Ministry of Altar Servers - SPAP, Cavite City

23/05/2026

𝐏𝐄𝐍𝐓𝐄𝐂𝐎𝐒𝐓 𝐒𝐔𝐍𝐃𝐀𝐘

"Muling sinabi ni Jesus sa kanila, “Sumainyo ang kapayapaan! Kung paanong isinugo ako ng Ama, sinusugo ko rin kayo.” At pagkasabi nito, hiningahan niya sila at sinabi, “Tanggapin ninyo ang Espiritu Santo. Kung inyong patawarin ang kasalanan ng sinuman, sila’y pinatawad na; kung hindi ninyo patawarin, hindi sila mapapatawad.”

Ang Pentecost ay ang pagdiriwang ng pagbaba ng Espiritu Santo sa mga apostol at mga alagad ni Jesus limampung araw matapos ang muling pagkabuhay ni Kristo. Habang sila ay nagtitipon sa Jerusalem, napuspos sila ng Espiritu Santo na ipinakita sa pamamagitan ng malakas na hangin at mga dilang parang apoy sa kanilang ulo. Dahil dito, nagkaroon sila ng tapang at kakayahang ipangaral ang Ebanghelyo sa iba’t ibang wika, kaya’t itinuturing ang Pentecost bilang kapanganakan ng Simbahang Kristiyano.

21/05/2026

𝙃𝙖𝙡𝙞𝙣𝙖’𝙩 𝙈𝙖𝙠𝙞𝙡𝙖𝙝𝙤𝙠!

Inaanyayahan po ang lahat na makiisa sa mga gawaing pagdedebosyon ngayong buwan ng 𝙈𝙖𝙮𝙤 bilang pag-aalay ng pagmamahal at pananampalataya sa 𝑴𝒂𝒉𝒂𝒍 𝒏𝒂 𝑩𝒊𝒓𝒉𝒆𝒏 𝑴𝒂𝒓𝒊𝒂. Sama-sama po nating gunitain ang banal na okasyong ito sa pamamagitan ng 𝙥𝙖𝙜𝙧𝙤𝙧𝙤𝙨𝙖𝙧𝙮𝙤, 𝙢𝙞𝙨𝙖 𝙣𝙤𝙗𝙚𝙣𝙖𝙧𝙮𝙤, 𝙖𝙩 𝙎𝙖𝙣𝙩𝙖𝙘𝙧𝙪𝙯𝙖𝙣. 🙏

17/05/2026

𝐀𝐒𝐂𝐄𝐍𝐒𝐈𝐎𝐍 𝐎𝐅 𝐓𝐇𝐄 𝐋𝐎𝐑𝐃

“Ibinigay na sa akin ang lahat ng kapangyarihan sa langit at sa lupa. Kaya't humayo kayo, gawin ninyong alagad ko ang mga tao sa lahat ng mga bansa. Binyagan ninyo sila sa ngalan ng Ama, at ng Anak, at ng Espiritu Santo. Turuan ninyo silang sumunod sa lahat ng iniutos ko sa inyo. Tandaan ninyo, ako'y laging kasama ninyo hanggang sa katapusan ng panahon.”

Ngayon ay ipinagdiriwang natin ang pag-akyat ni Hesukristo sa langit matapos ang Kanyang muling pagkabuhay. Ayon sa Bibliya, ito ay naganap 40 araw pagkatapos ng Pasko ng Pagkabuhay o Easter.

Ito ay paggunita sa ganap na pagtatapos ng Kanyang misyon sa lupa at sa simula ng Kanyang pagluklok sa kanan ng Ama, kung saan Siya namamagitan para sa atin bilang ating walang hanggang Dakilang Pari. Ang Pag-akyat sa Langit ay paalala na ang langit ang ating tunay na tahanan at si Hesus, na tunay na Diyos at tunay na tao, ay nauna na upang ipaghanda tayo ng lugar sa tahanan ng Ama.

