What are the opening hours?

Tuesday 9am - 5pm Wednesday 9am - 5pm Thursday 9am - 5pm Friday 9am - 5pm Saturday 9am - 5pm Sunday 9am - 5pm

https://www.facebook.com/1759364397686003/

Holy Spirit Parish - Caloocan, Narra Street , Pangarap Village, Caloocan (2026)

24/07/2026

𝗠𝗮𝘁𝗲𝗼 𝟭𝟯:𝟭𝟴-𝟮𝟯
"Makinig kayo ngayon sa talinhaga ng maghahasik.
Pag may nakakarinig sa salita ng Kaharian ngunit hindi naman niya inuunawa, dumarating ang Masama at inaagaw ang nahasik sa kanyang puso. Ito ang butong nahulog sa tabi ng daan.
Ang buto namang nahulog sa batuhan ay para sa taong nakarinig sa salita at kaagad itong tinanggap nang buong kasiyahan. Ngunit hindi ito nag-ugat sa kanyang kalooban at panandalian lamang. Kapag nagkaroon ng pagsubok at pag-uusig dahil sa salita, agad-agad siyang natitisod.
Ang butong nahulog sa mga tinikan ang nakarinig sa salita ngunit sinikil ito ng mga makamundong kabalisahan at ng pandaraya ng kayamanan, at hindi nakapagbunga ang salita.
Ang buto namang nahasik sa matabang lupa ang nakakarinig sa salita at umuunawa rito; nagbubunga siya at nagbibigay ng sandaan, animnapu o tatlumpu."
____________________
Photo credit: https://blogger.googleusercontent.com/img/b/R29vZ2xl/AVvXsEj48_FKAs7xuYr0GU9QfjmY_zbC5HZAJ4QfSoSJvVNMjnxu5XDVUVFQqXroNAMS3X571wkZXvVSO9u_0kCQz3EMtHPZSUcH7AS-lciHKn8lskxp54q4gvbKuS05_HOcFGSHgz8zTPTK0_zBFCyrFX4knbjJapJ86uVix02Jm1hcmQzSOZI/s1600-rw/saint-charbel-makhlouf-saintusdays-1.jpg

