Bagong Silang United Methodist Church 2024

Bagong Silang United Methodist Church 2024 Religious Community

GABAY SA ARAW NA ITO June 29, 2024 Sabado@bsumcrevedabugan.bsumc@gmail.com For Church building fund donation: BPI Accoun...
28/06/2024

GABAY SA ARAW NA ITO
June 29, 2024 Sabado@bsumc
[email protected]
For Church building fund donation: BPI Account Name: Bagong Silang United Methodist Church (BSUMC) Account no.: 0431016311








MATEO 7:15-20 Noong panahong iyon, sinabi ni Hesus sa kanyang mga alagad, "Mag-ingat kayo sa mga bulaang propeta; nagsisilapit sila sa inyo na animo'y tupa, ngunit ang totoo'y mababangis na a*ong-gubat. Makikilala ninyo sila sa kanilang mga gawa. Napipitas ba ang ubas sa punong dawag, o ang igos sa puno ng aroma? Nagbubunga ng mabuti ang bawat mabuting punongkahoy, subalit nagbubunga ng masama ang punongkahoy. Hindi maaaring magbunga ng masama ang mabuting punongkahoy, ni ng mabuti ang masamang punongkahoy. Ang bawat puno na di nagbubunga ng mabuti ay pinuputol at itinatapon sa apoy. Kaya nga, makikilala ninyo sa kanilang mga gawa ang mga bulaang propeta."

MAGNILAY: Hindi lahat ng nagpapahayag ng salita ng Diyos ay propeta na nga. Kung wala kang naman seryosong plano at intensyon na isabuhay ito isa ka lang bulaang propeta. Ginagamit mo lang ang salita ng Diyos para magpasikat, magpabilib, magpapogi at kumita pero wala ang tunay na malasakit ng isang pastol na ang hangad ay lumusog ang kanyang mga tupa sa karunungan ng Diyos. Inaakala mo na habambuhay kang makalulusot pero hindi. Hindi maitatago ang masamang motibo. Lalabas at lalabas ito sa bunga. At hinding-hindi mamumunga ng mabuti ang masamang puno. Isang palatandaan ng bulaang propeta ay dahil sa iyo nalayo ang marami sa Diyos imbes na nailapit.

MANALANGIN: Panginoon, huwag mong ipahintulot na maging dahilan ako upang lumayo ang marami sa iyo.

GAWIN: Huwag mong lokohin ang sarili mo at ang iba na propeta ka ng salita ng Diyos.

GABAY SA ARAW NA ITO June 28, 2024 Biyernes@bsumcrevedabugan.bsumc@gmail.com For Church building fund donation: BPI Acco...
27/06/2024

GABAY SA ARAW NA ITO
June 28, 2024 Biyernes@bsumc
[email protected]
For Church building fund donation: BPI Account Name: Bagong Silang United Methodist Church (BSUMC) Account no.: 0431016311








MATEO 8: 1-4 Nang makababa si Hesus mula sa bundok, sinundan siya ng napakaraming tao. Lumapit sa kanya ang isang ketongin at lumuhod sa harapan niya. "Ginoo," ang wika niya, "kung ibig po ninyo, ako'y inyong mapagagaling." Hinipo siya ni Hesus at sinabi, "Ibig ko, gumaling ka." At pagdaka'y nawala ang kanyang ketong. "Huwag mo itong sasabihin kaninuman," bilin ni Hesus. "Pumunta ka't pasuri sa saserdote. Pagkatapos, maghandog ka ng haing iniuutos ni Moises, bilang patotoo sa mga tao na magaling ka na."

