What are the opening hours?

Tuesday 8:30am - 11:30am 2:30pm - 5:30pm Wednesday 8:30am - 11:30am 2:30pm - 5:30pm Thursday 8:30am - 11:30am 2:30pm - 5:30pm Friday 8:30am - 11:30am 2:30pm - 5:30pm Saturday 8:30am - 11:30am 2:30pm - 6pm Sunday 8:30am - 11:30am

https://www.facebook.com/1553254298298352/

St. Joseph Parish - Carmona, San Jose Street Brgy. 2 Carmona, Cavite, Carmona (2026)

07/10/2026

𝐃𝐀𝐋𝐀𝐖 𝐍𝐀𝐙𝐀𝐑𝐄𝐍𝐎 𝐒𝐀 𝐂𝐀𝐑𝐌𝐎𝐍𝐀 2026
𝗢𝗸𝘁𝘂𝗯𝗿𝗲 𝟬𝟴, 𝟮𝟬𝟮𝟲

Sama-sama nating salubungin at parangalan ang pagdating ng Nuestro Padre Jesus Nazareno dito sa ating Lungsod ng Carmona!

Narito ang talaan ng gawain at ruta ng pasanan mula Dali - Carmona hanggang sa Parokya ng San Jose.

2:00 PM – Pagdating at Pagsalubong sa Replika ng Poong Nazareno (Venue: DALI sa harap ng Carmona Elementary School)
2:30 PM – Solemn Procession (Pasanan) patungo sa St. Joseph Parish Church
5:00 PM – Banal na Misa
6:00 PM – Pahalik

𝙃𝙖𝙡𝙞𝙣𝙖'𝙩 𝙖𝙩𝙞𝙣𝙜 𝙨𝙖𝙢𝙖𝙝𝙖𝙣 𝙨𝙞 𝙅𝙚𝙨𝙪𝙨 𝙉𝙖𝙯𝙖𝙧𝙚𝙣𝙤 𝙨𝙖 𝙥𝙞𝙡𝙞𝙣𝙜 𝙣𝙜 𝙆𝙖𝙣𝙮𝙖𝙣𝙜 𝙞𝙩𝙖𝙮!

𝗡𝘂𝗲𝘀𝘁𝗿𝗼 𝗣𝗮𝗱𝗿𝗲 𝗝𝗲𝘀𝘂𝘀 𝗡𝗮𝘇𝗮𝗿𝗲𝗻𝗼, 𝒌𝒂𝒂𝒘𝒂𝒂𝒏 𝒎𝒐 𝒌𝒂𝒎𝒊.

𝐕𝐢𝐯𝐚 𝐍𝐮𝐞𝐬𝐭𝐫𝐨 𝐏𝐚𝐝𝐫𝐞 𝐉𝐞𝐬𝐮𝐬 𝐍𝐚𝐳𝐚𝐫𝐞𝐧𝐨!
𝐕𝐢𝐯𝐚 𝐒𝐚𝐧 𝐉𝐨𝐬𝐞!

07/10/2026

𝐌𝐀𝐇𝐀𝐋 𝐍𝐀 𝐁𝐈𝐑𝐇𝐄𝐍 𝐍𝐆 𝐒𝐀𝐍𝐓𝐎 𝐑𝐎𝐒𝐀𝐑𝐘𝐎
Oktubre 07

Noong ika-16, siglo sinalakay ng mga Turko ang maraming bansa hanggang sa panganib na mahulog sa kamay nila ang buong Europa at malupig ng Mahumetanismo ang Kristiyanismo. Si Papa Pio V ay nanawagan sa mga haring Kristiyano upang magkaisang sugpuin ang panganib na iyon. Ang sangka-Kristiyanuhan ay inanyayahan ng Papa upang manalangin sa Mahal na Birhen sa pamamagitan ng walang patid na pagdarasal ng Santo Rosaryo.

Noong Oktubre 7, 1571 samantalang nakikipanayam si Papa Pio V sa kanyang mga kardinal, ibinalita niya ang pagtatagumpay ng mga hukbong Kristiyano sa Lepanto.

Dahil sa pagwawaging ito sa Lepanto, itinatag ng Papa ang pista ng Nuestra Señora de las Victorias na pagkaraan ay naging pista ng Nuestra Señora del Santisimo Rosario.

