Patron Sto. Niño Pamibian Candelaria Zambales

22/08/2026

𝗜𝗦𝗔𝗡𝗚 𝗕𝗔𝗚𝗢𝗡𝗚 𝗣𝗔𝗦𝗧𝗢𝗟, 𝗜𝗦𝗔𝗡𝗚 𝗕𝗔𝗚𝗢𝗡𝗚 𝗦𝗜𝗠𝗨𝗟𝗔

Buong galak at pasasalamat na inaanyayahan ang lahat sa Banal na Pagdiriwang ng Eukaristiya at Rito ng Kanonikal na Pagtatalaga kay
REV. FR. ARWIN E. YSONZA
bilang ating Bagong Kura Paroko at Pastol ng
Parokya ni San Vicente Ferrer – Candelaria, Zambales.

Kasabay nito ang Pormal na Pagtanggap at Pagbati sa ating Bagong Pastol, gayundin ang pagdiriwang ng kanyang kaarawan bilang pasasalamat sa Diyos sa biyaya ng kanyang buhay at bokasyon.

Agosto 26, 2026 | 9:00 N.U.
Parokya ni San Vicente Ferrer
Candelaria, Zambales
Ang Banal na Misa ay pangungunahan ng
Lub. Kgg. Most Rev. Bartolome G. Santos Jr., D.D.
Bishop of Iba

Halina't makiisa sa makabuluhang pagdiriwang na ito habang sama-sama nating tinatanggap ang ating bagong pastol at ipinagkakatiwala sa Panginoon ang kanyang paglilingkod sa ating pamayanang parokyal.

31/07/2026

ANNOUNCEMENT PO:

Pinababatid po sa ating mga kabarangay na wala pa po tayong Brgy. Mass sa darating na Sabado - Aug. 1.
Magkakarooon po muna ng PPC meeting sa Linggo - Aug. 2 upang talakayin po ang posibleng pagbabago sa schedule (araw at oras) po ng ating magiging regular Brgy. Mass.
Maraming salamat po sa pang unawa.

- BPC Pamibian

03/07/2026

Ang ating REGULAR BARANGAY MASS ay magpapatuloy sa buwan na po ng Agosto.

Antabayan po ang announcement kung meron pong mga pagbabago sa schedule.

Maraming salamat po sa pang unawa.

05/06/2026

Announcement po!!
Wala po muna tayong Brgy. Mass nitong 1st Saturday sa ating chapel. Magkakaroon po muna ng pagpupulong ang buong Parish Pastoral Council at mga heads po kasama po ang ating bagong Parish Priest na si Fr. Arwin Ysonza.
Inaanyayahan po tayo na sa Parokya po muna tayo magsimba sa darating ng Linggo.
Maraming salamat po sa pang unawa.

27/05/2026

LUZVI MAE EDEJER
Brgy. Pamibian
REYNA DE LAS FLORES 2026

Reyna de las Flores
Sumisimbolo sa kadalisayan at debosyon-ang bulaklak ay tanda ng malinis na puso na iniaalay kay Maria.

Si Reyna de las Flores ay paalala na:
• Ang simpleng alay, tulad ng bulaklak, ay mahalaga kung ito ay galing sa puso
• Dapat tayong maging "bulaklak" sa harap ng Diyos-malinis, mabango ang asal, at mapagmahal.
-Ang debosyon kay Maria ay naipapakita sa maliit ngunit taos-pusong gawa

*Mula po sa pamilya ni Luzvi Mae Edejer ( Kgd. Rodrigo Edejer at Gng. Trisha Edejer) at sa pamunuan ng Barangay Pastoral Council (Pamibian), kami po ay nagpapasalamat sa Pamibian Barangay Council sa pamumuno ni Brgy. Capt. Melvin Echon at sa lahat po lalo na ang ating mga kabarangay na nagkaisa at tumulong para sa adhikaing ito.
Muli ang aming taos pusong pasasalamat. Naway patuloy po tayong biyayaan at kalugdan ng ating Panginoon sa tulong at pagmamahal ng ating Mahal na Birheng Maria.🙏

21/05/2026

Isang karangalan ang ipaalam sa inyo na ang ating kandidata para SVFP SANTACRUZAN 2026 na si Bb. LUZVI MAE EDEJER ay ang ating REYNA DE LAS FLORES ngayong taon.

Lubos po ang aming pasasalamat sa lahat po ng tumulong at nakiisa para sa adhikaing ito. Na appreciate po namin ang pag welcome nyo po sa amin sa inyong tahanan. Maraming salamat po sa mga magulang ni Luzvi Mae na sina Brgy. Kgd & Mrs. Rodrigo Edejer Jr. sa pagpapaunlak nyo sa aming kahilingan. Gayundin po kina Kgd. Wennie Hermogino, Kurt Edquilang Echaure, Rodolph John Edejer Edquiban, at Ebilane Brothers sa pag assist sa ating kandidata.

Hindi lang po karangalan ang naibigay ni Luzvi Mae sa ating barangay, kundi ang pusong puno ng pagtulong sa ating simbahan (sa parokya ni San Vicente Ferrer at sa ating Sto. Niño Chapel).

Bukod sa magandang adhikain, layunin din nito ang patuloy nating pag gunita sa napakagandang tradisyon at debosyon para kay Maria na puno ng pananampalataya.

Ang sagala po ay idaraos sa Myerkules, May 27, 2026

Muli, congratulations!!!
LUZVI MAE EDEJER
REYNA DE LAS FLORES 2026

- BPC Pamibian

01/05/2026

Magkakaroon po tayo ng Banal na Misa bukas May 2, sa ganap na ika 7:00 ng gabi.

Ito na po ang huling Brgy. Mass sa ating chapel ng ating mahal na Parish Priest -
Fr. Adrian Ermita.

Nais po ni Fr. Adrian na magkaroon ng unting pagtitipon (bonding) pagkatapos ng Misa kaya inaanyayahan po ang ating mga parokyano na dumalo sa Misa at sa pagtitipon.

01/05/2026

Amin pong ipinakilala ang ating Official Candidate para po sa SVFP Santacruzan 2026! Siya po ay si Bb. LUZVI MAE EDEJER.

Bukod sa adhikaing ipalaganap ang tradisyon ng Santacruzan at debosyon kay Maria, ang pagsali po ni Luzvi Mae ay may kalakip na pagtulong sa ating Parokya at sa ating Chapel.

Nawa mabigay po natin ang ating tiwala, suporta at higit sa lahat ang ating panalangin para sa ating kandidata. Ang pakikiisa po natin sa kanya ay ang inyo na ring pagtulong sa ating Simbahan.

Maraming salamat po.

27/04/2026

21/04/2026

LAKBAY DASAL NI SAN VICENTE FERRER 2026

Ang imahe po ng ating Mahal na Patron San Vicente Ferrer at dadalaw sa ating Brgy. Chapel sa darating na Hwebes April 23. Atin po syang salubungin mula sa Brgy. Babancal sa ganap na ika- 8:00 ng umaga.
Magkakaroon po tayo ng Banal na misa sa ganap na ika - 9:00 ng umaga.
Mananatili po si San Vicente Ferrer sa ating chapel hanggang ika - 11:00 ng umaga. Sya po ay ihahatid natin sa Brgy. Malimanga.

Samahan po natin ang ating pinagpalang Patron San Vicente Ferrer!!