Youth Ministry of Saint Nicolas De Tolentino Parish - Diocese of Iba

16/02/2026

16/02/2026

02-15-26

sunog-sala
Mga kapatid, ang mga palaspas na hawak natin ay ginamit natin noong ating gunitain ang matagumpay na pagpasok ni Jesus sa Jerusalem nang Linggo ng Pagpapakasakit ng Panginoon. Noon, Siya ay ating inawitan ng papuri at kinilalang Hari bilang nabibilang sa lipi ni David. Ang ating pagbubunyi ay tulad ng kasariwaan ng palaspas na ito sa kanyang pagiging luntian. Tulad din ito ng ating kalagayan noong tayo ay binyagan; handang sundin ang kalooban ng Ama, dahil ito ang tinahak na daan ni Jesukristo. Pagkalipas ng ilang panahon, ang pagbubunyi ay napalitan ng sigawang hatulan Siya ng kamatayan. Ang dating luntian ay naluoy at pinanawan ng kasariwaan. Ang kabanalang dulot ng pagiging binyagan ay pinarumi ng pagiging makasalanan. Ngunit, may pag-asa pa ang lahat. Dahil ang natuyot na palaspas, sa apoy ay dinadarang upang magkamit ng kadalisayan. Ang kasalanan ay isinusuko sa paghingi ng kapatawaran upang mabalik ang kabanalan. At ang kamatayan ay hindi ang may huling salita, kundi ang tagumpay ng pagkabuhay. Halina, sa pagsusunog ng mga palaspas na ito, kilalanin natin ang tagumpay ng apoy na nagpapadalisay na pag-ibig ng Diyos.

16/02/2026

Sunday Mass
PAGNINILAY:
Mateo 5, 17–37
“Kaganapan”

Sa Mabuting Balita ayon kay San Mateo, ipinakita ni Hesus na ang Kautusan ng Lumang Tipan ay hindi binago Panginoong Hesus kundi tinupad at pinagtibay pa ito. Ang batas noon ay malinaw: “Huwag kang papatay. Huwag kang makikiapid. Tuparin mo ang iyong panunumpa.”
Ngunit sa Bagong Tipan, hindi lamang gawa ang sinusukat pati ang puso. Hindi sapat ang hindi pumatay; dapat wala ring galit. Hindi sapat ang hindi mangalunya; dapat malinis ang pagtingin. Hindi sapat ang hindi magsinungaling; dapat ang “Oo” ay tunay na oo, at ang “Hindi” ay tunay na hindi.

Dito makikita ang paanyaya ni Hesus sa isang radikal na desisyon: walang gitna.
•Hindi puwedeng kalahati ang pagsunod.
•Hindi puwedeng panlabas lang ang kabanalan.
•Hindi puwedeng sakto lang para makalusot.

Si Hesus mismo ang larawan ng “walang gitna” — ganap na pagsunod sa Ama, ganap na pag-ibig, ganap na katotohanan. Sa Kanya, ang Lumang Tipan ay nagkaroon ng kaganapan; ang batas ay naging buhay; at ang utos ay naging relasyon.

Ang batas sa Lumang Tipan ay parang balangkas; sa Bagong Tipan, ito’y naging puso. Ipinapakita ni Hesus na ang tunay na katuwiran ay hindi legalismo kundi pagbabagong-loob. Ang Kaharian ng Diyos ay para sa mga pusong buo, hindi hati.

Word of the Day: KAGANAPAN
Hindi sapat ang minimum. Tinatawag tayo ni Kristo sa kaganapan ng pag-ibig.

Panalangin:
Panginoong Hesus, turuan Mo kaming pumili nang buo. Alisin Mo ang pusong hati at bigyan Mo kami ng tapang na mamuhay sa katotohanan at pag-ibig—walang gitna, walang kompromiso, kundi buong pagsunod sa Iyo. Amen.

01/02/2026

01-25-26 | 5:00pm

PAGNINILAY

Sa unang pagbasa, inihula ni propeta Isaias ang pagdating ni Jesus sa Galilea sa Israel upang mangaral at iligtas ang mga tao dito na pinasok at impluwensiyahan sa pagkakasala ng mga Hentil.

“..ang Galilea ng mga Hentil.

Nakatanaw ng isang malaking liwanag
ang bayang malaon nang nasa kadiliman,
namanaag na ang liwanag
sa mga taong namumuhay sa lupaing balot ng dilim.
Iyong pinasigla ang kanilang pagdiriwang,
dinagdagan mo ang kanilang tuwa.
Tulad ng mga tao sa panahon ng anihan,
tulad ng mga taong naghahati ng nasamsam na kayamanan…”

Sa Salmo, pinapatunayan ni David na sa Panginoong Dios (Jesus) lamang siya nananalig na bibiyayaan siya ng buhay na walang hanggan bilang kalinga niya.

“Ako’y nananalig, ako’y mabubuhay
at sasaksihan ko ang ‘yong kabutihan
na igagawad mo sa mga hinirang.
Sa Panginoong Diyos tayo’y magtiwala;
tayo ay umasa sa kanyang kalinga!”

