St. Joseph the Workman Parish - Diocese of Kalookan

25/05/2026

Narito ang ilan sa mga masasaya, makabuluhan, at pinagpalang sandali mula sa nagdaang Flores de Maria Grand Alay 2026 ng St. Joseph the Workman Parish - Parish Youth Ministry noong Mayo 23, 2026.

Mula sa pakikiisa ng mga kabataan, dalaga, binibini, mga ginang at nanay, hanggang sa taimtim na pag-aalay at sama-samang debosyon ng bawat pamayanan, tunay na naging makulay at puno ng pananampalataya ang pagdiriwang bilang pagpupugay kay Maria.

Lubos pong nagpapasalamat ang SJWP - PYM sa lahat ng dumalo, tumulong, nakiisa, at naging bahagi ng selebrasyong ito. Maraming salamat sa inyong pagmamahal at patuloy na debosyon sa ating Mahal na Ina.

Viva Maria!
Ave Maria!

22/05/2026

LIVE HOLY MASS : 8th Day of Novena Mass in Honor of Maria Auxiliadora, Queen and Patroness of Maypajo | May 22, 2026 | 5:30PM

Presider: Rev. Fr. Joey C. Enriquez

Maria Auxiliadora, Queen and Patroness of Maypajo, pray for us!

¡Viva la Virgen!
¡Viva la Reina y Patrona de Maypajo!

21/05/2026

🌸 FLORES DE MARIA GRAND ALAY RECOLLECTION 2026 🌸

Bilang paghahanda sa nalalapit na Flores de Maria Grand Alay 2026, inaanyayahan ang lahat ng mga magsasagala, cotillioners, Kapitan at Kapitana 2025 at 2026, at mga angels na makibahagi sa ating Sagala de Maria Recollection 2026.

Isang gabi ng pagninilay, panalangin, at paghahanda upang higit nating maunawaan ang kahalagahan ng ating paglilingkod at debosyon sa Mahal na Birheng Maria. Sa pagpapatuloy ng ating mga tradisyon sa parokya, sama-sama nating ihanda hindi lamang ang ating mga kasuotan at pagganap, kundi higit sa lahat ang ating mga puso.

🗓 Mayo 22, 2026
🕕 6:00 PM
📍 St. Joseph the Workman Parish

🎙 Recollection Speaker: Bro. Ryan Carrie Lariba

Ang inyong presensya ay mahalaga sa ating sama-samang paghahanda para sa isang makabuluhan at pinagpalang pagdiriwang ng Flores de Maria 2026. 🌸

21/05/2026

🌸 Flores de Maria Grand Alay 2026 🌸

Inaanyayahan po namin ang lahat na makiisa ngayong darating na Sabado, Mayo 23, 2026, sa maka-Diyos at makasaysayang pagtatapos ng ating pagdiriwang ng Flores de Maria.

Sa pagpapatuloy ng ating minamahal na tradisyon ng pag-aalay sa Mahal na Birheng Maria, sama-sama nating handugan ng mga bulaklak at panalangin ang pinakamagandang bulaklak sa hardin ng Diyos — ang ating Mahal na Ina.

Kasabay nito ay muling masasaksihan ang pagpapatuloy ng tradisyon ng Cotillion de Maria, isang maringal na sayaw-pananalangin bilang pagpupugay at pasasalamat kay Maria sa pagtatapos ng buwan ng Flores de Maria.

🌸 Programa 🌸

🕞 3:30 PM – Panalangin ng Santo Rosaryo
🕔 4:00 PM – Banal na Misa
🕕 5:00 PM – Marangal na Prosisyon
🕡 6:00 PM – Grand Alay Proper kasama ang Cotillion de Maria 2026

Sa okasyong ito ay gaganapin din ang pagpapasa ng tungkulin ng Kapitan at Kapitana 2025–2026, gayundin ng Hermano Mayor at Hermana Mayor — tanda ng pagpapatuloy ng paglilingkod at debosyon sa ating parokya.

Magsama-sama tayo sa isang gabi ng taimtim na panalangin, debosyon, at pagkakaisa. Nawa’y patuloy na mabuhay sa ating pamayanan ang tradisyon ng pagmamahal at pag-aalay sa Mahal na Birheng Maria.

18/05/2026

Magalak at magdiwang, sambayanang namimintuho kay San Jose na Manggagawa!

Matapos ang tatlumpu’t dalawang (32) taong paglalakbay ng ating parokya bilang pamayanang sumasampalataya, ganap nang itatalaga sa Diyos ang ating bagong simbahang-bato at ang Banal na Altar bilang luklukan ng banal na pagdiriwang at pagsamba sa Panginoong Maykapal.

