St. John Paul ll Parish - Capitol

18/02/2026

Alalahanin mong ikaw ay alabok, at sa alabok ka rin babalik. Sa tanda ng abo, tayo ay tinatawagan sa pagbabalik-loob at tunay na pagbabago.

Ngayong Miyerkules ng Abo, magsimula tayo ng Kuwaresma na may pusong mapagkumbaba at handang magmahal. Lumapit sa Diyos, magnilay, at hayaang baguhin Niya ang iyong puso. ✝️

02/02/2026

Sa pag-aalay kay Hesus sa Templo, ipinakita ang liwanag na magbibigay-pag-asa sa buong mundo. Tulad ng paalala ni St. John Paul II, ‘𝘽𝙪𝙠𝙨𝙖𝙣 𝙣𝙞𝙣𝙮𝙤 𝙖𝙣𝙜 𝙢𝙜𝙖 𝙥𝙞𝙣𝙩𝙤 𝙠𝙖𝙮 𝙆𝙧𝙞𝙨𝙩𝙤,’ nawa’y ialay din natin sa Diyos ang ating buhay nang buong pagtitiwala.

21/01/2026

17/01/2026

Santo Niño, aming Hari at Pag-asa!

Sa Iyong pagiging munting bata, ipinaalala Mo sa amin ang ganap na pagtitiwala, kababaang-loob, at wagas na pag-ibig ng Diyos. Nawa’y patuloy Mong pagpalain ang aming mga pamilya at gabayan kami sa landas ng pananampalataya.

Viva Señor Santo Niño!

10/01/2026

Sa pagbibinyag kay Hesus sa Ilog Jordan, ipinakita Niya ang pagpapakumbaba at pagsunod sa kalooban ng Ama. Sa sandaling ito, nahayag ang Kanyang misyon at ang dakilang pag-ibig ng Diyos sa sangkatauhan.

Alalahanin natin ang ating binyag at pagnilayan ang misyon na ibinigay sa atin ng Panginoon, at sikaping gampanan ito sa pamamagitan ng pag-ibig ng Diyos.

08/01/2026

Sa Kapistahan ni Nuestro Padre Jesus Nazareno, ating ginugunita ang Kanyang sakripisyo at pag-ibig sa atin. Sa bawat hakbang ng Kanyang krus, may pag-asa at kaligtasan. Halina’t magnilay at magdasal—ipagkatiwala ang iyong puso sa Kanya.

Nuestro Padre Jesus Nazareno, iligtas mo kami sa kasalanan patungo sa aming kaligtasan!

07/01/2026

𝗛𝗮𝗽𝗽𝘆 𝟮𝟭𝘀𝘁 𝗦𝗮𝗰𝗲𝗿𝗱𝗼𝘁𝗮𝗹 𝗔𝗻𝗻𝗶𝘃𝗲𝗿𝘀𝗮𝗿𝘆 𝗙𝗿. 𝗥𝗼𝗻𝗻𝗶𝗲!

Maraming salamat po sa iyong walang sawang paglilingkod at paggabay sa aming pananampalataya. Dalangin namin na patuloy kang palakasin ng Diyos sa iyong ministeryo, bigyan ng mabuting kalusugan, at punuin ng biyaya ang bawat araw ng iyong paglilingkod.

03/01/2026

Sa pagdating ng Tatlong Hari, nahayag sa lahat ng bansa ang liwanag ni Kristo. Siya ang Hari ng buong sangkatauhan—hinahanap, sinasamba, at iniaalay ng ating buhay. Nawa’y tulad ng mga pantas, sundan din natin ang bituin na patungo kay Hesus at ialay sa Kanya ang ating pananampalataya, pag-asa, at pag-ibig.

31/12/2025

Ngayong Dakilang Kapistahan ni Maria, Ina ng Diyos, ating pinararangalan si Maria—ang Ina na buong kababaang-loob na tumanggap sa kalooban ng Diyos at naging daluyan ng ating kaligtasan.

Manalangin tayo na tulad niya, matutunan nating sabihin ang ating buong “oo” sa Diyos araw-araw: "𝘐𝘯𝘢 𝘯𝘨 𝘋𝘪𝘺𝘰𝘴, 𝘢𝘬𝘢𝘺𝘪𝘯 𝘮𝘰 𝘬𝘢𝘮𝘪 𝘱𝘢𝘭𝘢𝘱𝘪𝘵 𝘬𝘢𝘺 𝘒𝘳𝘪𝘴𝘵𝘰."

31/12/2025

Salubungin natin ang 2026 nang may pananampalataya. Gaya ng sabi ni St. John Paul II, 'Be not afraid!' Huwag tayong matakot sa mga pagsubok, bagkus ay buksan natin ang ating mga puso kay Kristo ngayong Bagong Taon.

Happy New Year mga kaparokya!

28/12/2025

Sa tahimik at payak na buhay ng Banal na Mag-anak, nasasalamin ang puso ng pamilyang Pilipino—matatag sa pagsubok, buo sa pagmamahal, at nakasandig sa Diyos. Tulad nina Maria, Jose, at Hesus, ang bawat tahanan ay tinatahak ang buhay na may sakripisyo, pag-asa, at tiwala sa Diyos.

Nawa ay maipaalala sa atin ng Banal na Mag-anak na ang pamilya ang unang simbahan—dito hinuhubog ang pananampalataya at dito nagsisimula ang tunay na pag-ibig.