What are the opening hours?

Tuesday 8:30am - 5pm Wednesday 8:30am - 5pm Thursday 8:30am - 5pm Friday 8:30am - 5pm Saturday 8:30am - 5pm Sunday 8:30am - 12pm

ANG PLUMA-Parokya ng San Marcos Ebanghelista - Calumpit, Bulacan

Home
Philippines
Calumpit
ANG PLUMA-Parokya ng San Marcos Ebanghelista - Calumpit, Bulacan

Official page of San Marcos Parish-San Marcos, Cal., Bul.

Sub-Parishes include Longos Cal., Calumpang, Borneo, Lexber, Gardenville, LaRes/Villares, Balite, Sergio Bayan, Buguion, Pio Cruzcosa, Palimbang, San Marcos, Metropolis, Golden Grove, Green Plains

25/07/2026

𝐌𝐆𝐀 𝐏𝐀𝐆𝐁𝐀𝐒𝐀 | 25 HULYO 2026
𝑲𝒂𝒑𝒊𝒔𝒕𝒂𝒉𝒂𝒏 𝒏𝒊 𝑨𝒑𝒐𝒔𝒕𝒐𝒍 𝑺𝒂𝒏𝒕𝒊𝒂𝒈𝒐

𝐔𝐍𝐀𝐍𝐆 𝐏𝐀𝐆𝐁𝐀𝐒𝐀
2 Corinto 4, 7-15

Pagbasa mula sa ikalawang sulat ni Apostol San Pablo sa mga taga-Corinto

Mga kapatid, kaming pinagkalooban ng kayamanang espirituwal na ito ay hamak — kung baga sa sisidlan ay palayok lamang — upang ipakilalang ang di malirip na kapangyarihan ay sa Diyos, at hindi amin. Ginigipit kami sa kabi-kabila ngunit di nagagapi. Kung minsa’y nag-aalinlangan kami ngunit di nawawalan ng pag-asa. Pinag-uusig kami ngunit di nawawalan ng kaibigan; naibubuwal ngunit di tuluyang nailulugmok. Lagi kong taglay sa aking katawan ang kamatayan ni Hesus upang sa pamamagitan ng katawan ko’y mahayag ang kanyang buhay. Kami’y laging nabibingit sa kamatayan alang-alang kay Kristo upang sa aming katawang may kamatayan ay mahayag ang kanyang buhay. Anupat habang ako’y dahan-dahang namamatay, nagkakaroon naman kayo ng buhay na walang hanggan.

Sinasabi sa Kasulatan, “Nagsasalita ako sapagkat ako’y sumasampalataya.” Bunga ng gayong diwa ng pananampalataya, nagsasalita rin ako sapagkat ako ma’y sumasampalataya. Sapagkat nalalaman kong ang Diyos na muling bumuhay sa Panginoong Hesus ang siya ring bubuhay sa akin kasama niya, at magdadala sa inyo at sa akin sa kanyang piling. Ang lahat ng pagtitiis ko ay sa kapakanan ninyo upang sa pagdami ng mga nakatatanggap ng mga kaloob ng Diyos, lalo namang dumami ang magpapasalamat at magpupuri sa kanya.

Ang Salita ng Diyos.

𝐒𝐀𝐋𝐌𝐎𝐍𝐆 𝐓𝐔𝐆𝐔𝐍𝐀𝐍
Salmo 125, 1-2ab, 2kd-3. 4-5. 6

Ang nagtanim na may luha
ay aaning natutuwa.

Nang lingapin tayo ng Diyos at sa Sion ay ibalik
ang nangyaring kasaysaya’y parang isang panaginip.
Lahat tayo ay natuwa, masasayang nagsiawit.

Ang nagtanim na may luha
ay aaning natutuwa.

Ang sabi ng mga bansang nagmamasid sa paligid,
“Ang ginawa ng Diyos nila ay dakila, anong rikit!”
Dakila ngang masasabi, pambihira ang ginawa,
kaya naman kami ngayon, kagalaka’y di kawasa!

