14/05/2026
PAALALA!
Sa LAHAT ng mga kapatiran at mga manggagawa ng IRM Bulacan District IV.
Pagbati sa inyo sa pangalan ng ating Panginoong Jesu-Cristo.
Sa mga panahong ito na mainit at maselan ang usapin tungkol sa pulitika at ibaโt ibang kaganapan sa ating bansa, kami po ay magalang na namamanhik sa bawat isa na maging mahinahon, maingat, at mapanalanginin sa lahat ng ating ipopost, ikokomento, at magiging reaksyon lalo na sa social media at sa mga pampublikong pahayag.
Hindi po ipinagbabawal ng ating simbahan ang freedom of speech at malayang pagpapahayag ng damdamin at opinyon. Gayunman, bilang mga lingkod ng Panginoon, kaakibat ng kalayaang ito ang mataas na pananagutan na tayo ay maging responsable, may kabanalan, at nagbibigay luwalhati sa Diyos sa lahat ng ating sinasabi at ginagawa.
Ipinaalala sa atin ng Salita ng Diyos:
โAng inyong pananalita ay laging may biyaya, na timplahan ng asin, upang inyong maalaman kung paano dapat sagutin ang bawat isa.โ (Colosas 4:6)
Bilang mga manggagawa ng Panginoon, tayo ay higit na inaasahang makikitaan ng bunga ng Banal na Espiritu sa ating buhay. Nawa ay manaig sa atin ang pag-ibig, kahinahunan, pagpipigil sa sarili, at kapayapaan kaysa galit, pagtatalo, at pagkakabaha-bahagi.
โDatapuwaโt ang bunga ng Espiritu ay pag-ibig, kagalakan, kapayapaan, pagpapahinuhod, kagandahang-loob, kabutihan, pagtatapat, kaamuan, pagpipigil.โ (Galacia 5:22-23)
Inaanyayahan din natin ang bawat isa na iwasan ang pakikipagtalo at mga sagutang nagdudulot lamang ng alitan at pagkasira ng patotoo ng isang mananampalataya.
โAt ang alipin ng Panginoon ay hindi dapat makipagtalo kundi maging maamo sa lahat.โ (2 Timoteo 2:24)
Tandaan natin na tayo ay tinawag ng Diyos upang maging tagapagtaguyod ng kapayapaan at hindi tagapagpasimula ng alitan.
โMapapalad ang mga mapagpayapa sapagkaโt silaโy tatawaging mga anak ng Diyos.โ(Mateo 5:9)
Sa lahat ng ating kinakaharap bilang mamamayan ng bansang ito, lagi nating tandaan na ang ating tanging pag-asa ay hindi nakasalalay sa mga pamunuan o sistema ng mundong ito kundi sa ating buhay na Diyos. Si Cristo ang ulo ng Iglesia at ang ating tunay na tahanan ay ang langit. Tayo ay mga manlalakbay at dayuhan lamang sa mundong ito.
โNguniโt ang ating pagkamamamayan ay nasa langit.โ (Filipos 3:20)
โHuwag kayong magsitiwala sa mga prinsipe, ni sa anak man ng tao, na hindi makapagliligtas.โ (Awit 146:3)
Kayaโt ilagak natin ang ating pag-asa kay Cristo at hindi sa tao. Patuloy tayong maging asin at ilaw sa sanlibutan sa pamamagitan ng ating mga salita, kilos, at patotoo.
Nawa ang Panginoon ang magbigay sa ating lahat ng karunungan, pag-iingat, at pusong puspos ng biyaya upang sa lahat ng bagay ay maitaas natin ang pangalan ni Cristo.
Maraming salamat po sa inyong patuloy na paglilingkod sa gawain ng Panginoon. Patuloy po tayong magkaisa sa pag-ibig, katotohanan, at kabanalan.
Lubos na gumagalang,
Rev. Jerome Caparas - IRMEC Bulacan 4 DSDRB Chairman
Sa kabatiran:
Rev. Joemar Caparas - IRMEC Bulacan 4 District Superintendent
