Our Lady of the Holy Rosary Parish Youth Ministry

26/08/2026

𝗜𝘀𝗮𝗻𝗴 𝗠𝗮𝗽𝗮𝗴𝗽𝗮𝗹𝗮 𝗮𝘁 𝗠𝗮𝗸𝗮𝗯𝘂𝗹𝘂𝗵𝗮𝗻𝗴 𝗜𝗸𝗮-𝟳 𝗔𝗻𝗶𝗯𝗲𝗿𝘀𝗮𝗿𝘆𝗼 𝗻𝗴 𝗣𝗮𝗴𝗸𝗮𝗽𝗮𝗿𝗶, 𝗙𝗿. 𝗟𝘂𝘀𝗶𝗹!

“𝐀𝐧𝐠 𝐧𝐚𝐠𝐥𝐢𝐥𝐢𝐧𝐠𝐤𝐨𝐝 𝐬𝐚 𝐚𝐥𝐭𝐚𝐫 𝐚𝐲 𝐢𝐬𝐚𝐧𝐠 𝐩𝐚𝐠𝐩𝐚𝐩𝐚𝐥𝐚, 𝐚𝐭 𝐚𝐧𝐠 𝐧𝐚𝐠𝐥𝐢𝐥𝐢𝐧𝐠𝐤𝐨𝐝 𝐧𝐚𝐧𝐠 𝐭𝐚𝐩𝐚𝐭 𝐚𝐲 𝐤𝐚𝐫𝐚𝐩𝐚𝐭-𝐝𝐚𝐩𝐚𝐭 𝐩𝐚𝐫𝐚𝐧𝐠𝐚𝐥𝐚𝐧.”
— 𝟏 𝐓𝐢𝐦𝐨𝐭𝐞𝐨 𝟑:𝟏𝟑

𝗜𝘀𝗮𝗻𝗴 𝗠𝗮𝗽𝗮𝗴𝗽𝗮𝗹𝗮 𝗮𝘁 𝗠𝗮𝗸𝗮𝗯𝘂𝗹𝘂𝗵𝗮𝗻𝗴 𝗜𝗸𝗮-𝟳 𝗔𝗻𝗶𝗯𝗲𝗿𝘀𝗮𝗿𝘆𝗼 𝗻𝗴 𝗣𝗮𝗴𝗸𝗮𝗽𝗮𝗿𝗶, 𝗙𝗿. 𝗟𝘂𝘀𝗶𝗹!

Taos-pusong pagbati at pasasalamat sa aming dating Kura Paroko, Reb. Pd. Lusil sa pitong taon ng tapat na paglilingkod bilang pari. Sa pamamagitan ng inyong buhay, panalangin, sakripisyo, at walang sawang paglilingkod sa Panginoon at sa Kanyang bayan, marami ang inyong napalakas, napagpala, at napalapit sa Diyos.

Nawa’y patuloy kang bigyan ng Panginoon ng lakas, karunungan, mabuting kalusugan, at pusong laging handang maglingkod. Dalangin namin na patuloy kayong maging instrumento ng Kanyang pagmamahal, awa, at kapayapaan.

Nawa’y pagpalain at ingatan kayo ng Poong Maykapal sa bawat hakbang ng inyong bokasyon.

22/08/2026

MAKI-ISA: Banal na Misa na pinamumunuan ni Reb. Pd. Tristan Jasper D. Laforteza.

"Kayo si Kristo ang Anak ng Diyos na Buhay"

Unang Pagbasa: Isaias 22, 19-23

Salmong Tugunan: Salmo 137, 1-2a. 2bk-3. 6 at 8bk
"Pag-ibig mo'y di kukupas, gawain mo'y magaganap."

Ikalawang Pagbasa: Roma 11, 33-36

Mabuting Balita: Mateo 16: 13-20

Panalangin ng Bayan:
"Ama naming nasa langit, dinggin Mo kami."

Mahal na Birhen ng Santo Rosaryo, ipanalangin Mo po kami!

