Calumpit Muslims Inc.

05/10/2026

GINIGISING NATIN SILA PARA SA ESKWELA. PERO GINIGISING BA NATIN SILA PARA SA SALAH?

Bilang mga magulang, gusto nating maging maayos ang kinabukasan ng ating mga anak.

Gusto nating makapagtapos sila.
Gusto nating magkaroon sila ng magandang trabaho.
Gusto nating maging successful sila sa buhay.

Pero paano naman ang kanilang Salah?

Dahil darating ang panahon na hindi na ang grades, diploma, trabaho, o pera ang magiging pinakamahalagang bagay.

Tatanungin tayo tungkol sa ating Deen.

Kaya habang bata pa sila, turuan natin silang mahalin ang Salah.

Gisingin natin sila para sa Fajr.
Paalalahanan sila kapag oras na ng Salah.
Dalhin natin sila sa masjid.
At higit sa lahat, ipakita natin sa kanila na ang Salah ay hindi isang istorbo sa buhay.

Ito ang pundasyon ng buhay ng isang Muslim.

Ang pagpapalaki ng anak ay hindi lamang paghahanda sa mundo.

Paghahanda rin ito para sa Akhirah.

Para sa patuloy na Islamic education at da’wah ng Darul Huda, maaari kayong magbigay ng sadaqah:

GCash: 09462769652

04/10/2026

Ang lahat ay nakatakda ayon sa isinulat ng Allah.

May isang dating estudyante ako sa dati kong paaralan na kalaunan ay yumakap sa Islam. Nang maghiwalay ang aming mga landas dahil sa paglipat niya ng paaralan, nagpatuloy siya sa kanyang pag-aaral sa Islam at higit sa lahat, nagpatuloy sa daʿwah. Hindi ko alam kung sino ang magiging bunga ng kanyang pag-anyaya.

Hanggang sa isang araw, sa gabay at awa ng Allah, isa pa niyang kaibigan na dati ko ring estudyante ang yumakap sa Islam at nagpatotoo ng Shahadah.

SubḥānAllāh.

Ang isang dating estudyante na aking naturuan ay naging tagapag-anyaya sa Islam, at ang isa pang dating estudyante ay naging bagong kapatid natin sa Islam.

Makalipas ang halos dalawang taon, muli kaming pinagtagpo ng Allah sa musalla.

Kung tutuusin, napakaliit lamang ng bahagi na maaari nating gawin. Maaari tayong magturo. Maaari tayong magpaalala. Maaari tayong mag-anyaya.

Ngunit ang Hidayah ay mula lamang sa Allah.

“Tunay na hindi mo magagabayan ang sinumang iyong minamahal, subalit ang Allah ang gumagabay sa sinumang Kanyang nais.”
— Qur’an 28:56

Kaya huwag nating isipin na walang saysay ang maliit na kabutihang ginagawa natin.

Maaaring hindi natin makita ang bunga nito ngayon.Maaaring lumipas ang mga buwan o taon.Maaaring maghiwalay ang ating mga landas.

Ngunit kapag itinakda ng Allah ang panahon, makikita natin kung paano Niya pinag-uugnay ang mga pangyayari sa paraang hindi natin kayang planuhin.

Ang dating estudyante ay naging daʿi.
Ang isa pang dating estudyante ay naging bagong Muslim. Matapos ang halos dalawang taon, muli kaming pinagtagpo, bilang magakakapatid.

Alhamdulillāh sa Hidayah.
Alhamdulillāh sa Qadr.

Ang Allah ang gumagabay. Ang Allah ang nagtatakda. At ang Allah ang nakaaalam kung kailan magiging bunga ang binhing itinanim.

29/09/2026

Proud to have a sister like her
https://www.facebook.com/share/14rSAfN214C/

Breaking Boundaries | BulSUans Recognized Among Ten Outstanding Students of the Philippines for Region 3

Bulacan State University proudly celebrates a historic milestone as two BulSUans, including the university’s first-ever honoree from an external campus, were recognized among the Ten Outstanding Students of the Philippines (TOSP) Region 3.

Mr. Neil Ivan G. Florencio of BulSU College of Science and Philosophy - Main Campus and Ms. Mahmooda Aziza R. Bhatti of BulSU Sarmiento Campus were among the ten students honored from the 20 Regional Finalists by the TOSP Foundation, Inc., in partnership with the Commission on Higher Education and the TOSP Region 3 Alumni Community of Heroes (R3ACH).

The awarding ceremony was held on Monday, September 28, at the Maritime Academy of Asia and the Pacific in Mariveles, Bataan. Associate Professor Joseph Roy F. Celestino, Dean of Student Affairs and Services - Main Campus and Dr. Aimee Grace M. Madlangbayan, who guided the two BulSUan representatives from the onset of the competition, also attended the ceremony.

Under the leadership of University President Dr. Teody C. San Andres, BulSU continues to foster a culture of excellence by recognizing outstanding students across its campuses and providing them opportunities to shine on the regional stage.

MaALAB na pagbati, BulSUans!

