Parokya ng Ang Muling Pagkabuhay ng Ating Panginoon

24/05/2026

𝐅𝐀𝐌𝐈𝐋𝐘 𝐃𝐀𝐘 𝐬𝐚 𝐀𝐌𝐏𝐀𝐏𝐏 𝟐𝟎𝟐𝟔 🧑‍🧑‍🧒‍🧒🏡✨
THEME: "One in Christ, United in Mission”

Sama-sama nating ipagdiwang ang pagmamahalan, pananampalataya, at pagkakaisa bilang isang pamilya kay Kristo!

Inaanyayahan ang lahat ng Pamilya na makiisa sa isang makabuluhan at masayang pagdiriwang kasama ang ating Family & Life Ministry at Couples for Christ Ministry.

📅 Hunyo 6, 2026
⏰ 7:00 ng Umaga
📍 AMPAP-Parish

Tara at palalimin natin ang ating samahan bilang isang komunidad na nagkakaisa sa misyon ng Panginoon.

24/05/2026

𝐃𝐀𝐊𝐈𝐋𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐏𝐄𝐍𝐓𝐄𝐊𝐎𝐒𝐓𝐄𝐒

𝐓𝐄𝐌𝐀: Halina Espiriru Santo
24 Mayo 2026 | 𝐄-𝐊𝐚𝐭𝐞𝐬𝐢𝐬𝐦𝐨

"Tanggapin ninyo ang Espiritu Santo.” -Juan 20:22

Sa Dakilang Kapistahan ng Pentekostes, ipinapaalala sa atin na hindi tayo iniwang mag-isa ng Panginoon. Dumating ang Espiritu Santo upang bigyan ng lakas, tapang, at panibagong buhay ang mga alagad na noon ay puno ng takot at pangamba. Sa pagdating ng Espiritu Santo, nabuksan ang kanilang puso upang buong tapang nilang maipahayag ang Mabuting Balita. Ito rin ang paanyaya sa atin ngayon: “Halina, Espiritu Santo,” at hayaang kumilos ang Diyos sa ating buhay.

May mga pagkakataon na tayo rin ay pinanghihinaan ng loob, natatakot, o nawawalan ng direksyon. Ngunit kapag hinayaan nating gabayan tayo ng Espiritu Santo, nagkakaroon tayo ng kapayapaan at lakas upang harapin ang mga pagsubok. Siya ang nagbibigay sa atin ng karunungan upang piliin ang tama, kababaang-loob upang magpatawad, at pagmamahal upang mas mapalapit sa Diyos at sa kapwa.

Ang Pentekostes ay paalala rin na ang pananampalataya ay hindi lamang para sarilinin. Tulad ng mga alagad, tayo rin ay isinugo upang magdala ng pag-asa, kabutihan, at pagmamahal sa iba. Sa bawat mabuting gawa at tapat na paglilingkod, naipapakita natin na buhay at kumikilos ang Espiritu Santo sa ating puso. Kaya nawa’y araw-araw nating dasalin: “Halina, Espiritu Santo, gabayan Mo po kami.”

-Katesismo

23/05/2026

𝐌𝐀𝐊𝐈𝐈𝐒𝐀 | mula sa Roman Catholic Bishop of Novaliches - Tahanang Pari, Diyosesis ng Novaliches. Ang Pagdiriwang ng Banal na Eukaristiya ngayong Linggo ng Pentekostes Ang pagdiriwang ay pangungunahan ng Obispo ng Diyosesis ng Novaliches, Lubos na Kagalang-galang ROBERTO O. GAA, D. D.


(Disclaimer: The Roman Catholic Diocese of Novaliches does not claim ownership of the music used. All rights belong to the rightful owner. No copyright infringement is intended.)

22/05/2026

SULONG-PADAYON
Pentecost Recollection 2026

Come Holy Spirit and the Call to Becoming a Synodal Church

17/05/2026

𝐃𝐀𝐊𝐈𝐋𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐏𝐀𝐆-𝐀𝐊𝐘𝐀𝐓 𝐒𝐀 𝐋𝐀𝐍𝐆𝐈𝐓 𝐍𝐆 𝐏𝐀𝐍𝐆𝐈𝐍𝐎𝐎𝐍

𝐓𝐄𝐌𝐀: Humayo Kayo, Gawin silang Alagad Ko, Binyagan at Turuan

17 Mayo 2026 | 𝐄-𝐤𝐚𝐭𝐞𝐬𝐢𝐬𝐦𝐨

"Humayo kayo at gawin ninyong alagad ko ang lahat ng bansa. Binyagan ninyo sila at turuan na tumupad sa lahat ng iniutos ko sa inyo.” -Mateo 28:19-20

Sa Dakilang Kapistahan ng Pag-akyat sa Langit ng Panginoon, ipinapaalala sa atin ni Hesus ang misyong iniwan Niya sa Kaniyang mga alagad. Hindi nagtapos ang Kaniyang gawain sa pag-akyat Niya sa langit, sapagkat ipinagkatiwala Niya sa atin ang pagpapatuloy ng Kaniyang misyon dito sa mundo. Tinatawag Niya tayong humayo, magbahagi ng pananampalataya, at maging mabuting halimbawa ng Kaniyang pag-ibig sa ating kapwa.