Ang Solemn Rite of Dedication of the Altar and the Church ay gaganapin sa Dakilang Kapistahan ng Katawan at Dugo ni Kristo (Corpus Christi), ika-7 ng Hunyo 2026, sa ganap na ika-9:00 ng umaga.

Sa makasaysayang pagdiriwang na ito, sama-sama nating pasalamatan ang Diyos sa Kanyang walang hanggang paggabay, at muling pagtibayin ang ating pagkakaisa bilang Simbahan ni Kristo.

San Jose na Manggagawa, liwanag at huwaran ng mga manggagawa sa pananampalataya, gabayan mo kami tungo sa ganap na katuparan ng misyong ipinagkaloob ng Diyos sa Kanyang Simbahan. Ipanalangin mo kami!

06/05/2026

LIVE | 𝗨𝗡𝗔𝗡𝗚 𝗠𝗜𝗬𝗘𝗥𝗞𝗨𝗟𝗘𝗦 𝗡𝗚 𝗣𝗔𝗚𝗗𝗘𝗗𝗘𝗕𝗢𝗦𝗬𝗢𝗡 𝗦𝗔 𝗠𝗔𝗛𝗔𝗟 𝗡𝗔 𝗜𝗡𝗔 𝗡𝗚 𝗟𝗔𝗚𝗜𝗡𝗚 𝗦𝗔𝗞𝗟𝗢𝗟𝗢
𝘐𝘊𝘖𝘕 𝘔𝘐𝘚𝘚𝘐𝘖𝘕 𝘰𝘧 𝘖𝘶𝘳 𝘔𝘰𝘵𝘩𝘦𝘳 𝘰𝘧 𝘗𝘦𝘳𝘱𝘦𝘵𝘶𝘢𝘭 𝘏𝘦𝘭𝘱 𝘧𝘳𝘰𝘮 𝘵𝘩𝘦 𝘉𝘢𝘤𝘭𝘢𝘳𝘢𝘯 𝘚𝘩𝘳𝘪𝘯𝘦 | 𝘔𝘪𝘺𝘦𝘳𝘬𝘶𝘭𝘦𝘴 𝘴𝘢 𝘐𝘬𝘢-𝘭𝘪𝘮𝘢𝘯𝘨 𝘓𝘪𝘯𝘨𝘨𝘰 𝘯𝘨 𝘗𝘢𝘴𝘬𝘰 𝘯𝘨 𝘔𝘶𝘭𝘪𝘯𝘨 𝘗𝘢𝘨𝘬𝘢𝘣𝘶𝘩𝘢𝘺

Mayo 06, 2026
5:45 N.H. — 𝗡𝗼𝗯𝗲𝗻𝗮 𝘀𝗮 𝗠𝗮𝗵𝗮𝗹 𝗻𝗮 𝗜𝗻𝗮 𝗻𝗴 𝗟𝗮𝗴𝗶𝗻𝗴 𝗦𝗮𝗸𝗹𝗼𝗹𝗼
6:00 N.G. — 𝗕𝗮𝗻𝗮𝗹 𝗻𝗮 𝗠𝗶𝘀𝗮
7:00 N.G. — 𝗖𝗮𝗻𝗱𝗹𝗲𝗹𝗶𝗴𝗵𝘁 𝗣𝗿𝗼𝗰𝗲𝘀𝘀𝗶𝗼𝗻

𝐏𝐮𝐧𝐨𝐧𝐠 𝐓𝐚𝐠𝐚𝐩𝐚𝐠𝐝𝐢𝐰𝐚𝐧𝐠: 𝘙𝘦𝘣. 𝘗𝘥. 𝘈𝘯𝘵𝘩𝘰𝘯𝘺 𝘒𝘰𝘢 - 𝘉𝘪𝘬𝘢𝘳𝘺𝘰 𝘗𝘢𝘳𝘰𝘬𝘺𝘢𝘭 𝘯𝘨 𝘒𝘢𝘵𝘦𝘥𝘳𝘢𝘭 𝘯𝘨 𝘚𝘢𝘯 𝘙𝘰𝘲𝘶𝘦

𝙈𝙖𝙨𝙞𝙣𝙩𝙖𝙝𝙞𝙣𝙜 𝙄𝙣𝙖, 𝙞𝙥𝙖𝙣𝙖𝙡𝙖𝙣𝙜𝙞𝙣 𝙢𝙤 𝙠𝙖𝙢𝙞.

04/05/2026

01/05/2026

TINGNAN: Nagsimula na ang “Bandangal: Parangal kay San Jose ang Manggagawa 2026,” na kasalukuyang palabas patungo sa iba’t ibang pamayanan.

01/05/2026

TINGNAN: Mga kuhang larawan mula sa Misa Mayor na pinangunahan ng Kaniyang Kabunyian, Jose F. Cardinal Advincula, DD.