DOK - DPPAM Kwentuhan sa Simbahan

DOK - DPPAM Kwentuhan sa Simbahan Contact information, map and directions, contact form, opening hours, services, ratings, photos, videos and announcements from DOK - DPPAM Kwentuhan sa Simbahan, Religious organisation, Caloocan.

Layunin ng Diocese of Kalookan Public and Political Affairs Ministry na itaas ang antas ng kamalayan, kaalaman, at partisipasyon ng mga Laykong Lingkod ng Simbahan at mga ordinaryong mamamayan sa mga usaping panlipunan at pampulitika sa ating bansa.

📣 Huling araw na ng voters registration ngayong Mayo 18, 2026!Kung ikaw ay hindi pa rehistrado, magpapa-update ng imporm...
17/05/2026

📣 Huling araw na ng voters registration ngayong Mayo 18, 2026!

Kung ikaw ay hindi pa rehistrado, magpapa-update ng impormasyon, o magpapa-reactivate ng voter status, ito na ang pagkakataon para humabol.

📍 Mga registration venue:
Navotas City – NBBS Kaunlaran Multi-Purpose Hall Phase 1C

Caloocan City – SM City Caloocan (1st District), 999 Shopping Mall (2nd District), Metroplaza Malaria (3rd District)

Malabon City – 2nd Floor, Robinsons Malabon
✅ Magdala ng valid ID

Huwag palampasin ang pagkakataong makilahok sa halalan at gampanan ang ating tungkulin bilang responsableng mamamayan. Ang boto ay mahalaga. Ang pakikilahok ay mahalaga. Ang kinabukasan ng pamayanan ay mahalaga.

Magparehistro. Makilahok. Bumoto.


17/05/2026

𝐋𝐈𝐕𝐄 | Mayo 17, 2026 | 6:00 P.M.
Dakilang Kapistahan ng Pag-akyat ng Panginoon

Punong Tagapagdiwang: Reb. Pdr. Martin L. Guarin

MGA PAGBASA:

Mga Gawa 1, 1-11

Salmo 46, 2-3. 6-7. 8-9
"Habang umaakyat ang D’yos,
ang tambuli’y tumutunog"

Efeso 1, 17-23
Mateo 28, 16-20

When your heart is aligned with Him, your desires start to change...God doesn't bless every plan. He blesses the plans t...
15/05/2026

When your heart is aligned with Him, your desires start to change...God doesn't bless every plan. He blesses the plans that flow from a heart that trusts Him.

When your heart is aligned with Him, your desires start to change...God doesn't bless every plan. He blesses the plans t...
15/05/2026

When your heart is aligned with Him, your desires start to change...God doesn't bless every plan. He blesses the plans that flow from a heart that trusts Him.

PAHAYAG NG DPPAMSa sandaling maakyat sa Senado ang Articles of Impeachment, nararapat lamang na ito ay kagyat na aksyuna...
12/05/2026

PAHAYAG NG DPPAM

Sa sandaling maakyat sa Senado ang Articles of Impeachment, nararapat lamang na ito ay kagyat na aksyunan alinsunod sa Konstitusyon. Nilinaw mismo ng Korte Suprema na ang salitang “forthwith” ay nangangahulugang pag-usad ng paglilitis sa loob ng makatuwirang panahon, nang walang undue delay.

Hindi dapat maantala o maimpluwensyahan ang prosesong ito dahil sa loyalty sa iisang tao, sa isang kampo, o sa pansariling interes. Ang dapat manaig ay katapatan sa Saligang Batas, sa katotohanan, at sa kabutihang panlahat. Sa gitna ng kaguluhan sa Senado matapos ang pagbabago sa liderato habang nakabinbin ang impeachment case laban kay Vice President Sara Duterte, higit na kailangang pairalin ang dangal, integridad, at pananagutan sa bayan.

📌 Pagpupulong para sa mas matatag na ugnayan at sama-samang paglilingkod 📌Noong Marso 7, 2026, isinagawa ang Bi-Monthly ...
07/05/2026

📌 Pagpupulong para sa mas matatag na ugnayan at sama-samang paglilingkod 📌

Noong Marso 7, 2026, isinagawa ang Bi-Monthly Meeting ng DPPAM kasama ang mga Parish Chairpersons, PPCRV Coordinators, at mga kinatawan ng mga parokya sa Hearts of Jesus and Mary Parish. Naging mahalagang pagkakataon ito upang muling balikan ang mga naisagawang gawain mula Enero hanggang Pebrero, at mapag-usapan ang mga susunod na aktibidad para sa Marso at Abril.