Minsan iniisip natin na ang pagiging “alagad” ay para lamang sa pari, madre, o mga taong aktibo sa simbahan. Ngunit ang totoo, bawat Kristiyano ay tinatawag na maging saksi ni Kristo sa simpleng paraan sa kabutihan, pagpapatawad, pagtulong, at pagmamahal sa kapwa. Sa ating tahanan, paaralan, trabaho, o komunidad, maaari nating maipakita ang presensya ng Diyos sa pamamagitan ng ating mga salita at gawa.

Hindi man madali ang misyong ito, nagbibigay naman si Hesus ng Kaniyang pangako: “Ako’y kasama ninyo hanggang sa wakas ng panahon.” Kaya hindi tayo dapat matakot o manghina. Sa bawat hakbang ng ating buhay, kasama natin ang Panginoon na gumagabay at nagpapalakas upang maipagpatuloy natin ang misyong maging Kaniyang mga alagad at dalhin ang Mabuting Balita sa iba.

-Katesismo

16/05/2026

𝐌𝐀𝐊𝐈𝐈𝐒𝐀 | mula sa Roman Catholic Bishop of Novaliches - Tahanang Pari, Diyosesis ng Novaliches. Ang Pagdiriwang ng Banal na Eukaristiya ngayong Dakilang Kapistahan ng Pag-akyat ng Panginoon at ang ika-60 na Pandaigdigan Araw ng Komunikasyon.

Ang pagdiriwang ay pangungunahan ng Obispo ng Diyosesis ng Novaliches, Lubos na Kagalang-galang ROBERTO O. GAA, D. D.



(Disclaimer: The Roman Catholic Diocese of Novaliches does not claim ownership of the music used. All rights belong to the rightful owner. No copyright infringement is intended.)

16/05/2026

𝐀𝐧𝐝 𝐧𝐨𝐰 𝐩𝐫𝐞𝐬𝐞𝐧𝐭𝐢𝐧𝐠...... 👑✨

✨💐𝐂𝐀𝐍𝐃𝐈𝐃𝐀𝐓𝐄𝐒 𝐅𝐎𝐑 𝐒𝐄𝐀𝐑𝐂𝐇 𝐅𝐎𝐑 𝐑𝐄𝐘𝐍𝐀 𝐄𝐋𝐄𝐍𝐀 𝟐𝟎𝟐𝟔 💐✨

𝐻𝑜𝑠𝑡𝑒𝑑 𝑏𝑦: 𝐒𝐎𝐂𝐈𝐀𝐋 𝐂𝐎𝐌𝐌𝐔𝐍𝐈𝐂𝐀𝐓𝐈𝐎𝐍 𝐀𝐍𝐃 𝐌𝐀𝐒𝐒 𝐌𝐄𝐃𝐈𝐀 𝐌𝐈𝐍𝐈𝐒𝐓𝐑𝐘 (𝐒𝐎𝐂𝐂𝐎𝐌𝐌)

✨ 𝑾𝒉𝒐 𝒘𝒊𝒍𝒍 𝒃𝒆 𝒕𝒉𝒆 𝒏𝒆𝒙𝒕 𝑹𝒆𝒚𝒏𝒂 𝑬𝒍𝒆𝒏𝒂? ✨

📌 𝐌𝐄𝐂𝐇𝐀𝐍𝐈𝐂𝐒:

1. The Search for Reyna Elena 2026 is based on a Signature Campaign.
2. Each candidate is provided with an Official Signature Campaign Paper.
3. Supporters may sign on the official signature paper of their chosen candidate.
4. Only signatures written on the official campaign paper issued by AMPAPP-SOCCOM will be counted and validated.
5. Tampered, duplicated, and invalid signatures will not be counted.
6. Sharing and supporting your chosen candidate during the campaign period is highly encouraged.
7. The Signature Campaign will officially end on May 24, 2026, at 7:00 PM.

