ANG BANAL NA KRUS - Bisita ng Sta. Cruz Balite, Calumpit, Bulacan

25/08/2026

25/08/2026

25/08/2026

𝟐𝟓 𝐀𝐠𝐨𝐬𝐭𝐨 𝟐𝟎𝟐𝟔 | 𝐌𝐚𝐫𝐭𝐞𝐬 𝐧𝐠 𝐈𝐤𝐚-𝟐𝟏 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

UNANG PAGBASA
2 Tesalonica 2, 1-3a. 14-17

Pagbasa mula sa ikalawang sulat ni Apostol San Pablo sa mga taga-Tesalonica

Tungkol naman sa pagparito ng ating Panginoong Hesukristo at sa pagtitipon niya sa atin, ipinamamanhik namin sa inyo, mga kapatid, na huwag kayong magugulat agad o mababahala sa balitang dumating na ang Araw ng Panginoon. Huwag kayong maniniwala kahit sabihin nilang ito’y hula o pahayag, o kaya’y sulat na galing sa amin o sa anumang paraan, huwag kayong padadaya kaninuman.

Tinawag kayo ng Diyos sa pamamagitan ng Mabuting Balitang ipinahayag namin sa inyo upang makasama sa kaluwalhatian ng ating Panginoong Hesukristo. Kaya nga, mga kapatid, manatili kayong matatag sa mga katotohanang itinuro namin sa inyo, maging sa salita o sa sulat.

Aliwin nawa kayo ng ating Panginoong Hesukristo at ng ating Diyos at Ama na umibig sa atin at sa kanyang habag ay nagbigay sa atin ng walang pagbabagong lakas ng loob at matibay na pag-asa. Bigyan nawa kayo ng matatag na kalooban upang inyong maipahayag at maisagawa ang lahat ng mabuti.

Ang Salita ng Diyos.

SALMONG TUGUNAN
Salmo 95, 10. 11-12a. 12b-13

Panginoo’y paririto
upang hatulan n’ya tayo.

MABUTING BALITA
Mateo 23, 23-26

Ang Mabuting Balita ng Panginoon ayon kay San Mateo

Noong panahong iyon, sinabi ni Hesus, “Sa aba ninyo, mga eskriba at mga Pariseo! Mga mapagpaimbabaw! Ibinibigay ninyo ang ikapu ng gulaying walang halaga ngunit kinaliligtaan ninyong isagawa ang lalong mahahalagang aral sa Kautusan: ang katarungan, ang pagkahabag, at ang katapatan. Tamang gawin ninyo ang mga ito, ngunit huwag naman ninyo kaliligtaang gawin ang iba. Mga bulag na taga-akay! Sinasala ninyo ang niknik sa inyong inumin, ngunit nilulunok ninyo ang kamelyo!

“Sa aba ninyo, mga eskriba at mga Pariseo! Mga mapagpaimbabaw! Nililinis ninyo ang labas ng tasa at ng pinggan ngunit ang loob nito’y puno ng mga nahuthot ninyo dahil sa kasakiman at pagsasamantala. Bulag na Pariseo! Linisin mo muna ang mga nasa loob ng tasa at ng pinggan, at magiging malinis din ang labas nito!”

Ang Mabuting Balita ng Panginoon.

25/08/2026

🙏 𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐍𝐠𝐚𝐲𝐨𝐧 🌞 Martes , Agosto 25 | 📖 Pagbasa: Mateo 23, 23-26

Noong panahong iyon, sinabi ni Hesus, “Sa aba ninyo, mga eskriba at mga Pariseo! Mga mapagpaimbabaw! Ibinibigay ninyo ang ikapu ng gulaying walang halaga ngunit kinaliligtaan ninyong isagawa ang lalong mahahalagang aral sa Kautusan: ang katarungan, ang pagkahabag, at ang katapatan. Tamang gawin ninyo ang mga ito, ngunit huwag naman ninyo kaliligtaang gawin ang iba. Mga bulag na taga-akay! Sinasala ninyo ang niknik sa inyong inumin, ngunit nilulunok ninyo ang kamelyo!

“Sa aba ninyo, mga eskriba at mga Pariseo! Mga mapagpaimbabaw! Nililinis ninyo ang labas ng tasa at ng pinggan ngunit ang loob nito’y puno ng mga nahuthot ninyo dahil sa kasakiman at pagsasamantala. Bulag na Pariseo! Linisin mo muna ang mga nasa loob ng tasa at ng pinggan, at magiging malinis din ang labas nito!”

Ang Mabuting Balita ng Panginoon.