23/07/2026

𝗠𝗮𝘁𝗲𝗼 𝟭𝟯:𝟭𝟬-𝟭𝟳
Pagkatapos ay lumapit sa kanya ang mga alagad at nagtanong: "Bakit sa pamamagitan ng mga talinhaga ka nagsasalita sa kanila?" Sumagot si Hesus: "Sa inyo ipinagkaloob na malaman ang mga lihim ng kaharian ng Langit, ngunit hindi sa kanila. Sapagkat ang mayroon ay bibigyan pa at sasagana pa siya. Ngunit ang wala ay aagawan pa ng nasa kanya na. Kaya nagsasalita ako sa kanila nang patalinhaga sapagkat tumitingin sila pero walang nakikita, nakaririnig sila pero hindi nakikinig o nakakaunawa.
Sa kanila natutupad ang mga salita ni Propeta Isaias: "𝘔𝘢𝘬𝘪𝘯𝘪𝘨 𝘮𝘢𝘯 𝘬𝘢𝘺𝘰 𝘯𝘢𝘯𝘨 𝘮𝘢𝘬𝘪𝘯𝘪𝘨, 𝘩𝘪𝘯𝘥𝘪 𝘬𝘢𝘺𝘰 𝘯𝘢𝘬𝘢𝘬𝘢𝘶𝘯𝘢𝘸𝘢; 𝘵𝘶𝘮𝘪𝘯𝘨𝘪𝘯 𝘮𝘢𝘯 𝘬𝘢𝘺𝘰 𝘯𝘢𝘯𝘨 𝘵𝘶𝘮𝘪𝘯𝘨𝘪𝘯, 𝘩𝘪𝘯𝘥𝘪 𝘬𝘢𝘺𝘰 𝘯𝘢𝘬𝘢𝘬𝘢𝘬𝘪𝘵𝘢.
𝘗𝘪𝘯𝘢𝘵𝘪𝘨𝘢𝘴 𝘯𝘨𝘢 𝘢𝘯𝘨 𝘱𝘶𝘴𝘰 𝘯𝘨 𝘮𝘨𝘢 𝘵𝘢𝘰𝘯𝘨 𝘪𝘵𝘰. 𝘏𝘢𝘭𝘰𝘴 𝘸𝘢𝘭𝘢𝘯𝘨 𝘯𝘢𝘳𝘪𝘳𝘪𝘯𝘪𝘨 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘵𝘢𝘪𝘯𝘨𝘢 𝘢𝘵 𝘸𝘢𝘭𝘢𝘯𝘨 𝘯𝘢𝘬𝘪𝘬𝘪𝘵𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘢𝘵𝘢. 𝘈𝘵 𝘣𝘢𝘬𝘢 𝘮𝘢𝘬𝘢𝘬𝘪𝘵𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘢𝘵𝘢 𝘢𝘵 𝘮𝘢𝘬𝘢𝘳𝘪𝘯𝘪𝘨 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘵𝘢𝘪𝘯𝘨𝘢 𝘢𝘵 𝘮𝘢𝘬𝘢𝘶𝘯𝘢𝘸𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘱𝘶𝘴𝘰, 𝘶𝘱𝘢𝘯𝘨 𝘣𝘶𝘮𝘢𝘭𝘪𝘬 𝘴𝘪𝘭𝘢 𝘢𝘵 𝘱𝘢𝘨𝘢𝘭𝘪𝘯𝘨𝘪𝘯 𝘬𝘰 𝘴𝘪𝘭𝘢."
Ngunit mapapalad ang inyong mga mata na nakakakita at ang inyong mga tainga na nakakarinig.
Sinasabi ko nga sa inyo na maraming propeta at mabubuting tao ang may gustong makita ang nakikita ninyo ngayon, pero hindi nila nakita, at marinig ang inyong naririnig, pero hindi nila narinig."
____________________
𝘊𝘳𝘦𝘥𝘪𝘵 𝘵𝘰 𝘵𝘩𝘦 𝘰𝘸𝘯𝘦𝘳 𝘰𝘧 𝘵𝘩𝘦 𝘱𝘩𝘰𝘵𝘰

22/07/2026

𝗝𝘂𝗮𝗻 𝟮𝟬:𝟭-𝟮, 𝟭𝟭-𝟭𝟴
Ngayon, pagkatapos ng Araw ng Pahinga, habang madilim pa, maagang pumunta sa libingan si Maria Magdalena. Nang makita niyang tanggal ang bato mula sa libingan, patakbo siyang pumunta kay Simon Pedro at sa isa pang alagad na mahal ni Hesus. Sinabi niya sa kanila: "May kumuha sa Panginoon mula sa libingan, at hindi namin alam kung saan nila siya inilagay."
Nakatayo namang umiiyak sa labas si Maria sa may libingan. Sa kanyang pag-iyak, yumuko siyang nakatanaw sa libingan. At may napansin siyang dalawang anghel na nakaputi na nakaupo, isa sa may ulunan at isa sa may paanan ng pinaglagyan sa katawan ni Hesus.
Sinabi sa kanya ng mga iyon: "Ale, bakit ka umiiyak?" Sinabi niya sa kanila: "May kumuha sa Panginoon ko, at hindi ko alam kung saan siya inilagay." Pagkasabi niya nito, tumalikod siya at napansin niya si Hesus na nakatayo, pero hindi niya nakilalang si Hesus iyon.
Sinabi sa kanya ni Hesus: "Ale, bakit ka umiiyak? Sino'ng hinahanap mo?" Sa pag-aakala niyang iyon ang hardinero, sinabi niya sa kanya: "Ginoo, kung kayo ang nagdala sa kanya, sabihin n'yo sa akin kung saan n'yo siya inilagay at kukunin ko siya."
Sinabi sa kanya ni Hesus: "Maria!" Pagkaharap niya'y sinabi niya sa kanya sa Aramaiko: "Rabbouni!" (na ibig sabihi'y G**o). Sinabi sa kanya ni Hesus: "Huwag kang humawak sa akin sapagkat hindi pa ako nakaaakyat sa Ama. Puntahan mo ang mga kapatid ko at sabihin sa kanila: 'Paakyat ako sa Ama ko at Ama ninyo, sa Diyos ko at Diyos ninyo.'"
Pumunta si Maria Magdalena na ibinabalita sa mga alagad: "Nakita ko ang Panginoon." At sinabi niya ang mga sinabi sa kanya."
____________________
Photo credit: https://i.pinimg.com/originals/42/36/7d/42367d0a19c718c90bb9be33d386160a.jpg