Ang nagtanim na may luha
ay aaning natutuwa.

Kung paanong inuulan yaong mga tuyong batis,
sa sariling bayan namin, kami, P**n, ay ibalik.
Silang mga nagbubukid na nagtanim na may luha,
bayaan mo na mag-aning masasaya’t natutuwa.

Ang nagtanim na may luha
ay aaning natutuwa.

Yaong mga nagsihayong dala’y binhi’t nananangis,
ay aawit na may galak, dala’y ani pagbalik!

Ang nagtanim na may luha
ay aaning natutuwa.

𝐀𝐋𝐄𝐋𝐔𝐘𝐀
Juan 15, 16

Aleluya! Aleluya!
Hinirang tayo ni Kristo
upang mamungang totoo
bilang mabubuting tao.
Aleluya! Aleluya!

𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
Mateo 20, 20-28

Ang Mabuting Balita ng Panginoon ayon kay San Mateo

Noong panahong iyon, lumapit kay Hesus ang asawa ni Zebedeo, kasama ang kanyang mga anak. May ibig siyang hilingin, kaya’t lumuhod siya sa harapan ni Hesus. “Ano ang ibig mo?” Tanong ni Hesus. Sumagot siya, “Sana’y ipagkaloob ninyo sa dalawa kong anak na ito ang karapatan na makaupong katabi ninyo sa inyong kaharian — isa sa kanan at isa sa kaliwa.” “Hindi ninyo nalalaman ang inyong hinihingi,” sabi ni Hesus sa kanila. “Mababata ba ninyo ang hirap na babatahin ko?” “Opo,” tugon nila. Sinabi ni Hesus, “Ang hirap na babatahin ko’y batatahin nga ninyo. Ngunit wala sa akin ang pagpapasiya kung sino ang mauupo sa aking kanan at sa aking kaliwa. Ang mga luklukang sinasabi ninyo’y para sa mga pinaghandaan ng aking Ama.”

Nang marinig ito ng sampung alagad, nagalit sila sa magkapatid. Kaya’t pinalapit sila ni Hesus at sinabi sa kanila, “Alam ninyo na ang pinuno ng mga Hentil ay naghahari sa kanila, at ang mga dinadakila ang siyang nasusunod. Ngunit hindi ganyan ang dapat umiral sa inyo. Sa halip, ang sinuman sa inyo na ibig maging dakila ay dapat maging lingkod. At sinumang ibig maging pinuno ay dapat maging alipin ninyo, tulad ng Anak ng Tao na naparito, hindi upang paglingkuran kundi upang maglingkod at ialay ang kanyang buhay upang matubos ang marami.”

Ang Mabuting Balita ng Panginoon.

25/07/2026

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐔𝐌𝐀𝐆𝐀
25 HULYO 2026

Panginoon, maraming salamat sa magandang umagang ito ng Sabado. Dalangin namin na ang araw na ito ay maging puno ng sigla, kagalakan, at tunay na pagmamahalan kasama ang aming pamilya sa gitna ng aming pamamahinga.

Gabayan Mo po kami sa buong maghapon at ilayo sa anumang sakit, problema, at sakuna. Manahan nawa sa aming tahanan at puso ang pag-unawa, pagbibigayan, at tapat na pagmamalasakit sa isa't isa. Maghari nawa ang lyong kapayapaan sa aming piling ngayon at magpakailanman.

+AMEN

23/07/2026

𝐁𝐈𝐘𝐄𝐑𝐍𝐄𝐒 𝐍𝐀 𝐃𝐄𝐁𝐎𝐒𝐘𝐎𝐍 𝐒𝐀 𝐌𝐀𝐇𝐀𝐋 𝐍𝐀 𝐏𝐎𝐎𝐍𝐆 𝐉𝐄𝐒𝐔𝐒 𝐍𝐀𝐙𝐀𝐑𝐄𝐍𝐎

𝑷𝑨𝑵𝑨𝑳𝑨𝑵𝑮𝑰𝑵

Katamis-tamisang naming mahal na P**ng Jesus Nazareno Diyos at Manunubos ko, na naglalakbay sa Kalbaryong pasan-pasan Mo ang Krus na pagpapakuan sa lyo.