Dito sa ating bayan, itinuturing ding biyaya ng Mahal na Ina ang pagwawagi ng mga Kastila at Pilipino laban sa mga Holandes noong 1646.

𝗣𝗔𝗡𝗔𝗟𝗔𝗡𝗚𝗜𝗡

Mahal na Birhen ng Santisimo Rosario, nais mo na makilala naming tunay si Hesus na iyong Anak, sa pamamagitan ng araw-araw naming pagninilay sa mga Misteryo ng iyong Banal na Rosaryo.

Idalangin po ninyo sa aming Panginoon na sa tuwing dinadasal namin ng buong sinta ang Rosaryo mo Ina, ay padaluyin sa amin ang mga biyayang aming pinakamimithi (tahimik na sabihin ang mga kahilingan) at pagalingin kami sa lahat ng uri ng sakit na pangkaluluwa at pangkatawan upang sa lahat ng aming ginagawa ay maparangalan namin ang Dakilang Pangalan ng Diyos Ama, Anak at Espiritu Santo magpakailan man. Amen.

Magdasal ng tatlong Aba Ginoong Maria.

𝗠𝗮𝗵𝗮𝗹 𝗻𝗮 𝗕𝗶𝗿𝗵𝗲𝗻 𝗻𝗴 𝗦𝗮𝗻𝘁𝗼 𝗥𝗼𝘀𝗮𝗿𝘆𝗼, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

————————————————————————————

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻, 𝗕𝗮𝗿𝗮𝗻𝗴𝗮𝘆 8!

Narito ang talaan ng kanilang gawain:

𝗢𝗸𝘁𝘂𝗯𝗿𝗲 07
8:00 am Banal na Misa (Brgy. 8 Basketball Court)

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻, Nuestra Señora del Santisimo Rosario Parish - Lantic, Carmona, Cavite!

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻, Pandiyosesis na Dambana at Parokya ng Birhen ng Santisimo Rosario - Reina del Caracol!

06/10/2026

𝐃𝐄𝐁𝐎𝐒𝐘𝐎𝐍 𝐊𝐀𝐘 𝐒𝐀𝐍 𝐉𝐎𝐒𝐄
𝑼𝒏𝒂𝒏𝒈 𝑴𝒊𝒚𝒆𝒓𝒌𝒖𝒍𝒆𝒔 𝒏𝒈 𝒃𝒖𝒘𝒂𝒏

𝗗𝗮𝗹𝗮𝗻𝗴𝗶𝗻 𝗻𝗴 𝗣𝗮𝗴𝗽𝗮𝗽𝗮𝗮𝗺𝗽𝗼𝗻 𝗸𝗮𝘆 𝗦𝗮𝗻 𝗝𝗼𝘀𝗲

Mahal naming San Jose, aming ama, ipinagbubunyi namin ang iyong kadakilaan bilang tapag-aruga ng Anak ng Diyos. Tapat ka at masunurin sa kalooban ng Diyos, puno ng kababaang-loob. O banal na Tagapagtangkilik, kami'y dumudulog sa iyo upang ipaampon ang aming sarili sa iyo at pag-ingatan kami gaya ng ginawa mo kay Jesus na aming kapatid. Dumadalangin kami sa iyo taglay ang pagkilala sa tunay na Diyos at Ama ng lahat na nawa'y mailapit mo kami sa Kanya na bukal ng awa at biyaya.

O butihing Ama ng Banal na Mag-anak, kupkupin mo ang lahat ng pamilya at ipagtanggol laban sa mga impluwensiya na unti-unting sumisira sa magandang pagsasamahan. Kalingain mo rin ang Simbahan ng iyong Anak, ang malaganap na pamilya ng Diyos. Nawa'y tugunin mo ang lahat ng nagpaaampon sa iyo at ilapit ang kalagayan sa makapangyarihang Ama. Magiliwing tagapagtangkilik, ibilang mo kami sa iyong angkan kung saan naroon ang aming Inang si Maria na kumakandili rin sa amin at si Jesus na nagliligtas. Nananalig kami sa iyong katapatan na kung paano mo pinangalagaan ang munting pamilya ng Nazaret ay kaya mo ring tangkilikin ang buong Simbahang namimintuho sa iyo. Amen.

