pakikiisa, at pananalangin sa Dalaw Birhen 2026.

Ang ikalawang bahagi ng Dalaw Birhen 2026 ay magsisimula sa Linggo, Setyembre 27. Sa ganap na ika-6:00 ng gabi, ihahatid ang banal na imahen ng Mahal na Birhen sa Barangay 32, na susundan ng Panalangin ng Pagtanggap bilang pagsalubong sa kanyang pagdalaw sa pamayanan.

¡Viva la Virgen!
¡Viva la Reina de Cavite!
¡Viva la Luz de Filipinas!

21/09/2026

𝐃𝐀𝐋𝐀𝐖 𝐒𝐎𝐋𝐄𝐃𝐀𝐃 𝟐𝟎𝟐𝟔
Parokya ng San Pedro Apostol | Lungsod ng Cavite

Opisyal nang nagsimula ang Dalaw Soledad 2026 sa mga nasasakupan ng Parokya ng San Pedro Apostol.

Narito ang ilan sa mga kuhang larawan sa unang araw ng pagdalaw ng Mahal na Birhen ng Soledad sa Bukluran ng Capt. Novales, Brgy. 33. Sa pagdalaw ng Mahal na Ina sa mga tahanan, sama-samang dinasal ng mga pamilya ang Santo Rosaryo, na sinundan ng pagdarasal ng Nobena sa Mahal na Birhen, bilang pagpapahayag ng kanilang pananampalataya at debosyon.

Matapos ang unang araw ng pagdalaw sa Brgy. 33, ang banal na imahen ng Mahal na Birhen ay inihatid patungo sa Brgy. 38M, kung saan bukas naman ipagpapatuloy ang kanyang pagdalaw sa mga tahanan at pamilya ng pamayanan.

Mahal na Birhen ng Soledad, ipanalangin mo kami.

¡Viva la Virgen!
¡Viva la Reina de Cavite!
¡Viva la Luz de Filipinas!

21/09/2026

𝐃𝐀𝐋𝐀𝐖 𝐒𝐎𝐋𝐄𝐃𝐀𝐃 𝟐𝟎𝟐𝟔

Narito ang talaan ng mga gawain at iskedyul para sa Dalaw Soledad 2026 ng ating Parokya.

Inaanyayahan ang lahat ng deboto na makiisa sa pagdalaw at pananalangin kasama ang Mahal na Birhen ng Soledad.

17/09/2026

𝙃𝙖𝙥𝙥𝙮 𝘽𝙞𝙧𝙩𝙝𝙙𝙖𝙮, 𝙍𝙚𝙫. 𝙁𝙧. 𝙁𝙧𝙖𝙣𝙘𝙞𝙨 𝘿. 𝙁𝙧𝙖𝙣𝙚!

On this special day, September 18, the whole family of Saint Peter Parish joyfully thanks God for the gift of your life and vocation.

Thank you for being our shepherd, our guide, and our father who leads us closer to Christ with your unwavering faith, humility, and love. Your homilies inspire us, your prayers sustain us, and your presence is a blessing to us all.

May the Lord grant you good health, more strength, and abundant joy in your priestly ministry.

We love you and we are praying for you, Fr. Francis!

Maligayang Kaarawan po!

12/09/2026

1𝐬𝐭 𝐅𝐨𝐫𝐦𝐚𝐭𝐢𝐨𝐧 𝐟𝐨𝐫 𝐌𝐢𝐧𝐢𝐬𝐭𝐞𝐫𝐬 𝐨𝐟 𝐒𝐨𝐜𝐢𝐚𝐥 𝐂𝐨𝐦𝐦𝐮𝐧𝐢𝐜𝐚𝐭𝐢𝐨𝐧 (𝐌𝐏𝐊)

On September 12, the 1𝘀𝘁 𝗙𝗼𝗿𝗺𝗮𝘁𝗶𝗼𝗻 𝗳𝗼𝗿 𝗠𝗶𝗻𝗶𝘀𝘁𝗲𝗿𝘀 𝗼𝗳 𝗦𝗼𝗰𝗶𝗮𝗹 𝗖𝗼𝗺𝗺𝘂𝗻𝗶𝗰𝗮𝘁𝗶𝗼𝗻 (𝗠𝗣𝗞) Coordinators of the Diocese of Imus was held at Mary Help of Christians Parish in Tejero, General Trias.

