24/08/2026
𝐁𝐈𝐒𝐇𝐎𝐏 𝐆𝐀𝐀: 𝐋𝐀𝐇𝐀𝐓 𝐓𝐀𝐘𝐎 𝐀𝐘 𝐌𝐀𝐀𝐀𝐑𝐈𝐍𝐆 𝐌𝐀𝐆𝐈𝐍𝐆 𝐓𝐀𝐆𝐀𝐏𝐀𝐆𝐇𝐀𝐘𝐀𝐆 𝐍𝐆 𝐊𝐀𝐓𝐎𝐓𝐎𝐇𝐀𝐍𝐀𝐍 𝐍𝐆 𝐃𝐈𝐘𝐎𝐒
Binigyang-diin ng Lubos na Kagalang-galang Roberto O. Gaa, D.D., Obispo ng Novaliches, na ang bawat Kristiyano ay maaaring maging instrumento ng Diyos sa pagpapahayag ng Kanyang katotohanan, tulad ng naging karanasan ni Apostol Pedro.
Sa kanyang pagninilay, sinabi ni Bishop Gaa na malinaw sa Ebanghelyo na maaaring mangusap ang Diyos nang tuwiran sa tao. Ito ang nangyari kay Pedro nang ipahayag niya ang kanyang pagkilala kay Hesus, kahit hindi niya mismo alam kung saan nagmula ang kanyang sinabi.
“𝑵𝒂𝒑𝒂𝒌𝒂𝒈𝒂𝒏𝒅𝒂 𝒌𝒂𝒔𝒊 𝒎𝒂𝒓𝒊𝒏𝒊𝒈 𝒏𝒂𝒕𝒊𝒏 𝒏𝒂 𝒑𝒐𝒔𝒊𝒃𝒍𝒆 𝒑𝒂𝒍𝒂 𝒚𝒖𝒏 𝒏𝒂 𝒎𝒂𝒏𝒈𝒖𝒔𝒂𝒑 𝒂𝒏𝒈 𝑫𝒊𝒚𝒐𝒔 𝒅𝒊𝒓𝒆𝒕𝒔𝒚𝒐 𝒔𝒂 𝒂𝒕𝒊𝒏.”
Ipinaliwanag ng obispo na ang bigat at awtoridad ng sinabi ni Pedro ay hindi nagmula sa kanyang sariling kapangyarihan, kundi sa kanyang pagkakaugat sa Diyos Ama.
“𝑯𝒊𝒏𝒅𝒊 𝒔𝒊𝒚𝒂 𝒔𝒊𝒎𝒑𝒍𝒆𝒏𝒈 𝒌𝒂𝒕𝒐𝒕𝒐𝒉𝒂𝒏𝒂𝒏, 𝒑𝒆𝒓𝒐 𝒌𝒂𝒕𝒐𝒕𝒐𝒉𝒂𝒏𝒂𝒏 𝒏𝒂 𝒎𝒂𝒚 𝒌𝒂𝒂𝒌𝒊𝒃𝒂𝒕 𝒏𝒂 𝒐𝒕𝒐𝒓𝒊𝒅𝒂𝒅.”
Gayunman, ipinakita rin sa mga salaysay ng Ebanghelyo na hindi palaging tama ang naging pananaw ni Pedro. Nang sabihin ni Hesus na Siya ay pahihirapan at mamamatay, tumutol si Pedro, dahilan upang sawayin siya ni Hesus.
Para kay Bishop Gaa, ipinakikita nito na maaaring maging pabagu-bago ang ugnayan ng tao sa Diyos. May mga pagkakataong malinaw nating naipapahayag ang Kanyang kalooban, ngunit mayroon ding mga sandaling nadadala tayo ng sariling pananaw at kahinaan.
Sa kabila nito, nanatiling mahalaga ang koneksyon ni Pedro sa Diyos at ito ang naging bahagi ng kanyang pamumuno sa mga apostol.