Sa ikalawang pagbasa, pinatunayan ni apostol Pablo na si Jesus lamang ang Dios na nagkatawang tao ang nagligtas sa atin mula sa kasalanan

“Si Pablo ba ang ipinako sa krus para sa inyo? Bininyagan ba kayo sa ngalan ni Pablo? Sinugo ako ni Kristo, hindi upang magbinyag kundi upang mangaral ng Mabuting Balita. Ipinangaral ko nga ito, ngunit hindi sa pamamagitan ng pananalitang batay sa karunungan ng sanlibutan upang sa gayo’y hindi mawalan ng kabuluhan ang kamatayan ni Kristo sa krus.”

Sa gospel reading, pinatotohanan at sinaksihan na si Jesus ang katuparan ng hula ni propeta Isaias.

“Nilibot ni Hesus ang buong Galilea. Nagtuturo sa mga sinagoga at ipinangangaral ang Mabuting Balita tungkol sa paghahari ng Diyos. Pinagaling din niya ang mga tao sa kanilang mga sakit at karamdaman.”

Kumusta naman tayo, kanino natin inilagak ang ating kaligtasan? Sa ating sariling lakas o gawa ba? O sa tulong ng ibang tao ?

18/01/2026

January 18, 2026
Kapistahan ng Panginoong Hesus,
Ang Banal na Sanggol.

Sa Linggong ito, ipinahihiwatig sa Mabuting Balita ng Panginoon ayon kay San Mateo na tayo bilang mga mananampalataya at tagasunod ni Hesukristo Hesus ay patuloy na maging mapagkumbaba, masunurin at gumawa ng mga bagay na naaayon sa kalooban ng Diyos. Sana tayo ay makahalintulad sa mga bata, kay Niño Hesus, upang mapabilang sa pinaghaharian ng Diyos.

Sa ating kasalukuyang panahon bilang mga “adults”, wari maraming nakakalimot na magpakumbaba, sa paniniwala na sila ang nakaaangat dahil may pinag aralan, maraming alam sa pananampalataya, may salapi, mahusay mag salita. Madalas nais lang igiit ang kanilang pananaw sa paniniwalang iyon ang tama at hindi naiisip na ang sinasabi ay nakakasakit sa damdamin ng kapwa. Sa ganitong pagkakataon, sana ay balikan natin na may Panginoong Diyos na gabay sa kung ano ang tama. Ang maling gawi sa pananalita at paggawa ay maaaring maiwasan, kung isasa isip at isasa puso lang natin ang sinabi sa Mabuting Balita, “Ang sinumang nagpapakababa na kagaya ng batang ito ay siyang pinakadakila sa kaharian ng Diyos”

Kaya’t sa mga susunod na pagkakataon na tayo ay hinihila para maging mapagmataas, isipin natin ang isang bata, si Niño Hesus.

Panalangin:
Poong Santo Niño, Turuan Mo kaming maniwala hindi dahil malinaw ang lahat, kundi dahil nagtitiwala kami sa Iyong pag-ibig. Hubarin Mo sa amin ang kayabangan, takot, at pagmamataas, at bigyan Mo kami ng pusong tulad ng isang bata—mapagtiwala, mapagpakumbaba, at bukas sa Iyong kalooban. Nawa’y sa aming paglilingkod at pananampalataya, Ikaw ang patuloy na makita, sambahin, at mahalin. Amen.

09/01/2026

01-09-26 | 5:30PM

Ang kapistahan ni Nuestro Padre Hesus Nazareno ay isang paalala ng dakilang sakripisyo ni Kristo para sa ating kaligtasan. Ang imahe ng Nazareno, na may krus sa kanyang balikat, ay nagpapakita ng Diyos na nagpakababa upang akuin ang ating mga kasalanan at dalhin ang bigat ng ating pagkakasala.
Ngayong araw ng kapistahan, nawa’y tularan natin si Kristo sa kanyang kababaang-loob at pagtanggap sa krus. Tularan din natin ang kanyang walang hanggang pagmamahal na handang magsakripisyo para sa iba. Sa ganitong paraan, tunay na mabibigyang-buhay natin ang ating pananampalataya at maipapahayag ang Mabuting Balita sa ating kapwa.

Panalangin:
Amang mapagmahal, sa pamamagitan ni Nuestro Padre Hesus Nazareno, turuan mo kami ng kababaang-loob at lakas ng loob upang pasanin ang aming mga krus. Patatagin mo ang aming pananampalataya upang higit naming maipamalas ang iyong pagmamahal sa aming kapwa. Amen.

Nuestro Padre Hesus Nazareno, kaawaan mo kami!

09/01/2026

01-09-26 | 5:30PM | PART 1!