Akong abang makasalanan, na naging dahilan ng lyong di masayod na hirap ay nagpupuri sa lyo at nagpapasalamat, na bilang maamong Kordero ay buong hinahong tinanggap Mo sa ibabaw ng lyong balikat ang kahoy ng lyong kamatayan upang doon mawakasan ang aking mga kasalanan at ng sandaigdigan.

Patawarin mo ako, O Butihing Jesus; inaamin ko ang aking mga sala at ako'y nananalig na dahil sa kabutihan Mong walang kahulilip ay hugasan Mo ng lyong Dugo. Iniibig Kita ng higit sa lahat ng bagay, ipinangangako na ako'y magiging matapat hanggang sa oras ng aking kamatayan. Patnubayan Mo ako, Diyos ko, ng lyong biyaya at ihatid Mo ako sa landas ng lyong mga Utos diyan sa lyong Langit na Kaharian. Sya Nawa.

**ngHesusNazareno

23/07/2026

𝐌𝐆𝐀 𝐏𝐀𝐆𝐁𝐀𝐒𝐀 | 24 HULYO 2026
𝑩𝒊𝒚𝒆𝒓𝒏𝒆𝒔 𝒏𝒈 𝑰𝒌𝒂-16 𝒏𝒂 𝑳𝒊𝒏𝒈𝒈𝒐 𝒔𝒂 𝑲𝒂𝒓𝒂𝒏𝒊𝒘𝒂𝒏𝒈 𝑷𝒂𝒏𝒂𝒉𝒐𝒏 (𝑰𝑰)
𝑷𝒂𝒈𝒈𝒖𝒏𝒊𝒕𝒂 𝒌𝒂𝒚 𝑺𝒂𝒏 𝑺𝒉𝒂𝒓𝒃𝒆𝒍 𝑴𝒂𝒌𝒉𝒍𝒖𝒇, 𝑷𝒂𝒓𝒊

𝐔𝐍𝐀𝐍𝐆 𝐏𝐀𝐆𝐁𝐀𝐒𝐀
Jeremias 3, 14-17

Pagbasa mula sa aklat ni propeta Jeremias

“Magbalik kayo sa akin, kayong mga nagtaksil, pagkat ako ang inyong Panginoon,” wika ng Panginoon. “Kukuha ako sa inyo ng isa sa bawat bayan at dalawa sa bawat angkan at ibabalik ko kayo sa Bundok ng Sion. Bibigyan ko kayo ng mga pinunong tatalima sa akin, at pamamahalaan nila kayo nang buong katalinuhan at pagkaunawa. At kung dumami na kayo sa lupaing iyon, hindi na pag-uusapan ng mga tao ang tungkol sa Kaban ng Tipan ng Panginoon. Hindi na nila ito kakailanganin ni iisipin o gugunitain. At hindi na rin sila gagawa ng ibang kaban. Pag sumapit na ang panahong iyon, ang Jerusalem ay tatawaging Luklukan ng Panginoon. Lahat ng bansa’y magkakatipon doon upang parangalan ako. Hindi na nila gagawin ang balang maibigan.”

Ang Salita ng Diyos.

𝐒𝐀𝐋𝐌𝐎𝐍𝐆 𝐓𝐔𝐆𝐔𝐍𝐀𝐍
Jeremias 31, 10. 11-12ab. 13

Pumapatnubay na Diyos
ay Pastol na kumukupkop.

Mga bansa, pakinggan ninyo ang sabi ng P**n,
at ipahayag ninyo sa malalayong lupain:
“Pinapangalat ko ang mga anak ni Israel,
ngunit sila’y muli kong titipunin at aalagaan,
gaya ng pagbabantay ng isang pastol sa kanyang mga tupa.”

