What are the opening hours?

Tuesday 8am - 12pm 1:30pm - 4pm Wednesday 8am - 12pm 1:30pm - 4pm Thursday 8am - 12pm 1:30pm - 4pm Saturday 8am - 12pm 1:30pm - 3pm Sunday 8am - 12pm 1:30pm - 4pm

https://dioceseofkalookan.ph/dok-san-pancratio-parish/

San Pancracio Parish - Diocese of Kalookan, La Loma Cemetery Compound, 1st Avenue, East Side, Grace Park, Caloocan (2026)

29/08/2026

𝐈𝐊𝐀-𝟐𝟐 𝐋𝐈𝐍𝐆𝐆𝐎 𝐒𝐀 𝐊𝐀𝐑𝐀𝐍𝐈𝐖𝐀𝐍𝐆 𝐏𝐀𝐍𝐀𝐇𝐎𝐍 (𝐀)

Malugod po naming inaanyayahan ang bawat isa na makiisa sa pagdiriwang ng Banal na Misa sa darating na Linggo, Agosto 30, 2026, bilang pagdiriwang ng Ika-22 Linggo sa Karaniwang Panahon sa ating parokya, San Pancracio Parish.

𝐌𝐆𝐀 𝐎𝐑𝐀𝐒 𝐍𝐆 𝐁𝐀𝐍𝐀𝐋 𝐍𝐀 𝐌𝐈𝐒𝐀:
6:00 AM • 7:30 AM • 9:00 AM • 6:00 PM

Sa Ebanghelyo ayon kay San Mateo (Mateo 16, 21-27), ipinahayag ni Hesus sa Kanyang mga alagad na kailangan Niyang magdusa, mamatay, at muling mabuhay. Hindi ito matanggap ni Pedro at sinubukan niyang pigilan ang Panginoon. Ngunit itinuro ni Hesus na ang kalooban ng Diyos ay higit sa ating sariling pang-unawa at kagustuhan.

Ipinapaalala sa atin ng Panginoon na ang pagiging tunay Niyang alagad ay nangangailangan ng pagtanggi sa sarili, pagtanggap sa ating krus, at matapat na pagsunod sa Kanya. Hindi laging madali ang landas ng pananampalataya, ngunit sa bawat sakripisyo at pagsubok, tinatawag tayong manatiling tapat sa Diyos.

Sa ating buhay, may mga pagkakataong nais nating iwasan ang mga pagsubok at paghihirap. Ngunit ipinapaalala ni Hesus na ang krus ay bahagi ng ating paglalakbay bilang Kanyang mga alagad. Sa halip na matakot sa mga ito, tinatawag tayong harapin ang mga ito nang may pananampalataya at pagtitiwala, sapagkat kasama natin ang Panginoon.

Nawa'y matutuhan nating piliin ang kalooban ng Diyos kaysa sa pansariling kagustuhan. Sapagkat ano nga ba ang pakinabang ng isang tao kung makamtan man niya ang buong sanlibutan ngunit mawala naman ang kanyang buhay? Nawa'y manatili tayong nakatuon kay Kristo at maging tapat sa ating pagtawag bilang Kanyang mga alagad.

“Ang ibig sumunod sa akin ay dapat magpasan ng kanyang krus at sumunod sa akin.” — Mateo 16, 24

Nawa'y sa ating pakikiisa sa Banal na Misa, patuloy tayong palakasin ng Panginoon upang buong tapang nating pasanin ang ating mga krus, manatiling tapat sa pananampalataya, at sundan Siya sa bawat hakbang ng ating buhay.

—

Follow our social media platforms!

Facebook: San Pancracio Parish - Diocese of Kalookan | www.facebook.com/SanPancracioParishDok

