Ang Pulong sang Dios - Hiligaynon

03/09/2024

https://youtu.be/VTkwRyNo-Gw?si=KfFhqckomW0E12mj

Wednesday
September 4, 2024

TodayGospelReading 's Catholic Mass Readings and Gospel Reflection - Wednesday, September 4, 202...

03/09/2024

SEPTIEMBRE 8 - DOMINGGO
IKA-23 NGA DOMINGO SANG TUIG

LITURHIYA SANG PULONG
1. ANG PAGBASA GIKAN SA LIBRO NI ISAIAS NGA PROPETA. 35: 4-7
Singgana ang tagsatagsa nagapakaluya, "Magpakabakod kamo kag indi magkahadlok! Ang Dios magaabot sa pagluwas sa inyo, magaabot sia sa pagtimalos sa inyo mga kaaway." Ang bulag makakita, kag ang bungol makabati. Ang lupog magatumbo kag magasaot, kag ang apa magasinggit sa kalipay. Ang mga tuboran sang tubig magailig sa desierto; ang mga nagakalayo nga balas mangin-isa ka linaw, kag ang mamala nga duta mapuno sing mga tuboran.
ANG PULONG SANG DIOS.

SALMO SA PAGSABAT

(S) Dayawa ang Ginoo! O kalag ko!

1. Ginatuman gid niya sa gihapon ang iya mga saad, nagahukom sia pabor sa mga ginapigos, kag nagahatag sia sing kalan-on sa mga ginagutom. (S)

2. Ang Ginoo nagahilway sang mga binilanggo kag nagaayo sang mga bulag. Ginabayaw niya ang mga nadulaan sang paglaom, ginahigugma niya ang iya matarong nga mga tawo. Ginaapinan niya ang mga dumoluong nga nagaestar sa aton duta. (S)

3. Ginabuligan niya ang mga balo nga mga babayi kag mga ilo, pero ginalaglag niya ang mga malaut. Ang Ginoo magahari sa walay katubtuban! Ang imo Dios, O Sion, magagahom sa tanan nga panahon. (S)

2. ANG PAGBASA GIKAN SA SULAT NI SANTIAGO NGA APOSTOL.2:1-5
Mga utod ko, subong mga tumoluo sang aton Ginoong Jesukristo, ang Ginoo nga aton ginapasidunggan, indi ninyo pagpasulabiha ang tawo tungod sang inyo makita sa iya. Abi may duha ka tawo nga magkadto sa inyo pagtililipon: ang isa manggaranon nga nagasuksok sang singsing nga bulawan kag nagabayo sing malahalon, kag ang isa imol nga nagabayo sang gision. Kon ginapasulabi ninyo ang isa nga nagabayu sing malahalon kag nagasiling sa iya, "Pungko ka diri sa labing maayo nga pulongkoan," pero nagasiling kamo sa imol nga tawo, "Tindog ka dira ukon pungko ka diri sa salog sa akon tiilan, "ti may pinilian kamo kag ang inyo mga paghukom nasandig sa malaut nga mga tinutuyo.

Pamati kamo, mga hinigugma ko nga mga utod! Ginpili sang Dios ang mga imol sining kalibutan agod nga magmangin manggaranon sila sa pagtuo, pagtuo, kag maangkon nila ang Ginharian nga iya ginsaad sa mga nagahigugma sa iya.
ANG PULONG SANG DIOS.

ALELUYA
Si Jesus nagwali sang Maayong Balita sang Ginhari-an, kag nagpang-ayo sang tanan nga sahi sang mga masakit kag balati-an sang tawo. ALELUYA!

EBANGHELYO
ANG PAGBASA SANG SANTOS NGA EBANGHELYO SUNO KAY SAN MARCOS. 7:31-37
Dayon naghalin si Jesus sa kadutaan sang Tiro kag nagpadulong sa Linaw sang Galilea. Nag-agi sia sa Sidon kag sa mga lugar nga sakop sang Decapolis. May isa ka tawo nga bungol kag halos makahambal nga gindala sang mga tawo kay Jesus, kag nagpakitluoy sila sa iya nga itungtong niya ang iya mga kamot sa bungol. Gani gindala sia ni Jesus sa unhan, malayo sa madamo nga mga tawo, kag gingulo ni Jesus ang iya mga tudlo sa mga dulonggan sang tawo, nagdupla si Jesus kag gintandog niya ang dila sang tawo. Dayon nagtangla si Jesus sa langit, nagpangamuyo sing madali kag nagsiling sa iya, "Effata," nga kon sayuron, "Magbukas ka!"

Sa gilayon ang tawo nakabati kag nakahambal na sing maathag. Dayon nagmando si Jesus sa mga tawo nga indi magpanugid sa kay bisan sin-o sang nahanabo, pero sa sagad niya dumili sa ila tapat pa gani nga ginpanugid nila. Ang tanan nga nakabati sini natingala gid sing labi. Nagsiling sila, "Daw ano kaayo ang paghimo niya sang tanan nga mga butang. Gin- ayo niya bisan pa ang mga tawo nga indi makabati kag ang mga tawo nga indi makahambal."
ANG EBANGHELYO SANG GINOO.

PANGAMUYO SANG MGA TUMULUO

1. Para sa aton Santo Papa, mga Obispo kag mga Kaparian, agod ang kapawa ni Kristo pirme magsilak sang ila tagipusoon sa pag-alagad nga may paghigugma kag kabalaka sa iya katawhan, nagapangalaba kami.

2. Para sa tanan nga mga pangulo sang mga pungsod, agod nga ang ila pagpatungod kag pagtinguha magatukod sang katarungan sosyal, nagapangalaba kami.