Led by Rev. Fr. Randy de Jesus, Priest Animator of MPK–Diocese of Imus, and Ms. Kim Azuelo, Media Specialist, the formation explored the deeper mission of SocCom ministry not simply creating content, but bringing God’s Word and love to our brothers and sisters through the digital world.

The participants were reminded that every post, photo, video, and message can become a means of evangelization and an opportunity to make Christ present in the online community. And as Ministers of SocCom we should always remember our mission and purpose, and that's to deliver the love and word of the Lord.

The formation became even more special as the Pilgrim Image and Relic of St. Carlo Acutis joined the gathering of the SocCom ministers. As the first millennial saint and patron of the internet and the Eucharist, his presence beautifully reflected the mission entrusted to those in social communication: to use the digital world as a space to encounter, proclaim, and share the love of Christ.

29/08/2026

📢 PAUNAWA

Dahil sa malakas na ulan at pagbaha sa harapan ng simbahan, ang Banal na Misa ngayong araw, Agosto 29, 2026, ganap na ika-5:00 ng hapon ay KANSELA para sa kaligtasan ng lahat.

Hinihiling po namin ang inyong pang-unawa. Manatili po tayong ligtas at patuloy na manalangin para sa kaligtasan ng bawat isa.

Maraming salamat po.

22/08/2026

𝐘𝐎𝐔𝐓𝐇 𝐋𝐄𝐀𝐃𝐄𝐑𝐒 𝐂𝐎𝐍𝐅𝐄𝐑𝐄𝐍𝐂𝐄 2026

𝐓𝐈𝐍𝐆𝐍𝐀𝐍: Kasama ang ilang representative ng 𝐘𝐨𝐮𝐭𝐡 𝐌𝐢𝐧𝐢𝐬𝐭𝐫𝐲 𝐧𝐠 𝐒𝐚𝐧 𝐏𝐞𝐝𝐫𝐨 𝐀𝐩𝐨𝐬𝐭𝐨𝐥 sa ika-4 na Youth Leaders Conference noong
𝐀𝐮𝐠𝐮𝐬𝐭 𝟐𝟏, 𝟐𝟎𝟐𝟔 sa
𝐒𝐭. 𝐌𝐢𝐜𝐡𝐚𝐞𝐥 𝐈𝐧𝐬𝐭𝐢𝐭𝐮𝐭𝐞 𝐨𝐟 𝐁𝐚𝐜𝐨𝐨𝐫 𝐈𝐧𝐜., kasama ang mga delegates mula sa iba’t ibang District ng Diyosesis ng Imus.

Sinimulan ang programa sa, 𝐂𝐫𝐞𝐚𝐭𝐢𝐯𝐞 𝐎𝐩𝐞𝐧𝐢𝐧𝐠 𝐏𝐫𝐚𝐲𝐞𝐫, kasunod ang 𝐎𝐩𝐞𝐧𝐢𝐧𝐠 𝐒𝐞𝐬𝐬𝐢𝐨𝐧 na may temang
“𝐓𝐚𝐤𝐞 𝐂𝐨𝐮𝐫𝐚𝐠𝐞! 𝐂𝐡𝐫𝐢𝐬𝐭𝐢𝐚𝐧 𝐘𝐨𝐮𝐭𝐡 𝐋𝐞𝐚𝐝𝐞𝐫𝐬𝐡𝐢𝐩 𝐢𝐧 𝐚 𝐓𝐢𝐦𝐞 𝐨𝐟 𝐃𝐢𝐬𝐜𝐞𝐫𝐧𝐦𝐞𝐧𝐭” na pinangunahan ni John Rey Espinosa, guest speaker mula sa Archdiocese of Manila at dating seminarista ng ating Diyosesis.