Pumapatnubay na Diyos
ay Pastol na kumukupkop.

Sapagkat tinubos ng P**n si Jacob, at pinalaya sa kapangyarihan ng kaaway na lubhang makapangyarihan at malakas.
Aakyat silang nagsisigawan sa tuwa patungo sa Bundok ng Sion,
tigib ng kaligayahan dahil sa mga pagpapala ng P**n.

Pumapatnubay na Diyos
ay Pastol na kumukupkop.

Kung magkagayon, sasayaw sa katuwaan ang mga dalaga
makikigalak pati mga binata’t matatanda;
ang kanilang dalamhati ay magiging tuwa,
papalitan ko ng kagalakan ang kanilang kalungkutan.

Pumapatnubay na Diyos
ay Pastol na kumukupkop.

𝐀𝐋𝐄𝐋𝐔𝐘𝐀
Lucas 8, 15

Aleluya! Aleluya!
Ang Salitang mula sa D’yos
kapag isinasaloob
ay mamumunga nang lubos.
Aleluya! Aleluya!

𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
Mateo 13, 18-23

Ang Mabuting Balita ng Panginoon ayon kay San Mateo

Noong panahong iyon, sinabi ni Hesus sa kanyang mga alagad, “Pakinggan nga ninyo ang kahulugan ng talinghaga tungkol sa manghahasik. Ang mga nakikinig ng Salita tungkol sa paghahari ng Diyos ngunit hindi nakauunawa nito ay katulad ng mga binhing nahasik sa tabi ng daan. Dumarating ang Masama at inaagaw ang nahasik sa kanilang puso. Inilalarawan ng binhing nahasik sa kabatuhan ang nakikinig ng Salita at masayang tumatanggap nito kaagad. Ngunit hindi ito tumitimo sa puso nila kaya’t hindi sila nananatili. Pagdating ng mga kapighatian o pag-uusig dahil sa Salita, agad silang nanlalamig. Inilalarawan naman ng naghasik sa dawagan ang nakikinig ng Salita, ngunit naging abala sa mga bagay ukol sa mundong ito, at naging maibigin sa mga kayamanan anupat ang Salita’y nawalan na ng puwang sa kanilang puso, kaya’t hindi makapamunga. At inilalarawan ng naghasik sa matabang lupa ang mga nakikinig ng Salita at nakauunawa nito. Sila’y namumunga: may tigsasandaan, may tig-aanimnapu, at may tigtatatlumpu.”

Ang Mabuting Balita ng Panginoon.

23/07/2026

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐔𝐌𝐀𝐆𝐀
24 HULYO 2026

Panginoon, maraming salamat sa panibagong araw at sa tapat na biyaya ng buhay. Salamat sa walang sawang mga pagpapala na aming natatanggap sa araw-araw nawa sa tulong ng lyong Espiritu ay maging karapat-dapat kami sa mga ito sa pamamagitan ng pamumuhay nang may kababaang-loob at pasasalamat.

ladya Mo po kami at ang aming buong pamilya sa lahat ng uri ng panganib, kapahamakan, at sakit.
Gamitin Mo po kami upang maging tunay na ilaw at pag-ibig sa mundong ito nagbibigay ng pag-asa, pagmamalasakit, at liwanag sa aming kapwa sa lahat ng sandali.
+AMEN

23/07/2026

July 24, 2026 | 6:30 n.u.

Biyernes ng Ikalabing Anim na Linggo sa Karaniwang Panahon

Paggunita kay San Sharbel Makhluf, Pari

Unang Pagbasa
Jeremias 3, 14-17

Salmong Tugunan
Jeremias 31, 10. 11-12ab. 13

Pumapatnubay na Diyos
ang Pastol na kumukupkop.

Mabuting Balita
Mateo 13, 18-23

Panalangin ng Bayan
Panginoon, palaguin mo ang iyong salita sa amin.

