ACC - R8 Holy Family Chapel Bagong Silang

25/07/2026

🙏 PAANYAYA SA BANAL NA MISA 🙏
"Sapagkat kung saan nagkakatipon ang dalawa o tatlo sa aking pangalan, naroon Ako sa gitna nila." – Mateo 18:20
Inaanyayahan po namin ang lahat na makiisa sa pagdiriwang ng Banal na Misa bukas.
⛪ Holy Family Chapel
🕘 9:00 AM – Holy Rosary
🕙 10:00 AM – Holy Mass
Halina't magtipon bilang isang pamilya sa pananampalataya. Sama-sama nating purihin, pasalamatan, at papurihan ang Panginoon.
Kitakits po tayo! God bless everyone. 🙏❤️

24/07/2026

Ang inyong handog ay hindi lamang tulong sa pagdiriwang ng Misa, kundi isang pagpapakita ng pagmamahal at pananampalataya sa Diyos. Maraming salamat po!

24/07/2026

"Ang paghahandog ay hindi nasusukat sa laki ng halaga, kundi sa lalim ng pusong nagmamahal at nagtitiwala sa Diyos."

14/07/2026

25/05/2026

“Natapos man ang Easter Season, ngunit hindi kailanman natatapos ang pagmamahal at presensya ng Panginoon sa ating buhay. Sa loob ng limampung araw, ipinagdiwang natin ang tagumpay ni Kristo sa muling pagkabuhay — ang tagumpay ng buhay laban sa kamatayan, ng liwanag laban sa dilim, at ng pag-asa laban sa pangamba.

Ngayon ay papasok na tayo sa Ordinaryong Panahon ng Simbahan. Ngunit hindi ibig sabihin nito na ordinaryo nalang ang ating pananampalataya. Sa katunayan, dito tayo higit na tinatawagan upang isabuhay araw-araw ang mga aral at biyayang ating tinanggap mula sa Panginoon.

Ang kulay berde ng Ordinaryong Panahon ay sumisimbolo ng paglago — paglago sa pananampalataya, pagmamahal, paglilingkod, at pagiging mas malapit sa Diyos. Ito ang panahon kung saan patuloy nating isinasabuhay ang ating pagiging tunay na Kristiyano sa simpleng paraan: sa kabutihan, pagpapatawad, pagtulong sa kapwa, at pananatiling matatag sa pananampalataya kahit sa gitna ng pagsubok.

Hindi man natin makita araw-araw ang ningning ng Easter celebration, ang liwanag ni Kristo ay nananatiling buhay sa ating puso. Kaya habang nagpapatuloy tayo sa Ordinaryong Panahon, nawa’y manatili rin tayong tapat, mapagkumbaba, at handang maglingkod sa Diyos at sa kapwa.

Mula Easter Season hanggang Ordinaryong Panahon, iisa pa rin ang mensahe: Buhay si Kristo, at kasama natin Siya araw-araw. 💚🙏✨”

22/05/2026

🌹𝗙𝗟𝗢𝗥𝗘𝗦 𝗗𝗘 MAYO 𝟮𝟬𝟮𝟲 🌹

Malapit na!

Tuwing buwan ng Mayo, bahagi na ng makulay na kultura at pananampalataya nating mga Pilipino ang pagdiriwang ng Flores de Mayo o mas kilala rin bilang Flores de Maria — isang banal na pag-aalay ng mga bulaklak at panalangin bilang pagpupugay sa ating Mahal na Birheng Maria. 💐🙏

Patuloy nating isinasabuhay ang debosyong ito bilang mga kasapi ng Apostolic Catholic Church. Sa pagtutulungan ng Destrict at Group 2 officers, muli nating gugunitain at ipagdiriwang ang espesyal na okasyong ito ngayong buwan ng Mayo.

Kaya halina’t makiisa sa pagdiriwang ng 𝑭𝑳𝑶𝑹𝑬𝑺 𝑫𝑬 𝑴𝑨𝑹𝑰𝑨 sa ating Kapilya ng Banal na Familya dito sa Bagong Silang Caloocan City ngayong 𝒊𝒌𝒂-30 𝒏𝒈 𝑴𝒂𝒚𝒐 2026.

Inaanyayahan ang lahat na makibahagi sa banal at makulay na selebrasyong ito bilang pagpapakita ng ating pagmamahal at debosyon kay Inang Maria. 🤍

Ave Maria! 🌸🕊️

03/11/2025

The souls we've lost may be gone, but they are never forgotten. They live on in our cherished memories and in the love they've left behind

We are united in prayer for the souls of our love ones.

Eternal rest grant unto them, O Lord,
and let perpetual light shine upon them.
May the souls of all the faithful departed,
through the mercy of God, rest in peace.
Amen

15/06/2025