St. Joseph Parish - Carmona

07/09/2026

𝐀𝐍𝐆 𝐏𝐀𝐆𝐒𝐈𝐋𝐀𝐍𝐆 𝐒𝐀 𝐌𝐀𝐇𝐀𝐋 𝐍𝐀 𝐁𝐈𝐑𝐇𝐄𝐍
𝑲𝒂𝒑𝒊𝒔𝒕𝒂𝒉𝒂𝒏
Setyembre 08

Ipinagugunita sa atin sa araw na ito "Ang Pagsilang ng Mahal na Ina ng Diyos". Kung ipinagdiriwang ang ating pagsilang nang buong kasiyahan, lalo't higit ang pagsilang ng lna ng Diyos at lna ng sangkatauhan, ang Reyna ng langit at lupa - si Mariang kaibig-ibig.

Ang pistang ito na ukol sa pagsilang ng Mahal na Birhen ay simula pa noong mga huling taon ng ikapitong dantaon. lpinalalagay ng ilan na si Maria ay sumilang sa Nazareth; ayon naman sa iba, sa Jerusalem, sa angkan nina San Joaquin at Santa Ana.

𝗣𝗔𝗡𝗔𝗟𝗔𝗡𝗚𝗜𝗡

Ama naming makapangyarihan,
igawad mo ang iyong kaloob
sa iyong angkan upang ang mga nagkamit
ng pasimula ng kaligtasan sa ipinanganak
na Kristo ng Birheng Mahal
ay makatanggap ng ibayong
kapayapaan sa kapistahan
ng pagsilang ni Mariang Ina ng tanan
sa pamamagitan ni Hesukristo
kasama ng Espiritu Santo magpasawalang hanggan. Amen.

𝗦𝗮𝗻𝘁𝗮 𝗠𝗮𝗿𝗶𝗮, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.
——————————————————————————————
TALAAN NG GAWAIN

4:00 pm Santo Rosaryo
5:00 pm Banal na Misa
——————————————————————————————

06/09/2026

𝑩𝒂𝒏𝒂𝒍 𝒏𝒂 𝑶𝒓𝒂𝒔 𝒔𝒂 𝑼𝒏𝒂𝒏𝒈 𝑩𝒊𝒚𝒆𝒓𝒏𝒆𝒔 𝒏𝒈 𝑺𝒆𝒕𝒚𝒆𝒎𝒃𝒓𝒆

𝗧𝗜𝗡𝗚𝗡𝗔𝗡 | Mga larawang kuha sa isinigawang Banal na Oras na sinundan ng Banal na Misa noong Setyembre 04, unang Biyernes ng buwan, ikalima ng hapon sa pangunguna ng ating kura paroko, Reb. P. Ariel Delos Reyes

Pakikitagpo sa tunay na presensya ni Kristo ang hatid sa atin ng Banal na Oras, isang sandali ng katahimikan at pagninilay-nilay habang tayo’y nasa kanlungan ng ating Panginoon. Ang presensya na nagdudulot sa atin ng kapahingaan sa maingay at magulong mundo, kaya’t amin kayong inaanyayahan na makiisa sa Banal na Oras tuwing unang biyernes ng buwan.

06/09/2026

𝗣𝗔𝗚𝗕𝗔𝗧𝗜 𝗡𝗚 𝗜𝗞𝗔-29 𝗔𝗡𝗜𝗕𝗘𝗥𝗦𝗔𝗥𝗬𝗢 𝗦𝗔 𝗠𝗚𝗔 𝗟𝗜𝗡𝗚𝗞𝗢𝗗 𝗡𝗚 𝗗𝗔𝗠𝗕𝗔𝗡𝗔 𝗦𝗔 𝗔𝗧𝗜𝗡𝗚 𝗣𝗔𝗥𝗢𝗞𝗬𝗔!

𝗣𝗔𝗚𝗕𝗔𝗧𝗜 𝗡𝗚 𝗜𝗞𝗔-29 𝗔𝗡𝗜𝗕𝗘𝗥𝗦𝗔𝗥𝗬𝗢 𝗦𝗔 𝗠𝗚𝗔 𝗟𝗜𝗡𝗚𝗞𝗢𝗗 𝗡𝗚 𝗗𝗔𝗠𝗕𝗔𝗡𝗔 𝗦𝗔 𝗔𝗧𝗜𝗡𝗚 𝗣𝗔𝗥𝗢𝗞𝗬𝗔!

