Knights Of The Altar-INLSP

13/08/2026

𝐈𝐊𝐀𝐋𝐀𝐖𝐀𝐍𝐆 𝐀𝐑𝐀𝐖 𝐍𝐆 𝐓𝐑𝐈𝐃𝐔𝐎 𝐁𝐈𝐋𝐀𝐍𝐆 𝐊𝐀𝐑𝐀𝐍𝐆𝐀𝐋𝐀𝐍 𝐊𝐀𝐘 𝐒𝐀𝐍 𝐓𝐀𝐑𝐂𝐈𝐒𝐈𝐎, 𝐏𝐀𝐓𝐑𝐎𝐍 𝐍𝐆 𝐌𝐆𝐀 𝐓𝐀𝐆𝐀𝐏𝐀𝐆𝐋𝐈𝐍𝐆𝐊𝐎𝐃 𝐒𝐀 𝐃𝐀𝐌𝐁𝐀𝐍𝐀 𝐍𝐆 𝐃𝐈𝐘𝐎𝐒 | 𝐀𝐆𝐎𝐒𝐓𝐎 𝟏𝟑, 𝟐𝟎𝟐𝟔
‎
‎Ipinagdiwang ngayon ang ika-𝟐 na araw ng triduo, panalangin at debosyon kay San Tarcisio ng Roma. Sama-samang nanalangin ang mga Altar Server ng Ina ng Laging Saklolo Parish.
‎
‎Nawa'y sa pamamagitan ng debosyong ito at panalangin, patuloy na mag-alab ang bawat isa sa pagmamahal sa kanilang paglilingkod nang buong puso at tapat.
‎
‎𝙎𝙖𝙣 𝙏𝙖𝙧𝙘𝙞𝙨𝙞𝙤 𝙣𝙜 𝙍𝙤𝙢𝙖, 𝙞𝙥𝙖𝙣𝙖𝙡𝙖𝙣𝙜𝙞𝙣 𝙢𝙤 𝙠𝙖𝙢𝙞. 🙏💙
‎
‎
‎

13/08/2026

IKALAWANG ARAW NG TRIDUO KAY SAN TARCISIO
(August 13)

O San Tarcisio! Pinipintuho ka namin bilang iyong mga kapatid sa maluwalhating
Pananampalatayang Katoliko, umaasa kami na nawa ay maialay namin ang aming
kabataan para sa Panginoon at aming masayang masambit ang mga salitang iyong
winika: “Ang aking kabataan ang pinakamabisang sanggalang para sa Eukaristiya”

Hinihiling namin sa Iyo, O Katamis-tamisang Panginoon, na ipagsanggalang Mo
kami nang may Pananampalatayang katulad ng sa bata upang makapiling Ka namin sa
Iyong Makalangit na Kaharian. Ipag-adya Mo kami sa lahat ng pang-aakit ng demonyo;
sa lagim ng kahalayan, karahasan at mga bisyo na makapaghihiwalay sa amin sa
pagtanggap sa Iyo sa Banal na Sakripisyo ng Misa, bigyan Mo rin kami ng katatagan
upang ikumpisal sa pari ang aming mga kasalanan upang Ikaw ay muli naming
makatagpo.

12/08/2026

‎𝐔𝐍𝐀𝐍𝐆 𝐀𝐑𝐀𝐖 𝐍𝐆 𝐓𝐑𝐈𝐃𝐔𝐎 𝐁𝐈𝐋𝐀𝐍𝐆 𝐊𝐀𝐑𝐀𝐍𝐆𝐀𝐋𝐀𝐍 𝐊𝐀𝐘 𝐒𝐀𝐍 𝐓𝐀𝐑𝐂𝐈𝐒𝐈𝐎, 𝐏𝐀𝐓𝐑𝐎𝐍 𝐍𝐆 𝐌𝐆𝐀 𝐓𝐀𝐆𝐀𝐏𝐀𝐆𝐋𝐈𝐍𝐆𝐊𝐎𝐃 𝐒𝐀 𝐃𝐀𝐌𝐁𝐀𝐍𝐀 𝐍𝐆 𝐃𝐈𝐘𝐎𝐒 | 𝐀𝐆𝐎𝐒𝐓𝐎 𝟏𝟐, 𝟐𝟎𝟐𝟔
‎
‎Ipinagdiwang ngayon ang ika-1 araw ng triduo, panalangin at debosyon kay San Tarcisio ng Roma. Sama-samang nanalangin ang mga Altar Server ng Ina ng Laging Saklolo Parish.
‎
‎Nawa'y sa pamamagitan ng debosyong ito at panalangin, patuloy na mag-alab ang bawat isa sa pagmamahal sa kanilang paglilingkod nang buong puso at tapat.
‎
‎𝙎𝙖𝙣 𝙏𝙖𝙧𝙘𝙞𝙨𝙞𝙤 𝙣𝙜 𝙍𝙤𝙢𝙖, 𝙞𝙥𝙖𝙣𝙖𝙡𝙖𝙣𝙜𝙞𝙣 𝙢𝙤 𝙠𝙖𝙢𝙞. 🙏💙
‎
‎
‎

12/08/2026

12/08/2026

𝐌𝐠𝐚 𝐊𝐧𝐢𝐠𝐡𝐭𝐬 𝐨𝐟 𝐭𝐡𝐞 𝐀𝐥𝐭𝐚𝐫, 𝐠𝐚𝐦𝐞 𝐧𝐚! ✝️✨

I-flex na ang ministry journey at ipakita ang iyong KOA pride! Use our KOA ID Check story template on IG and let everyone know you serve with passion! 📸🔥

How to join the vibe:
1. Scan the QR code below to follow our new official IG account! ⚡📱
2. Use the template, fill out your details, and post it on your story!
3. Don't forget to tag us para ma-repost ka namin!