𝗦𝗔𝗡 𝗝𝗢𝗦𝗘, 𝗮𝗺𝗶𝗻𝗴 𝘁𝗮𝗴𝗮𝗽𝗮𝗴𝘁𝗮𝗻𝗴𝗴𝗼𝗹, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

𝑯𝒂𝒍𝒊𝒏𝒂! 𝑳𝒖𝒎𝒂𝒑𝒊𝒕 𝒌𝒂𝒚 𝑺𝒂𝒏 𝑱𝒐𝒔𝒆! 💚💛

No copyright infringement intended.

06/10/2026

𝗧𝗜𝗡𝗚𝗡𝗔𝗡 | Mga larawang kuha sa isinigawang Banal na Oras na pinanungunahan ni Reb. P. Ariel Delos Reyes na sinundan ng Banal na Misa na pinangunahan ni Reb. P. Jorge Alberto Alvarenga noong Oktubre 2, 2026, unang Biyernes ng buwan, ika-5:00 ng hapon

Pakikitagpo sa tunay na presensya ni Kristo ang hatid sa atin ng Banal na Oras, isang sandali ng katahimikan at pagninilay-nilay habang tayo’y nasa kanlungan ng ating Panginoon. Ang presensya na nagdudulot sa atin ng kapahingaan sa maingay at magulong mundo, kaya’t amin kayong inaanyayahan na makiisa sa Banal na Oras tuwing unang biyernes ng buwan.

06/10/2026

𝗗𝗔𝗟𝗔𝗪 𝗡𝗔𝗭𝗔𝗥𝗘𝗡𝗢 𝗦𝗔 𝗖𝗔𝗥𝗠𝗢𝗡𝗔
𝑱𝒆𝒔𝒖𝒔 𝑵𝒂𝒛𝒂𝒓𝒆𝒏𝒐 𝒔𝒂 𝑷𝒊𝒍𝒊𝒏𝒈 𝒏𝒈 𝑲𝒂𝒏𝒚𝒂𝒏𝒈 𝑰𝒕𝒂𝒚

Sa muling pagdalaw ng replika ng Mahal na Poong Jesus Nazareno sa ating parokya sa darating na Oktubre 08-12, 2026, inaanyayahan tayong sadaling huminto at maglaan ng panahon upang magnilay at manalangin.

Mga Banal na Gawain at Schedule:

𝐎𝐊𝐓𝐔𝐁𝐑𝐄 08, 2026, 𝐇𝐮𝐰𝐞𝐛𝐞𝐬
2:00 PM – Pagdating at Pagsalubong sa Replika ng Poong Nazareno (Venue: DALI sa harap ng Carmona Elementary School)
2:30 PM – Solemn Procession (Pasanan) patungo sa St. Joseph Parish Church
5:00 PM – Banal na Misa
6:00 PM – Pahalik

𝐎𝐊𝐓𝐔𝐁𝐑𝐄 09, 2026, 𝐁𝐢𝐲𝐞𝐫𝐧𝐞𝐬
8:00 AM – Motorcade
Mga daraanan:
• Pitong Arkanghel Chapel (Brgy. Maduya)
• San Roque Chapel (Brgy. Cabilang Baybay )
• Our Mother of Perpetual Help Community (Terraverde Residences)
• San Agustin Chapel (Brgy. Bancal)
• Sacred Heart of Jesus Chapel (Cityland)
• Nuestra Señora del Santisimo Rosario Parish - (Brgy. Lantic)
• San Isidro Chapel (Lantic Proper)
• Immaculate Conception Chapel (Phase 3)

5:00 PM – Banal na Misa
7:00 PM – Pasanan patungong Milagrosa Chapel

𝐎𝐊𝐓𝐔𝐁𝐑𝐄 10, 2026, 𝐒𝐚𝐛𝐚𝐝𝐨
8:00 AM – Pahalik (Milagrosa Chapel)
6:30 PM – Banal na Misa (Milagrosa Chapel)
8:00 PM – Pasanan patungo sa St. Joseph Parish Church

𝐎𝐊𝐓𝐔𝐁𝐑𝐄 11, 2026, 𝐋𝐢𝐧𝐠𝐠𝐨
6:00 AM – Banal na Misa
8:00 AM – Banal na Misa
(magkakaroon ng pahalik pagkatapos ng bawat Banal na Misa)
4:30 PM – Grand Pasanan

𝐎𝐊𝐓𝐔𝐁𝐑𝐄 12, 2026, 𝐋𝐮𝐧𝐞𝐬
7:00 AM – Misa ng Pamamaalam
8:00 AM – Pahalik
10:00 AM – Paghatid ng Replika ng Mahal na Poong Hesus Nazareno pabalik sa Minor Basilica and National Shrine of the Black Nazarene (Quiapo, Manila)

Halina't ating samahan si Jesus Nazareno sa Kanyang pagdalaw sa kanyang Itay na si San Jose. Sama-samang tayong mag-alay ng panalangin, pasasalamat, at debosyon sa banal na pagdiriwang na ito.

