Sto.Niño Parish - Ministry of the Altar Servers

09/08/2026

“Our Healing Mass goes to BULACAN.”🙏🙏🙏

09/08/2026

🙏✨ ANG HULING PAMAMALAGI NG BANAL NA IMAHEN AT RELIKYA NI SAN TARCISIO ✨🙏

Sa bawat sandali ng aming pagsasama-sama, dama namin ang isang natatanging biyaya—ang pagkakataong masilayan, maparangalan, at makapiling ang banal na imahen at relikya ni San Tarcisio, ang patron ng mga sakristan at huwaran ng katapangan, katapatan, at wagas na pagmamahal sa Banal na Eukaristiya. ❤️‍🔥

Sa pagdiriwang ng Banal na Misa, tayo ay pinangunahan ni Rev. Fr. Vincent Pragasam, na kasama nating naghandog ng panalangin at pasasalamat sa Diyos sa napakagandang pagkakataong ito.

Ngunit sa bawat pagdating ay may pamamaalam, at sa kanyang huling pamamalagi sa ating piling, hindi lamang alaala ang kanyang iiwan. Iiwan niya sa ating mga puso ang isang paalala: na ang tunay na paglilingkod sa Diyos ay nangangailangan ng tapang, katapatan, sakripisyo, at pusong handang mag-alay ng sarili. 🙏

San Tarcisio, salamat sa iyong halimbawa ng isang kabataang buong tapang na nanindigan para sa Banal na Eukaristiya. Sa iyong murang edad, ipinakita mong walang maliit na paglilingkod kapag ito ay iniaalay nang buong puso sa Diyos.

Nawa’y ang iyong halimbawa ay patuloy na maging ilaw at inspirasyon sa aming mga sakristan, lingkod ng altar, kabataan, at sa bawat lingkod ng Simbahan. Sa tuwing kami ay manghihina, ipaalala mo sa amin na ang paglilingkod ay isang biyaya; at sa tuwing kami ay matatakot, turuan mo kaming manindigan sa aming pananampalataya. 🕊️

Habang ikaw ay nagpapaalam sa aming piling, mananatili naman sa aming mga puso ang iyong halimbawa at alaala. Nawa’y sa bawat pagtunog ng kampana, bawat paghahanda sa Banal na Misa, at bawat paglapit sa altar, maalala namin ang iyong katapatan at pagmamahal sa Panginoon.

San Tarcisio, aming patron at huwaran, ipanalangin mo kami. 🙏

San Tarcisio, ipanalangin mo ang lahat ng mga sakristan at lingkod ng altar.
Patatagin mo ang kanilang pananampalataya, pag-alabin ang kanilang pagmamahal sa Banal na Eukaristiya, at gabayan sila sa kanilang tapat na paglilingkod sa Diyos at sa Simbahan. ❤️‍🔥

Hanggang sa muli, San Tarcisio.
Mananatili ka sa aming mga puso. 🕊️🙏

08/08/2026

✨ ISANG MAPAGPALANG ARAW PO SA INYONG LAHAT! ✨

Napakapalad po ng ating Parokya at ng bawat kapilyang nasasakupan nito. Dahil bumisita sa atin ang Unang Antas na Relikya ni San Tarsicio — na nagmula mismo sa kanyang banal na katawan, partikular sa kanyang buto!

Nais ko po siyang IPAKILALA AT BASAHIN SA INYO, ang naging buhay ng aming PATRON ng mga sakristan

Si San Tarsicio o isang bantang martir isang sakristan na labindalawang taong gulang pa lamang. Nabuhay siya noong panahon ng matinding pag-uusig sa mga Kristiyano sa Roma.

Sa halip na matakot, buong tapang niyang tinanggap ang tungkulin: magdala ng Banal na Eukaristiya sa mga maysakit at sa mga kapatid nating nakakulong.

Nang hinarang siya ng mga pagano at pilit nilang kinukuha ang kanyang dala, mahigpit niyang itinago at ipinagtanggol ang Banal na Eukaristiya. Pinahirapan at binato siya, ngunit hindi niya kailanman ipinagkaloob ang Sagradong Sakramento sa kanila.

Hanggang sa kanyang huling hininga, pinili niyang mamatay kaysa ipahamak ang Banal na Eukaristiya. Dahil sa kanyang tapat na paglilingkod at kabayanihan, siya ay kinilala bilang Patron ng mga Sakristan. 🙏🕊️

26/05/2026

Mga kuhang larawan sa isinagawang Team Building at Outing ng Ministry of Altar Servers.

Isang makahulugan at makabuluhang programa na naglalayong higit pang pagtibayin ang aming samahan bilang magkakapatid sa pananampalataya at bilang mga lingkod ng Diyos. Sa pamamagitan ng iba’t ibang gawain, palaro, talakayan, at sandali ng pagbabahaginan, mas lalo naming nakilala ang isa’t isa at higit na naunawaan ang tunay na diwa ng paglilingkod na may kababaang-loob, pagmamahal, at pananampalataya.

Ang gawaing ito ay hindi lamang naging pagkakataon para sa kasiyahan at pahinga, kundi isa ring daan upang mapalalim ang aming espirituwal na buhay at mapagtanto ang kahalagahan ng pagkakaisa, pagtutulungan, at pananagutan bilang mga altar servers ng Simbahan. Sa bawat tawanan, kwentuhan, at sama-samang karanasan, nabuo ang mas matibay na samahan na magsisilbing inspirasyon upang patuloy naming ialay ang aming oras, talento, at sarili sa tapat na paglilingkod sa Panginoon.