16/05/2026

𝐓𝐈𝐍𝐆𝐍𝐀𝐍: IKALABING-LIMANG ARAW NG PAG-AALAY NG BULAKLAK KAY MARIA

Sa kalagitnaan ng mga nangyayari sa ating bansa at pamahalaan, tayo nawa'y manalangin parin sa ating Panginoon.

Ipanalangin natin na ang katotohanan at hustisya ang siyang manaig. Iangat natin ito sa Kanya at hingin ang pamimintuho ng ating Mahal na Ina.

14/05/2026

𝐓𝐈𝐍𝐆𝐍𝐀𝐍: IKALABING-APAT NA ARAW NG PAG-AALAY NG BULAKLAK KAY MARIA

Patuloy kaming nagsasama-sama sa paanan ni Maria. Sa bawat bulaklak na iniaalay, kalakip ang aming mga panalangin at pasasalamat.

Muli inaanyayahan namin kayong makiisa at maki-alay rin ng bulaklak para sa Mahal nating Ina.

Ave Maria Purisima!

14/05/2026

𝐀𝐏𝐏𝐑𝐄𝐂𝐈𝐀𝐓𝐈𝐎𝐍 𝐏𝐎𝐒𝐓

To the Ministry of Altar Servers-DSPOLF Binakayan,

We would like to sincerely express our gratitude for inviting us to serve in your parish during your Fiesta celebration. It was truly an honor and a blessing for us to be part of this meaningful and sacred occasion. We are grateful for your warm welcome and hospitality.

May the Lord, with the intercession of the Our Lady of Fatima, continue to shower your community with abundant blessings.

Felices Fiesta! Viva Nuestra Señora de Fatima!





ctto

13/05/2026

07/05/2026

03/05/2026

TIGNAN: Isang makabuluhang pagtitipon ng mga lingkod dambana ang naganap upang pag-usapan ang mga gawain, tungkulin, at paghahanda para sa mga darating na pagdiriwang sa simbahan ngayong buwan ng Mayo.

Nawa’y patuloy tayong gabayan sa ating paglilingkod at mapalalim pa ang ating pananampalataya at pagkakaisa bilang isang ministri.

02/05/2026

FLORES DE MAYO: IKALAWANG ARAW NG PAG-AALAY NG BULAKLAK KAY MARIA

Sama-sama nating ialay ang bango at ganda ng mga bulaklak bilang tanda ng ating wagas na pagmamahal sa mahal na ina.

01/05/2026

𝗙𝗟𝗢𝗥𝗘𝗦 𝗗𝗘 𝗠𝗔𝗬𝗢: 𝗣𝗔𝗚-𝗔𝗔𝗟𝗔𝗬 𝗡𝗚 𝗕𝗨𝗟𝗔𝗞𝗟𝗔𝗞

"Tuhog na bulaklak, sadyang salit-salit,
Sa mahal mong noo'y aming ikakapit
Lubos ang pag-asa't sa iyo'y pananalig,
Na tatanggapin mo, handog na pag-ibig. "

Ang Flores de Mayo ay isang tradisyong debosyonal ng mga Pilipinong Katoliko na ginaganap tuwing buwan ng Mayo bilang parangal kay Inang Maria.

Sa pag-dedebosyong ito, ang mga bata at kababaihan ay nagdadala ng sari-saring bulaklak—karaniwan ay makukulay at mababango—at iniaalay ang mga ito sa altar ng Birheng Maria bilang simbolo ng pagmamahal, paggalang, at pananalig. Ang bawat bulaklak ay sumasagisag sa kadalisayan at kabutihan, kaya ang simpleng handog na ito ay itinuturing na taimtim na panalangin at pagpapakita ng debosyon. Karaniwang ginagawa ito tuwing hapon o gabi, kasabay ng pagdarasal ng rosaryo, bilang isang sama-samang gawain ng komunidad.