21/08/2026

𝐏𝐚𝐠𝐠𝐮𝐧𝐢𝐭𝐚 𝐬𝐚 𝐏𝐚𝐠𝐤𝐚-𝐑𝐞𝐲𝐧𝐚 𝐧𝐠 𝐌𝐚𝐡𝐚𝐥 𝐧𝐚 𝐁𝐢𝐫𝐡𝐞𝐧𝐠 𝐌𝐚𝐫𝐢𝐚

"𝑀𝑎𝑝𝑎𝑙𝑎𝑑 𝑎𝑛𝑔 𝑠𝑢𝑚𝑎𝑚𝑝𝑎𝑙𝑎𝑡𝑎𝑦𝑎, 𝑠𝑎𝑝𝑎𝑔𝑘𝑎𝑡 𝑚𝑎𝑡𝑢𝑡𝑢𝑝𝑎𝑑 𝑎𝑛𝑔 𝑠𝑖𝑛𝑎𝑏𝑖 𝑠𝑎 𝑘𝑎𝑛𝑦𝑎 𝑛𝑔 𝑃𝑎𝑛𝑔𝑖𝑛𝑜𝑜𝑛." — 𝐿𝑢𝑐𝑎𝑠 1:45

Ngayong darating na ika-22 ng Agosto, sa ganap na 6:30 ng umaga, sama-sama tayong manalangin at magnilay sa pamamagitan ng Banal na Misa para sa kagalingan, pagpapahid ng langis, at pag-aalay ng kandila.

Ang Paggunita sa Pagka-Reyna ng Mahal na Birheng Maria ay nagpapaalala sa atin na si Maria ay pinarangalan ng Diyos dahil sa kanyang kababaang-loob, katapatan, at buong pusong pagsunod sa Kanyang kalooban. Bilang Ina at Reyna ng Simbahan, patuloy niya tayong inaakay palapit kay Hesus at tinuturuan tayong mamuhay nang may pananampalataya, pag-asa, at pagmamahal.

Ang kanyang pagiging Reyna ay hindi nakabatay sa kapangyarihan o karangyaan, kundi sa kanyang tapat na paglilingkod at ganap na pagtitiwala sa Diyos. Sa kanyang halimbawa, nawa'y matutuhan din nating tanggapin at sundin ang kalooban ng Panginoon sa ating pang-araw-araw na buhay.

Nawa'y ang pagdiriwang na ito ay magbigay-inspirasyon sa atin na higit pang mapalalim ang ating pananampalataya at manatiling matatag sa gitna ng mga pagsubok, kasama si Maria na patuloy na umaakay at nananalangin para sa atin.

Mahal na Birheng Maria, aming Reyna, ipanalangin mo kami.

21/08/2026

𝗜𝗸𝗮-𝟭𝟲 𝗻𝗴 𝗔𝗴𝗼𝘀𝘁𝗼, 𝟮𝟬𝟮𝟲: 𝗬𝗢𝗨𝗧𝗛 𝗠𝗔𝗦𝗦 𝗦𝗘𝗥𝗩𝗜𝗖𝗘
𝘐𝘒𝘈𝘋𝘈𝘓𝘈𝘞𝘈𝘔𝘗𝘜𝘕𝘎 𝘓𝘐𝘕𝘎𝘎𝘖 𝘚𝘈 𝘒𝘈𝘙𝘈𝘕𝘐𝘞𝘈𝘕𝘎 𝘗𝘈𝘕𝘈𝘏𝘖𝘕

Inilahad sa Ebanghelyo ang kwento ng isang babaeng Cananea na lumapit kay Hesus upang humingi ng kagalingan para sa kanyang anak na pinahihirapan ng demonyo. Bagamat sa simula ay tila hindi siya pinansin at nakatanggap ng mga salitang mahirap unawain, hindi siya sumuko. Nanatili siyang mapagpakumbaba at matiyaga sa kanyang pananampalataya. Dahil dito, pinuri ni Hesus ang kanyang dakilang pananampalataya at ipinagkaloob ang kanyang hinihiling.

​Naging tawag ang kaganapang ito upang ang lahat ay maging mapagpakumbaba at matiyaga sa pananalangin. Ipinaintindi na ang pagtitiwala sa Diyos ay hindi dapat nakabatay sa agarang pagtanggap ng mga hiling, kundi sa katiyakang alam Niya ang pinakamabuti para sa lahat.

Muling nagpapasalamat ang ating ministry sa lahat ng mga kabataang naglingkod bilang Greeters, Collectors, Ushers, at Usherettes nung linggo. Ang inyong pakikibahagi ay isang buhay na patotoo ng pagmamahal ng ating Pastol!