Sa pamamagitan ng pagpupulong na ito, napalalim ang ugnayan ng mga parokya, naibahagi ang mga updates at karanasan mula sa iba’t ibang lugar, at naipagpatuloy ang sama-samang pagpaplano para sa mga susunod na programa ng ministry. Ipinakita rin nito ang kahalagahan ng regular na koordinasyon upang maging mas organisado, mas epektibo, at mas nagkakaisa ang paglilingkod ng DPPAM sa Diocese.

Lubos ang aming pasasalamat sa Hearts of Jesus and Mary Parish sa pagho-host ng nasabing pagpupulong at sa lahat ng mga parish chairpersons, coordinators, at representatives na patuloy na nakikiisa at tumutugon sa tawag ng paglilingkod.

💧 Bawat Patak ay Mahalaga: A Water Conservation Seminar 💧Noong Abril 18, 2026, matagumpay na isinagawa ang Kwentuhan sa ...
07/05/2026

💧 Bawat Patak ay Mahalaga: A Water Conservation Seminar 💧
Noong Abril 18, 2026, matagumpay na isinagawa ang Kwentuhan sa Simbahan sa Hearts of Jesus and Mary Parish, na nakatuon sa napapanahon at mahalagang paksang “Bawat Patak ay Mahalaga: A Water Conservation Seminar.”

Nagbahagi ng makabuluhang kaalaman at praktikal na gabay si Mr. Edmundo Perez, Technical Advocacy Head ng Maynilad Water Academy (MWA), tungkol sa kahalagahan ng pangangalaga sa tubig, wastong paggamit nito, at ang pananagutan ng bawat isa sa pagtataguyod ng water conservation sa tahanan at komunidad, pati na mga prorgama ng MWA.

Sa pamamagitan ng seminar na ito, mas napalalim ang kamalayan ng mga kalahok sa kahalagahan ng tubig bilang biyaya at mahalagang yaman na dapat pangalagaan para sa kasalukuyan at sa susunod na henerasyon.

Lubos ang aming pasasalamat sa Hearts of Jesus and Mary Parish sa pagho-host ng gawaing ito, lalo na kay Rev. Fr. Leo Pepito para sa kanyang suporta at malasakit sa mga programang nakatuon sa pormasyon at kamalayang panlipunan. Taos-puso rin kaming nagpapasalamat sa Parish Pastoral Council (PPC) sa kanilang pakikiisa, suporta, at pagdalo sa nasabing aktibidad.

Nawa’y magsilbing paalala ang gawaing ito na ang pangangalaga sa tubig ay hindi lamang usapin ng pang-araw-araw na pagtitipid, kundi isang sama-samang pananagutan para sa kabutihang panlahat at pangangalaga sa ating iisang tahanan.

🔥 Maging Alerto, Maging Ligtas: Sa Pagtutulungan, Sunog ay Maiiwasan 🔥Noong Marso 28, 2026, matagumpay na isinagawa ang ...
07/05/2026

🔥 Maging Alerto, Maging Ligtas: Sa Pagtutulungan, Sunog ay Maiiwasan 🔥

Noong Marso 28, 2026, matagumpay na isinagawa ang Fire Prevention Seminar sa St. Francis and Sta. Quiteria Parish sa pakikipagtulungan ng Bureau of Fire Protection (BFP). Dinaluhan ito ng humigit-kumulang 115 participants, na nagpapakita ng matinding interes at pakikiisa ng komunidad sa usapin ng kaligtasan at paghahanda laban sa sunog.

Nagbahagi ng mahalagang kaalaman at praktikal na gabay ang mga resource speakers na sina FO2 Ernesto Y. Umanhan, FO3 Gerald R. Munda, SFO2 Katrina R. Piga-Caniete, at FO1 Danilo M. Gabang.

Tinalakay sa seminar ang mga karaniwang sanhi ng sunog, mga paraan ng pag-iwas dito, at ang tamang pagtugon sa oras ng emergency. Sa pamamagitan ng seminar na ito, mas napalalim ang kamalayan ng mga kalahok sa kahalagahan ng paghahanda, disiplina, at pagtutulungan para sa kaligtasan ng bawat pamilya at pamayanan.