Sa pagdaan ng Mahal na Poong Nazareno sa inyong lugar, lubos po nating pinahahalagahan ang anumang simpleng inumin o meryenda na maiaabot natin sa ating mga mamamasan bilang suporta sa kanilang sakripisyo at debosyon.

𝗡𝘂𝗲𝘀𝘁𝗿𝗼 𝗣𝗮𝗱𝗿𝗲 𝗝𝗲𝘀𝘂𝘀 𝗡𝗮𝘇𝗮𝗿𝗲𝗻𝗼, 𝒌𝒂𝒂𝒘𝒂𝒂𝒏 𝒎𝒐 𝒌𝒂𝒎𝒊.

𝐕𝐢𝐯𝐚 𝐍𝐮𝐞𝐬𝐭𝐫𝐨 𝐏𝐚𝐝𝐫𝐞 𝐉𝐞𝐬𝐮𝐬 𝐍𝐚𝐳𝐚𝐫𝐞𝐧𝐨!
𝐕𝐢𝐯𝐚 𝐒𝐚𝐧 𝐉𝐨𝐬𝐞!

05/10/2026

𝗞𝗔𝗣𝗜𝗦𝗧𝗔𝗛𝗔𝗡 𝗡𝗚 𝗣𝗜𝗧𝗢𝗡𝗚 𝗔𝗥𝗞𝗔𝗡𝗚𝗛𝗘𝗟

Bilang paggunita sa Kapistahan ng Pitong Arkanghel noong Setyembre 29, 2026, matagumpay na isinagawa ang Banal na Misa sa ganap na ika-8:00 ng umaga sa Pitong Arkanghel Chapel, Brgy. Maduya. Ang pagdiriwang ay pinangunahan ng ating Kura Paroko na si Rev. Fr. Ariel Delos Reyes, kasama si Rev. Fr. Jorge Alberto Alvarenga, panauhing pari, kaisa ang mga mananampalataya mula sa Brgy. Maduya at mga kalapit na lugar.

Nawa’y magsilbing inspirasyon sa ating pang-araw-araw na buhay ang mga Arkanghel sa kanilang walang-sawang katapatan at paglilingkod sa Diyos.

𝗦𝗮𝗻 𝗠𝗶𝗴𝘂𝗲𝗹, 𝗦𝗮𝗻 𝗚𝗮𝗯𝗿𝗶𝗲𝗹, 𝗦𝗮𝗻 𝗥𝗮𝗳𝗮𝗲𝗹 𝗮𝘁 𝗺𝗴𝗮 𝗔𝗿𝗸𝗮𝗻𝗴𝗵𝗲𝗹, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒏𝒊𝒏𝒚𝒐 𝒌𝒂𝒎𝒊.

04/10/2026

𝐒𝐀𝐍𝐓𝐀 𝐅𝐀𝐔𝐒𝐓𝐈𝐍𝐀 𝐊𝐎𝐖𝐀𝐋𝐒𝐊𝐀
Oktubre 05

Noong Agosto 25, 1905 sa Glogowiec, Poland, ipinanganak sa isang mahirap ngunit relihiyosong pamilya ng mga magbubukid ang isang sanggol na pinangalanang Helena. Simula sa pagkabata ay naging katangi-tangi na siya dahil sa kanyang pagmamahal sa F. panalangin, paggawa, pagsunod, at pagiging matulungin sa mga naghihirap. Sa gulang na siyam, tinanggap niya ang Unang Komunyon.

PumasoK siya sa kongregasyon ng Sisters of Our Lady of Mercy noong Agosto 1. 1925, at tinanggap ang pangalang sister Maria Faustina. Namuhay siya sa kongregasyon sa loob ng labingtatlong taon at natalaga sa iba't ibang kumbento bilang tagaluto, hardinera at tagabantay ng pintuan. Ang buhay niya bilang relihiyosa ay tigib ng maraming paghihirap, at kakaibang mga biyayang mistikal.

