20/01/2024
STO. NIÑO DE KALILAYAN
Papuri, Sto. Niño de Kalilayan
Sanggol sa lumang tawag sa lalawigan
Tulungan mo kaming di makalimutan
Mahalagang aral nitong kasaysayan.
Kalilayan noon ang dating Tayabas
Na naging Quezon na, Di parin kumukupas
Ang ningning ng Sanggol sa lumipas
Magpahanggang ngayon biyaya ang basbas,.
Pinakamamahal naming Sto. Niño
Pagpapakumbaba, sa ami'y turo mo
Nang sa kahirapan ay isilang kayo
At tubusin kami sa sala ng mundo.
Sa inyo po kami sumasampalatay
Bigyan mo po kami, tunay ng pag-asa
At kapayapaan ang totoong grasya
Sa lalawigan at bayang sinisinta.
Sto. Niñong mahal kami'y palayain
Sana po'y iligtas sa mga panimdim
Sa maraming sakit at mapag-alipin
Sa ngalan ni Hesus, Sto. Niño namin.
AMEN
Panalanging may sukat at tugma ni Frank G. Rivera
An award wining playwright composed the original prayer honoring to Sto. Niño de Kalilayan of the Immaculate Conception Parish - Catanauan, Quezon