MAGNILAY: Ang ketong ay kumakatawan sa lahat ng dahilan ng ating kahihiyan at pagtatakwil ng iba. Una, pisikal na kapansanan na dahilan ng panlalait ng iba. Hinihilom tayo ni Hesus upang makita ang dignidad ng bawat tao sa kanyang panloob na katangian hindi panlabas. Ikalawa, depekto sa ating personalidad na dahilan upang husgahan tayo. Hinihilom tayo ni Hesus upang huwag ikahon ang sinuman sa halip unawain na lahat tayo ay nasa proseso ng pagbabago ng sarili. Ikatlo, nagawang kasalanan na dahilan upang itakwil tayo. Hinihilom tayo ni Hesus na kamuhian ang kasalanan hindi ang makasalanan. Huli, sakit na nakakahawa na dahilan upang pandirihan tayo. Hinihilom tayo ni Hesus na higit kailanman ngayon tayo kailangan ng kapatid nating maysakit upang huwag maglaho ang natitirang pag-asa na meron sila.

MANALANGIN: Panginoon, kung ibig mo kami'y iyong mapapagaling.

GAWIN: Abutin at iangat mo ang kapwa mong nilalait, hinuhusgahan, itinatakwil at pinandidirihan.

GABAY SA ARAW NA ITO June 27, 2024 Huwebes@bsumcrevedabugan.bsumc@gmail.com For Church building fund donation: BPI Accou...
26/06/2024

GABAY SA ARAW NA ITO
June 27, 2024 Huwebes@bsumc
[email protected]
For Church building fund donation: BPI Account Name: Bagong Silang United Methodist Church (BSUMC) Account no.: 0431016311








MATEO 7:21-29 Noong panahong iyon, sinabi ni Hesus sa kanyang mga alagad, "Hindi lahat ng tumatawag sa akin, 'Panginoon, Panginoon,' ay papa*ok sa kaharian ng langit, kundi yaon lamang sumusunod sa kalooban ng aking Amang nasa langit. Pagdating ng huling Araw, marami ang magsasabi sa akin, 'Panginoon, nangaral po kami at nagpalayas ng mga demonyo, at gumawa ng mga kababalaghan sa inyong pangalan!' At sasabihin ko sa kanila, 'Kailanma'y hindi ko kayo nakilala. Lumayo kayo sa akin, mga mapaggawa ng masama!'

"Kaya't ang bawat nakikinig at nagsasagawa ng mga salita kong ito ay matutulad sa isang taong matalino na nagtayo ng kanyang bahay sa ibabaw ng bato. Umulan nang malakas, bumaha, at binayo ng malakas na hangin ang bahay na iyon, ngunit hindi nagiba sapagkat nakatayo sa ibabaw ng bato. Ang bawat nakikinig ng aking mga salita at hindi nagsasagawa nito ay matutulad sa isang taong hangal na nagtayo ng kanyang bahay sa buhanginan. Umulan nang malakas, bumaha, at binayo ng malakas na hangin ang bahay. Bumagsak ang bahay na iyon at lubusang nawasak."

Nang masabi na ni Hesus ang mga pananalitang ito, ang mga tao’y namangha. Sapagkat nagturo siya na parang isang may kapangyarihan, at hindi tulad ng mga eskriba.

MAGNILAY: Tuwing gagawa tayo ng mabuti at tumutupad ng salita ng Diyos lumalakas at tumitibay ang ating loob. Tumatatag ang pagkatao natin. Hindi tayo naitutumba agad-agad ng mga hamon at pagsubok ng buhay. Samantala, tuwing gagawa tayo ng mali at sumusuway sa kalooban ng Diyos rumurupok ang ating kalooban. Sa harap ng bagyo ng buhay agad tayong bumabagsak. Humihina ang pundasyon natin. Ang salita ng Diyos ay may kaloob na katatagan sa bawat nakikinig at tumutupad nito. Ito ay lakas at sandigan natin.

MANALANGIN: Panginoon, patibayin nawa kami ng pagtupad namin ng iyong mga salita.

GAWIN: Isalin sa gawa ang bawat salita ng Diyos na napakinggan mo.

GABAY SA ARAW NA ITO June 26, 2024 Miyerkules@bsumcrevedabugan.bsumc@gmail.com For Church building fund donation: BPI Ac...
25/06/2024

GABAY SA ARAW NA ITO
June 26, 2024 Miyerkules@bsumc
[email protected]
For Church building fund donation: BPI Account Name: Bagong Silang United Methodist Church (BSUMC) Account no.: 0431016311








LUKAS 1:57-66,80 Dumating ang oras ng panganganak ni Elisabet, at nagluwal siya ng isang sanggol sa lalaki. Nabalitaan ng kanyang mga kapitbahay at mga kamag-anak na siya'y pinagpala ng Panginoon, at nakigalak sila sa kanya.