Sa loob ng dalawampu't siyam na taon, patuloy tayong naglilingkod at maglilingkod ng buong puso at pagmamahal. Ipinapakita natin ang ating pagmamahal at pananampalataya sa pamamagitan ng pag-aalay ng oras, kakayahan, at malasakit sa kapwa.

Sa darating pang mga taon, asahan natin na patuloy nating mapanatili ang ating masigasig na paglilingkod sa dambana.

Patuloy nawang mag-alab ang ating mga puso sa paglilingkod sa dambana nang may kabanalan at kagalakan.

04/09/2026

𝐒𝐀𝐍𝐓𝐀 𝐓𝐄𝐑𝐄𝐒𝐀 𝐍𝐆 𝐂𝐀𝐋𝐂𝐔𝐓𝐓𝐀
Setyembre 05

Ipinanganak si Agnes Gonxha Bojaxhiu noong Agosto 26, 1910 sa Skopje, Macedonia kina Nikola at Dranafile Bojaxhiu.

Noong taong 1928,si Agnes Bojaxhiu ay nagdesisyong maging miyembro ng Sisters of Loreto sa Dublin. Doon pinili niya ang pangalang Sister Mary Teresa alinsunod sa pangalan ni Santa
Teresa ng Lisieux. Nagturo siya sa India sa loob ng labingpitong taon. Noong Setyembre 10, 1946, naramdaman ni Teresa ang ikalawang tawag ng bokasyon-tawag na nagpabago sa kanyang buhay.

Matapos ang halos isang taon at kalahating paghihintay, noong Enero 1948, nabigyan ng pahintulot si Teresa na ituloy ang kanyang bagong misyon. Suot ang asul at puting sari nilisan niya ang kumbento ng Loreto at nilibot ang buong lungsod upang maglingkod sa mga may pinakamatinding sakit at sa mga pinakamahirap sa mga estero ng Calcutta. Itinatag niya ang kongregasyon ng Missionaries of Charity.

Noong 1979 iginawad kay Mother Teresa ang Nobel Peace Prize para sa kanyang mga makataong gawain. Pumanaw siya noong Setyembre 1997. Tinanghal siyang santo ng simbahan noong Setyembre 4, 2016 sa misang pinangunahan ni Papa Francisco.

𝗣𝗔𝗡𝗔𝗟𝗔𝗡𝗚𝗜𝗡

Hesus, iginawad mo kay Santa Teresa ang karangalan na maging halimbawa ng matatag na pananampalataya,
masighing pag-ibig, tanda ng walang kaparis na kababaang-loob, at tagapagtaguyod ng karangalan ng bawat tao.

Idinadalangin namin sayo, Oh Hesus namin,na siya ay aming alalahanin at gawing ehemplo bilang isa sa mga Dakilang Santa ng Iyong Iglesia Katolika. Nawa'y dinggin Mo ang mga pamimintuho niya para sa Iyong bayan at ipagkaloob ang aming hinihiling (banggitin ang kahilingan)

Sa pamamagitan ng Iyong grasya, akayin kami na masundan ang tinahak na landas ni Santa Teresa ng Calcutta: ang pagdamay sa pagkauhaw mo sa Krus at kilalanin ka sa mga walang wala higit lalo sa yaong mga tinalikdan at kinalimutan. Idinadalangin namin ito kasama ni Maria aming Ina. Amen.

𝗦𝗮𝗻𝘁𝗮 𝗧𝗲𝗿𝗲𝘀𝗮 𝗻𝗴 𝗖𝗮𝗹𝗰𝘂𝘁𝘁𝗮, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

03/09/2026

𝗣𝗔𝗔𝗡𝗬𝗔𝗬𝗔 | 𝑩𝒂𝒏𝒂𝒍 𝒏𝒂 𝑶𝒓𝒂𝒔 𝒔𝒂 𝑼𝒏𝒂𝒏𝒈 𝑩𝒊𝒚𝒆𝒓𝒏𝒆𝒔 𝒏𝒈 𝑺𝒆𝒕𝒚𝒆𝒎𝒃𝒓𝒆

Malugod namin kayong inaanyayahan ngayong darating na Biyernes, Setyembre 04, para sa Banal na Oras o ang Pananalangin at Pagsamba sa harap ng Banal na Sakramento. Ito ay pangangasiwaan ng Apostolado ng Panalangin.

