24/05/2026
๐๐๐ ๐๐๐๐๐๐๐ | 24 MAYO 2026
๐ณ๐๐๐๐๐ ๐๐ ๐ท๐๐๐๐๐๐๐๐๐๐ (๐จ)
๐๐๐๐๐ ๐๐๐๐๐๐๐
Mga Gawa 2, 1-11
Pagbasa mula sa Mga Gawa ng Mga Apostol
Nang sumapit ang araw ng Pentekostes, nagkatipon silang lahat sa isang lugar. At biglang narinig ang isang ugong mula sa langit, animoโy hagunot ng malakas na hangin, at napuno nito ang bahay na kinaroroonan nila. May nakita silang wariโy mga dilang apoy na lumapag sa bawat isa sa kanila. At silang lahat ay napuspos ng Espiritu Santo at nagsalita ng ibaโt ibang wika, ayon sa ipinagkaloob sa kanila ng Espiritu.
May mga Judiong buhat sa ibaโt-ibang bansa, na naninirahan noon sa Jerusalem, mga taong palasamba sa Diyos. Nang marinig ang ugong na ito, nagdatingan ang maraming tao. Namangha sila sapagkat sinasalita ng mga alagad ang mga wika nila. Sa kanilang pagtataka ay kanilang nasabi, โHindi ba Galileo silang lahat? Bakit ang atin-ating katutubong wika ang naririnig natin sa kanila? Tayoโy mga taga-Partia, mga taga-Media, mga taga-Elam; mga naninirahan sa Mesopotamia, sa Judea at sa Capadocia sa Ponto, at sa Asia. Mayroon pa sa ating taga-Frigia at Panfilia, Egipto at sa mga saklaw ng Libia na sakop ng Cirene, at mga nakikipanirahan mula sa Roma, maging mga Judio at mga naakit sa Judaismo. May mga taga-Creta at Arabia pa rito. Paano sila nakapagsasalita sa ating-ating wika tungkol sa mga kahanga-hangang gawa ng Diyos.โ
Ang Salita ng Diyos.
๐๐๐๐๐๐๐ ๐๐๐๐๐๐๐
Salmo 103, 1ab at 24ak. 29bk-30. 31 at 34
Espiritu moโy suguin,
P**n, tanaโy โyong baguhin.
o kaya: Aleluya!
Pinupuri ka P**ng Diyos nitong aking kaluluwa,
O Panginoong Diyos, kay dakila mong talaga!
Sa daigdig ikaw roon, kay rami ng iyong likha.
Sa daming nilikha moโy nalaganapan ang lupa.
Espiritu moโy suguin,
P**n, tanaโy โyong baguhin.
Natatakot mangamataโy kung kitlin mo ang hininga;
Mauuwi sa alabok, pagkat doon mula sila.
Taglay mo ang Espiritu upang buhay ay ibalik,
bagumbuhay ay dulot mo sa nilikha sa daigdig.
Espiritu moโy suguin,
P**n, tanaโy โyong baguhin.
Sana ang โyong karangalaโy manatili kailanman,
sa lahat ng iyong likha ang madamaโy kagalakan.
Ang awit ng aking puso sana naman ay kalugdan,
habang aking inaawit ang papuri sa Maykapal.
Espiritu moโy suguin,
P**n, tanaโy โyong baguhin.
๐๐๐๐๐๐๐๐๐ ๐๐๐๐๐๐๐
1 Corinto 12, 3b-7. 12-13
Pagbasa mula sa unang sulat ni Apostol San Pablo sa mga taga-Corinto
Mga kapatid:
Hindi masasabi ninuman, โPanginoon si Hesus,โ kung hindi siya pinapatnubayan ng Espiritu Santo.
Ibaโt iba ang kaloob, ngunit iisa lamang ang Espiritung nagkakaloob ng mga ito. Ibaโt iba ang paraan ng paglilingkod, ngunit iisa lamang ang Panginoong pinaglilingkuran. Ibaโt iba ang mga gawain ngunit iisa lamang ang Diyos na sumasalahat ng taong gumagawa ng mga iyon. Ang bawat isaโy binigyan ng kaloob na naghahayag na sumasakanya ang Espiritu, para sa ikabubuti ng lahat.
Sapagkat si Kristoโy tulad ng isang katawan na may maraming bahagi; bagamat binubuo ng ibaโt ibang bahagi, iisa pa ring katawan. Tayong lahat, maging Judio o Griego, alipin man o malaya, ay bininyagan sa iisang Espiritu upang maging isang katawan. Tayong lahat ay pinainom sa isang Espiritu.
Ang Salita ng Diyos.
๐จ๐พ๐ฐ๐ป ๐ป๐ผ๐ต๐ฎ๐ฒ๐ถ๐ณ ๐บ๐จ ๐ด๐จ๐ฉ๐ผ๐ป๐ฐ๐ต๐ฎ ๐ฉ๐จ๐ณ๐ฐ๐ป๐จ
Halina, Espiritu,
sa sinag buhat sa โyo
kamiโy liwanagan mo.
Ama ng maralita,
dulot moโy pagpapala
upang kamiโy magkusa.
Kaibigaโt patnubay,
sa amin mananahan
ang tamis ng โyong buhay.
Ginhawang ninanais,
lilim namin sa init,
kapiling bawat saglit.
Lubhang banal na ilaw,
kamiโy iyong silayan
ngayon at araw-araw.
Kapag di ka nanahan
ay walang kaganapan
ang buhay namiโt dangal.
Marumiโy palinisin,
lantaโy panariwain,
sakit namiโy gamutin.
Kamiโy gawing matapat,
sa pag-ibig mag-alab,
lagi sa tamang landas.
Tugunin aming luhog,
kamiโy bigyang malugod
ng โyong pitong kaloob.
Gantimpalaโy ibigay,
sa hantungan ng buhay
ligayang walang hanggan.
๐๐๐๐๐๐๐
Aleluya! Aleluya!
Espiritung aming Tanglaw,
kamiโy iyong liwanagan
sa ningas ng pagmamahal.
Aleluya! Aleluya!
๐๐๐๐๐๐๐๐ ๐๐๐๐๐๐
Juan 20, 19-23
Ang Mabuting Balita ng Panginoon ayon kay San Juan
Kinagabihan ng Linggo ding iyon, ang mga alagad ay nagkakatipon. Nakapinid ang mga pinto ng bahay na kanilang pinagtitipunan dahil sa takot nila sa mga Judio. Dumating si Hesus at tumayo sa gitna nila. โSumainyo ang kapayapaan!โ sabi niya. Pagkasabi nito, ipinakita niya ang kanyang mga kamay at ang kanyang tagiliran. Tuwang-tuwa ang mga alagad nang makita ang Panginoon. Sinabi na naman ni Hesus, โSumainyo ang kapayapaan! Kung paanong sinugo ako ng Ama, gayun din naman, sinusugo ko kayo.โ Pagkatapos, silaโy hiningahan niya at sinabi, โTanggapin ninyo ang Espiritu Santo. Ang patawarin ninyo sa kanilang mga kasalanan ay pinatawag na nga; ang hindi ninyo patawarin ay hindi nga pinatawad.โ
Ang Mabuting Balita ng Panginoon.