Ang kapistahan ni Nuestro Padre Hesus Nazareno ay isang paalala ng dakilang sakripisyo ni Kristo para sa ating kaligtasan. Ang imahe ng Nazareno, na may krus sa kanyang balikat, ay nagpapakita ng Diyos na nagpakababa upang akuin ang ating mga kasalanan at dalhin ang bigat ng ating pagkakasala.
Ngayong araw ng kapistahan, nawa’y tularan natin si Kristo sa kanyang kababaang-loob at pagtanggap sa krus. Tularan din natin ang kanyang walang hanggang pagmamahal na handang magsakripisyo para sa iba. Sa ganitong paraan, tunay na mabibigyang-buhay natin ang ating pananampalataya at maipapahayag ang Mabuting Balita sa ating kapwa.

Panalangin:
Amang mapagmahal, sa pamamagitan ni Nuestro Padre Hesus Nazareno, turuan mo kami ng kababaang-loob at lakas ng loob upang pasanin ang aming mga krus. Patatagin mo ang aming pananampalataya upang higit naming maipamalas ang iyong pagmamahal sa aming kapwa. Amen.

Nuestro Padre Hesus Nazareno, kaawaan mo kami!

09/01/2026

01-04-26 | 7:30 AM

PAGNINILAY:
Maligayang Kapistahan ng Pagpapakita ng Panginoon!
Ang mga matatalinong tao ay naghahanap pa rin sa Kanya. Ang mga matatalinong tao ay sumusunod pa rin sa Kanya. Ang mga matatalinong tao ay dumarating pa rin upang sambahin Siya. Ibigay natin sa Hari ng mga Hari ang ating pinakadakilang regalo: ang ating puso, isip, kaluluwa at katawan. Ngayon ay pinapaalalahanan tayo na huwag hayaan ang mababaw na payo o ang mga katotohanan lamang ng ‘Google Age’ na makaimpluwensya sa ating matalinong paghuhusga. Sa karamihan ng mga sitwasyon sa buhay, mas mahalaga na maging madaling maunawaan kaysa may kaalaman, maalalahanin kaysa pabigla-bigla, madasalin kaysa sa pagmamayabang at pagtitiwala sa sarili nating katutubong ugali kaysa sa ‘pagsunod sa maraming tao’. Nawa’y lagi nating hilingin sa Panginoon ang karunungan na gumawa ng ibang paraan kung ang ating pag-unawa ang nagtuturo nito.

Panginoon, Hesus, tulungan mo kaming hanapin Ka sa lahat ng aming ginagawa. Huwag nawa kaming pahintulutan ng anuman o sinuman na pumigil sa amin sa pag-abot sa Iyo! Amen.

30/12/2025

12-24-25 | 8:30pm

LATE POST!

Panunuluyan 2025

Ang Panunuluyan na hindi lamang isang dula, kundi isang kwento ng pag-asa.

Sa gitna ng paghahanap nina Maria at Jose ng masisilungan, ating nasilayan ang pag-asa na isinilang sa pananampalataya, pagtitiyaga, at tiwala sa Diyos. Sa bawat hakbang, awit, at panalangin, muling pinaalala sa atin na kahit sa dilim ng gabi, may liwanag na dumarating si Hesus, ang ating Pag-asa.

Maraming salamat sa lahat ng naging bahagi ng Panunuluyan. Nawa’y ang kwentong ito ng pag-asa ay patuloy nating isabuhay sa ating mga tahanan at sa araw-araw.

Maria
-Hannah Damasco
Jose
-Francis Fastidio
Anghel Gabriel
-Carlos Navalta
Elizabeth
-Kim Pascasio
Zacarias
-Amrafel Isidro

Mga Maybahay
-Gabriel Mandi
-Ranica Asuelo
-McRaven Elano

Mga Magpapastol
-Jan Daryl Agan
-Cedrick Gaton

Mga Anghel
-Nieco Velado
-Jazzray Cayaban
-Mikhail Besarra
-Howen Navalta

Mga Tagapagsalaysay
-Howell Navalta
-Leanne Dacasin
-Seth Francia
-Nicole Baniqued

Direktor
-JRLI

26/12/2025

PANUNULUYAN 2025
12-24-25 | 6:30pm

Part 2!

Sa banal na gabing ito, muli nating ginugunita ang dakilang hiwaga ng Pagkakatawang-tao—ang Diyos na naging tao upang makasama natin, mahalin tayo, at iligtas tayo. Sa isang payak na sabsaban, isinilang ang Sanggol na si Hesus, ang Liwanag ng sanlibutan, na dumarating hindi sa karangyaan kundi sa kababaang-loob at pag-ibig.

26/12/2025

PANUNULUYAN 2025
12-24-25 | 6:30pm

Part1!

Sa banal na gabing ito, muli nating ginugunita ang dakilang hiwaga ng Pagkakatawang-tao—ang Diyos na naging tao upang makasama natin, mahalin tayo, at iligtas tayo. Sa isang payak na sabsaban, isinilang ang Sanggol na si Hesus, ang Liwanag ng sanlibutan, na dumarating hindi sa karangyaan kundi sa kababaang-loob at pag-ibig.