Narito ang Talaan ng mga gawain:
3:00 PM | Santo Rosaryo
3:30 PM | Nobena para sa Kapistahan ng Pagsilang ng Mahal na Birheng Maria
4:00 PM | Banal na Oras
5:00 PM | Banal na Misa

Halina't ating damhin ang presensya ng Diyos sa Santisimo Sakramento sa Altar!

02/09/2026

𝐒𝐀𝐍 𝐆𝐑𝐄𝐆𝐎𝐑𝐈𝐎 𝐌𝐀𝐆𝐍𝐎
Setyembre 03

Si San Gregorio Magno ay nagmula sa isang maharlikang angkan sa Roma. Tumalikod siya sa kanyang malawak na ari-arian upang maging monghe at harapin ang pagpapakabanal ng sarili. Subalit tinawag siya ni Papa Pelagio ll at ginawang nunsyo sa Constantinople sa palasyo ng Emperador. Di naglaon, sa kabila na kanyang pagtutol, siya ang humalili kay Pelagio Il sa kataas-taasang Luklukan ni San Pedro, sa kahilingan ng buong bayan. Siya ang kauna-unahang mongheng Benedictino na naging Santo Papa.

Nabibilang si San Gregorio sa hanay ng mga pinakabantog na tao ng kanyang panahon. Inayos niya ang liturhiya: disipina eklesiyastika at musika sagrada; sinugpo ang iba't ibang erehiya o kamalian; nagpadala ng mga misyonero sa Englatera, at namagitan din sa mga hari at prinsipe upang manumbalik ang kapayapaan sa Italya. Isinulat niya ang mga kilalang aklat na tulad ng Los Morales, Los Dialogos at Regula Pastoralis. Sa kanya nagsimula ang tinatawag na Kanto Gregoriano, Misas Gregorianas at ang pamagat ng Santo Papa na Servus Servorum Dei (alagad ng mga alagad ng Diyos).

Sa kabila ng kanyang pagiging dakila o magno, naghahari sa kanyang isipan ang pagpapakabanal sa sarili sa pamamagitan ng malimit na pananalangin at sa pagtulong sa mga maysakit at maralita. Namatay si San Gregorio noong 604, pagkatapos niyang maging Santo Papa sa loob ng labintatlong taon.

𝗣𝗔𝗡𝗔𝗟𝗔𝗡𝗚𝗜𝗡

Ama naming makapangyarihan,
ang iyong mga hinirang na tao
ay matiyaga mong tinuturuan
at maibiging nililingap.
Ipagkaloob mo sa amin ang iyong Espiritu
ng karunungan bilang tugon sa pagdalangin
ni Papa San Gregorio na pinangasiwa
mo sa iyong Sambayanan upang
maging kasiyahan kailanman
ng mga tagapangasiwa ang pag-unlad
ng kawang banal sa isip, salita at gawa
sa pamamagitan ni Hesukristo
kasama ng Espiritu Santo magpasawalang hanggan. Amen.

