19/08/2026
๐๐ฎ๐ ๐ฎ๐ฌ๐ญ ๐๐, ๐๐๐๐
๐๐๐๐๐ ๐๐๐ ๐๐๐๐ ๐๐๐๐๐๐๐ ๐๐๐๐๐๐๐๐
โBaguhin na ninyo ang inyong pag-iisip at pag-uugali, at isuot ang bago ninyong pagkatao na nilikhang naaayon sa matuwid at banal na Diyos.โ โ Mga Taga-Efeso 4:23โ24
Sa Lordโs Day 33 ng Heidelberg Catechism, tinatalakay natin ang tunay na pagsisisi o conversion, na ayon sa Q&A 88 ay binubuo ng โpagkamatay ng dating pagkataoโ at โpamumuhay ayon sa bagong pagkatao.โ
Natapos nating pag-aralan ang Q&A 89 na tumutukoy sa pagkamatay ng dating pagkatao. Ito ay ang tunay na pagkalungkot dahil sa kasalanan, pagkamuhi rito, at paglayo mula rito. Ngayon naman, sa Q&A 90, tinuturuan tayo na ang tunay na pagbabago ng isang Cristiano ay hindi lamang pagtalikod sa kasalanan, kundi isang bagong buhay na may kagalakan sa Diyos at pagnanais na gawin ang mabuti ayon sa Kanyang kalooban.
Makikita natin ito sa Efeso 4:23โ24. Sinabi ni Pablo, โBaguhin na ninyo ang inyong pag-iisip at pag-uugali, at isuot ang bago ninyong pagkatao.โ Ang โbagong pagkataoโ ay hindi simpleng pagbabago lamang ng panlabas na pag-uugali. Ito ay pagbabago na nagsisimula sa kalooban. Sa ating pag-iisip, hangarin, at disposisyon. Ang bagong pagkatao ay nilikha ng Diyos at patuloy na binabago upang maging โayon sa Kanyang katuwiran at kabanalan.โ
Kaya ang buhay natin na kabilang na Kay Crisyo ay hindi lamang tungkol sa pagtigil sa paggawa ng masama. Ang taong naligtas na ay binibigyan din ng bagong pagnanais na mamuhay para sa Diyos. Ang dating pagkatao ay "hinuhubad" o inaalis at iwinawaksi, at ang bagong pagkatao ay โisinusuotโ o isinasabuhay. Ito ay nakikita sa paraan ng ating pananalita, pakikitungo sa iba, pagpapatawad, at paggawa ng mabuti.
Dahil ayon nga sa Efeso 4:20โ21, na ating narinig din sa nakalipas na Lord's Day evening service, tayo ay nagkaroon ng mahalagang karanasan. Nakarinig at natuto na tayo tungkol kay Cristo at sa katotohanan ng Ebanghelyo. Hindi na tayo ang dating tao na walang pagkakilala sa Diyos. Tayo ay nakaranas ng Kanyang mabiyayang pagliligtas kay Cristo, kaya ngayon, mayroon tayong bagong puso, bagong pagnanais, at bagong kakayahan sa pamamagitan ng Banal na Espiritu upang hindi lamang talikuran ang kasalanan, kundi mamuhay na ayon sa matuwid at banal na Diyos, ayon sa wangis ng ating Panginoong Jesus.
Makikita natin ang praktikal na kahulugan nito sa Efeso 4:25โ32. Sa halip na magsinungaling, tayo ay magsalita ng katotohanan. Sa halip na magalit at magkasala, matuto tayong magpigil at makipagkasundo. Sa halip na magnakaw, tayo ay magsikap upang may maibahagi sa nangangailangan. Sa halip na masasamang salita, magsalita tayo ng mga salitang nakapagpapatibay. At sa halip na mapuot, maging mapusok, at mapaghiganti, tayo ay maging mabait, mahabagin, at mapagpatawadโgaya ng pagpapatawad ng Diyos sa atin kay Cristo.
Mga kapatid, ito ang larawan ng bago nating pagkatao: hindi perpektong buhay, kundi isang buhay na patuloy na binabago ni Cristo sa pamamagitan ng Banal na Espiritu at ng Kanyang Salita. Dahil tayo ay kabilang na sa Panginoong Jesus, at lubos na nagpapasalamt sa Kanyang pagliligtas sa atin, ang landas at direksyon ng ating buhay ay mas maging kawangis Niya. Tumatalikod sa kasalanan, lumalakad nang may pag-ibig, pagsunod, pagtitiwala, pagtitiis, at nag-uumapaw sa mabubuting gawa. Amen!
โAng sinumang nakay Cristo ay isa nang bagong nilalang. Wala na ang dating pagkatao; siya ay bago na.โ โ 2 Corinto 5:17