Nawa’y magsilbi itong alaala ng isang biyayang ipinagkaloob ng Diyos—isang karanasang puno ng saya, pagkatuto, at pagmamahalan na magpapatibay sa aming bokasyon bilang kabataang lingkod ng simbahan.



Sto. Niño Parish - Calumpit, Bulacan

26/05/2026

19/05/2026

✨ TEAM BUILDING NA, ANU TARA? ✨

“Sama-samang pagtuklas na may buong-puso sa paglilingkod, handang magbigay-liwanag.” ✨

📣 Mga Ka-Lingkodi!

Inaanyayahan namin ang bawat isa na makiisa sa ating Team Building 2026 — isang makabuluhang pagtitipon na magpapatibay ng samahan, pagtutulungan, at buong-pusong paglilingkod. 💙🤝

Asahan ang isang araw na puno ng kasiyahan, makabuluhang gawain, at mga alaalang magsisilbing inspirasyon sa ating patuloy na paglilingkod. 🌟

📅 Petsa: Mayo 25, 2026
🕗 Oras: Ika-8:00 ng Umaga
📍 Lokasyon: Letecia’s Garden Resort

🎯 Fun games
🎶 Bonding activities
📸 Picture-taking moments
🔥 Teamwork and camaraderie

🎤✨ Guest Speaker ✨🎤
Ralph Emmanuel A. Macale
(Panauhing Pandangal)

📍 MLA National Shrine and Parish of St. Anne

Lubos naming hinihikayat ang inyong pakikiisa upang lalo pang mapagtibay ang diwa ng pagkakaisa at paglilingkod. Kita-kits, mga Ka-Lingkodi! ✨🙌

Maraming salamat! 💙

24/04/2026

Mayo 24 | Kapistahan ni Sta. Maria Jacobe

Si Santa Maria Jacobe ay kinikilalang ina nina Apostol Santiago at Apostol Judas Tadeo. Ayon sa Banal na Kasulatan, siya ay kabilang sa mga banal na kababaihang nanatili sa paanan ng krus kasama ng Mahal na Birheng Maria noong ipako sa krus ang ating Panginoong Hesukristo. Isa rin siya sa tinatawag na “Tatlong Maria” na naging saksi sa Kanyang muling pagkabuhay.

Kasama nina Maria Magdalena at Maria Salome, si Maria Jacobe ay nagtungo sa libingan ng Panginoon upang pahiran ang Kanyang katawan. Sa kanilang pagdating, natagpuan nilang bukas ang libingan. Sa gitna ng kanilang pagdadalamhati, isang anghel ang naghatid ng mabuting balita: muling nabuhay ang Panginoon. Agad nila itong ibinalita sa mga apostol.

Batay sa mga aklat ng Juan (19:25), Mateo (27:56), at Marcos (15:40), si Santa Maria Jacobe ay kabilang sa mga hindi umalis sa paanan ng krus. Siya rin ay kinikilalang isa sa mga unang nakatanggap ng anunsyo ng Pagkabuhay na Mag-uli.

Ang imahen ni Santa Maria Jacobe ay makikita sa Prusisyon ng Banal na Paglilibing sa ating parokya tuwing Miyerkules Santo, Biyernes Santo, at Linggo ng Pagkabuhay.

Tampok sa larawan ang imahen ni Santa Maria Jacobe na nasa pangangalaga ni Bro. Andrey Miguel R. Ramos at ng kanyang pamilya, kuha ni Bro. Cymon Manalaysay. Ang imahen ay may hawak na walis o insenso bilang sagisag ng paglilinis sa libingan ng Panginoon. Ang unang Salida nito sa prusisyon ay noong taong 2025.

Santa Maria Jacobe, ipanalangin mo kami.

19/04/2026

𝐒𝐀𝐍𝐃𝐈𝐆𝐀𝐍 𝐎𝐁𝐈𝐓𝐔𝐀𝐑𝐈𝐎

Sa diwa ng pag-asa sa muling pagkabuhay ni Kristo, ipinababatid ang pagpanaw ni Reberendo Monsignor Roman O. Nocon, P.C., 96 taong gulang, isang pari ng Diyosesis ng Malolos.

Kasalukuyang nakahimlay ang kanyang mga labi sa Parokya ng San Ildefonso sa Guiguinto, Bulacan. Nakatakda ang Misa ng Paglilibing sa darating na Huwebes, ika-23 ng Abril sa ganap na ika-1 ng hapon.

Ang mga detalye tungkol sa kanyang buhay at ministeryo ay ilalathala dito sa Ang Sandigan.

Kapayapaan kailanman ay igawad ng Maykapal sa yumao naming mahal na si Mons. Roman.
Siya nawa ay silayan ng ilaw na walang hanggan.


=================
Visit our Website and Follow our Social Media Platforms!
Website: https://dioceseofmalolos.ph/
Facebook: https://www.facebook.com/angsandiganmalolos
Instagram: https://www.instagram.com/angsandiganmalolos
Youtube: https://www.youtube.com/c/angsandiganmalolos
TikTok: https://www.tiktok.com/