Sumunod ang 𝐌𝐢𝐬𝐬𝐢𝐨𝐧 𝐄𝐧𝐜𝐨𝐮𝐧𝐭𝐞𝐫 𝐓𝐚𝐥𝐤 na may temang “𝐓𝐡𝐞 𝐃𝐢𝐠𝐢𝐭𝐚𝐥 𝐌𝐢𝐬𝐬𝐢𝐨𝐧: 𝐔𝐬𝐢𝐧𝐠 𝐒𝐨𝐜𝐢𝐚𝐥 𝐌𝐞𝐝𝐢𝐚 𝐟𝐨𝐫 𝐄𝐯𝐚𝐧𝐠𝐞𝐥𝐢𝐳𝐚𝐭𝐢𝐨𝐧 𝐚𝐧𝐝 𝐘𝐨𝐮𝐭𝐡 𝐌𝐢𝐧𝐢𝐬𝐭𝐫𝐲” kung saan ibinahagi ang kahalagahan ng media sa paglilingkod.

Pagkatapos ng lunch break, nagtipon muli ang mga kabisig para sa 𝐏𝐚𝐬𝐭𝐨𝐫𝐚𝐥 𝐏𝐥𝐚𝐧𝐧𝐢𝐧𝐠 𝐖𝐨𝐫𝐤𝐬𝐡𝐨𝐩 na pinangunahan ni Kuya John Isaac Geradila. Bilang activity, hinamon ang bawat isa na gumawa ng sariling coat of arms—isang malikhaing simbolo ng kanilang pagkatao, pinahahalagahan, at karanasan.

Nagtapos ang buong programa sa pagdiriwang ng Banal na Misa.

14/08/2026

04/08/2026

𝗛𝗔𝗣𝗣𝗬 𝗣𝗥𝗜𝗘𝗦𝗧𝗦' 𝗗𝗔𝗬, 𝗙𝗥. 𝗙𝗥𝗔𝗡𝗖𝗜𝗦!
𝟬𝟰 𝗔𝗴𝗼𝘀𝘁𝗼 - 𝗞𝗮𝗽𝗶𝘀𝘁𝗮𝗵𝗮𝗻 𝗻𝗶 𝗦𝗮𝗻 𝗝𝘂𝗮𝗻 𝗠𝗮𝗿𝗶𝗮 𝗩𝗶𝗮𝗻𝗻𝗲𝘆

𝗣𝗮𝗻𝗮𝗹𝗮𝗻𝗴𝗶𝗻 𝗽𝗮𝗿𝗮 𝘀𝗮 𝗺𝗴𝗮 𝗣𝗮𝗿𝗶
O Jesus,
ipinapanalangin ko sa Iyo ang matapat at maalab Mong Pari;
ang mga lilo at nanlalamig Mong pari;
ang Iyong mga paring nagpapagal dito at sa ibang bansa
lalo na yaong mga nasa kaduluduluhang bahagi ng daigdig;
ang mga pari Mong nahaharap sa matinding tukso at pagsubok;
ang mga nangungulila at nag-iisa Mong pari;
ang Iyong mga bata at maysakit na pari;
ang mga kaluluwa sa purgatoryo ng Iyong mga pari.
Higit sa lahat,
ipinapanalangin ko sa Iyo ang mga paring mahal sa amin;
ang mga paring nagbinyag sa amin;
ang mga paring nagpapakumpisal sa amin;
ang mga paring nangunguna sa Misa namin
at nagbibigay sa amin ng Iyong Katawan at Dugo sa Banal na Komunyon;
ang mga paring nagturo at gumabay sa amin;
at ang lahat ng paring pinagkakautangan namin ng loob.

O Jesus,
alalahanin at ilapit mo Silang lahat
sa Iyong Mahal na puso
at lagi Mo nawa silang pagpalain,
ngayon at magpasawalang hanggan.
Amen.

Mahal na Birheng Maria, ina ng lahat ng mga pari, ipanalangin mo kami.
San Juan Maria Vianney, ipanalangin mo kami.