👑 𝗧𝗵𝗲 𝗰𝗮𝗻𝗱𝗶𝗱𝗮𝘁𝗲 𝘄𝗶𝘁𝗵 𝘁𝗵𝗲 𝗵𝗶𝗴𝗵𝗲𝘀𝘁 𝗻𝘂𝗺𝗯𝗲𝗿 𝗼𝗳 𝘃𝗮𝗹𝗶𝗱 𝘀𝗶𝗴𝗻𝗮𝘁𝘂𝗿𝗲𝘀 𝘄𝗶𝗹𝗹 𝗯𝗲 𝗰𝗿𝗼𝘄𝗻𝗲𝗱 𝗮𝘀 𝐑𝐞𝐲𝐧𝐚 𝐄𝐥𝐞𝐧𝐚 𝟐𝟎𝟐𝟔 ✨

📍 Announcement of Reyna Elena and other Reyna’s will take place after the official counting and validation of signatures @ AMPAP-Parish.

10/05/2026

Pagbati ng isang Maligayang Araw para sa ating mga dakilang Ilaw ng Tahanan! 💡💐✨

Inaalay ng Parish Pastoral Council ang munting mensahe upang bigyang parangal ang lahat ng mga nanay. At mula sa SOCCOM-Ministry, inihahandog ang "Mother's Day Special Presentation" na ito.

Muli, Happy Mother's Day sa lahat ng magigiting na Ina! 🤍✨

10/05/2026

𝐈𝐊𝐀-𝟔 𝐍𝐀 𝐋𝐈𝐍𝐆𝐆𝐎 𝐍𝐆 𝐏𝐀𝐒𝐊𝐎 𝐍𝐆 𝐌𝐔𝐋𝐈𝐍𝐆 𝐏𝐀𝐆𝐊𝐀𝐁𝐔𝐇𝐀𝐘

𝐓𝐄𝐌𝐀: Dadalangin Ako sa Ama, at Kayo’y Bibigyan niya at ng Isa pang Patnubay na Magiging Kasama
ninyo Magpakailanman

10 Mayo, 2026 | 𝐄-𝐊𝐚𝐭𝐞𝐬𝐢𝐬𝐦𝐨

𝐇𝐢𝐠𝐥𝐢𝐠𝐡𝐭𝐬: "Dadalangin ako sa Ama, at kayo’y bibigyan niya ng isa pang Patnubay na magiging kasama ninyo magpakailanman.” -Juan 14:15-21

Sa Ebanghelyo ngayon, ipinapaalala sa atin ni Hesus na hindi Niya tayo iiwan kailanman. Sa gitna ng ating mga pangamba, pagod, at suliranin, may ipinangako Siyang Patnubay na mananatili sa atin magpakailanman ang Espiritu Santo. Kahit hindi natin Siya nakikita, nararamdaman natin ang Kaniyang presensya sa tuwing tayo’y pinapalakas, ginagabayan, at binibigyan ng kapayapaan.

Maraming pagkakataon sa buhay na tayo ay nalilito at hindi alam ang tamang landas na tatahakin. Ngunit sa bawat panalangin at pagtitiwala sa Diyos, unti-unti Niyang ipinapakita ang direksyong dapat nating tahakin. Ang Espiritu Santo ang nagsisilbing ilaw sa ating puso upang piliin ang mabuti, umiwas sa mali, at manatiling matatag sa kabila ng mga pagsubok.

Bilang mga Kristiyano, inaanyayahan tayong mamuhay na may pananampalataya at pagmamahal. Hindi sapat na alam lamang natin ang salita ng Diyos, mahalaga ring maisabuhay natin ito sa ating pakikitungo sa kapwa. Sa araw-araw nating paglalakbay, nawa’y lagi nating alalahanin na may Patnubay tayong kasama isang gabay na hindi kailanman mang-iiwan at patuloy na magdadala sa atin palapit sa Diyos.

09/05/2026

𝐌𝐀𝐊𝐈𝐈𝐒𝐀 | mula sa Roman Catholic Bishop of Novaliches - Tahanang Pari, Diyosesis ng Novaliches. Ang Pagdiriwang ng Banal na Eukaristiya ngayong Ika-6 Linggo ng Pasko ng Muling Pagkabuhay

Ang pagdiriwang ay pangungunahan ng Obispo ng Diyosesis ng Novaliches, Lubos na Kagalang-galang ROBERTO O. GAA, D. D.



(Disclaimer: The Roman Catholic Diocese of Novaliches does not claim ownership of the music used. All rights belong to the rightful owner. No copyright infringement is intended.)

02/05/2026