29/08/2026

𝐀𝐍𝐔𝐍𝐒𝐈𝐘𝐎 | 𝐃𝐚𝐥𝐚𝐰 𝐏𝐚𝐧𝐜𝐫𝐚𝐜𝐢𝐨

Dahil sa patuloy na nararanasang malakas na ulan at banta ng pagbaha dulot ng bagyo, ipinababatid po namin na ang 𝗽𝗮𝗴𝗱𝗮𝗹𝗮𝘄 𝗻𝗴 𝗿𝗲𝗹𝗶𝗸𝘆𝗮 𝗻𝗴 𝗮𝘁𝗶𝗻𝗴 𝗺𝗮𝗵𝗮𝗹 𝗻𝗮 𝗽𝗮𝘁𝗿𝗼𝗻 𝗻𝗮 𝘀𝗶 𝗦𝗮𝗻 𝗣𝗮𝗻𝗰𝗿𝗮𝗰𝗶𝗼 ngayong gabi, 𝗔𝗴𝗼𝘀𝘁𝗼 𝟮𝟵, 𝟮𝟬𝟮𝟲, 𝗮𝗹𝗮𝘀-𝟳:𝟬𝟬 𝗻𝗴 𝗴𝗮𝗯𝗶, para sa 𝗕𝗶𝘀𝗶𝘁𝗮 𝗻𝗴 𝗦𝗮𝗴𝗿𝗮𝗱𝗮 𝗙𝗮𝗺𝗶𝗹𝗶𝗮, 𝟯𝗿𝗱 𝗔𝘃𝗲𝗻𝘂𝗲 ay 𝗵𝗶𝗻𝗱𝗶 𝗺𝘂𝗻𝗮 𝗶𝘁𝘂𝘁𝘂𝗹𝗼𝘆 bilang pag-iingat at pangangalaga sa relikya ng ating mahal na patron, gayundin sa kaligtasan ng lahat ng mga dadalo.

Samantala, ang 𝗿𝗲𝗹𝗶𝗸𝘆𝗮 𝗻𝗴 𝗮𝘁𝗶𝗻𝗴 𝗺𝗮𝗵𝗮𝗹 𝗻𝗮 𝗽𝗮𝘁𝗿𝗼𝗻 𝗮𝘆 𝗺𝗮𝗻𝗮𝗻𝗮𝘁𝗶𝗹𝗶 𝗺𝘂𝗻𝗮 𝘀𝗮 𝗕𝗶𝘀𝗶𝘁𝗮 𝗻𝗴 𝗦𝗮𝗻𝘁𝗮 𝗧𝗲𝗿𝗲𝘀𝗮 𝗱𝗲 𝗔𝘃𝗶𝗹𝗮 bilang pag-iingat sa kalagayan ng panahon at pangangalaga sa banal na relikya.

Ang 𝗽𝗮𝗻𝗶𝗯𝗮𝗴𝗼𝗻𝗴 𝗶𝘀𝗸𝗲𝗱𝘆𝘂𝗹 ng pagdalaw sa Bisita ng Sagrada Familia ay ipaaalam po sa sandaling maging maayos ang panahon at ito ay maitakda.

Maraming salamat po sa inyong pang-unawa at pakikiisa. Patuloy po tayong manalangin para sa kaligtasan ng bawat isa, lalo na ng mga naapektuhan ng masamang panahon.

𝑆𝑎𝑛 𝑃𝑎𝑛𝑐𝑟𝑎𝑐𝑖𝑜, 𝑖𝑝𝑎𝑛𝑎𝑙𝑎𝑛𝑔𝑖𝑛 𝑚𝑜 𝑘𝑎𝑚𝑖.

29/08/2026

𝐌𝐄𝐃𝐈𝐂𝐀𝐋 𝐀𝐍𝐃 𝐃𝐈𝐀𝐆𝐍𝐎𝐒𝐓𝐈𝐂 𝐌𝐈𝐒𝐒𝐈𝐎𝐍

Ipinababatid po sa lahat na ang nakatakdang Medical and Diagnostic Mission na inihahandog ng Sto. Domingo Diagnostic & Medical Clinic Corporation sa pakikipagtulungan ng San Pancracio Parish ay IPINAGPALIBAN MUNA HANGGANG SA SUSUNOD NA ABISO (POSTPONED UNTIL FURTHER NOTICE).

Hinihiling po namin ang inyong pang-unawa at pasensya. Para sa mga nagparehistro na o may nais sanang mag-avail ng serbisyo, mangyaring hintayin po ang aming opisyal na anunsyo para sa bagong petsa at karagdagang detalye.

Maraming salamat po sa inyong pang-unawa at patuloy na pakikiisa.