Nang ikawalong araw, dumalo sila sa pagtutuli ng sanggol. Zacarias sana ang ipangangalan sa kanya—gaya ng kanyang ama—ngunit sinabi ng kanyang ina, "Hindi! Juan ang ipapangalan sa kanya." "Subalit wala isa man sa iyong mga kamag-anak ang may ganyang pangalan," wika nila. Kaya't hinudyatan nila ang kanyang ama at itinanong kung ano ang ibig niyang itawag sa sanggol. Humingi siya ng masusulatan at sumulat ng ganito: "Juan ang kanyang pangalan." At namangha silang lahat. Pagdaka'y nakapagsalita siya, at nagpuri sa Diyos. Natakot ang lahat ng kanilang kapitbahay, anupat naging usap-usapan sa buong kaburulan ng Judea ang mga bagay na ito. Pinakaisip-isip ito ng lahat ng nakaalam at ang kanilang tanong: "Magiging ano kaya ang batang ito?" Sapagkat maliwanag na sumasakanya ang Panginoon.

Lumaki ang bata at naging malakas ang kanyang espiritu. Siya’y tumira sa ilang hanggang sa araw na magpakilala siya sa Israel.

MAGNILAY: Mapagpala ang Diyos! Ito ang kahulugan ng pangalang JUAN. Si Juan Bautista ay naging daluyan ng pagpapala at grasya ng Diyos sa pagtugon niya sa misyong maging propeta na itinakda ng Diyos noon pa mang nasa sinapupunan siya ng kanyang ina. Bilang propeta naging tinig siya ng Diyos sa marami na inakit niya tungo sa pagsisisi at pagbabagong-buhay. Siya ang nagturo sa lahat kung sino ang Mesiyas - si Hesus na Kordero ng Diyos na nag-aalis ng kasalanan ng mundo.

Tinatawag din tayong maging mga JUAN! Sa pagtuklas natin sa misyong itinakda sa atin ng Diyos noon pa man at kusang-loob nating pagtugon dito magiging grasya tayo sa buong sambayanan. Ang buhay ay pagsisilbi at pagbibigay ng sarili para sa iba. Natutupad ito kapag nakilala na natin ang misyon natin sa buhay na Diyos ang may-akda. Hangga't hindi natin ito natutugunan mananatiling may kulang sa puso natin. Kahit matagumpay tayo sa karera at propesyon natin hindi tayo magiging tunay na maligaya hangga't hindi natin nabibigay ang ating sarili sa misyong itinakda sa atin.

MANALANGIN: Panginoon, ipadama mo sa akin kung ano ang misyon ko sa buhay at gawin mo akong daluyan ng iyong grasya.

GAWIN: Maging misyon mo ang maging bagong JUAN sa sambayanan.

GABAY SA ARAW NA ITO June 25, 2024 Martes@bsumcrevedabugan.bsumc@gmail.com For Church building fund donation: BPI Accoun...
24/06/2024

GABAY SA ARAW NA ITO
June 25, 2024 Martes@bsumc
[email protected]
For Church building fund donation: BPI Account Name: Bagong Silang United Methodist Church (BSUMC) Account no.: 0431016311








MATEO 7:6.12-14 Noong panahong iyon, sinabi ni Hesus sa kanyang mga alagad, "Huwag ninyong ibigay sa a*o ang bagay na banal, sapagkat kayo'y babalingan at lalapain nila pagkatapos. Huwag ninyong ihagis sa baboy ang inyong mga perlas sapagkat yuyurakan lamang nila ang mga iyon.

"Kaya gawin ninyo sa inyong kapwa ang ibig ninyong gawin nila sa inyo. Ito ang kahulugan ng Kautusan ni Moises at ng turo ng mga propeta.

