Ina Ng Laging Saklolo Parish Page

25/08/2026

24/08/2026

𝐈𝐍𝐋𝐒𝐏 𝐅𝐞𝐞𝐝𝐢𝐧𝐠 𝐏𝐫𝐨𝐠𝐫𝐚𝐦 | 𝐀𝐮𝐠𝐮𝐬𝐭 𝟏𝟖–𝟐𝟒, 𝟐𝟎𝟐𝟔

Sa bawat pagkaing ating naihahandog, naipapadama natin ang tunay na diwa ng pagmamahal, malasakit, at pagbabahagi.

Sa pamamagitan ng ating 𝐅𝐞𝐞𝐝𝐢𝐧𝐠 𝐏𝐫𝐨𝐠𝐫𝐚𝐦, sama-sama nating ipinapakita na ang simpleng kabutihan ay maaaring maging malaking biyaya sa buhay ng ating mga kapwa, lalo na sa ating mga anak.

Patuloy po nating suportahan ang programang ito upang mas marami pa tayong batang mabigyan ng masustansyang pagkain at maramdaman ang kalinga at pagmamahal ng Diyos sa pamamagitan ng ating munting handog.

📌 𝐖𝐞 𝐚𝐫𝐞 𝐧𝐨𝐰 𝐚𝐜𝐜𝐞𝐩𝐭𝐢𝐧𝐠 𝐬𝐩𝐨𝐧𝐬𝐨𝐫𝐬!

Para sa mga nais maging bahagi ng munting misyon na ito, maaari po kayong makipag-ugnayan sa opisina ng ating Parokya.

“𝐒𝐚𝐩𝐚𝐠𝐤𝐚𝐭 𝐚𝐤𝐨'𝐲 𝐧𝐚𝐠𝐮𝐭𝐨𝐦 𝐚𝐭 𝐢𝐧𝐲𝐨𝐧𝐠 𝐩𝐢𝐧𝐚𝐤𝐚𝐢𝐧.” — 𝐌𝐚𝐭𝐞𝐨 𝟐𝟓:𝟑𝟓

23/08/2026

𝐀𝐮𝐠 𝟐𝟒 | 𝐅𝐞𝐚𝐬𝐭 𝐨𝐟 𝐒𝐭. 𝐁𝐚𝐫𝐭𝐡𝐨𝐥𝐨𝐦𝐞𝐰, 𝐀𝐩𝐨𝐬𝐭𝐨𝐥

Si San Bartolome ay isa sa Labindalawang Apostol ni Hesus. Sa Bibliya, binabanggit lang siya sa mga listahan ng mga apostol at wala nang ibang nalalaman pa tungkol sa kanya doon.

Siya ay tinuturing na patron o tagapagtanggol ng mga manggagawa sa balat, taga-ayos ng libro, mga katay, gumagawa ng sapatos, at sinumang gumagamit ng matatalim na kasangkapan. Siya rin ang tinatawagan ng tulong ng mga may sakit sa balat at mga doktor sa balat. Ipinagdiriwang ang kanyang kapistahan tuwing Agosto 24.

Habang naglalakbay siya sa ibang lugar upang ipalaganap ang salita ng Diyos, siya ay nahuli ng mga paring hindi Kristiyano. Namartir siya sa napakalupit na paraan—binalatan nang buhay at pinugutan ng ulo ayon sa utos ng hari ng Armenia na si Haring Astyages. Ang kanyang mga labi ay sinasabing dinala sa Simbahan ng San Bartolome sa Tiber sa Roma.

𝐏𝐚𝐧𝐚𝐥𝐚𝐧𝐠𝐢𝐧

San Bartolome, nakilala mo si Hesus na taga-Nazaret, at agad mong nakilala Siya bilang Anak ng Diyos at Hari ng Israel. Ang iyong pagiging bukas sa biyaya ng Diyos ang nagbigay-daan upang hawakan ng Panginoon ang iyong puso at baguhin ka magpakailanman. Ipanalangin mo ako, na sana ay maging bukas din ako sa presensya ng Anak ng Diyos upang hawakan Niya ang aking puso at baguhin ang aking buhay.
San Bartolome, ipanalangin mo kami.

23/08/2026

𝐀𝐮𝐠𝐮𝐬𝐭 𝟐𝟑 | 𝐆𝐞𝐧𝐞𝐫𝐚𝐥 𝐂𝐨𝐮𝐧𝐜𝐢𝐥 𝐌𝐞𝐞𝐭𝐢𝐧𝐠

Nagkaroon ng kauna-unahang General Council Meeting ngayong Agosto 23, 2026, ganap na ika- 7:00 ng gabi sa ating parokya. Dinaluhan ito ng mga Ministry Heads at mga kinatawan mula sa iba’t ibang ministry at pinangunahan ng ating Kura Paroko, Rev. Fr. Adrian E. Lazo.

Naging maayos at makabuluhan ang ating unang pagpupulong bilang General Council. Naging pagkakataon ito upang mas malinaw na mapag-usapan ang mga tungkulin at ugnayan ng bawat ministry, gayundin ang mga paraan upang mapabuti ang koordinasyon at komunikasyon sa ating mga gawain at paglilingkod.