28/08/2026

𝐏𝐀𝐆𝐆𝐔𝐍𝐈𝐓𝐀 𝐒𝐀 𝐏𝐀𝐆𝐏𝐀𝐏𝐀𝐊𝐀𝐒𝐀𝐊𝐈𝐓 𝐍𝐈 𝐒𝐀𝐍 𝐉𝐔𝐀𝐍, 𝐀𝐍𝐆 𝐓𝐀𝐆𝐀𝐏𝐀𝐆𝐁𝐈𝐍𝐘𝐀𝐆, 𝐌𝐀𝐑𝐓𝐈𝐑

Ngayong Agosto 29, buong galang nating ginugunita ang Pagpapakasakit ni San Juan, ang Tagapagbinyag, na nag-alay ng kanyang buhay bilang tapat na saksi sa katotohanan at katuwiran.

Si San Juan Bautista ay isinugo upang ihanda ang daan para sa pagdating ng Panginoong Hesukristo. Buong tapang niyang ipinahayag ang katotohanan at hindi siya natakot na pagsabihan maging ang mga makapangyarihan tungkol sa kanilang mga pagkakamali.

Dahil sa kanyang matapang na pagtuligsa kay Haring Herodes sa kanyang maling pagsasama kay Herodias, asawa ng kanyang kapatid, ipinabilanggo si San Juan Bautista. Sa huli, dahil sa kahilingan ni Herodias sa pamamagitan ng kanyang anak na si Salome, ipinapatay si San Juan at pinugutan ng ulo. Sa kabila nito, nanatili siyang tapat sa Diyos at sa katotohanan hanggang sa kanyang kamatayan.

Ang kanyang buhay ay paalala sa atin na ang tunay na pagsunod sa Diyos ay nangangailangan ng katapangan, pagtitiis, at kahandaang magsakripisyo. Tulad ni San Juan Bautista, tinatawag din tayong maging matatag sa ating pananampalataya at maging tapat na saksi ng katotohanan, kahit sa gitna ng mga pagsubok.

Nawa'y sa kanyang halimbawa, matutuhan nating manindigan sa katotohanan at huwag matakot na ipahayag ang tama, kahit may kapalit na sakripisyo. Nawa'y magkaroon tayo ng lakas na manatiling tapat sa Diyos at sa Kanyang kalooban sa lahat ng pagkakataon.

𝗣𝗔𝗡𝗔𝗟𝗔𝗡𝗚𝗜𝗡:

O Diyos, na niloob Mong ihanda ni San Juan Bautista ang Iyong bayan para sa pagdating ni Kristo, ipagkaloob Mo sa Iyong mga lingkod ang biyaya ng espirituwal na kagalakan at patnubay sa landas ng kaligtasan.

Tulungan Mo kaming maging tapat sa Iyong katotohanan tulad ng Iyong lingkod na si San Juan Bautista, at sa pamamagitan ng kanyang panalangin, akayain Mo kami patungo kay Hesukristo, na nabubuhay at naghahari kasama Mo at ng Espiritu Santo, magpasawalang hanggan. Amen.

𝑺𝒂𝒏 𝑱𝒖𝒂𝒏 𝑩𝒂𝒖𝒕𝒊𝒔𝒕𝒂, 𝑻𝒂𝒈𝒂𝒑𝒂𝒈𝒃𝒊𝒏𝒚𝒂𝒈 𝒂𝒕 𝑴𝒂𝒓𝒕𝒊𝒓, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

—

Follow our social media platforms!

Facebook: San Pancracio Parish - Diocese of Kalookan | www.facebook.com/SanPancracioParishDok

27/08/2026

𝐏𝐀𝐆𝐆𝐔𝐍𝐈𝐓𝐀 𝐊𝐀𝐘 𝐒𝐀𝐍 𝐀𝐆𝐔𝐒𝐓𝐈𝐍 𝐍𝐆 𝐇𝐈𝐏𝐏𝐎, 𝐎𝐁𝐈𝐒𝐏𝐎 𝐀𝐓 𝐏𝐀𝐍𝐓𝐀𝐒 𝐍𝐆 𝐒𝐈𝐌𝐁𝐀𝐇𝐀𝐍

Ngayong Agosto 28, buong galak nating ginugunita si San Agustin ng Hippo, isa sa mga pinakadakilang obispo, manunulat, at pantas ng Simbahan. Siya ay anak ni Santa Monica at naging isang dakilang halimbawa ng pagbabalik-loob at paghahanap sa katotohanan ng Diyos.