Nagpakita si Jesus kay Sister Faustina noong Pebrero 22, 1931, at nagpakilala bilang "Hari ng Banal na Awa" (King of Divine Mercy). Itinalaga Niya si Sister Faustina na maging apostol at sekretarya ng Banal na Awa ng Diyos; maging halimbawa ng pagiging mahabagin sa kapwa; at maging instrumento ng pagpapalaganap ng awa ng Diyos sa sandaigdigan.

Noong Oktubre 5, 1938, iginupo siya ng sakit na tuberculosis. Pumanaw si Sister Maria Faustina sa gulang na tatlumpu't tatlong (33) taon sa bayan ng Krakow.

Dinakila siya bilang santo ng simbahan noong Abril 30, 2000 sa misang pinangunahan ni San Juan Pablo 11.

𝗣𝗔𝗡𝗔𝗟𝗔𝗡𝗚𝗜𝗡

O Hesus, na pinuspos Mo ang Iyong alagad, na si Sta. Faustina, na mataimtim na paggalang sa Iyong walang hanggang awa, loobin Mo po sana, kung ito ay naaayon sa Iyong banal na kagustuhan, na ipagkaloob sa amin, sa pamamagitan niya ang mga biyaya na aming hinihiling.
(Mataimtim na sambitin ang mga kahilingan)

Kami ay hindi karapat-dapat tumanggap ng Iyong awa dahil sa aming mga kasalanan, ngunit alalahanin po Ninyo Panginoon si Sta. Faustina dahilan sa kanyang mga sakripisyo at pagkakait sa kanyang sarili, ay gantimpalaan po sana Ninyo ang kanyang mga kabutihang loob sa pamamagitan ng pagkakaloob sa amin ng aming mga kahilingan na sa Iyong harapan ay aming idinudulog nang may buong pagtitiwala na tulad ng pagtitiwala ng isang bata, sa pagsusumamo na rin ni Sta. Faustina. Amen

Ama Namin,
Aba Ginoong Maria,
Luwalhati

𝗦𝗮𝗻𝘁𝗮 𝗙𝗮𝘂𝘀𝘁𝗶𝗻𝗮 𝗞𝗼𝘄𝗮𝗹𝘀𝗸𝗮, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

04/10/2026

𝙋𝘼𝙂𝘽𝘼𝙇𝙄𝙆. 𝙋𝘼𝙂𝙏𝘼𝙏𝘼𝙂𝙋𝙊. 𝙋𝘼𝙂𝙋𝘼𝙋𝘼𝙍𝘼𝙉𝙂𝘼𝙇.

Makalipas ang dalawang taon, muli na namang magbabalik ang Mahal na Poong Jesus Nazareno sa Carmona, sa pangunguna ng Carmonian's Balangay.

Mula sa unang pagdalaw noong 2024, muling binuksan ang pintuan at puso ng pamayanan upang salubungin ang Poong Nazareno, hindi lamang bilang isang banal na imaheng ating pinaparangalan, kundi bilang Anak na muling umuwi sa tahanan ng Kanyang Itay.

Ang pagbabalik na ito ay paalala na ang tunay na paglalakbay ng pananampalataya ay hindi natatapos sa isang pagdalaw. Sa bawat pagbabalik ng Nazareno, tayo rin ay muling inaanyayahang bumalik sa Diyos, sa panalangin, at sa Kanyang mapagmahal na presensya.

Maligayang pagbabalik, Mahal na Poong Nazareno!

𝗗𝗔𝗟𝗔𝗪 𝗡𝗔𝗭𝗔𝗥𝗘𝗡𝗢 𝗦𝗔 𝗖𝗔𝗥𝗠𝗢𝗡𝗔
𝑱𝒆𝒔𝒖𝒔 𝑵𝒂𝒛𝒂𝒓𝒆𝒏𝒐 𝒔𝒂 𝑷𝒊𝒍𝒊𝒏𝒈 𝒏𝒈 𝑲𝒂𝒏𝒚𝒂𝒏𝒈 𝑰𝒕𝒂𝒚
October 8-12, 2026

Viva Nuestro Padre Jesus Nazareno!
Viva San Jose!

04/10/2026

𝐏𝐚𝐱 𝐞𝐭 𝐛𝐨𝐧𝐮𝐦!

Ngayon ay ating ginugunita ang Ikawalong
Sentenaryo ng kamatayan ni San Francisco ng Assisi.