25/08/2026

𝐓𝐢𝐧𝐚𝐩𝐚𝐲 𝐧𝐢 𝐒𝐚𝐧 𝐀𝐧𝐭𝐨𝐧𝐢𝐨
𝐿𝑖𝑛𝑔𝑔𝑢ℎ𝑎𝑛𝑔 𝑃𝑎𝑔𝑑𝑒𝑑𝑒𝑏𝑜𝑠𝑦𝑜𝑛 𝑘𝑎𝑦 𝑆𝑎𝑛 𝐴𝑛𝑡𝑜𝑛𝑖𝑜 𝑑𝑒 𝑃𝑎𝑑𝑢𝑎 𝑡𝑢𝑤𝑖𝑛𝑔 𝐴𝑟𝑎𝑤 𝑛𝑔 𝑀𝑎𝑟𝑡𝑒𝑠

Halina't tayo'y mamintuho sa ating mahal na Patrong San Antonio de Padua sa mapaghimalang Araw ng Martes.

PANALANGIN KAY SAN ANTONIO DE PADUA TUWING ARAW NG MARTES
O butihing San Antonio, pinipintuho at minamahal na lingkod ng Diyos. Narito kami ngayon sa iyong harapan upang mag-alay ng aming taos-pusong pagdedebosyon. Buong kababaang-loob at pananalig na lumalapit kami sa iyo, ikaw na kinilala bilang tapat na kaibigan ng Batang Hesus at manggagawa ng mga himala. Ngayon ay humihiling kami ng iyong patnubay at pamamagitan. Ikaw na sadyang malaking tulong sa mga nagigipit, aliw ng mga nalulumbay, at tagahanap ng mga nawawala, masdan mo kami na iyong mga deboto. Inilalapit namin sa iyo ang aming mga pasanin at mga kahilingan, lalo na ang aming mga pansariling daing sa buhay na di mawika ng aming mga labi. Tulungan mo kaming maging karapat-dapat sa mga biyayang aming hinihiling at palakasin mo ang aming pananampalataya, pag-asa, at pag-ibig sa bawat araw ng aming buhay. Samahan mo kami sa paglalakbay na ito ng aming pagdedebosyon, upang sa iyong tulong, ay lalo kaming mapalapit sa Diyos na siyang pinagmumulan ng lahat ng kabutihan. Sa pamamagitan ni Kristong aming Panginoon. Amen.

(Makayari ay dasalin ang Isang Ama namin, Aba ginoong Maria, Papuri at Ang Mapaghimalang Sagutan kay San Antonio )

ANG SAGUTAN KAY SAN ANTONIO DE PADUA

NAMUMUNO: Kung hanap mo’y himala’y masdan
nawawaksi kamataya’t kamalian,
lumalayo ang demonyo’t kahirapan
gumagaling ang sakit leprahin man.

LAHAT: Nahuhupa ang bagsik ng dagat
natutubos ang nabibihag
kayamana’t lakas na untag
matanda’t bata’y nagkawas

NAMUMUNO: Umiilag ang panganib,
ang mahirap ay nakakatawid;
kayong kinalinga’y magsiawit
sa mga Paduano ay ipagsulit.

LAHAT: Nahuhupa ang bagsik ng dagat
natutubos ang nabibihag
kayamana’t lakas na untag
matanda’t bata’y nagkawas.

NAMUMUNO: Luwalhati sa Ama,
Luwalhati sa Anak,
at Luwalhati sa Diyos Espiritu Santo

LAHAT: Nahuhupa ang bagsik ng dagat
natutubos ang nabibihag
kayamana’t lakas na untag
matanda’t bata’y nagkawas

NAMUMUNO: Idalangin Mo po kami kay Kristo, maluwlahating San Antonio

LAHAT: Nang maging dapat na totoo ang pangako Niya’y matamo.

PANALANGIN
LAHAT: Gawin Mo, O Panginoon, na ang pamamagitan ng Iyong confessor na si San Antonio ay punuin ng kaligayahan ang Inyong Iglesia upang laging maligtas sa pamamagitan ng Inyong mga tulong, at maging dapat magtamo ng walang hanggang kaligayahan, alang-alang kay Kristong Panginoon namin. Amen.

____________________________________________________________
Paalala: Upang ating lalaong makamit ang inaasam nating mga grasya't kahilingan, hinihikayan ang lahat ng mga deboto sa malimit na pangungumpisal, pagtanggap ng Banal na Komunyon, at lalo ang pagkakawanggawa na siyang tunay na tinapay ni San Antonio.

25/08/2026

Paggunita kay San Luis IX

25/08/2026

Paggunita kay San Jose de Calasanz, pari