23/07/2026

𝐏𝐀𝐍𝐀𝐋𝐀𝐍𝐆𝐈𝐍 𝐍𝐆 𝐏𝐀𝐆𝐈𝐆𝐈𝐍𝐆 𝐌𝐀𝐁𝐔𝐓𝐈𝐍𝐆 𝐊𝐀𝐓𝐈𝐖𝐀𝐋𝐀

MAKAPANGYARIHANG AMA, NAGPAPASALAMAT AKO SA KUNG SINO AKO AT KUNG ANO MAYROON AKO. HIGIT SA LAHAT, NAGPAPASALAMAT AKO SA DAKILA MONG KALOOB, ANG IYONG ANAK NA SI HESUS.

DUMADALANGIN AKONG SA PAMAMAGITAN NG ISANG MALALIM NA UGNAYAN KAY KRISTONG MULING NABUHAY MAGING BUKAS ANG AKING PUSO SA PATULOY NA PAGBABAGO SA AKING BUHAY. DUMADALANGIN AKONG MAGING MABUTI NAWANG KATIWALA: NA AKO AY MAKASUNOD SA IYO NG BUONG KATAPATAN,MAKAPAGLINGKOD NG BUONG KAGALAKAN, MAKAPAGBIGAY NG BUONG KASAGANAAN, MABUHAY NG MAY PANANAGUTAN AT MAGMAY-ARI NG MAY KATWIRAN. BILANG PASASALAMAT SA NAG-UUMAPAW NA MGA BIYAYANG IYONG IPINAGKALOOB SA AKIN INIAALAY KO SA IYO ANG UNANG ANI NG MGA KALOOB NA ITO SA PAMAMAGITAN NG MGA GAWAING PAGLILINGKOD AT PAGBABAHAGI NG LUBOS NG LAHAT NG IPINAGKATIWALA MO SA AKIN.

MAKALANGIT NA AMA, SA PAMAMAGITAN NG IYONG BANAL NA ESPIRITU, TULUNGAN MO AKONG MAGING ISANG KALOOB SA KAPWA SA IYONG NGALAN.
+AMEN.

23/07/2026

𝑷𝑨𝑮𝑮𝑼𝑮𝑼𝑵𝑰𝑻𝑨 𝑲𝑨𝒀 𝑺𝑨𝑵𝑻𝑨 𝑩𝑹𝑰𝑮𝑰𝑫𝑨 𝑵𝑮 𝑺𝑾𝑬𝑫𝑬𝑵, 𝑹𝑬𝑳𝑰𝑯𝑰𝒀𝑶𝑺𝑨

𝐏𝐀𝐍𝐀𝐋𝐀𝐍𝐆𝐈𝐍

Santa Brigida, pinagpala ka noong iyong kabataan sa pagkakaroon ng isang banal na ama at tiyahin na nagpakilala sa iyo kay Kristo. Sa buong buhay mo, nakatagpo mo ang ating Panginoon sa mga misteryosong paraan at tumugon ka sa Kanyang patuloy na pakikipag-usap.

Ipanalangin mo po ako, upang mas mapalalim ko ang aking debosyon sa ating Panginoon at mas maunawaan pa ang Kanyang Banal na Pagpapakasakit, upang mas ganap kong matanggap ang walang katapusang mga biyaya na Kanyang pinalunan para sa atin at maging isang kasangkapan kung saan maibabahagi Niya ang mga ito sa iba. +Amen.

𝑺𝒂𝒏𝒕𝒂 𝑩𝒓𝒊𝒈𝒊𝒅𝒂 𝒏𝒈 𝑺𝒘𝒆𝒅𝒆𝒏, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊!

