Daily Bible Vitamins

Daily Bible Vitamins Brief daily reflections on the Scripture Readings for the day

Daily Bible Vitamins Pebrero 22, 2026Unang Linggo ng Apatnapung Araw na Paghahanda (A)Unang Pagbasa- Genesis 2, 7-9; 3, ...
22/02/2026

Daily Bible Vitamins
Pebrero 22, 2026
Unang Linggo ng Apatnapung Araw na Paghahanda (A)

Unang Pagbasa- Genesis 2, 7-9; 3, 1-7
Salmo- Salmo 50, 3-4. 5-6a. 12-13. 14 at 17
Ikalawang Pagbasa - Roma 5, 12-19
o kaya Roma 5, 12. 17-19
Ebanghelyo- Mateo 4, 1-11

Daily Reflection ni: MARIBEL G. REYES

Mateo 4:5 “ ….si Jesus ay dinala ng Espiritu sa ilang upang tuksuhin ng diyablo. 2 Siya'y nag-ayuno sa loob ng apatnapung araw at apatnapung gabi kaya't siya'y nagutom. “

Pagninilay
Pansinin na dumating ang tukso noong si Jesus ay gutom at pagod. Madalas tayong tuksuhin sa oras na tayo ay "vulnerable"—kapag tayo ay malungkot, galit, o nag-iisa. Ang aral? Maging mas mapagmatyag tayo sa ating mga "low moments."

Panalangin
Panginoong Jesus, Sa oras ng aking pagod, lungkot, at pag-iisa, manatili Ka sa aking piling. Huwag Mong hayaang madaig ako ng tukso sa mga sandali ng aking kahinaan.
Turuan mo ako na gawing sandigan ang Iyong Salita upang hindi ako maligaw ng landas. Ikaw nawa ang maging lakas ko kapag ako ay nanlalambot, at gabay ko kapag ako ay nalilito at naliligaw.
Amen.

Image credits Canva.com

Daily Bible Vitamins Pebrero 20, 2026Biyernes kasunod ng Miyerkules ng AboUnang Pagbasa- Isaias 58, 1-9aSalmo- Salmo 50,...
20/02/2026

Daily Bible Vitamins
Pebrero 20, 2026
Biyernes kasunod ng Miyerkules ng Abo
Unang Pagbasa- Isaias 58, 1-9a
Salmo- Salmo 50, 3-4. 5-6a. 18-19
Ebanghelyo- Mateo 9, 14-15

Mateo 9:14 “…. lumapit kay Hesus ang mga alagad ni Juan Bautista at ang wika, “Malimit kaming mag-ayuno, gayun din ang mga Pariseo. Bakit po hindi nag-aayuno ang inyong mga alagad?”

Pagninilay
Ang mga alagad ni Juan at ang mga Pariseo ay nakatutok sa rules (kailangang mag-ayuno dahil iyon ang nakasanayan). Pero ang mga alagad ni Hesus ay nakatutok sa Persona (kasama nila si Hesus). Ang tanong, nagdarasal ka ba dahil "kailangan" (obligasyon), o nagdarasal ka dahil gusto mong makasama ang Panginoong Hesus?

Panalangin
Panginoong Hesus, patawarin Mo po kami kung minsan ay nagiging mekanikal at obligasyon na lamang ang aming paglapit sa Iyo. Turuan Mo kaming unahin ang relasyon sa iyo, upang ang bawat dasal namin ay maging tunay na pakikipagtagpo sa Iyo. Nawa’y ang aming pag-aayuno at sakripisyo ay magbunga ng mas malalim na pagmamahal at malasakit sa aming kapwa. Punuin Mo ang aming puso ng kagalakan dahil Ikaw ang aming Panginoon na laging kasama sa bawat yugto ng aming buhay. Amen.

Image credits Canva.com

Daily Bible Vitamins Pebrero 19, 2026Huwebes kasunod ng Miyerkules ng AboUnang Pagbasa- Deuteronomio 30, 15-20Salmo 1, 1...
18/02/2026

Daily Bible Vitamins
Pebrero 19, 2026
Huwebes kasunod ng Miyerkules ng Abo
Unang Pagbasa- Deuteronomio 30, 15-20
Salmo 1, 1-2. 3. 4 at 6
Ebanghelyo- Lucas 9, 22-25

Deuteronomio 30:15 - “Nasa inyo ngayon ang kapasyahan. Kayo ang pipili ng buhay at kasaganaan o ng kahirapan at kamatayan. “


Pagninilay
Madalas nating isipin na ang kalayaan ay ang paggawa ng kahit anong gusto natin. Ngunit ipinapaalala sa atin na ang tunay na kalayaan ay ang pagpili sa mabuti. Ang pagpili sa Diyos ay hindi isang pabigat na utos, kundi ang tanging paraan upang tayo ay tunay na mabuhay at lumago.

Panalangin
Panginoon, Salamat sa kalayaang ipinagkaloob Mo sa akin. Sa bawat sandali, inilalatag Mo sa aking harapan ang landas ng buhay at pagpapala. Tulungan Mo akong gamitin ang aking kalayaan hindi sa sarili kong nais, kundi sa pagpili sa mabuti. Huwag ko sanang tingnan ang Iyong kalooban bilang utos, kundi bilang tanging daan upang ako ay tunay na mabuhay at lumago.
Gabayan Mo ang bawat desisyon ko—maliit man o Malaki. Turuan Mo akong piliin Ka sa lahat ng pagkakataon.
Amen.