21/07/2026

𝗠𝗮𝘁𝗲𝗼 𝟭𝟮:𝟰𝟲-𝟱𝟬
Nagsasalita pa si Hesus sa mga tao nang dumating ang kanyang ina at mga kapatid para makipag-usap sa kanya, at naghihintay sila sa labas. Kaya may nagsabi sa kanya: "Nasa labas ang iyong ina at mga kapatid; gusto ka nilang makausap."
Sumagot si Hesus sa nagsabi sa kanya: "Sino ang aking ina? Sino ang aking mga kapatid?" At itinuro niya ang kanyang mga alagad at sinabi: "Narito ang aking ina at mga kapatid. Ang nagsasagawa sa kalooban ng aking Ama sa Langit ang aking kapatid na lalaki at kapatid na babae at ina."
____________________
Photo credit: https://catholicreadings.org/wp-content/uploads/2017/07/Saint-Lawrence-of-Brindisi-Priest-and-Doctor.jpg

20/07/2026

𝗚𝗼𝘀𝗽𝗲𝗹 𝗳𝗿𝗼𝗺 𝗠𝗮𝘁𝘁𝗵𝗲𝘄 𝟭𝟮:𝟯𝟴-𝟰𝟮
Some of the scribes and Pharisees said to Jesus, “Teacher, we wish to see a sign from you.” He said to them in reply, “An evil and unfaithful generation seeks a sign, but no sign will be given it except the sign of Jonah the prophet. Just as Jonah was in the belly of the whale three days and three nights, so will the Son of Man be in the heart of the earth three days and three nights. At the judgment, the men of Nineveh will arise with this generation and condemn it, because they repented at the preaching of Jonah; and there is something greater than Jonah here. At the judgment the queen of the south will arise with this generation and condemn it, because she came from the ends of the earth to hear the wisdom of Solomon; and there is something greater than Solomon here.”