Lagi’t lagi para sa Diyos, sa bayan, at sa BulSU!

|
|

23/09/2026

23/09/2026

Isa na namang Kabataan ang nagabayan at yumakap sa pananampalatayang Islam. Nawa ay maging matatag siya sa pagsasabuhay ng mga Sunnah at aral ng Islam.

Gaya ng sinabi sa Marangal na Quran.

Man yahdihillāhu fa-lā muḍilla lah, wa man yuḍlil fa-lā hādiya lah.

“Ang sinumang gabayan ng Allah ay walang makapagliligaw sa kanya, at ang sinumang iligaw ng Allah ay walang makagagabay sa kanya.”

18/09/2026

Ang biyaya ng Allah ay dumarating sa paraang Siya ang nakaaalam at nagtakda.

Alhamdulillah. Sa biyaya at pahintulot ng Allah, naipamahagi po ang mga relief boxes na inilaan para sa ating mga kapatid na Muslim, sa pangunguna ni Mayor Lem Faustino at ng MSWDO, sa pamumuno ni Ma’am Flor Agbon.

Maraming salamat po sa inyong malasakit at patuloy na pag-alalay sa ating pamayanang Muslim. Nawa'y gantimpalaan kayo ng Allah sa bawat kabutihang inyong ginagawa. Jazakumullahu khayran.

Para naman sa ating mga kapatid na hindi nakadalo sa Salatul Jumuah ngayong araw, huwag po tayong mangamba. Magkita-kita po tayong muli sa susunod nating pagsamba, In shaa Allah.

Nawa'y patuloy tayong pagkalooban ng Allah ng sapat na kabuhayan, kaligtasan, pagkakaisa, at katatagan sa bawat pagsubok.

Alhamdulillahi Rabbil ‘Alamin.

17/09/2026

As-salāmu ʿalaykum wa raḥmatullāhi wa barakātuh sa lahat ng ating mga Kapatid na Muslim na Kalumpitenyo.

Alḥamdulillāh! Bubuksan na po muli ang ating Evacuation Center upang magamit natin para sa Salatul Jumuah.

Kaya naman, magkita-kita po tayo sa ganap na 12:00 ng tanghali upang sama-sama nating isagawa ang Salatul Jumuah at tumanggap ng biyaya at awa ng Allah ﷻ.

Inaanyayahan po namin ang bawat isa na makiisa, dumalo, at ipaalam sa iba nating mga Kapatid.

Jumah Mubarak!
Allahumma barik lana wa taqabbal minna.

12/09/2026

Sa ilalim ng patnubay ng Qur’an at Sunnah, isang bagong yugto ng buhay ang sinimulan sa pamamagitan ng Nikah. Isang sagradong kasunduan at pananagutan sa harap ng Allah ﷻ.

Ang Nikah ay pinangunahan ni Shaykh Abduljabbar Macapodi Basher sa isang yugto na puno ng du‘ā, paalala, at pagpapala para sa bagong mag-asawa.

Sinabi ng Allah ﷻ:
“At kabilang sa Kanyang mga tanda ay nilikha Niya para sa inyo ang mga asawa mula sa inyong mga sarili upang kayo ay makatagpo ng kapanatagan sa kanila, at inilagay Niya sa pagitan ninyo ang pagmamahalan at awa.”
— Qur’an 30:21

Nawa’y punuin ng Allah ﷻ ang inyong tahanan ng Sakīnah, Mawaddah at Rahmah, patatagin ang inyong īmān, pagpalain ang inyong pamilya, at gawin kayong magkasama hanggang sa Jannatul Firdaus.

بَارَكَ اللَّهُ لَكُمَا، وَبَارَكَ عَلَيْكُمَا، وَجَمَعَ بَيْنَكُمَا فِي خَيْرٍ
“Nawa’y pagpalain kayo ng Allah, ibuhos Niya ang Kanyang pagpapala sa inyong pagsasama, at pag-isahin Niya kayong dalawa sa kabutihan.”

Āmīn Yā Rabbal ‘Ālamīn.

10/09/2026

🕌 PAANYAYA SA SALATUL JUMU'AH

As-salāmu ʿalaykum wa raḥmatullāhi wa barakātuh, mga kapatid.

Dahil sa patuloy na pagiging okupado ng ating Evacuation Center, binuksan po ni Imam ang kaniyang tahanan upang doon maisagawa ang ating Ṣalātul Jumuʿah.

📍 Phase 2 Main Road, La Residencia Subdivision
🕛 12:00–1:00 ng tanghali

Inaanyayahan po ang lahat ng mga kapatid na may kakayahan na magbyahe upang magsama-sama sa pagsamba at paggunita kay Allah (SWT) at samantalahin ang pagkakataong makadalo sa Jumu'ah.

Nabanggit sa Marangal na Quran
“O kayong mga nananampalataya! Kapag tinawag na para sa Ṣalāh sa araw ng Jumuʿah, magmadali kayo sa pag-alaala kay Allah at iwan ninyo ang pangangalakal.”
— Qur’an 62:9

Nawa’y tanggapin ni Allah (SWT) ang ating Ṣalāh, duʿā, at mabubuting gawain, at pagkalooban tayo ng Kanyang pagpapala at awa.

Jazākumullāhu khayran.