13/09/2026
Gaano mo kakilala ang Diyos sa iyong buhay?
Sa libro ng Mga Bilang kung saan ipinadala ni Moses ang labindalawang espiya sa Canaan ay mayroon tayong matutunan. Ang mga espiya ay natakot at nanliit sa kanilang sarili dahil sa kanilang natuklasan subalit si Caleb ay walang takot pagka't nakikita niyang kasama niya ang Diyos.
Minsan, ganito rin tayo. May mga pagkakataon na tayo ay natatakot, ikinukumpara ang sarili sa iba, tinitignan ang negatibo sa sitwasyon na mayroon ka ngayon. Ito ang ating iwasan. Pagka't ang Diyos ay hindi tayo iniiwan.
Ano ang ating gagawin?
1. Maniwala sa Diyos sa lahat ng pagkakataon
2. Tignan mo ang iyong sarili sa kung paano ka tignan ng Diyos.
3.Alalahanin lagi ang pangako ng Diyos.
Kaya't sa oras na ika'y nasa sitwasyon na ika'y nahihirapan o sinusubok ay lagi mong tandaan na ito'y iyong malalagpasan pagka't kasama mo ang Diyos. Huwag kang matakot, manliit sa sarili o mangamba pagka't mas malaki ang ating Diyos na buhay.