"Puma*ok kayo sa makipot na pintuan; sapagkat maluwag ang pintuan at malapad ang daang patungo sa kapahamakan, at ito ang dinaraan ng marami. Ngunit makipot ang pintuan at makitid ang daang patungo sa buhay, at kakaunti lang ang nakasusumpong niyon."

MAGNILAY: Kinumpara ni Hesus sa mabangis na a*o at maruming baboy ang mga taong hindi marunong magpahalaga sa malasakit ng iba. Ang a*o sasakmalin ka pa matapos mong pakanin. Yayapakan lang ng baboy at bababuyin kahit perlas ang ihagis mo dahil hindi naman ito nakakakilala ng mamahalin. Ang mga ganitong tao na makasarili ay gusto lang makinabang sa iyo pero hindi ka susuklian ng parehong malasakit na pinakita mo. Huwag hayaan ang sarili na patuloy ka nilang pagsamantalahan at gamitin. At huwag ka ring maging katulad nila. Kaya sabi ng Panginoon na gawin natin sa iba ang mabuting nais nating gawin ng iba sa atin. Ang pagpapahalagang hinahanap natin sa iba na gawin sa atin ay ipakita muna at gawin din natin sa iba. Piliin nating maging banal at mabuting tao kahit makipot na pintuan pa ang papasukin natin. Mga tao tayong nilikha ng Diyos. May dangal tayo na dapat pahalagahan at isabuhay. Hindi tayo mababangis na a*o ni maruruming baboy.

MANALANGIN: Panginoon, turuan mo kaming huwag maging manggagamit at makasarili.

GAWIN: Magpakatao ka na may dangal at hindi asal hayop na walang pakundangan sa kapwa.

GABAY SA ARAW NA ITO June 24, 2024 Lunes@bsumcrevedabugan.bsumc@gmail.com For Church building fund donation: BPI Account...
23/06/2024

GABAY SA ARAW NA ITO
June 24, 2024 Lunes@bsumc
[email protected]
For Church building fund donation: BPI Account Name: Bagong Silang United Methodist Church (BSUMC) Account no.: 0431016311








MARCOS 4:35-41 Noong araw na yaon, habang gumagabi’y sinabi ni Hesus sa mga alagad niya, "Tumawid tayo sa ibayo." Kaya't iniwan nila ang mga tao, at sumakay sa bangkang kinalululanan ni Hesus upang itawid siya. May kasabay pa silang ibang mga bangka. Dumating ang malakas na unos. Hinampas ng malalaking alon ang bangka, anupat halos mapuno ito ng tubig. Si Hesus nama'y nakahilig sa unan sa may hulihan ng bangka at natutulog. Ginising siya ng mga alagad. "G**o," anila, "di ba ninyo alintana? Lulubog na tayo!" Bumangon si Hesus at iniutos sa hangin, "Tigil!" At sinabi sa dagat, "Tumahimik ka!" Tumigil nga ang hangin at tumahimik ang dagat. Pagkatapos, sinabi niya sa mga alagad, "Bakit kayo natatakot? Wala pa ba kayong pananalig?" Sinidlan sila ng matinding takot at panggigilalas, at nagsabi sa isa’t isa, "Sino nga kaya ito, at sinusunod maging ng hangit at ng dagat?"

MAGNILAY: Minsan hindi ang bagyo ang dapat pakalmahin kundi tayo mismo na natataranta sa kawalan ng tiwala sa Diyos sa gitna ng mga bagyo ng buhay. Pinakalma ni Hesus ang hangin at mga alon para kumalma ang mga alagad na halatang walang pananalig sa kanya kahit kasama nila siya. Tulog siya hindi dahil wala siyang pakialam. Tulog siya dahil kalmado lang siya. Tiwala siya sa pag-ibig ng kanyang Ama sa langit. Ito ang leksyon na nais niyang ituro sa mga alagad at sa atin. Kapag may bagyo ang buhay matutong kumapit sa kanya. Kapag lumagpas ang bagyo hinding- hindi na tayo katulad ng dati. Binabago tayo ng bawat bagyo upang maging mas matapang, matalino at matatag.