18/07/2026

𝗠𝗮𝘁𝗲𝗼 𝟭𝟮:𝟭𝟰-𝟮𝟭
Pagkalabas ng mga Pariseo, nag-usap-usap sila kung paano nila siya masisiraan. Nalaman ito ni Hesus kaya lumayo siya sa lugar na iyon. Maraming tao ang sumunod sa kanya. Pinagaling niya ang lahat ng may sakit ngunit inutusan sila na huwag siyang ipamamalita.
Kaya natupad ang sinabi ni Isaias, ang propeta:
"𝘕𝘢𝘳𝘪𝘵𝘰 𝘢𝘯𝘨 𝘶𝘵𝘶𝘴𝘢𝘯 𝘬𝘰 𝘯𝘢 𝘢𝘬𝘪𝘯𝘨 𝘱𝘪𝘯𝘪𝘭𝘪, 𝘢𝘯𝘨 𝘮𝘢𝘩𝘢𝘭 𝘬𝘰 𝘯𝘢 𝘴𝘪𝘺𝘢 𝘬𝘰𝘯𝘨 𝘬𝘪𝘯𝘢𝘭𝘶𝘭𝘶𝘨𝘥𝘢𝘯. 𝘪𝘭𝘢𝘭𝘢𝘨𝘢𝘺 𝘬𝘰 𝘴𝘢 𝘬𝘢𝘯𝘺𝘢 𝘢𝘯𝘨 𝘢𝘬𝘪𝘯𝘨 𝘌𝘴𝘱𝘪𝘳𝘪𝘵𝘶 𝘢𝘵 𝘴𝘪𝘺𝘢 𝘢𝘯𝘨 𝘮𝘢𝘨𝘱𝘢𝘱𝘢𝘩𝘢𝘺𝘢𝘨 𝘴𝘢 𝘮𝘨𝘢 𝘣𝘢𝘯𝘴𝘢 𝘯𝘨 𝘢𝘬𝘪𝘯𝘨 𝘮𝘨𝘢 𝘱𝘢𝘴𝘺𝘢.
𝘏𝘪𝘯𝘥𝘪 𝘴𝘪𝘺𝘢 𝘮𝘢𝘬𝘪𝘬𝘪𝘱𝘢𝘨𝘵𝘢𝘭𝘰 𝘰 𝘴𝘪𝘴𝘪𝘨𝘢𝘸, 𝘩𝘪𝘯𝘥𝘪 𝘮𝘢𝘳𝘪𝘳𝘪𝘯𝘪𝘨 𝘴𝘢 𝘮𝘨𝘢 𝘭𝘪𝘸𝘢𝘴𝘢𝘯 𝘢𝘯𝘨 𝘬𝘢𝘯𝘺𝘢𝘯𝘨 𝘵𝘪𝘯𝘪𝘨. 𝘏𝘪𝘯𝘥𝘪 𝘯𝘪𝘺𝘢 𝘣𝘢𝘣𝘢𝘭𝘪𝘪𝘯 𝘢𝘯𝘨 𝘴𝘶𝘨𝘢𝘵𝘢𝘯𝘨 𝘵𝘢𝘯𝘨𝘬𝘢𝘺 𝘰 𝘱𝘢𝘱𝘢𝘵𝘢𝘺𝘪𝘯 𝘢𝘯𝘨 𝘢𝘢𝘯𝘥𝘢𝘱-𝘢𝘯𝘥𝘢𝘱 𝘯𝘢 𝘮𝘪𝘵𝘴𝘢. 𝘏𝘪𝘯𝘥𝘪 𝘴𝘪𝘺𝘢 𝘵𝘪𝘵𝘪𝘨𝘪𝘭 𝘩𝘢𝘯𝘨𝘨𝘢𝘯𝘨 𝘮𝘢𝘨𝘸𝘢𝘨𝘪 𝘢𝘯𝘨 𝘬𝘢𝘵𝘢𝘳𝘶𝘯𝘨𝘢𝘯. 𝘈𝘯𝘨 𝘬𝘢𝘯𝘺𝘢𝘯𝘨 𝘱𝘢𝘯𝘨𝘢𝘭𝘢𝘯 𝘢𝘯𝘨 𝘪𝘯𝘢𝘢𝘴𝘢𝘩𝘢𝘯 𝘯𝘨 𝘭𝘢𝘩𝘢𝘵 𝘯𝘨 𝘣𝘢𝘯𝘴𝘢."
____________________
Photo credit: https://mycatholic.life/saints/saints-of-the-liturgical-year/july-14---saint-camillus-de-lellis-priest/

17/07/2026

𝗠𝗮𝘁𝗲𝗼 𝟭𝟮:𝟭-𝟴
Naglakad noon si Hesus sa mga taniman ng trigo minsang Araw ng Pahinga. Nagutom ang kanyang mga alagad at sinimulan nilang alisin sa uhay ang mga butil at kinain iyon. Nang mapansin ito ng mga Pariseo, sinabi nila kay Hesus: "Tingnan mo ang iyong mga lagad; gumagawa sila ng ipinagbabawal sa Araw ng Pahinga!"
Ngunit sumagot si Hesus: "Hindi ba ninyo nabasa ang ginawa ni David noong magutom siya at ang kanyang mga kasama? Pumasok siya sa bahay ng Diyos at kinain ang tinapay na inihain para sa Diyos, gayong bawal sa kanya o sa kanyang mga kasama na kainin ito liban sa mga pari. At hindi ba ninyo nabasa sa Batas na sa Araw ng Pahinga, walang pahinga ang mga pari sa Templo, pero wala silang kasalanan dahil dito?
Sinasabi ko naman sa inyo: Dito'y may mas dakila pa sa Templo. Kung nauunawaan ninyo talaga ang salitang ito, '𝘈𝘸𝘢 𝘢𝘯𝘨 𝘨𝘶𝘴𝘵𝘰 𝘬𝘰, 𝘩𝘪𝘯𝘥𝘪 𝘩𝘢𝘯𝘥𝘰𝘨,' hindi sana ninyo hinatulan ang walang-sala. At isa pa'y ang Anak ng Tao ang Panginoon ng Araw ng Pahinga."