23/07/2026

𝐌𝐆𝐀 𝐏𝐀𝐆𝐁𝐀𝐒𝐀 | 23 HULYO 2026
𝑯𝒖𝒘𝒆𝒃𝒆𝒔 𝒏𝒈 𝑰𝒌𝒂-16 𝒏𝒂 𝑳𝒊𝒏𝒈𝒈𝒐 𝒔𝒂 𝑲𝒂𝒓𝒂𝒏𝒊𝒘𝒂𝒏𝒈 𝑷𝒂𝒏𝒂𝒉𝒐𝒏 (𝑰𝑰)
𝒐 𝒌𝒂𝒚𝒂 𝑷𝒂𝒈𝒈𝒖𝒏𝒊𝒕𝒂 𝒌𝒂𝒚 𝑺𝒂𝒏𝒕𝒂 𝑩𝒓𝒊𝒈𝒊𝒅𝒂 𝒏𝒈 𝑺𝒘𝒆𝒅𝒆𝒏, 𝒏𝒂𝒎𝒂𝒏𝒂𝒕𝒂 𝒔𝒂 𝑫𝒊𝒚𝒐𝒔

𝐔𝐍𝐀𝐍𝐆 𝐏𝐀𝐆𝐁𝐀𝐒𝐀
Jeremias 2, 1-3. 7-8. 12-13

Pagbasa mula sa aklat ni propeta Jeremias

Sinabi sa akin ng Panginoon na pumunta ako sa Jerusalem at ipahayag ito sa lahat ng naroroon:

“Natatandaan ko ang iyong katapatan noong bata ka pa,
mahal na mahal mo ako nang tayo’y bagong kasal;
sinundan mo ako sa gitna ng disyerto, sa gitna ng lupaing walang tanim na anuman.
Israel, ika’y akin lamang, Ikaw ang pinakamainam na bahagi ng aking ani;
pinahirapan ko ang lahat ng nanakit sa iyo,
pinadalhan ko sila ng mga kaguluhan.
Akong Panginoon ang nagsasabi nito.”
Dinala ko sila sa isang lupaing masagana
upang tamasahin nila ang kayamanan niyon.
Ngunit dinungisan nila ang ibinigay kong lupain dahil sa karumaldumal nilang mga gawain.
Di man lamang nagtatanong ang mga saserdote,
‘nahan na ngayon ang ating Panginoon?’
Di ako nakikilala ng mga dalubhasa sa Kautusan,
hindi sumusunod sa akin ang mga pinuno;
nangangaral ang mga propeta sa pangalan ni Baal,
sumasamba at naglilingkod sa mga diyus-diyusan.
Kaya manginig kayo sa takot, O kalangitan,
manggilalas kayo at manghilakbot;
Akong Panginoon ang nagsasalita.
Dalawa ang kasalanan ng aking bayan:
tinalikdan nila ako, akong bukal ng tunay na buhay,
at humukay sila ng sariling balon, mga balong walang maibibigay na tubig.”

Ang Salita ng Diyos.

𝐒𝐀𝐋𝐌𝐎𝐍𝐆 𝐓𝐔𝐆𝐔𝐍𝐀𝐍
Salmo 35, 6-7ab. 8-9. 10-11

Sa ‘yo, P**n, nagmumula
ang umiiral na madla.

Ang wagas na pag-ibig mo, O P**n, ay walang hanggan,
at ang iyong pagtatapat ay abot sa kalangitan.
Matuwid at matatag ka na tulad ng kabundukan,
ang matuwid na hatol mo’y sinlalim ng karagatan.

Sa ‘yo, P**n, nagmumula
ang umiiral na madla.

O Diyos, yaong pag-ibig mo’y mahalaga at matatag,
ang kalinga’y nadarama sa lilim ng iyong pakpak.
Sa pagkain ay sagana sa sarili mong tahanan;
doon sila umiinom sa batis ng kabutihan.

Sa ‘yo, P**n, nagmumula
ang umiiral na madla.

Sa iyo rin nagmumula yaong lahat na may buhay,
ang liwanag na taglay mo ay sa amin umaakay.
Patuloy mong kalingain ang sa iyo’y umiibig,
patuloy mong pagpalain ang may buhay na matuwid.

Sa ‘yo, P**n, nagmumula
ang umiiral na madla.