𝘽𝙀 𝙋𝘼𝙍𝙏 𝙊𝙁 𝙏𝙃𝙀 𝙈𝙄𝙎𝙎𝙄𝙊𝙉! Sa mga nagnanais na maging kasapi ng Parish Youth Ministry, mag-iwan lamang po kayo ng mensahe sa ating page. Magkita-kita tayo sa mga susunod na Youth Mass at PYM Activities!

18/08/2026

𝐀𝐑𝐀𝐖 𝐍𝐈 𝐀𝐍𝐆𝐄𝐋𝐀 𝐍𝐆𝐀𝐘𝐎𝐍! 𝐌𝐀𝐆-𝐈𝐍𝐆𝐀𝐘 𝐏𝐀𝐑𝐀 𝐒𝐀 𝐀𝐓𝐈𝐍𝐆 𝐁𝐈𝐑𝐓𝐇𝐃𝐀𝐘 𝐂𝐄𝐋𝐄𝐁𝐑𝐀𝐍𝐓!

Isang malaking pasasalamat sa Panginoon dahil binigyan Niya kami ng isang kaibigan at kasama sa pananampalataya na gaya mo! Ngayong araw, hindi lang namin ipinagdiriwang ang iyong kaarawan, kundi pati na rin ang lahat ng magagandang bagay na ginagawa mo para sa ating komunidad.

Nawa’y patuloy kang gabayan at pagpalain ng Panginoon sa bawat hakbang ng iyong buhay. Sa iyong paglilingkod at matatag na pananampalataya, nawa’y lagi kang maging inspirasyon sa mga kapwa mo kabataan at magsilbing buhay na liwanag ng pag-ibig ni Kristo sa mundo.

Tandaan mo na hindi ka nag-iisa, Kalakbay! Kasama mo ang Parish Youth Ministry sa bawat panalangin, sa bawat tawa, at sa bawat hamon ng paglalakbay na ito. Patuloy tayong maglingkod nang may masayang puso!

Stay blessed, stay humble, and keep shining for Him! Mahal ka namin!

12/08/2026

𝘣𝘢𝘨𝘰 𝘮𝘢𝘵𝘢𝘱𝘰𝘴 𝘢𝘯𝘨 𝘢𝘳𝘢𝘸 𝘯𝘢 𝘪𝘵𝘰...
𝗛𝗔𝗣𝗣𝗬 𝗜𝗡𝗧𝗘𝗥𝗡𝗔𝗧𝗜𝗢𝗡𝗔𝗟 𝗬𝗢𝗨𝗧𝗛 𝗗𝗔𝗬!

Tuwing ika-labindalawa ng Agosto, ipinagdiriwang ng buong mundo ang International Youth Day, isang paalala na ang mga kabataan ay hindi lamang ang kinabukasan kundi ang buhay na kasalukuyan ng lipunan. Para sa ating Komunidad ng Kabataang Katoliko, ang araw na ito ay sumasalamin sa patuloy na panawagan ng Simbahan na maging matatag at aktibong saksi ng pag-ibig ni Kristo.

Batay sa tagubilin ni Pope Francis sa Christus Vivit, "𝙔𝙤𝙪 𝙖𝙧𝙚 𝙩𝙝𝙚 𝙣𝙤𝙬 𝙤𝙛 𝙂𝙤𝙙," hinihikayat ang bawat kabataang Katoliko na isabuhay ang pananampalataya nang may kagalakan, tapang, at layunin. Ito ang ating pagkakataon upang patunayan na ang ating mga talento, lakas, at tinig ay mga biyayang inialay upang magsilbi sa Simbahan at sa kapwa.

Habang tinututukan ng UN ang mga napapanahong pandaigdigang usapin ngayong 2026, ginagamit natin itong gabay upang iugnay ang ating misyon sa Turong Panlipunan ng Simbahan: 𝙖𝙣𝙜 𝙥𝙖𝙣𝙜𝙖𝙣𝙜𝙖𝙡𝙖𝙜𝙖 𝙨𝙖 𝙠𝙖𝙡𝙞𝙠𝙖𝙨𝙖𝙣, 𝙥𝙖𝙜𝙩𝙖𝙩𝙖𝙜𝙪𝙮𝙤𝙙 𝙣𝙜 𝙠𝙖𝙩𝙖𝙧𝙪𝙣𝙜𝙖𝙣, 𝙖𝙩 𝙥𝙖𝙜𝙥𝙖𝙥𝙖𝙡𝙖𝙜𝙖𝙣𝙖𝙥 𝙣𝙜 𝙥𝙖𝙜-𝙖𝙨𝙖.

