04/06/2026
SANTA CRUZAN SA PAROKYA NI SAN PABLO 2026
Sa masanag nga selebrasyon sang Santa Cruzan, ginpakita naton ang tuman nga pagtuo, paglaum, kag paghigugma pinaagi sa paglakat nga may pagdayaw sa Mahal nga Birhen Maria. Ang ini nga sagrado nga aktibidad nagtipon sa komunidad sa isa ka malipayon kag makahulugan nga okasyon nga puno sang pag-ampo kag pagpasalamat. Ang tagsa ka partisipante nangin kabahin sang pagpamatuod sang pagtuo nga nagahatag inspirasyon sa iban.
Sa tema nga "Magpanglakaton nga may Kaisog kag Kabakod Padulong sa Paghili-usa kag Kalinong Kaupod sa Birhen Maria,”ginpahanumdom kita nga ang aton pagpanaw bilang Kristiyano kinahanglan nga may pagkamaisog, pagbinuligay, kag pagtinguha sang kalinong. Sa pagpangabay sang paggiya sang Mahal nga Birhen Maria, padayon kita nga magtiniruhay sa pagpalig-on sang aton pagtuo kag pagpakig-angot sa isa kag isa.
Madamo nga salamat sa tanan nga nagbulig, nagpartisipar, kag nangin kabahin sang kalampusan sang Santa Cruzan 2026. Viva la Virgen Maria! 🌹🙏
PART I
