17/08/2026
๐ฃ๐๐ก๐๐๐๐ก๐๐๐ก ๐ฃ๐๐ฅ๐ ๐๐ฃ๐๐-๐๐๐ฌ๐ ๐ฆ๐ ๐ ๐๐ ๐๐๐๐๐ ๐๐๐๐
Nakakalungkot na marami sa ating mga lugar na nasasakupan ng parokya ang nakararanas ngayon ng matinding pagbaha dulot ng walang tigil na ulan ng Habagat.
Sa mga sandaling ito ng pagsubok, hindi tayo nag-iisa. Kaisa ang buong San Pancracio Parish - Ministry of Altar Servers (SPP-MAS) sa panalangin para sa kaligtasan ng bawat pamilya, partikular na ang mga naapektuhan at nasa evacuation centers.
Sama-sama nating dasalin ang Oratio Imperata.
โ
๐ข๐ฅ๐๐ง๐๐ข ๐๐ ๐ฃ๐๐ฅ๐๐ง๐ (Panalangin Para Ipag-adya sa mga Kalamidad):
Amang Makapangyarihan, itinataas namin sa Iyo ang aming mga pusong nagpapasalamat sa kagandahan ng Iyong nilikha kung saan kami ay bahagi, sa pagkalinga Mong nagtataguyod sa aming mga pangangailangan, at sa karunungan Mong gumagabay sa takbo ng daigdig.
Kinikilala namin ang aming mga pagkakasala sa Iyo at sa sangnilikha. Hindi kami naging mabuting katiwala ng kalikasan. Pinagkamali namin ang Iyong utos na pangasiwaan ang daigdig. Ang kapaligiran ay nagdurusa sa aming kamalian at ngayon ay aming inaani ang aming pagmamalabis at kawalang-pakialam. Ang "global warming" ay laganap na. Ang mga bagyo, pagbaha, pagputok ng bulkan, at iba pang kalamidad ay patuloy na tumitindi sa pananalanta.
Lumalapit kami sa Iyo, Mapagmahal na Ama, at humihingi ng kapatawaran sa aming mga kasalanan. Hinihiling namin na kami, kasama ng aming mga mahal sa buhay at pinagpagurang ari-arian, ay ipag-adya sa banta ng mga kalamidad, likas man o kagagawan ng tao.
Iniluluhog naming gawin kaming mapanagutang katiwala ng Iyong nilikha at maging bukas-palad sa kapwa sa mga nangangailangan.
Hinihiling namin ito sa pamamagitan ni Hesukristo na aming Panginoon.
Amen.
โ
Nuestra Seรฑora de Aranzazu, Patron ng Kalamidad, ipanalangin mo kami! ๐๏ธ
Manatili tayong ligtas, alerto, at handang tumulong sa ating kapwa sa abot ng ating makakaya.
โ
๐จโ๐ป: Nick Vincent Ignacio