Image credits Canva.com

Daily Bible Vitamins Pebrero 18, 2026Miyerkules ng AboUnang Pagbasa- Joel 2, 12-18Salmo- Salmo 50, 3-4, 5-6a. 12-13. 14 ...
17/02/2026

Daily Bible Vitamins
Pebrero 18, 2026

Miyerkules ng Abo
Unang Pagbasa- Joel 2, 12-18
Salmo- Salmo 50, 3-4, 5-6a. 12-13. 14 at 17
Ikalawang Pagbasa 2 Corinto 5, 20 – 6, 2
Ebanghelyo- Mateo 6, 1-6. 16-18

Mateo 6:18 “Ang iyong Amang hindi mo nakikita ang siya lamang nakaaalam nito. Siya, na nakakikita ng kabutihang ginagawa mo ng lihim, ang gaganti sa iyo.”

Pagninilay
Minsan, nakakapagod gumawa ng mabuti kung parang walang nakapapansin. Maaaring sa trabaho, sa loob ng tahanan, o kahit sa ating paglilingkod sa simbahan, pakiramdam natin ay "invisible" ang ating mga sakripisyo. Ngunit ang bahaging ito ng ebanghelyo ay isang napakagandang paalala ng katiyakan at pag-ibig ng Diyos. Sa gitna ng mundong madalas ay nakatingin lamang sa panlabas na anyo, ang Diyos ay nakatingin sa lalim ng ating puso.

Panalangin
Panginoon, salamat dahil Ikaw ang nakakakita sa bawat luhang palihim na tumulo, sa bawat pagtulong na hindi ipinagsabi, at sa bawat sakripisyong walang nakakaalam. Tulungan Mo po kaming maging kontento sa Iyong presensya. Turuan Mo kaming gumawa ng mabuti hindi dahil sa palakpak ng tao, kundi dahil sa pagmamahal namin sa Iyo. Amen.

Image credits Canva.com

Daily Bible Vitamins Martes, Pebrero 17, 2026Martes ng Ika-6 na Linggo sa Karaniwang Panahon (II)o kaya Paggunita sa Pit...
16/02/2026

Daily Bible Vitamins Martes, Pebrero 17, 2026
Martes ng Ika-6 na Linggo sa Karaniwang Panahon (II)
o kaya Paggunita sa Pitong Tagapagtatag ng Orden ng mga Lingkod ng Mahal na Birheng Maria

Unang Pagbasa- Santiago 1, 12-18
Salmo- Salmo 93, 12-13a. 14-15. 18-19
Ebanghelyo- Marcos 8, 14-21

Marcos 8:7-18 “Bakit ninyo pinag-uusapan na kayo’y walang dalang tinapay? Hindi pa ba kayo nakababatid o nakauunawa? Hindi pa ba ito abot ng inyong isip? Wala ba kayong mata? Wala ba kayong tainga?

Pagninilay
Minsan, masyado tayong bilib sa ating sariling plano at kalkulasyon. Kapag hindi sapat ang pera sa pitaka o kulang ang resources, nawawalan tayo ng pag-asa. Nakakalimutan nating ang Diyos ay hindi limitado ng "math" ng tao. Ang isang tinapay ay sapat na kung ang Panginoon ang may hawak nito.

Panalangin
Panginoon, linisin Mo ang aking puso sa anumang lebadura ng pag-aalinlangan. Tulungan Mo akong makita ang Iyong kapangyarihan sa gitna ng aking mga kakulangan. Amen.

Image credits Canva.com

Daily Bible Vitamins Lunes, Pebrero 16, 2026Lunes ng Ika-6 na Linggo sa Karaniwang Panahon (II)Unang Pagbasa- Santiago 1...
16/02/2026

Daily Bible Vitamins
Lunes, Pebrero 16, 2026
Lunes ng Ika-6 na Linggo sa Karaniwang Panahon (II)

Unang Pagbasa- Santiago 1, 1-11
Salmo- Salmo 118, 67. 68. 71. 72. 75. 76
Ebanghelyo- Marcos 8, 11-13

Marcos 8: 11 “ hiningi nila na magpakita si Hesus ng isang tanda mula sa langit.”

Pagninilay
Kadalasan, katulad tayo ng mga Pariseo. Marami nang ginawa ang Diyos sa buhay natin, ngunit kapag dumating ang pagsubok, humihingi agad tayo ng bagong patunay. "Panginoon, kung totoo Ka, pagalingin Mo ito," o "Bigyan Mo ako ng senyales kung ito ba talaga ang para sa akin." Ang pinakadakilang tanda ay naibigay na—ang pag-ibig ni Kristo sa krus. Hindi na natin kailangan ng higit pa rito upang magtiwala sa Kanya.

Panalangin
Salamat, Panginoon, dahil hindi Mo kami hinayaang mangapa sa dilim. Ibinigay Mo na ang pinakadakilang tanda ng Iyong pag-ibig: ang Iyong sakripisyo sa Krus ng Kalbaryo. Doon ay napatunayan na ang lahat—na kami ay mahal Mo, na kami ay tinubos Mo, at na hindi Mo kami kailanman iiwan.

Image credits Canva.com

Address

Caloocan
1400

Website

Alerts

Be the first to know and let us send you an email when Daily Bible Vitamins posts news and promotions. Your email address will not be used for any other purpose, and you can unsubscribe at any time.

Shortcuts

Share

Category