“𝑷𝒆𝒓𝒐 𝒎𝒂𝒌𝒊𝒌𝒊𝒕𝒂 𝒏𝒈𝒂 𝒏𝒂𝒕𝒊𝒏 𝒅𝒊𝒕𝒐, 𝒚𝒖𝒏𝒈 𝒏𝒂𝒑𝒂𝒌𝒂𝒉𝒂𝒍𝒂𝒈𝒂𝒏𝒈 𝒌𝒐𝒏𝒆𝒌𝒔𝒚𝒐𝒏 𝒏𝒊 𝑷𝒆𝒅𝒓𝒐 𝒔𝒂 𝑨𝒎𝒂.”
Binigyang-diin ng obispo na hindi dapat hangarin ng tao ang kapangyarihan para sa sarili. Sa halip, ang dapat pagsumikapan ay ang pagkilala at pagpapahayag ng katotohanan ng Diyos.
“𝑯𝒊𝒏𝒅𝒊 𝒅𝒂𝒉𝒊𝒍 𝒏𝒂𝒊𝒔 𝒏𝒂𝒕𝒊𝒏𝒈 𝒎𝒂𝒈𝒊𝒏𝒈 𝒎𝒂𝒌𝒂𝒑𝒂𝒏𝒈𝒚𝒂𝒓𝒊𝒉𝒂𝒏, 𝒑𝒆𝒓𝒐 𝒏𝒂𝒊𝒔 𝒏𝒂𝒕𝒊𝒏𝒈 𝒎𝒂𝒊𝒑𝒂𝒉𝒂𝒚𝒂𝒈 𝒂𝒏𝒈 𝒌𝒂𝒕𝒐𝒕𝒐𝒉𝒂𝒏𝒂𝒏 𝒏𝒈 𝑫𝒊𝒚𝒐𝒔.”
Aminado si Bishop Gaa na malaking hamon ito at maaaring maging isang panghabambuhay na pagsisikap para sa bawat Kristiyano. Gayunman, hinikayat niya ang mga mananampalataya na huwag mapagod o mangimi sa paghahanap at pagpapahayag ng kalooban ng Diyos.
“𝑷𝒆𝒓𝒐 𝒉𝒖𝒘𝒂𝒈 𝒔𝒂𝒏𝒂 𝒕𝒂𝒚𝒐𝒏𝒈 𝒎𝒂𝒑𝒂𝒈𝒐𝒅, 𝒉𝒖𝒘𝒂𝒈 𝒕𝒂𝒚𝒐𝒏𝒈 𝒎𝒂𝒏𝒈𝒊𝒎𝒊.”
Sa huli, binigyang-diin niya na hindi lamang si Pedro ang maaaring maging tagapagsalita ng Diyos. Sa pamamagitan ng ating pang-araw-araw na buhay at pananampalataya, maaari rin nating maipahayag sa iba ang katotohanan ng Diyos.
“𝑲𝒂𝒔𝒊 𝒍𝒂𝒉𝒂𝒕 𝒕𝒂𝒚𝒐 𝒑𝒘𝒆𝒅𝒆𝒏𝒈 𝒎𝒂𝒈𝒊𝒏𝒈 𝒃𝒊𝒃𝒊𝒈 𝒏𝒈 𝑫𝒊𝒚𝒐𝒔.”
“𝑳𝒂𝒉𝒂𝒕 𝒕𝒂𝒚𝒐 𝒑𝒘𝒆𝒅𝒆𝒏𝒈 𝒎𝒂𝒈𝒊𝒏𝒈 𝒏𝒂𝒈𝒕𝒂𝒈𝒂𝒑𝒂𝒉𝒂𝒚𝒂𝒈 𝒏𝒈 𝑫𝒊𝒚𝒐𝒔.”
Para kay Bishop Gaa, ang hamon ay hindi ang maging makapangyarihan, kundi ang maging bukas sa Diyos upang ang Kanyang katotohanan ay maipahayag sa pamamagitan ng ating buhay.
(Ulat ni Jun Magtagnob)