MANALANGIN: Panginoon, pakalmahin mo ang malalaking alon ng aking takot at alinlangan.

GAWIN: Huwag magduda sa Panginoon kahit isang saglit. Kapit lang.

GABAY SA ARAW NA ITO June 21, 2024 Biyernes@bsumcrevedabugan.bsumc@gmail.com For Church building fund donation: BPI Acco...
20/06/2024

GABAY SA ARAW NA ITO
June 21, 2024 Biyernes@bsumc
[email protected]
For Church building fund donation: BPI Account Name: Bagong Silang United Methodist Church (BSUMC) Account no.: 0431016311








MATEO 6:19-23 Noong panahong iyon, sinabi ni Hesus sa kanyang mga alagad, "Huwag kayong mag-impok ng kayamanan dito sa lupa; dito'y may naninirang insekto at kalawang, at may nakapapa*ok na magnanakaw. Sa halip, impukin ninyo ay mga kayamanan sa langit; doo'y walang naninirang insekto at kalawang, at walang nakapapa*ok na magnanakaw. Sapagkat kung saan naroon ang inyong kayamanan, naroon din naman ang inyong puso.

"Ang mata ang pinakailaw ng katawan. Kaya't kung malinaw ang iyong mata, maliliwanagan ang buo mong katawan. Ngunit kung malabo ang iyong mata, madirimlan ang buo mong katawan. Kaya't kung ang liwanag na nasa iyo ay kadiliman pala, napakadilim niyan!"

MAGNILAY: Mainam magkaroon ng pera at mga bagay na nabibili ng pera. Pero paminsan-minsan kailangang tiyakin na hindi pa rin nawawala sa iyo ang mga bagay na hindi nabibili ng pera - pananampalataya sa Diyos, pagmamahal ng pamilya't mga kaibigan, respeto sa sarili at paninindigan, at marami pang iba. Ang mga ito ang tunay na kayamanan na bitbit mo hanggang kabilang buhay. Madalas sabihin na hindi mo madadala sa kabila ang pera mo. Kawawa ka kung nabulag ka kaya't sa pera mo sinanla ang puso mo't kaluluwa. Sa huli, nasa Diyos ang katiyakan ng ating bukas. Siya ang kahulugan ng lahat.

MANALANGIN: Panginoon, ikaw ang aking tanging yaman wala nang iba pa.

GAWIN: Gamitin mo anumang yaman meron ka upang mapalapit sa Diyos at magkaroon ng mga bagay na hindi nabibili ng pera.

GABAY SA ARAW NA ITO June 20, 2024 Huwebes@bsumcrevedabugan.bsumc@gmail.com For Church building fund donation: BPI Accou...
19/06/2024

GABAY SA ARAW NA ITO
June 20, 2024 Huwebes@bsumc
[email protected]
For Church building fund donation: BPI Account Name: Bagong Silang United Methodist Church (BSUMC) Account no.: 0431016311








MATEO 6:7-15 Noong panahong iyon, sinabi ni Hesus sa kanyang mga alagad, "Sa pananalangin ninyo'y huwag kayong gagamit ng napakaraming salita gaya ng ginagawa ng mga Hentil. Ang akala nila'y pakikinggan sila ng Diyos dahil sa dami ng kanilang salita. Huwag ninyo silang tutularan. Sapagkat alam na ng iyong Ama ang inyong kinakailangan bago pa ninyo hingin sa kanya. Ganito kayo mananalangin:

'Ama naming nasa langit,
sambahin nawa ang pangalan mo.
Ikaw nawa ang maghari sa amin,
sundin nawa ang iyong kalooban
dito sa lupa tulad ng sa langit.
Bigyan mo kami ng pagkaing kailangan namin sa araw na ito; at patawarin mo kami sa aming mga kasalanan, tulad ng aming pagpapatawad sa mga nagkakasala sa amin.
At huwag mo kaming iharap sa mahigpit na pagsubok, kundi ilayo mo kami sa Masama!
Sapagkat iyo ang kaharian at ang
kapangyarihan at ang kapurihan,
magpakailanman! Amen.