Si San Agustin ay nagmula sa Tagaste, Africa. Bagaman pinalaki siya ng kanyang ina na si Santa Monica sa pananampalataya, hindi niya naiwasan ang mga tukso at kapusukan ng kanyang kabataan. Marami siyang pinagdaanan at iba't ibang paniniwala ang kanyang sinubukan sa kanyang paghahanap sa katotohanan at tunay na kahulugan ng buhay.

Sa kabila ng kanyang paghahanap sa layaw ng katawan, karangyaan, at kasikatan, hindi niya natagpuan ang tunay na kapanatagan. Sa pamamagitan ng matiyagang panalangin ng kanyang ina, sa pangangaral ni San Ambrosio ng Milan, at sa biyaya at pagtawag ng Diyos, napagpasyahan niyang magbalik-loob at magsimulang muli bilang isang mabuting Kristiyano.

Mula sa kanyang pagbabalik-loob, naging pari, manunulat, at kalaunan ay obispo si San Agustin. Sa kanyang buhay at mga isinulat, naging mahalagang g**o siya ng pananampalataya at isa sa mga dakilang pantas ng Simbahan.

Ang kanyang buhay ay patunay na walang sinuman ang lubos na naliligaw kung bukas ang puso sa biyaya at katotohanan ng Diyos. Ipinapaalala niya sa atin na kailanman ay hindi pa huli ang lahat upang magbalik-loob, magbagong-buhay, at buong pusong mahalin ang Panginoon.

Nawa'y sa halimbawa ni San Agustin, matutuhan nating huwag mawalan ng pag-asa sa ating sarili at sa ating mga mahal sa buhay. Nawa'y maging bukas tayo sa pagtawag ng Diyos at magkaroon ng lakas na talikuran ang anumang naglalayo sa atin sa Kanya.

𝗣𝗔𝗡𝗔𝗟𝗔𝗡𝗚𝗜𝗡:

Ama naming makapangyarihan, ipinagkaloob Mo sa Iyong sambayanan ang panibagong bugso ng Espiritu na pumuspos kay San Agustin.

Malubos nawa sa amin ang pananahan ng Espiritu upang Ikaw na batis ng karunungan ay magbunsod ng aming pananabik at Ikaw na bukal ng buhay ay aming masaliksik, sa pamamagitan ni Hesukristo kasama ng Espiritu Santo magpasawalang hanggan. Amen.

𝑺𝒂𝒏 𝑨𝒈𝒖𝒔𝒕𝒊𝒏 𝒏𝒈 𝑯𝒊𝒑𝒑𝒐, 𝑶𝒃𝒊𝒔𝒑𝒐 𝒂𝒕 𝑷𝒂𝒏𝒕𝒂𝒔 𝒏𝒈 𝑺𝒊𝒎𝒃𝒂𝒉𝒂𝒏, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

—

Follow our social media platforms!
Facebook: San Pancracio Parish - Diocese of Kalookan | www.facebook.com/SanPancracioParishDok

26/08/2026

𝐏𝐀𝐆𝐆𝐔𝐍𝐈𝐓𝐀 𝐊𝐀𝐘 𝐒𝐀𝐍𝐓𝐀 𝐌𝐎𝐍𝐈𝐂𝐀, 𝐈𝐍𝐀 𝐍𝐈 𝐒𝐀𝐍 𝐀𝐆𝐔𝐒𝐓𝐈𝐍 𝐍𝐆 𝐇𝐈𝐏𝐏𝐎

Ngayong Agosto 27, buong galak nating ginugunita si Santa Monica, Ina ni San Agustin ng Hippo, na naging huwaran ng matatag na pananampalataya, pagtitiis, at walang sawang pananalangin para sa kanyang pamilya.

Sa kanyang buhay, naranasan ni Santa Monica ang matinding kalungkutan dahil sa pagkamatay ng kanyang asawa at sa pagkaligaw ng landas ng pananampalataya ng kanyang anak na si San Agustin. Sa kabila nito, hindi siya nawalan ng pag-asa. Buong puso siyang nanalangin at patuloy na nagtiwala sa Diyos para sa pagbabalik-loob ng kanyang anak.