Lubos ang aming pasasalamat sa St. Francis and Sta. Quiteria Parish sa pagho-host ng aktibidad, gayundin sa Bureau of Fire Protection sa kanilang mahalagang paglilingkod at pagbabahagi ng kaalaman. Nawa’y magsilbing paalala ang gawaing ito na ang pag-iwas sa sunog ay pananagutan ng bawat isa, at sa sama-samang pagkilos ay mas mapapangalagaan natin ang buhay at ari-arian ng ating komunidad.

👀 Pagmasdan. Kilatisin. Suriin. Makilahok.Noong Abril 26, 2026, isinagawa ang DPPAM–TAPAT Bisto Proyekto Face-to-Face Tr...
06/05/2026

👀 Pagmasdan. Kilatisin. Suriin. Makilahok.

Noong Abril 26, 2026, isinagawa ang DPPAM–TAPAT Bisto Proyekto Face-to-Face Training sa San Jose Parish – Agudo, na dinaluhan ng 24 volunteers mula sa iba’t ibang parokya, kabilang ang San Jose Parish – Agudo, St. Clare of Assisi Parish, San Pancracio Parish, Santo Rosario Parish, Hearts of Jesus and Mary Parish, San Lorenzo Ruiz and Companion Martyrs Parish, at Sts. Peter and John Parish.

Sa training na ito, mas pinalalim ang pag-unawa ng mga kalahok sa layunin ng Bisto Proyekto bilang isang citizen-based initiative para sa pagsubaybay at pagbeberipika ng mga proyekto ng pamahalaan.

Bahagi ng pagsasanay ang aktwal na pagtuturo kung paano gamitin ang Bisto Proyekto website, kung paano punan ang verification details, at kung paano magsagawa ng wastong community-based monitoring.

Pinangunahan ni Bro. Arnel Galgo ng TAPAT ang oryentasyon habang nagbigay ng mensahe ng suporta si Rev. Fr. Martin Guarin, Priest Director ng DPPAM.

Nagkaroon din ng sample visit sa isang DPWH construction site malapit sa parokya, kung saan natutunan ng mga kalahok kung paano obserbahan ang isang proyekto sa aktwal na setting at kung paano ito iuulat nang maayos sa platform. Naging makabuluhang karanasan ito para sa mga volunteers, dahil nakita nila kung paano maisasalin sa konkretong aksyon ang paninindigan para sa transparency, accountability, at responsableng pakikilahok ng mamamayan.

Maraming salamat sa lahat ng nakiisa sa gawaing ito. Sa sama-samang pagkilos, mas napapalakas ang boses ng komunidad para sa tapat at makatarungang pamamahala.

Sama-sama para sa mas mapanagutang pamamahala!Noong Abril 22, 2026, nagsagawa ang DPPAM ng isang Zoom Orientation on Bis...
06/05/2026

Sama-sama para sa mas mapanagutang pamamahala!

Noong Abril 22, 2026, nagsagawa ang DPPAM ng isang Zoom Orientation on Bisto Proyekto sa pakikipagtulungan sa TAPAT, na dinaluhan ng 15 volunteers mula sa iba’t ibang parokya.

Sa pangunguna ni Bro. Arnel Galgo, naipakilala sa mga kalahok ang Bisto Proyekto—isang inisyatibang naglalayong hikayatin ang mamamayan na makibahagi sa pagmamasid, pagbeberipika, at pagsubaybay sa mga proyektong pang-imprastraktura ng pamahalaan. Tinalakay rin ang layunin ng programa, ang kahalagahan ng volunteer participation, at ang pakikipagtulungan nito sa mga institusyon tulad ng DPWH at CBCP para sa pagsusulong ng transparency, accountability, at people’s participation.

Ang online orientation na ito ay nagsilbing unang hakbang upang makabuo ng mga volunteers na handang makibahagi sa mas malawak na gawain para sa kabutihang panlahat.

03/05/2026

𝐋𝐈𝐕𝐄 | Mayo 3, 2026 | 6:00 P.M.

Ikalimang Linggo ng Pasko ng Muling Pagkabuhay

Punong Tagapagdiwang: Reb. Pdr. Martin Guarin

Inaanyayahan ang lahat na makiisa sa banal na pagdiriwang ng Eukaristiya. Sama-sama nating ipagdiwang ang muling pagkabuhay ng ating Panginoon at palalimin ang ating pananampalataya.

Address

Caloocan

Website

Alerts

Be the first to know and let us send you an email when DOK - DPPAM Kwentuhan sa Simbahan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category