Updated ka na sa latest announcements, solid community content pa! See you on the Gram, Servants of God! 🙏 God bless!

12/08/2026

𝐔𝐍𝐀𝐍𝐆 𝐀𝐑𝐀𝐖 𝐍𝐆 𝐓𝐑𝐈𝐃𝐔𝐎 𝐏𝐀𝐑𝐀 𝐊𝐀𝐘 𝐒𝐀𝐍 𝐓𝐀𝐑𝐂𝐈𝐒𝐈𝐎
(𝐀𝐠𝐨𝐬𝐭𝐨 𝟏𝟐)

O San Tarcisio, Mahigpit mong hinawakan ng iyong kamay ang Banal na Sakramento sa iyong dibdib kagaya ng pagdadala ng Mahal na Birheng Maria sa ating Panginoon sa kaniyang sinapupunan. Hipuin mo kami upang sambahin si Kristo gaya ng pagsamba na iniukol mo at ni Santa Mariang Birhen noong kayo ay naririto pa sa lupa.

Panginoon ko at Diyos ko, nawa ay magkaroon kami ng malalim na pakikipagtagpo sa Iyo sa Kabanal-banalang Sakramento. Marapatin Mong kamtin ka namin sa aming mga puso habang nakadaupang palad ang aming mga kamay sa panalangin. Ipahintulot Mo na maging katulad kami ng Iyong Inang Birhen at ni San Tarcisio na may pagmamahal na sumunod sa Iyo sa wakas ng kanilang buhay sa lupa.

11/08/2026

𝐇𝐚𝐩𝐩𝐲 𝐛𝐢𝐫𝐭𝐡𝐝𝐚𝐲, Jhiidion!🥳🎉

We wished your day filled with laughter, blessed and strong day. May God will always bless you and may the Holy Spirit guide you through the prayer of the Blessed Virgin Mary, Our mother of Perpetual Help!

10/08/2026

𝐇𝐎𝐌𝐈𝐋𝐘𝐀 | 𝐈𝐤𝐚-𝟏𝟗 𝐧𝐚 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐩𝐚𝐧𝐚𝐡𝐨𝐧

“Sa kabila ng hamon at pagsubok ng buhay, huwag tayong matakot na humingi ng tulong sa Diyos. Huwag din tayong matakot na kumapit nang mabuti sa Diyos.”
–𝐑𝐞𝐯. 𝐅𝐫. 𝐀𝐝𝐫𝐢𝐚𝐧 𝐋𝐚𝐳𝐨

Bilang Kristiyano, hindi natin kailangang harapin nang mag-isa ang mga hamon at pagsubok ng buhay. May Diyos na handang makinig at tumulong sa atin.

Nawa’y huwag tayong matakot humingi ng tulong at patuloy tayong kumapit sa Diyos, lalo na sa mga panahong mabigat ang ating pinagdaraanan.

09/08/2026

‎𝐓𝐀𝐑𝐂𝐈𝐒𝐈𝐔𝐒 𝐂𝐔𝐏 𝟐𝟎𝟐𝟔, 𝐔𝐌𝐀𝐑𝐀𝐍𝐆𝐊𝐀𝐃𝐀 𝐍𝐀!
‎
‎ Bilang pagdiriwang sa Buwan ng mga Tagapaglingkod ng Dambana ngayong Agosto, nagsimula na ang inaabangang Tarcisius Cup 2026: Vicariate of Santo Niño Ministry of Altar Servers Sportsfest na ginanap nitong ika-8 ng Agosto sa Phase 7B Covered Court, Old Police Station.
‎
‎ Sinimulan ang programa sa Parade of Teams ng mga koponan mula sa SJAMP-Green Patriarchs, SPCP-Black Crusaders, INLSP-Marian Knights, AMPPAP-Knights of Resurrection, SRP-Batang San Roque at SNP Niños.
‎
‎ Sinundan ito ng Panalangin na pinangunahan ni Bro. Gerald Miranda. Samantala, pinangunahan naman ni Bro. Johannes Christian Caña ang pagkumpas habang inaawit ang Lupang Hinirang.
‎
‎ Sinundan ito ng pagpresenta sa inihandang Yell ng bawat parokya, Lighting of Torch na simbolo ng alab ng pagkakaisa, pagkakaibigan at iisang Bikaryato sa pangunguna ni Bro. Ryan James Barreda ng Marian Knights.
‎
‎ Pinangunahan naman ni Bro. Kurvy Bartolo na mula sa SNP Niños ang Oath of Sportsmanship bilang tanda at pangako na paiiralin ang pagiging mapag-unawa at pagkakaisa sa kabila ng magkakaibang paninindigan sa bawat laro.
‎
‎ Sa kabilang banda, nagbigay naman ng kaniyang Pangunahing Pananalita si Bro. Sean Francis Dagami, Tagapangasiwa ng INLSP - Knights of the Altar at binigyang diin na nawa'y maging daan ang Tarcisius Cup upang pag-alabin ang ugnayan ng bawat parokya bilang iisang naglilingkod sa Dambana ng Diyos.
‎
‎ Nagpasiklaban naman sa kani-kanilang costume, kisig at ganda ang mga escorts and muse na may iba't ibang paandar sa pagrampa. Pagkatapos ay pormal nang sinimulan ang Team Relays, Shoot Out, Free Throw, 3 Point Shoot Out, Buzzer Be**er at Basketball Girls.
‎
‎ Sa huli, bagamat patuloy ang pagbuhos ng malakas na ulan—hindi ito naging hadlang upang maging matagumpay ang unang araw ng Tarcisius Cup 2026.
‎
‎
‎

08/08/2026

TARCISIUS CUP 2026