Ayon sa tradisyon, sa gitna ng kanyang matinding pagdadalamhati, nanalangin si Santa Monica sa harap ng imahen ng Mahal na Birhen. Sa isang makalangit na aparisyon, nagpakita sa kanya ang Mahal na Birhen na nakasuot ng damit panluksa at may katad na correa o sintas sa kanyang sinapupunan. Ibinigay ng Mahal na Birhen ang mahal na correa kay Santa Monica, na kanyang isinuot bilang tanda ng kanyang debosyon at pagtitiwala.

Agad na nagtungo si Santa Monica kay San Ambrosio, Arsobispo ng Milan, na noon ay nangangaral at humihimok kay San Agustin na magbalik sa Banal na Iglesia. Hindi nagtagal, nakamit ni Santa Monica ang pinakadakilang kaaliwan nang makita niyang nagbalik-loob si San Agustin sa Banal na Iglesia, nagpabinyag, at piniling tahakin ang landas ng pagpapakabanal.

Nawa'y sa halimbawa ni Santa Monica, matutuhan nating huwag mawalan ng pag-asa sa pananalangin para sa ating mga mahal sa buhay. Nawa'y magkaroon tayo ng kanyang pagtitiyaga, katatagan, at ganap na pagtitiwala sa Diyos, lalo na sa mga panahong tila malayo sa Kanya ang ating mga minamahal.

𝗣𝗔𝗡𝗔𝗟𝗔𝗡𝗚𝗜𝗡:

O Mapitagang Santa Monica, pinagsusumikapan mong baguhin ang nawawala mong anak, hindi ng pananakot kundi ng pananalanging puno ng luha. Mamagitan ka para sa lahat ng mga ina ng aming panahon upang maakay nila ang kanilang mga anak sa Diyos. Turuan mo po sila kung paano manatiling malapit sa kanilang mga anak, maging ang mga anak na nawalan na ng landas.

Bigyan mo kami ng iyong katatagan, pasensya, at pagtitiwala sa Panginoon. Mamagitan ka para sa amin, minamahal naming Santa Monica, upang pakinggan ng Diyos ang aming mga panalangin para sa aming mga kahilingan at ipagkaloob sa amin na tanggapin ang Kanyang kalooban sa lahat ng bagay, sa pamamagitan ni Hesukristong Panginoon namin, kaisa ng Espiritu Santo, isang Diyos magpasawalang hanggan. Amen.

𝑺𝒂𝒏𝒕𝒂 𝑴𝒐𝒏𝒊𝒄𝒂, 𝑰𝒏𝒂 𝒏𝒊 𝑺𝒂𝒏 𝑨𝒈𝒖𝒔𝒕𝒊𝒏 𝒏𝒈 𝑯𝒊𝒑𝒑𝒐, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

—

Follow our social media platforms!
Facebook: San Pancracio Parish - Diocese of Kalookan | www.facebook.com/SanPancracioParishDok

26/08/2026

𝐃𝐀𝐋𝐀𝐖 𝐏𝐀𝐍𝐂𝐑𝐀𝐂𝐈𝐎
𝘊𝘩𝘢𝘱𝘦𝘭 𝘝𝘪𝘴𝘪𝘵𝘢𝘵𝘪𝘰𝘯 𝘰𝘧 𝘵𝘩𝘦 𝘍𝘪𝘳𝘴𝘵-𝘊𝘭𝘢𝘴𝘴 𝘙𝘦𝘭𝘪𝘤 𝘰𝘧 𝘚𝘢𝘯 𝘗𝘢𝘯𝘤𝘳𝘢𝘤𝘪𝘰

Bilang paghahanda sa 𝐅𝐨𝐮𝐧𝐝𝐚𝐭𝐢𝐨𝐧 𝐀𝐧𝐧𝐢𝐯𝐞𝐫𝐬𝐚𝐫𝐲 ng San Pancracio Parish, patuloy ang pagdalaw ng 𝐔𝐧𝐚𝐧𝐠 𝐔𝐫𝐢 𝐧𝐠 𝐑𝐞𝐥𝐢𝐤𝐲𝐚 𝐧𝐢 𝐒𝐚𝐧 𝐏𝐚𝐧𝐜𝐫𝐚𝐜𝐢𝐨 sa ating mga kapilya sa pamamagitan ng 𝐃𝐚𝐥𝐚𝐰 𝐏𝐚𝐧𝐜𝐫𝐚𝐜𝐢𝐨.