Sapagkat kung pinatatawad ninyo ang mga nagkakasala sa inyo, patatawarin din kayo ng inyong Amang nasa langit. Ngunit kung hindi ninyo pinatatawad ang mga nagkakasala sa inyo, hindi kayo patatawarin ng iyong Ama."

MAGNILAY: Sa mga tunay na nagmamahalan hindi na kailangan ng maraming salita. Isang tingin lang ay sapat na upang malaman ang laman ng kanilang puso. Pareho rin sa ating pananalangin. Hindi kailangang pahabaan. Sapat na ang simpleng mga salita na galing sa puso. Minsan nga kahit hindi mo pa masabi dahil may pagkakataong wala tayong mahagilap na salita upang ipahayag ang laman ng ating puso. Sadyang ang puso ay may sariling lengguwahe na naiintindihan ng Diyos. Ang mahalaga ay konektado ang puso natin sa kanyang puso.

MANALANGIN: Panginoon, dinggin mo ang aking panalanging hindi ko maipahayag sa salita.

GAWIN: Dasalin ang Ama Namin nang taimtim araw-araw.

GABAY SA ARAW NA ITO June 19, 2024 Miyerkules@bsumcrevedabugan.bsumc@gmail.com For Church building fund donation: BPI Ac...
18/06/2024

GABAY SA ARAW NA ITO
June 19, 2024 Miyerkules@bsumc
[email protected]
For Church building fund donation: BPI Account Name: Bagong Silang United Methodist Church (BSUMC) Account no.: 0431016311








MATEO 6:1-6,16-18 Noong panahong iyon, sinabi ni Hesus sa kanyang mga alagad: "Pag-ingatan ninyo na huwag maging pakitang-tao lamang ang paggawa ninyo ng mabuti. Kapag ganyan ang ginawa ninyo, wala kayong matatamong gantimpala buhat sa inyong Amang nasa langit.

"Kaya nga, kapag naglilimos ka, huwag mo nang ipagmakaingay ito, katulad ng ginagawa ng mga mapagpaimbabaw doon sa sinagoga at sa mga lansangan. Ginagawa nila ito upang purihin sila ng mga tao. Sinasabi ko sa inyo: tinanggap na nila ang kanilang gantimpala. Ngunit kung naglilimos ka, huwag mo nang ipaalam ito kahit sa iyong pinakamatalik na kaibigan upang malihim ang iyong paglilimos. At gagantihin ka ng iyong Amang nakakikita ng kabutihang ginagawa mo nang lihim.

"At kapag nananalangin kayo, huwag kayong tumulad sa mga mapagpaimbabaw. Mahilig silang manalangin nang patayo sa mga sinagoga at sa mga panukalang-daan, upang makita ng mga tao. Sinasabi ko sa inyo: tinanggap na nila ang kanilang gantimpala. Ngunit kapag mananalangin ka, puma*ok ka sa iyong silid at isara mo ang pinto. Saka ka manalangin sa iyong Amang hindi mo nakikita, at gagantihin ka ng iyong Amang nakakikita ng kabutihang ginagawa mo nang lihim.

"Kapag nag-aayuno kayo, huwag kayong magmukhang malungkot, tulad ng mga mapagimbabaw. Hindi sila nag-aayos upang malaman ng mga tao na sila'y nag-aayuno. Sinasabi ko sa inyo: tinanggap na nila ang kanilang gantimpala. Kapag ikaw ay nag-aayuno, mag-ayos ka ng buhok at maghilamos upang huwag mapansin ng mga tao na nag-aayuno ka. Ang iyong Amang hindi mo nakikita ang siya lamang nakaaalam nito. Siya, na nakakikita ng kabutihang ginagawa mo ng lihim, ang gaganti sa iyo."