Ito ang simula ng panibagong yugto ng ating sama-samang paglilingkod. Nawa’y patuloy tayong magkaisa, magtulungan, at maging aktibong katuwang sa pagpapaunlad ng buhay at misyon ng ating parokya.

23/08/2026

𝐇𝐎𝐌𝐈𝐋𝐘𝐀 | 𝐈𝐤𝐚-𝟐𝟏 𝐧𝐚 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

“paano ba tayo makakapunta sa langit? ano ba ang susi papunta sa langit?

ang susi na makakapagpunta sa atin langit una sa lahat, ang susi ng relasyon sa diyos.

at ang tanging inyong kasagutan lamang ang makakapagdala sa kalangitan.

kung sino ang diyos para sa iyo”

— 𝐑𝐞𝐯. 𝐅𝐫. 𝐀𝐝𝐫𝐢𝐚𝐧 𝐋𝐚𝐳𝐨

Bilang Kristiyano, ang tunay na susi ay ang pagkakaroon ng malalim na relasyon sa Diyos. Sa bawat araw, piliin nating kilalanin Siya, magtiwala sa Kanya, at isabuhay ang ating pananampalataya.

23/08/2026

𝐁𝐚𝐧𝐚𝐥 𝐧𝐚 𝐌𝐢𝐬𝐚 | 𝐈𝐤𝐚-𝟐𝟏 𝐧𝐚 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

Ang ating Banal na Misa ng ika-6 ng umaga sa parokya ay pinamunuan ng ating Kura Paroko, Rev. Fr. Adrian E. Lazo.

22/08/2026

𝐌𝐀𝐊𝐈𝐈𝐒𝐀 | mula sa Roman Catholic Bishop of Novaliches - Tahanang Pari, Diyosesis ng Novaliches.

Ang Pagdiriwang ng Banal na Eukaristiya ngayong Ika-21 Linggo sa Karaniwang Panahon na pangungunahan ng Obispo ng Diyosesis ng Novaliches, Lubos na Kagalang-galang ROBERTO O. GAA, D. D.



(Disclaimer: The Roman Catholic Diocese of Novaliches does not claim ownership of the music used. All rights belong to the rightful owner. No copyright infringement is intended.

22/08/2026

| August 23, 2026 • 6:00 AM

Ika-21 Linggo sa Karaniwang Panahon

Ang ating Punong Tagapagdiwang ngayon ay ang ating Kura Paroko, Rev, Fr. Adrian A. Lazo

22/08/2026

𝐀𝐮𝐠𝐮𝐬𝐭 𝟐𝟐 | 𝐌𝐞𝐦𝐨𝐫𝐢𝐚𝐥 𝐨𝐟 𝐭𝐡𝐞 𝐐𝐮𝐞𝐞𝐧𝐬𝐡𝐢𝐩 𝐨𝐟 𝐭𝐡𝐞 𝐁𝐥𝐞𝐬𝐬𝐞𝐝 𝐕𝐢𝐫𝐠𝐢𝐧 𝐌𝐚𝐫𝐲

Ang paggunita sa Pagkahari ng Mahal na Birheng Maria ay nagpapaalala sa atin na ang tunay na kadakilaan ay hindi nasusukat sa kapangyarihan o katayuan, kundi sa mapagpakumbabang pagsunod at buong pusong pagtitiwala sa kalooban ng Diyos. Bilang Ina ng ating Panginoong Hesukristo at Ina ng Simbahan, pinararangalan si Maria bilang Reyna ng Langit at Lupa isang Reyna na ang paghahari ay nakaugat sa pag-ibig, paglilingkod, katapatan, at ganap na pagsuko sa plano ng Diyos.

Sa buong buhay ni Maria, nasilayan natin ang isang huwaran ng pananampalataya, kababaang-loob, at pagmamahal. Sa bawat pagsubok at pagkakataon, buong puso niyang tinugon ang tawag ng Diyos at nanatiling tapat sa Kanya. Bilang ating Reyna at Ina, patuloy niya tayong inaakay palapit kay Kristo at ipinagdarasal tayo sa harap ng Diyos. Nawa’y sa kanyang halimbawa at paggabay, matutuhan nating mamuhay nang may matatag na pananampalataya, mapagkumbabang puso, at wagas na pagmamahal sa Diyos at sa kapwa, hanggang sa makabahagi tayo sa kaluwalhatiang inihanda Niya para sa Kanyang mga anak.

𝐏𝐚𝐧𝐚𝐥𝐚𝐧𝐠𝐢𝐧
O Mahal na Birheng Maria, aming Ina at Reyna, tunghayan Mo kami sa gitna ng aming mga pagsubok at pangamba. Ipagkaloob Mo sa amin ang Iyong awa, lakas, at pag-asa.

Akayin Mo kami palapit sa Iyong Anak na si Hesus at tulungan Mo kaming mamuhay nang may pananampalataya, pagmamahal, at pagtitiwala sa Diyos.

O Maria, aming Ina at Reyna, ipanalangin Mo kami at ang buong mundo.
Amen.

22/08/2026

| August 22, 2026 • 6:00PM (Anticipated Mass)

Ika-21 na Linggo sa Karaniwang Panahon

Ang ating Punong Tagapagdiwang ngayon ay ang ating Bisitang Pari, Rev. Fr. July Zambrano.