Si San Francisco ng Assisi (1182–1226) ay nagmula sa mayamang pamilya sa Italya na tumalikod sa kayamanan upang italaga ang sarili sa Diyos. Namuhay siya nang may matinding karalitaan, ipinangaral ang pagmamahal sa Diyos at sa kalikasan, at itinatag ang Orden ng mga Franciscano na pinagtibay ng Banal na Sede. Pumanaw siya noong 1226 pagkatapos tanggapin ang stigmata o mga sugat ni Kristo.

Nawa'y ating matularan natin si San Francisco na namuhay sa karukhaan, sa pagiging mabuti sa ating kapwa, gayundin ay ang magdala ng kapayaan sa sangnilikha.

𝗦𝗮𝗻 𝗙𝗿𝗮𝗻𝗰𝗶𝘀𝗰𝗼 𝗻𝗴 𝗔𝘀𝘀𝗶𝘀𝗶, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

03/10/2026

𝐒𝐀𝐍 𝐅𝐑𝐀𝐍𝐂𝐈𝐒𝐂𝐎 𝐍𝐆 𝐀𝐒𝐒𝐈𝐒𝐈
Oktubre 04

Nang isilang siya sa isang sabsaban sa Assisi, Umbria, Italya, noong 1181, Francisco (munting Pranses) ang ipinangalan sa kanya sa dahilang malimit maglakbay si Pedro Bernardone, na kanyang ama, sa pangangalakal ng damit sa Pransiya.

Sa kabataan ni Francisco ay walang mababakas ni isa mang tanda na siya'y makararating sa tugatog ng kabanalan, na hahangaan ng mga Katoliko at kahit ng mga hindi katoliko. Siya'y isang lalaking lagalag at marangya, isang sundalong mahilig sa kamunduhan. Ngunit nang minsang magkasakit nang malubha sa bilangguan, nagbalik-loob siya sa Diyos.

Nang ibigay niya sa mahihirap ang kanyang kayamanan upang tuparin ang habilin ni Cristo sa Ebanghelyo, ay nagalit ang kanyang ama at itinakwil siya bilang anak.

Nabuhay siyang isang maralita sa gubat at namalagi sa pananalangin at pagpepenitensya sa simbahan ni San Damian. Pinaglingkuran niya ang mga dukha at maysakit; tinuring niyang "esposa" ang kahirapan, at mga kapatid naman ang araw, mga hayop at ibon.

Upang mapalaganap ang kanyang kilusan ay itinatag ni San Francisco ang Orden ng mga Paring Pransiskano, Madre Clarisa at Orden Tercera.

Taong 1224 tinanggap ni San Francisco sa kanyang katawan ang mga sugat ng Panginoon (stigmata) na tumagal hanggang sa dumating ang kapatid na "Kamatayan" noong Oktubre 4, 1226. Siya ang nagpasimula ng "belen" na inilalagay natin sa mga altar kung dumarating ang Pasko.

𝗣𝗔𝗡𝗔𝗟𝗔𝗡𝗚𝗜𝗡

Ama naming makapangyarihan,
iginawad mo kay San Francisco
ang pagkakawangis kay Kristo
sa kusang pagpapakarukha at pamumuhay na hamak.
Matalunton nawa namin ang kanyang landas
upang masundan namin siya at makaisa
ka sa maligayang pag-ibig
sa pamamagitan ni Hesukristo
kasama ng Espiritu Santo magpasawalang hanggan. Amen.

𝗦𝗮𝗻 𝗙𝗿𝗮𝗻𝗰𝗶𝘀𝗰𝗼 𝗻𝗴 𝗔𝘀𝘀𝗶𝘀𝗶, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

St. Joseph Parish - Carmona

07/10/2026

07/10/2026

06/10/2026

06/10/2026

06/10/2026

05/10/2026

04/10/2026

04/10/2026

04/10/2026

03/10/2026

Address

Opening Hours

Website

Alerts

Shortcuts

Share

Category

Listing takedown request

Tuesday	8:30am - 11:30am
	2:30pm - 5:30pm
Wednesday	8:30am - 11:30am
	2:30pm - 5:30pm
Thursday	8:30am - 11:30am
	2:30pm - 5:30pm
Friday	8:30am - 11:30am
	2:30pm - 5:30pm
Saturday	8:30am - 11:30am
	2:30pm - 6pm
Sunday	8:30am - 11:30am