𝗦𝗮𝗻 𝗚𝗿𝗲𝗴𝗼𝗿𝗶𝗼 𝗠𝗮𝗴𝗻𝗼, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

01/09/2026

𝐃𝐄𝐁𝐎𝐒𝐘𝐎𝐍 𝐊𝐀𝐘 𝐒𝐀𝐍 𝐉𝐎𝐒𝐄
𝑼𝒏𝒂𝒏𝒈 𝑴𝒊𝒚𝒆𝒓𝒌𝒖𝒍𝒆𝒔 𝒏𝒈 𝒃𝒖𝒘𝒂𝒏

𝗗𝗮𝗹𝗮𝗻𝗴𝗶𝗻 𝗻𝗴 𝗣𝗮𝗴𝗽𝗮𝗽𝗮𝗮𝗺𝗽𝗼𝗻 𝗸𝗮𝘆 𝗦𝗮𝗻 𝗝𝗼𝘀𝗲

Mahal naming San Jose, aming ama, ipinagbubunyi namin ang iyong kadakilaan bilang tapag-aruga ng Anak ng Diyos. Tapat ka at masunurin sa kalooban ng Diyos, puno ng kababaang-loob. O banal na Tagapagtangkilik, kami'y dumudulog sa iyo upang ipaampon ang aming sarili sa iyo at pag-ingatan kami gaya ng ginawa mo kay Jesus na aming kapatid. Dumadalangin kami sa iyo taglay ang pagkilala sa tunay na Diyos at Ama ng lahat na nawa'y mailapit mo kami sa Kanya na bukal ng awa at biyaya.

O butihing Ama ng Banal na Mag-anak, kupkupin mo ang lahat ng pamilya at ipagtanggol laban sa mga impluwensiya na unti-unting sumisira sa magandang pagsasamahan. Kalingain mo rin ang Simbahan ng iyong Anak, ang malaganap na pamilya ng Diyos. Nawa'y tugunin mo ang lahat ng nagpaaampon sa iyo at ilapit ang kalagayan sa makapangyarihang Ama. Magiliwing tagapagtangkilik, ibilang mo kami sa iyong angkan kung saan naroon ang aming Inang si Maria na kumakandili rin sa amin at si Jesus na nagliligtas. Nananalig kami sa iyong katapatan na kung paano mo pinangalagaan ang munting pamilya ng Nazaret ay kaya mo ring tangkilikin ang buong Simbahang namimintuho sa iyo. Amen.

𝗦𝗔𝗡 𝗝𝗢𝗦𝗘, 𝗮𝗺𝗶𝗻𝗴 𝘁𝗮𝗴𝗮𝗽𝗮𝗴𝘁𝗮𝗻𝗴𝗴𝗼𝗹, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

𝑯𝒂𝒍𝒊𝒏𝒂! 𝑳𝒖𝒎𝒂𝒑𝒊𝒕 𝒌𝒂𝒚 𝑺𝒂𝒏 𝑱𝒐𝒔𝒆! 💚💛



No copyright infringement intended.

29/08/2026

𝗣𝗔𝗕𝗔𝗧𝗜𝗗

Ipinababatid po na 𝗞𝗔𝗡𝗦𝗘𝗟𝗔𝗗𝗢 𝗮𝗻𝗴 𝗞𝗮𝘁𝗲𝗸𝗲𝘀𝗶𝘀 𝗯𝗶𝗹𝗮𝗻𝗴 𝗽𝗮𝗴𝗵𝗮𝗵𝗮𝗻𝗱𝗮 𝘀𝗮 𝗨𝗻𝗮𝗻𝗴 𝗣𝗮𝗸𝗶𝗸𝗶𝗻𝗮𝗯𝗮𝗻𝗴 (𝗙𝗶𝗿𝘀𝘁 𝗖𝗼𝗺𝗺𝘂𝗻𝗶𝗼𝗻) bukas, 𝗔𝗴𝗼𝘀𝘁𝗼 𝟯𝟬, 𝟮𝟬𝟮𝟲 (𝗟𝗶𝗻𝗴𝗴𝗼), dahil sa masamang panahon.

Ito ay ipagpapatuloy sa susunod na Linggo.

Hinihiling po namin ang inyong pang-unawa. Higit sa lahat, unahin natin ang kaligtasan ng bawat isa.

Para sa iba pang mga katanungan o paglilinaw, mangyaring magpadala ng mensahe sa aming page. Maraming Salamat!

29/08/2026

𝐏𝐀𝐆𝐏𝐀𝐏𝐀𝐊𝐀𝐒𝐀𝐊𝐈𝐓 𝐍𝐈 𝐒𝐀𝐍 𝐉𝐔𝐀𝐍 𝐁𝐔𝐒𝐓𝐈𝐒𝐓𝐀
Agosto 29

Ang Mabuting Balita ng Panginoon ayon kay San Marcos (Mt. 6:17-29)

Noong panahong iyon, si Herodes ang nagpahuli, nagpagapos at nagpabilanggo kay Juan dahil kay Herodias. Ang babaing ito’y asawa ni Felipe na kapatid ni Herodes ngunit kinakasama niya. Laging sinasabi sa kanya ni Juan, “Hindi matuwid na kunin ninyo ang asawa ng inyong kapatid.” Kaya’t si Herodias ay nagkimkim ng galit kay Juan. Hinangad niyang ipapatay ito, ngunit hindi niya magawa, sapagkat natatakot si Herodes kay Juan. Alam niyang ito’y taong matuwid at banal, kaya’t ipinagsasanggalang niya. Gustong-gusto niyang makinig kay Juan, bagamat labis siyang nababagabag sa mga sinasabi nito.