Sa 𝐀𝐠𝐨𝐬𝐭𝐨 𝟐𝟗, 𝟐𝟎𝟐𝟔, dadalaw ang banal na relikya sa 𝐁𝐢𝐬𝐢𝐭𝐚 𝐧𝐠 𝐒𝐚𝐠𝐫𝐚𝐝𝐚 𝐅𝐚𝐦𝐢𝐥𝐢𝐚, 𝟑𝐫𝐝 𝐀𝐯𝐞𝐧𝐮𝐞. Inaanyayahan ang lahat na makiisa sa banal na pagdalaw na ito upang sama-samang manalangin at humingi ng pamamagitan ni San Pancracio para sa ating mga pamilya, mga kabataan, mga may sakit, at mga naghahanap ng kabuhayan.

🗓 𝐏𝐞𝐭𝐬𝐚: Agosto 29, 2026
🕡 𝐎𝐫𝐚𝐬: 6:30 PM
📍 𝐋𝐨𝐤𝐚𝐬𝐲𝐨𝐧: 𝐁𝐢𝐬𝐢𝐭𝐚 𝐧𝐠 𝐒𝐚𝐠𝐫𝐚𝐝𝐚 𝐅𝐚𝐦𝐢𝐥𝐢𝐚, 𝟑𝐫𝐝 𝐀𝐯𝐞𝐧𝐮𝐞

Halina’t makiisa sa 𝐃𝐚𝐥𝐚𝐰 𝐏𝐚𝐧𝐜𝐫𝐚𝐜𝐢𝐨 at samahan natin ang isa’t isa sa panalangin at pananampalataya bilang paghahanda sa pagdiriwang ng anibersaryo ng ating parokya.

𝐒𝐚𝐧 𝐏𝐚𝐧𝐜𝐫𝐚𝐜𝐢𝐨, 𝐩𝐚𝐭𝐫𝐨𝐧 𝐧𝐠 𝐦𝐠𝐚 𝐤𝐚𝐛𝐚𝐭𝐚𝐚𝐧, 𝐦𝐠𝐚 𝐦𝐚𝐲 𝐬𝐚𝐤𝐢𝐭, 𝐚𝐭 𝐦𝐠𝐚 𝐧𝐚𝐠𝐡𝐚𝐡𝐚𝐧𝐚𝐩 𝐧𝐠 𝐤𝐚𝐛𝐮𝐡𝐚𝐲𝐚𝐧, 𝐢𝐩𝐚𝐧𝐚𝐥𝐚𝐧𝐠𝐢𝐧 𝐦𝐨 𝐤𝐚𝐦𝐢!

“𝐋𝐔𝐌𝐀𝐏𝐈𝐓 𝐊𝐀𝐘𝐎 𝐒𝐀 𝐀𝐊𝐈𝐍 𝐀𝐓 𝐈𝐁𝐈𝐁𝐈𝐆𝐀𝐘 𝐊𝐎 𝐀𝐍𝐆 𝐋𝐀𝐇𝐀𝐓 𝐍𝐆 𝐌𝐀𝐁𝐔𝐁𝐔𝐓𝐈𝐍𝐆 𝐁𝐀𝐆𝐀𝐘.”

––––––––––

Follow our social media platforms!
Facebook: San Pancracio Parish - Diocese of Kalookan | San Pancracio Parish - Diocese of Kalookan

26/08/2026

𝐃𝐀𝐋𝐀𝐖 𝐏𝐀𝐍𝐂𝐑𝐀𝐂𝐈𝐎 | 𝐁𝐢𝐬𝐢𝐭𝐚 𝐧𝐠 𝐇𝐨𝐥𝐲 𝐅𝐚𝐦𝐢𝐥𝐲
𝘊𝘩𝘢𝘱𝘦𝘭 𝘝𝘪𝘴𝘪𝘵𝘢𝘵𝘪𝘰𝘯 𝘰𝘧 𝘵𝘩𝘦 𝘍𝘪𝘳𝘴𝘵-𝘊𝘭𝘢𝘴𝘴 𝘙𝘦𝘭𝘪𝘤 𝘰𝘧 𝘚𝘢𝘯 𝘗𝘢𝘯𝘤𝘳𝘢𝘤𝘪𝘰

