Transfiguration of Our Lord Parish Cavinti Laguna

22/08/2026

21/08/2026

16/08/2026

𝑷𝒂𝒏𝒂𝒘𝒂𝒈𝒂𝒏.

Sa mga nagnanais maging Camarero ng mga Imahen para sa mga Mahal na Araw.

Narito po ang listahan ng mga imahen para sa mga Mahal na Araw na maaring ipagawa para sa prusisyon.

Ang mga nasabing imahen ay para sa prusisyon ng Miyerkules Santo lamang. Wala na pong mga imahen na maaring ipagawa na kasama sa prusisyon ng Biyernes Santo.

Ang paanyayang ito ay bukas para sa mga pamilyang Katoliko na naninirahan sa Cavinti, Laguna.

Para sa mga nagnanais na magpagawa ng imahen para sa prusisyon, mahigpit na ipinapakiusap na makipag-ugnayan muna sa Tanggapan ng ating Parokya bago magpagawa ng imahen.

May mga itınakdang panuntunan, proseso, at kınakallangang tuparın ang bawat pamilya bago mapahintulutan ang pagpapagawa at pagsasama ng isang imahen sa prusisyon. Layunin nitong mapanatili ang kaayusan, pagkakaisa, at wastong koordinasyon, at maiwasan ang anumang hindi pagkakaunawaan o suliranin kaugnay ng mga imahen.

Para sa iba pang mahahalagang detalye, alituntunin, at kinakailangan, mangyari lamang pong makipag-ugnayan sa Tanggapan ng ating Simbahan/Parokya.

Maraming salamat po sa inyong pakikiisa, pag-unawa, at patuloy na paglilingkod sa ating parokya.

14/08/2026

𝐏𝐀𝐆-𝐔𝐔𝐋𝐀𝐓 | 𝑯𝒆𝒍𝒑 𝑼𝒔 𝑫𝒆𝒄𝒐𝒓𝒂𝒕𝒆 𝑶𝒖𝒓 𝑮𝒊𝒂𝒏𝒕 𝑪𝒉𝒓𝒊𝒔𝒕𝒎𝒂𝒔 𝑻𝒓𝒆𝒆

Taos-puso naming ibinabahagi sa lahat ang naging bunga ng ating 𝗖𝗵𝗿𝗶𝘀𝘁𝗺𝗮𝘀 𝗙𝘂𝗻𝗱𝗿𝗮𝗶𝘀𝗶𝗻𝗴 𝗔𝗰𝘁𝗶𝘃𝗶𝘁𝘆 noong nakaraang taon, kung saan tayo ay nagbenta ng mga parol. Ang mga nalikom mula sa gawaing ito ay inilaan para sa pagsasaayos at pagpapatibay ng tore ng ating simbahan upang higit itong maging ligtas at matatag, lalo na sa panahon ng sakuna tulad ng lindol.

Ang tinatayang halaga para sa pagsasaayos ng tore ay ₱𝟯,𝟬𝟬𝟬,𝟬𝟬𝟬.𝟬𝟬. Sa kasalukuyan, 𝟰.𝟳𝟮% na ng kabuuang halaga ang ating nalilikom.

𝗡𝗮𝗿𝗶𝘁𝗼 𝗮𝗻𝗴 𝗸𝗮𝘀𝗮𝗹𝘂𝗸𝘂𝘆𝗮𝗻𝗴 𝘁𝗮𝗹𝗮 𝗻𝗴 𝗮𝘁𝗶𝗻𝗴 𝗽𝗼𝗻𝗱𝗼:

• ₱ 𝟮𝟯𝟬,𝟬𝟬𝟬.𝟬𝟬 — Pinagsamang kabuuang halaga ng mga naibentang parol at cash donations

• ₱ 𝟴𝟴,𝟰𝟴𝟮.𝟲𝟱 — Halagang ginastos para sa pagpapatayo ng Christmas Tree, puhunan sa mga parol, at iba pang pandekorasyon sa simbahan

• ₱ 𝟭𝟰𝟭,𝟱𝟭𝟳.𝟯𝟱 — Natitirang halaga mula sa kinita sa fundraising activity at mga natanggap na donasyon

• ₱ 𝟮,𝟴𝟱𝟴,𝟰𝟴𝟮.𝟲𝟱 — Halagang kinakailangan pang malikom upang maabot ang kabuuang ₱ 3,000,000.00

Bagama’t malayo pa ang ating layunin, naniniwala kami na sa pamamagitan ng sama-samang pagkilos, maliit man o malaki ang bawat ambag, unti-unti nating maaabot ang hangarin para sa ating simbahan.

Muli, maraming maraming salamat sa lahat ng bumili ng parol, nagbigay ng donasyon, nagbahagi ng tulong, at patuloy na nakikiisa at sumusuporta sa mga gawain ng ating parokya.

Patuloy nating isulong ang mga gawaing naglalayong ayusin, pagandahin, at higit sa lahat, patatagin at gawing ligtas ang ating simbahan para sa kasalukuyan at sa mga susunod pang salinlahi.

14/08/2026

𝐌𝐀𝐑𝐀𝐌𝐈𝐍𝐆 𝐒𝐀𝐋𝐀𝐌𝐀𝐓 𝐏𝐎!

Taos-puso po ang aming pasasalamat sa lahat ng bumili ng ating Official Fiesta Shirt! Ang inyong pagtangkilik ay hindi lamang simpleng pagbili ng damit, kundi isang napakagandang paraan ng pakikiisa at pagtulong sa mga gawain at proyekto ng ating parokya.

Sa inyong walang sawang suporta at pagmamahal, naisagawa natin ang enhancement at pagsasaayos ng ating mga Retablo Menores, bilang bahagi ng patuloy na pagpapaganda at pag-aalaga sa ating simbahan. Malaking bagay po ang bawat ambag at suporta ng bawat isa upang mapanatili nating maayos, marangal, at kaaya-aya ang ating banal na lugar.

Patuloy pa rin ang ating mga gawain para sa pagsasaayos, pagpapaganda, at pagpapanatili ng ating simbahan. Kaya naman, hinihikayat po namin ang lahat na patuloy na makiisa, tumulong, at suportahan ang mga programa at proyekto ng ating parokya. Sa sama-sama nating pagkilos, unti-unti nating maisasakatuparan ang mga layunin para sa ikagaganda at ikabubuti ng ating minamahal na simbahan.

Muli, maraming-maraming salamat po sa inyong tiwala, pagmamahal, at patuloy na suporta!

Nawa’y patuloy tayong pagpalain ng Poong Maykapal, gabayan sa bawat gawain, at pagkalooban ng masaganang biyaya ang bawat isa at ang ating buong pamayanan.