16/07/2026

𝗠𝗮𝘁𝗲𝗼 𝟭𝟭:𝟮𝟴-𝟯𝟬
"Lumapit sa akin, lahat kayong nahihirapan at may pinapasan, at pagiginhawahin ko kayo. Kunin ninyo ang aking pamatok at matuto sa akin, akong mahinahon at mababang-loob, at makakatagpo kayo ng ginhawa para sa inyong kaluluwa. Sapagkat mahusay ang aking pamatok at magaan ang aking pasanin."
____________________
Photo credit: https://i.pinimg.com/originals/57/20/7e/57207e4517a76e500044b0dab56e1d82.jpg

15/07/2026

𝗠𝗮𝘁𝗲𝗼 𝟭𝟭:𝟮𝟱-𝟮𝟳
Nagsalita si Hesus sa pagkakataong iyon: "Pinupuri kita Amang Panginoon ng Langit at lupa, sapagkat itinago mo ang mga bagay na ito sa matatalino at marurunong, at ipinamulat mo nmaan sa mga karaniwang tao. Oo, Ama, ito ang ikinasiya mo.
Ipinagkatiwala sa akin ng aking Ama ang lahat. Walang makakakilala sa Anak kundi ang Ama, at walang nakakakilala sa Ama kundi ang Anak at ang sinumang gustuhing pagbunyagan ng Anak."
____________________
Photo credit: https://www.catholicfrequency.com/saints/images/bonaventure2.jpg

14/07/2026

𝗠𝗮𝘁𝗲𝗼 𝟭𝟭:𝟮𝟬-𝟮𝟰
At sinimulang tuligsain ni Hesus ang mga bayang ginawan niya ng karamihan sa kanyang mga himala, sapagkat hindi sila nagpanibagong-buhay: "Sawimpalad kayong mga bayan ng Corozain at Betsaida! Kung sa Tiro at Sidon nangyari ang mga himalang naganap sa piling ninyo, matagal na sana silang nagsisi nang may abo at sako. Kaya sinasabi ko sa inyo: Mas magiging magaan pa ang sasapitin ng Tiro at Sidon sa araw ng paghuhukom kaysa inyo. At ikaw naman, Capernaum, 𝘪𝘵𝘢𝘵𝘢𝘢𝘴 𝘬𝘢 𝘣𝘢 𝘴𝘢 𝘭𝘢𝘯𝘨𝘪𝘵? 𝘏𝘪𝘯𝘥𝘪, 𝘪𝘵𝘢𝘵𝘢𝘱𝘰𝘯 𝘬𝘢 𝘴𝘢 𝘬𝘢𝘩𝘢𝘳𝘪𝘢𝘯 𝘯𝘨 𝘮𝘨𝘢 𝘱𝘢𝘵𝘢𝘺! Sapagkat kung sa S***m nangyari ang mga himalang naganap sa iyo, nananatili pa sana ngayon ang S***m. Kaya sinasabi ko sa inyo: mas magiging magaan pa ang sasapitin ng lupain ng S***m sa araw ng paghuhukom kaysa inyo."
____________________
Photo credit: https://3.bp.blogspot.com/-TamshqfshNE/VaT6uKZC3ZI/AAAAAAAANM4/0Nyz4R04-Tk/s1600/Blessed%252BKateri%252B4.jpg

Holy Spirit Parish - Caloocan

24/07/2026

23/07/2026

22/07/2026

21/07/2026

20/07/2026

18/07/2026

17/07/2026

16/07/2026

15/07/2026

14/07/2026

Address

Opening Hours

Website

Alerts

Shortcuts

Share

Category

Listing takedown request

Tuesday	9am - 5pm
Wednesday	9am - 5pm
Thursday	9am - 5pm
Friday	9am - 5pm
Saturday	9am - 5pm
Sunday	9am - 5pm