Sa Pandaigdigang Araw ng Kabataan ngayong taon, nawa’y maging handa tayong tumugon sa tawag ng paglilingkod, maging tanglaw ni Kristo sa bawat isa, at maging daan ng positibong pagbabago.

09/08/2026

𝗜𝗸𝗮-𝟵 𝗻𝗴 𝗔𝗴𝗼𝘀𝘁𝗼, 𝟮𝟬𝟮𝟲: 𝗬𝗢𝗨𝗧𝗛 𝗠𝗔𝗦𝗦 𝗦𝗘𝗥𝗩𝗜𝗖𝗘
𝘐𝘒𝘈𝘓𝘈𝘉𝘐𝘕𝘎-𝘚𝘐𝘠𝘈𝘔 𝘕𝘈 𝘓𝘐𝘕𝘎𝘎𝘖 𝘚𝘈 𝘒𝘈𝘙𝘈𝘕𝘐𝘞𝘈𝘕𝘎 𝘗𝘈𝘕𝘈𝘏𝘖𝘕

Sa ating pagdiriwang kahapon, pinaalalahanan tayo ng Ebanghelyo tungkol sa paglalakad ni Pedro sa ibabaw ng tubig at sa pagpapakalma ng alon ni Hesus. Sa gitna ng mga bagyo at hamon ng buhay, madalas tayong matakot at mawalan ng pananalangin kapag nakikita natin ang lakas ng mga alon. Subalit sa bawat pagsubok, inaanyayahan tayo ng Panginoon na ituon ang ating mga mata sa Kanya at magtiwala, sapagkat Siya ang kasama nating humaharap sa bawat unos.

Ang ating Youth Mass ay pinangunahan ng ating Parochial Vicar, Rev. Fr. Tristan Jasper D. Laforteza. Lubos ang pasasalamat ng buong komunidad sa kanyang makabuluhang pagbabahagi ng Salita ng Diyos at sa patuloy na paggabay sa ating mga kabataan.

Buong pusong naglingkod ang ating mga kabataan bilang Greeters, Collectors, Ushers, at Usherettes para sa Misa na ito. Sa mga nagnanais na maging bahagi ng Parish Youth Ministry at makibahagi sa ating mga gawain, mag-iwan lamang po kayo ng mensahe sa ating page.

Maraming salamat po sa lahat ng dumalo at nanalangin kasama natin!

09/08/2026

𝗠𝗔𝗞𝗜-𝗜𝗦𝗔 | 𝗕𝗮𝗻𝗮𝗹 𝗻𝗮 𝗠𝗶𝘀𝗮
𝘗𝘪𝘯𝘢𝘮𝘶𝘮𝘶𝘯𝘶𝘢𝘯 𝘯𝘪 𝘙𝘦𝘣. 𝘗𝘥. 𝘛𝘰𝘮𝘢𝘴 𝘍. 𝘍𝘭𝘰𝘳𝘦𝘴, 𝘑𝘳.,
𝘢𝘯𝘨 𝘢𝘵𝘪𝘯𝘨 𝘒𝘶𝘳𝘢 𝘗𝘢𝘳𝘰𝘬𝘰

IKA-19 NA LINGGO SA KARANIWANG PANAHON:
“𝙏𝙄𝘽𝘼𝙔𝘼𝙉 𝘼𝙉𝙂 𝙄𝙉𝙔𝙊𝙉𝙂 𝙇𝙊𝙊𝘽, 𝙃𝙐𝙒𝘼𝙂 𝙈𝘼𝙏𝘼𝙆𝙊𝙏 𝘼𝙆𝙊 𝙄𝙏𝙊!”

Unang Pagbasa: 1 Hari 19, 9.11-13a

Salmong Tugunan:
Pag-ibig mo’y ipakita, iligtas kami sa dusa.

Ikalawang Pagbasa: Roma 9, 1-5

Mabuting Balita: Mateo 14, 22-33

Panalangin ng Bayan:
Panginoon, dinggin Mo kami.

Mahal na Birhen ng Santo Rosaryo, ipanalangin mo po kami!