Sa wakas ay nagkaroon ng pagkakataon si Herodias nang anyayahan ni Herodes sa kanyang kaarawan ang kanyang mga kagawad, mga pinuno ng hukbo, at ang mga pangunahing mamamayan ng Galilea. Pumasok ang anak na babae ni Herodias at nagsayaw. Labis na nasiyahan si Herodes at ang mga panauhin, kaya’t sinabi ng hari sa dalaga, “Hingin mo sa akin ang anumang ibig mo at ibibigay ko sa iyo.” At naisumpa pa niyang ibibigay kahit ang kalahati ng kanyang kaharian kung ito ang hihilingin. Lumabas ang dalaga at tinanong ang kanyang ina, “Ano ang hihingin ko?” “Ang ulo ni Juan Bautista,” sagot ng ina. Dali-daling nagbalik ang dalaga sa kinaroroonan ng hari. “Ang ibig ko po’y ibigay ninyo sa akin ngayon din, sa isang pinggan, ang ulo ni Juan Bautista,” sabi niya. Labis na nalungkot ang hari, ngunit dahil sa kanyang sumpa na narinig ng kanyang mga panauhin, hindi niya matanggihan ang dalaga. Kaagad niyang iniutos sa isang bantay na dalhin sa kanya ang ulo ni Juan. Sumunod ang bantay at pinugutan si Juan sa bilangguan, inilagay ang ulo sa isang pinggan, at ibinigay sa dalaga. Ibinigay naman iyon ng dalaga sa kanyang ina. Nang mabalitaan ito ng mga alagad ni Juan, kinuha nila ang kanyang bangkay at inilibing.

𝗣𝗔𝗡𝗔𝗟𝗔𝗡𝗚𝗜𝗡

Ama naming makapangyarihan, niloob mong sa pagkasilang at pagkamatay ang iyong Anak ay pangunahan ni San Juan Bautista ang kanyang pagpapakasakit para sa matapat mong katotohanan ay amin nawang dibdibang mapanindigan sa pananalig sa iyong aral, sa pamamagitan ni Hesukristo kasama ng Espiritu Santo magpasawalang hanggan.

𝗦𝗮𝗻 𝗝𝘂𝗮𝗻 𝗕𝗮𝘂𝘁𝗶𝘀𝘁𝗮, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

29/08/2026

𝐏𝐀𝐀𝐍𝐘𝐀𝐘𝐀 | 𝑵𝒐𝒃𝒆𝒏𝒂 𝒑𝒂𝒓𝒂 𝒔𝒂 𝑲𝒂𝒑𝒊𝒔𝒕𝒂𝒉𝒂𝒏 𝒏𝒈 𝑷𝒂𝒈𝒔𝒊𝒍𝒂𝒏𝒈 𝒏𝒈 𝑴𝒂𝒉𝒂𝒍 𝒏𝒂 𝑩𝒊𝒓𝒉𝒆𝒏𝒈 𝑴𝒂𝒓𝒊𝒂

Malugod naming inaanyayahan ang lahat na makiisa sa Nobena para sa Kapistahan ng Pagsilang ng Mahal na Birheng Maria mula Agosto 30 hanggang Setyembre 07.

Narito ang talaan ng mga gawain:
4:00 PM Santo Rosaryo
4:30 PM Nobena
5:00 PM Banal na Misa

Sa siyam na araw na ito ng pananalangin, samahan natin ang Mahal na Birheng Maria sa paghahanda para sa kanyang kapistahan. Sa piling ng ating Ina, nawa’y matagpuan natin ang kapanatagan sa gitna ng mga pagsubok at ang lakas na patuloy na magtiwala sa Diyos.