𝐀𝐋𝐄𝐋𝐔𝐘𝐀
Mateo 11, 25

Aleluya! Aleluya!
Papuri sa Diyos Ama
pagkat ipinahayag n’ya
Hari s’ya ng mga aba.
Aleluya! Aleluya!

𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
Mateo 13, 10-17

Ang Mabuting Balita ng Panginoon ayon kay San Mateo

Noong panahong iyon, lumapit ang mga alagad at tinanong si Hesus: “Bakit po ninyo dinadaan sa talinghaga ang inyong pagsasalita sa kanila?” Sumagot siya, “Ipinagkaloob sa inyo na malaman ang mga lihim tungkol sa paghahari ng Diyos, ngunit hindi ito ipinagkaloob sa kanila. Sapagkat ang mayroon ay bibigyan pa, at mananagana; ngunit ang wala, kahit ang kakaunting nasa kanya ay kukunin pa. Nagsasalita ako sa kanila sa pamamagitan ng talinghaga, sapagkat tumitingin sila ngunit hindi nakakikita, at nakikinig ngunit hindi nakaririnig ni nakauunawa.

Natutupad nga sa kanila ang hula ni Isaias na nagsasabi:
‘Makinig man kayo nang makinig, hindi kayo makauunawa,
at tumingin man kayo nang tumingin, hindi kayo makakikita.
Sapagkat naging mapurol ang isip ng mga ito;
mahirap makarinig ang kanilang mga tainga,
at ipinikit nila ang kanilang mga mata.
Kung di gayun, disin sana’y nakakita ang kanilang mga mata,
nakarinig ang kanilang mga tainga,
nakaunawa ang kanilang mga isip,
at nagbalik-loob sa akin,
at pinagaling ko sila, sabi ng Panginoon.’ Mapalad kayo, sapagkat nakakikita ang inyong mga mata at nakaririnig ang inyong mga tainga! Sinasabi ko sa inyo: maraming propeta at matutuwid na tao ang nagnasang makakita sa inyong nakikita, ngunit hindi ito nakita at makarinig sa inyong naririnig, ngunit hindi ito napakinggan.”

Ang Mabuting Balita ng Panginoon.

23/07/2026

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐔𝐌𝐀𝐆𝐀
23 HULYO 2026

Panginoon, maraming salamat sa banal na biyaya ng buhay na lyong patuloy na ipinagkaloob sa akin. Dalangin ko na ang aking buhay, salita, at mga gawa sa araw na ito ay maging tunay na kalugod-lugod sa lyong paningin. Ingatan at iwas Mo po ang aming buong pamilya sa anumang sakuna, aksidente, at trahedya saan man kami magtungo. Nawa ang aming buhay ay maging salamin ng lyong pagmamahal, maging biyaya sa aming kapwa at laging handang magbahagi ng mga pagpapalang lyong ibinubuhos sa amin araw-araw.
+AMEN

Address

Barangay San Marcos, Bulacan
Calumpit
3003

Opening Hours

Tuesday	8:30am - 5pm
Wednesday	8:30am - 5pm
Thursday	8:30am - 5pm
Friday	8:30am - 5pm
Saturday	8:30am - 5pm
Sunday	8:30am - 12pm

Website

https://www.facebook.com/SanMarcosEbanghelistadeCalumpit

Alerts

Be the first to know and let us send you an email when ANG PLUMA-Parokya ng San Marcos Ebanghelista - Calumpit, Bulacan posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to ANG PLUMA-Parokya ng San Marcos Ebanghelista - Calumpit, Bulacan:

Want your place of worship to be the top-listed Place Of Worship in Calumpit?

ANG PLUMA-Parokya ng San Marcos Ebanghelista - Calumpit, Bulacan

25/07/2026

25/07/2026

23/07/2026

23/07/2026

23/07/2026

23/07/2026

23/07/2026

23/07/2026

23/07/2026

23/07/2026

Address

Opening Hours

Website

Alerts

Contact The Place Of Worship

Shortcuts

Share

Category

Listing takedown request