06/08/2026

𝗜𝗸𝗮-𝟮 𝗻𝗴 𝗔𝗴𝗼𝘀𝘁𝗼, 𝟮𝟬𝟮𝟲: 𝗬𝗢𝗨𝗧𝗛 𝗠𝗔𝗦𝗦 𝗦𝗘𝗥𝗩𝗜𝗖𝗘
𝘐𝘒𝘈-𝘓𝘈𝘉𝘐𝘕𝘎𝘞𝘈𝘓𝘖𝘕𝘎 𝘓𝘐𝘕𝘎𝘎𝘖 𝘚𝘈 𝘒𝘈𝘙𝘈𝘕𝘐𝘞𝘈𝘕𝘎 𝘗𝘈𝘕𝘈𝘏𝘖𝘕
𝘗𝘈𝘙𝘐𝘚𝘏 𝘗𝘙𝘐𝘌𝘚𝘛’𝘚 𝘚𝘜𝘕𝘋𝘈𝘠

Sa Ebanghelyo noong Linggo, nakita ni Hesus ang napakaraming tao at nahabag Siya sa kanila. Sa gitna ng kanilang pagod, gutom, at pangangailangan, hindi Niya sila pinabayaan.

Bilang mga Katoliko, ipinaalala sa atin na ang Diyos ay kumilos maging sa pamamagitan ng maliit na bagay na buong-pusong inialay sa Kanya. Hindi kailangang naging marami ang mayroon tayo. Ang mahalaga ay naging handa tayong magbahagi.

Muling nagpapasalamat ang ating ministry sa lahat ng mga kabataang naglingkod bilang Greeters, Collectors, Ushers, at Usherettes nung linggo. Ang inyong pakikibahagi ay isang buhay na patotoo ng pagmamahal ng ating Pastol!

𝘽𝙀 𝙋𝘼𝙍𝙏 𝙊𝙁 𝙏𝙃𝙀 𝙈𝙄𝙎𝙎𝙄𝙊𝙉! Sa mga nagnanais na maging kasapi ng Parish Youth Ministry, mag-iwan lamang po kayo ng mensahe sa ating page. Magkita-kita tayo sa mga susunod na Youth Mass at PYM Activities!

06/08/2026

𝗜𝗸𝗮-𝟮𝟲 𝗻𝗴 𝗛𝘂𝗹𝘆𝗼, 𝟮𝟬𝟮𝟲: 𝗬𝗢𝗨𝗧𝗛 𝗠𝗔𝗦𝗦 𝗦𝗘𝗥𝗩𝗜𝗖𝗘
𝘐𝘒𝘈-𝘓𝘈𝘉𝘐𝘕𝘎𝘗𝘐𝘛𝘖𝘕𝘎 𝘓𝘐𝘕𝘎𝘎𝘖 𝘚𝘈 𝘒𝘈𝘙𝘈𝘕𝘐𝘞𝘈𝘕𝘎 𝘗𝘈𝘕𝘈𝘏𝘖𝘕
𝘍𝘐𝘓. 𝘔𝘐𝘚𝘚𝘐𝘖𝘕 𝘚𝘜𝘕𝘋𝘈𝘠 𝘈𝘕𝘋 𝘛𝘏𝘌 𝘞𝘖𝘙𝘓𝘋 𝘋𝘈𝘠 𝘖𝘍 𝘎𝘙𝘈𝘕𝘋𝘗𝘈𝘙𝘌𝘕𝘛𝘚 𝘈𝘕𝘋 𝘛𝘏𝘌 𝘌𝘓𝘋𝘌𝘙𝘓𝘠

Inanyayahan tayo ng Panginoon na kilalanin Siya bilang tunay na kayamanan ng ating buhay. Tulad ng tao sa talinghaga, itinuro ni Hesus na ang Kaharian ng Diyos ay higit na mahalaga kaysa anumang bagay sa mundo.

Muling nagpapasalamat ang ating ministry sa lahat ng mga kabataang naglingkod bilang Greeters, Collectors, Ushers, at Usherettes noong nakaraang linggo. Ang inyong pakikibahagi ay isang buhay na patotoo ng pagmamahal ng ating Pastol!

𝘽𝙀 𝙋𝘼𝙍𝙏 𝙊𝙁 𝙏𝙃𝙀 𝙈𝙄𝙎𝙎𝙄𝙊𝙉! Sa mga nagnanais na maging kasapi ng Parish Youth Ministry, mag-iwan lamang po kayo ng mensahe sa ating page. Magkita-kita tayo sa susunod na Youth Mass at PYM Activities!