Noong Linggo, Agosto 23, 2026, buong galak na tinanggap ng pamayanan ng 𝐁𝐢𝐬𝐢𝐭𝐚 𝐧𝐠 𝐇𝐨𝐥𝐲 𝐅𝐚𝐦𝐢𝐥𝐲, 𝟐𝐧𝐝 𝐀𝐯𝐞𝐧𝐮𝐞 ang pagdalaw ng 𝐔𝐧𝐚𝐧𝐠 𝐔𝐫𝐢 𝐧𝐠 𝐑𝐞𝐥𝐢𝐤𝐲𝐚 𝐧𝐢 𝐒𝐚𝐧 𝐏𝐚𝐧𝐜𝐫𝐚𝐜𝐢𝐨 bilang bahagi ng 𝐃𝐚𝐥𝐚𝐰 𝐏𝐚𝐧𝐜𝐫𝐚𝐜𝐢𝐨 at paghahanda sa 𝐅𝐨𝐮𝐧𝐝𝐚𝐭𝐢𝐨𝐧 𝐀𝐧𝐧𝐢𝐯𝐞𝐫𝐬𝐚𝐫𝐲 ng San Pancracio Parish.

Naging pagkakataon ang banal na pagdalaw na ito upang sama-samang manalangin, magpasalamat, at humingi ng panalangin at pamamagitan ni San Pancracio para sa ating mga pamilya, mga kabataan, mga may sakit, mga naghahanap ng kabuhayan, at sa lahat ng patuloy na nagtitiwala sa Diyos.

Ang Banal na Misa ay pinangunahan ni 𝐑𝐞𝐯. 𝐏𝐝. 𝐋𝐚𝐮𝐫𝐨 𝐆. 𝐅𝐫𝐢𝐚𝐬, 𝐊𝐮𝐫𝐚 𝐏𝐚𝐫𝐨𝐤𝐨, na naging mahalagang bahagi ng makabuluhang pagdiriwang ng pananampalataya at debosyon ng pamayanan.

Sa pamamagitan ng pagdalaw ng banal na relikya ni San Pancracio, nawa’y higit nating madama ang paanyaya na maging matatag sa pananampalataya, magtiwala sa kabutihan ng Diyos, at patuloy na maging mga saksi ng pag-asa at pag-ibig sa ating mga pamayanan.

𝐒𝐚𝐧 𝐏𝐚𝐧𝐜𝐫𝐚𝐜𝐢𝐨, 𝐩𝐚𝐭𝐫𝐨𝐧 𝐧𝐠 𝐦𝐠𝐚 𝐤𝐚𝐛𝐚𝐭𝐚𝐚𝐧, 𝐦𝐠𝐚 𝐦𝐚𝐲 𝐬𝐚𝐤𝐢𝐭, 𝐚𝐭 𝐦𝐠𝐚 𝐧𝐚𝐠𝐡𝐚𝐡𝐚𝐧𝐚𝐩 𝐧𝐠 𝐤𝐚𝐛𝐮𝐡𝐚𝐲𝐚𝐧, 𝐢𝐩𝐚𝐧𝐚𝐥𝐚𝐧𝐠𝐢𝐧 𝐦𝐨 𝐤𝐚𝐦𝐢!

“𝐋𝐔𝐌𝐀𝐏𝐈𝐓 𝐊𝐀𝐘𝐎 𝐒𝐀 𝐀𝐊𝐈𝐍 𝐀𝐓 𝐈𝐁𝐈𝐁𝐈𝐆𝐀𝐘 𝐊𝐎 𝐀𝐍𝐆 𝐋𝐀𝐇𝐀𝐓 𝐍𝐆 𝐌𝐀𝐁𝐔𝐁𝐔𝐓𝐈𝐍𝐆 𝐁𝐀𝐆𝐀𝐘.”