MAGNILAY: Ang pagpapakitang-tao ang kalaban ng tunay na pagpapabanal. Hindi agad ito napapansin. Parang itong kalaban na nakabalat-kayo. Nakamaskara siya ng kabanalan pero isang banta pala. Akala mo ang banal-banal mo dahil madasalin ka, handang magsakripisyo at buhos ang iyong pagbibigay pero sa likod nito ang malagim na katotohanang ginagawa mo ito upang mapansin, tingalain at sambahin. Reputasyon ang talagang habol mo. Galit ka kapag hindi ka napasalamatan. Malaki ang tampo mo kapag hindi nabanggit ang pangalan mo. Kung wala nang nakakakita iba na ang iyong ginagawa. Ang kabanalan mapapatunayan kapag walang nakakakita at nakakapansin. Ikaw lang at ang Diyos ang nakakaalam kung tunay nga ang iyong pagpapakabanal. Ang ginagawa mo nang lihim ang magsasabi kung sino at ano ka.

MANALANGIN: Panginoon, huwag nawa maging pakitang-tao ang aking pagpapakabanal.

GAWIN: Lagi usisain kung ano ang iyong ginagawa kapag walang nakakakita.

GABAY SA ARAW NA ITO June 18, 2024 Martes@bsumcrevedabugan.bsumc@gmail.com For Church building fund donation: BPI Accoun...
17/06/2024

GABAY SA ARAW NA ITO
June 18, 2024 Martes@bsumc
[email protected]
For Church building fund donation: BPI Account Name: Bagong Silang United Methodist Church (BSUMC) Account no.: 0431016311








MATEO 5:43-48 Noong panahong iyon, sinabi ni Hesus sa kanyang mga alagad, "Narinig na ninyong sinabi, 'Ibigin mo ang iyong kaibigan at kapootan mo ang iyong kaaway.' Ngunit ito naman sabi ko: ibigin ninyo ang mga umuusig sa inyo, upang kayo'y maging tunay na anak ng inyong Amang nasa langit. Sapagkat pinasisikat niya ang araw sa masasama at sa mabubuti, at pinapapatak niya ang ulan sa mga banal at sa mga makasalanan. Kung ang mga umiibig sa inyo ang siya lamang ninyo iibigin, ano pang gantimpala ang inyong hihintayin? Hindi ba't ginagawa rin ito ng mga publikano? At kung ang binabati lamang ninyo'y ang inyong mga kapatid, ano ang nagawa ninyong higit kaysa iba? Ginagawa rin iyon ng mga Hentil! Kaya, dapat kayong maging ganap, gaya ng inyong Amang nasa langit."

MAGNILAY: Meron tayong dapat ipagpasalamat sa ating mga kaaway. Sila ang nagsasabi sa atin ng mga pangit natin na hindi kayang sabihin ng mga kaibigan natin. Dahil sa kanila nagigising tayo sa mga dapat nating baguhin at ayusin sa sarili natin.

Salamat sa ating mga kaaway dahil sa pamamagitan nila natutuklasan natin na kaya pala nating magmahal nang higit sa pagmamahal natin sa isang kaibigan. Mahal natin ang mga kaibigan dahil mahal din nila tayo. Nasusuklian ang pagmamahal natin. Hindi sa isang kaaway. Kaya nga mas higit at bayani ang pagmamahal sa kaaway dahil walang inaasahang kapalit o balik na pagmamahal. Ganito ang pag-ibig ng Diyos sa atin. Walang kondisyon. Kusang binibigay. Martir na pagmamahal.

Kaya naman utos niya na mahalin natin ang ating mga kaaway. Gusto niya tayong maging dalubhasa sa pag-ibig. Gusto niyang maabot natin ang lebel ng kanyang pagmamahal. Kapag natuto tayong magmahal tulad niya liligaya tayo nang walang kapantay.

MANALANGIN: Panginoon, turuan mo akong magmahal nang tulad mo.

GAWIN: Mahalin ang pinakamahirap at hindi karapat-dapat mahalin - ang isang kaaway.

Address

848 Sampaguita Street San Jose, Tala
Caloocan
1427

Website

Alerts

Be the first to know and let us send you an email when Bagong Silang United Methodist Church 2024 posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Bagong Silang United Methodist Church 2024:

Shortcuts

Share

Category