21/05/2026
𝗧𝗜𝗡𝗚𝗡𝗔𝗡: 𝗠𝗴𝗮 𝗦𝗮𝗻𝗱𝗮𝗹𝗶 𝗻𝗴 𝗣𝗮𝗻𝗮𝗻𝗮𝗺𝗽𝗮𝗹𝗮𝘁𝗮𝘆𝗮 𝗮𝘁 𝗗𝗲𝗯𝗼𝘀𝘆𝗼𝗻💐
Taos-puso po kaming nagpapasalamat sa lahat ng sumuporta, tumulong, nakiisa, at naglaan ng panahon upang maging matagumpay ang ating Santacruzan 2026. Ang pagdiriwang na ito ay hindi magiging posible kung wala ang inyong pagmamahal, pagkakaisa, at malasakit sa ating simbahan at pamayanan.
Lubos po ang aming pasasalamat sa ating mga sponsors na naging instrumento upang maisakatuparan ang pagdiriwang na ito. Nawa’y pagpalain pa kayo ng P**ng Maykapal sa inyong kabutihan at bukas-palad na pagtulong.
Maraming salamat din sa mga parishioners ng Holy Family Chapel, sa mga parishioners at council ng St. Joseph, Husband of Mary Chapel, at sa ating mahal na parokya, Santo Kristo Parish, sa patuloy na paggabay at suporta.
Taos-puso rin po kaming nagpapasalamat sa ating minamahal na kura paroko na si Reb Pad. Sunny B. Quejada, FLP at sa ating parochial vicar na si Reb. Pad. Mark Jeffrey Starr Revillo, FLP at sa PPC Chair Bing Bernardino, sa kanilang walang sawang paggabay at panalangin para sa tagumpay ng ating gawain.
Maraming salamat din sa SKP Ministry of Altar Servers, SKP Choir, Christ the King of the Universe Parish Ministry of Altar Servers, sa mga kapatid natn mula sa Parokya ng La Purisisma Concepcion de Malabon na tumulong magmarshal, at sa Leaves and Blooms, para sa inyong malaking ambag sa kagandahan at kaayusan ng ating pagdiriwang.
Higit sa lahat, papuri at pasasalamat sa Diyos at sa Mahal na Birheng Maria sa mapayapa, at makabuluhang Santacruzan 2026.
Patuloy na maglilingkod kami, Para sa Diyos at sa Bayan.
“Maria, Tanglaw ng Kapayapaan ng Sanlibutan.”