—

Follow our social media platforms!
Facebook: San Pancracio Parish - Diocese of Kalookan | www.facebook.com/SanPancracioParishDok

24/08/2026

𝐏𝐀𝐆𝐆𝐔𝐍𝐈𝐓𝐀 𝐊𝐈𝐍𝐀 𝐒𝐀𝐍 𝐋𝐔𝐈𝐒 𝐈𝐗, 𝐇𝐀𝐑𝐈 𝐍𝐆 𝐏𝐑𝐀𝐍𝐒𝐘𝐀 𝐀𝐓 𝐒𝐀𝐍 𝐉𝐎𝐒𝐄 𝐃𝐄 𝐂𝐀𝐋𝐀𝐒𝐀𝐍𝐙, 𝐏𝐀𝐑𝐈

Ngayong araw, buong galak nating ginugunita sina San Luis IX at San Jose de Calasanz, dalawang huwaran ng pananampalataya, paglilingkod, kababaang-loob, at tapat na pagtugon sa kalooban ng Diyos.

Si San Luis IX, Hari ng Pransiya, ay kilala sa kanyang malalim na pananampalataya, katarungan, at malasakit sa mga mahihirap at nangangailangan. Sa kabila ng kanyang kapangyarihan at kayamanan, pinili niyang mamuhay nang simple, mapagpakumbaba, madasalin, at matuwid. Ginamit niya ang kanyang katungkulan upang ipagtanggol ang pananampalataya, itaguyod ang katarungan, at maglingkod sa kanyang nasasakupan.

Samantala, si San Jose de Calasanz, pari at tagapagtatag ng mga Piarist, ay buong buhay na nag-alay ng kanyang sarili sa Diyos sa pamamagitan ng pagtuturo at paglilingkod sa mga bata, lalo na sa mga mahihirap. Sa kabila ng mga pagsubok at paninirang-puri na kanyang hinarap, nanatili siyang matiyaga at tapat sa kanyang misyon na hubugin ang mga kabataan sa karunungan, kabutihan, at pananampalataya.

Sa kanilang magkaibang bokasyon, kapwa ipinakita nina San Luis IX at San Jose de Calasanz na ang tunay na paglilingkod sa Diyos ay nakikita sa pagmamahal sa kapwa, pagtupad sa ating mga tungkulin, at paggamit ng mga biyayang ipinagkaloob sa atin para sa kabutihan ng iba.

Nawa'y sa kanilang halimbawa, matutuhan nating mamuhay nang may kababaang-loob, katarungan, pagtitiis, at malasakit. Nawa'y maging tapat tayo sa ating mga tungkulin at maging mga instrumento ng Diyos sa paglilingkod, lalo na sa mga mahihirap, kabataan, at mga nangangailangan.

𝑺𝒂𝒏 𝑳𝒖𝒊𝒔, 𝑯𝒂𝒓𝒊 𝒏𝒈 𝑷𝒓𝒂𝒏𝒔𝒊𝒚𝒂, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.
𝑺𝒂𝒏 𝑱𝒐𝒔𝒆 𝒅𝒆 𝑪𝒂𝒍𝒂𝒔𝒂𝒏𝒛, 𝑷𝒂𝒓𝒊, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

—

Follow our social media platforms!
Facebook: San Pancracio Parish - Diocese of Kalookan | www.facebook.com/SanPancracioParishDok

24/08/2026

8.24.2026 | 6:00PM | Dakilang Kapistahan ni Apostol San Bartolome de Malabon
Mass Presider : His Eminence Pablo Virgilio Cardinal S. David

San Pancracio Parish - Diocese of Kalookan

29/08/2026

29/08/2026

29/08/2026

28/08/2026

27/08/2026

26/08/2026

26/08/2026

26/08/2026

24/08/2026

24/08/2026

Address

Opening Hours

Website

Alerts

Contact The Place Of Worship

Shortcuts

Share

Category

Listing takedown request

Tuesday	8am - 12pm
	1:30pm - 4pm
Wednesday	8am - 12pm
	1:30pm - 4pm
Thursday	8am - 12pm
	1:30pm - 4pm
Saturday	8am - 12pm
	1:30pm - 3pm
Sunday	8am - 12pm
	1:30pm - 4pm