3. Para sa mga tawo, kabay amligan naton ang kalibutan nga gintugyan sa aton sang Dios, likawan ang mga butang ukon bagay nga makadugang sa paghalit sini, agod ang madason nga henerasyon, ila man maambitan ang dulot sang dunang manggad sang kalibutan. nagapangalaba kami.

4. Para sa mga tawo nga naga-antus sa katigulangon, balati- an, gutom, kag sa ginapigus sang ila isigkatawo, agod nga mabaton nila ang imo walay katapusan nga kapawa kag paghidait, nagapangalaba kami.

5. Para sa paghidait, paghiliusa, maayo nga pagtinamdanay, pagbinuligay, pagpinatawaray kag paghigugmaanay sang mga katawohan sa tagsa ka katilingban; nagapangalaba kami.

03/09/2024

SEPTIEMBRE 7 - SABADO
IKA-22 NGA SEMANA SANG TUIG

LITURHIYA SANG PULONG

ANG PAGBASA GIKAN SA NAHAUNA NGA SULAT NI SAN PABLO NGA APOSTOL, SA MGA TAGA-CORINTO. 4: 6-15

Mga utod, ginpahanungod ko man ini tanan sa akon kag kay Apolos. Ginhimo ko ang amon kaugalingon nga sulondan, agod matun-an ninyo ang kahulogan sining hulobaton nga nagasiling, "Sunda ang nagakabagay nga mga pagsulondan." Indi ninyo pag-ipabugal ang isa ka tawo kag tamayon ang isa. Sin-o bala ang naghimo sa inyo nga labaw sa iban? Indi bala ang tanan ninyo nga pagkabutang ginhatag sang Dios? Ano bala karon ang pagpabugal ninyo, kay ang tanan ninyo nga pagkabutang ginhatag lang sa inyo?

Ang tanan ninyo nga kinahanglanon yara na sa inyo! Manggaranon na kamo! Nanginhari na kamo, bisan pa nga kami amon indi! Luyag ko kuntani nga matuod-tuod gid kami nga mga hari, agod nga mangin hari kami kaupod ninyo. Kay kon sa akon lang, kami nga mga apostoles ginbutang sang Dios sa pinakakubos nga kahimtangan pareho sang mga tawo nga ginhukman nga patyon sa atubangan sang mga tawo kag mangintalan-awon sang tanan nga mga anghel kag mga tawo sa bug-os nga kalibutan. Tungod kay Kristo mga buangboang kami, pero kamo mga maalam tungod kay Kristo. Mga maluya kami, pero kamo inyo mga mabakod! Ginatamay kami, pero kamo ginapadunggan. Tubtob sa sini gid nga tion ginagutom kag ginauhaw kami, nagabayu kami sing lapat, ginabunal kami kag nagadalang-dalang kami halin sa isa ka lugar pakadto sa isa ka lugar. Nagapangabudlay kami sing tudotudo para sa pagsakdag sang amon kaugalingon. Kon kami ginapakalain, kami nagapakamaayo kag kon kami ginahingabot, ginabatas namon. Kon kami ginapakahuy-an, nagasabat kami nga may kalulo. Basura kag sagbot kami sining kalibutan tubtob sa sini gid nga tion!

Nagasulat ako sa inyo sing subong sini, indi kay luyag ako nga magkahuya kamo, kundi sa pagtudlo sa inyo subong nga kamo mahal ko nga mga kabataan. Kay bisan may napulo kamo ka libo ka mga manugtatap sa inyo pagkabuhi kay Kristo, may isa lang kamo ka amay. Kay sa inyo pagkabuhi kay Kristo Jesus nangin-amay ninyo ako, paagi sa akon pagdala sa inyo sang Maayong Balita.
ANG PULONG SANG DIOS.

SALMO SA PAGSABAT
145: 17-18, 19-20, 21
(S) Ang Ginoo malapit sa tanan nga mga nagapanawag sa Iya.

1. Ang Ginoo matarong sa tanan nga Iya ginahimo, maluloy-on sa tanan Niya nga mga buhat, malapit sia sa tanan nga nagapanawag sa Iya, nga nagapanawag sa Iya sing maminatud-on. (S)

2. Ginahatagan Niya ang tanan nga nagatahod sa Iya sang ila mga kinahanglanon, ginapamatian Niya ang tanan nila nga pagpanawag kag ginaluwas Niya sila. Ginaapinan Niya ang tanan nga nagahigugma sa Iya, pero laglagon Niya ang tanan nga malaut. (S)

3.Dayawon ko ang Ginoo sa gihapon, ang tanan nga mga tinuga magdayaw sang Iya balaan nga ngalan sa walay katubtoban! (S)

ALELUYA
Ako amo ang dalan, ang kamatuoran kag ang kabuhi siling sang Ginoo; wala sang may makakadto sa Amay kon indi paagi sa Akon. ALELUYA!

EBANGHELYO
ANG PAGBASA SANG SANTOS NGA EBANGHELYO SUNO KAY SAN LUCAS.6: 1-5

Sang isa ka adlaw nga Inugpahuway, si Jesus nag-agi sa kaumhan sang trigo. Ang iya mga gintuton-an nagpangutol sang uhay, ginkiskis nila ini kag ginka-on. May mga Fariseo nga nagsiling, "Nga-a bala nga ginahimo ninyo ang ginadumili sang aton kasugoan sa Adlaw nga Inugpahuway?"

Si Jesus nagsabat, "Wala bala ninyo mabasahi ang ginhimo ni David sang sia kag ang iya mga kaupdanan gingutom? Nagsulod siya sa balay sang Dios, ginkuha niya ang tinapay nga nahalad sa Dios kag ginkaon ini, kag ginhatagan man niya ang iya kaupdanan, bisan indi tugot bisan kay sin-o ang pagka-on sini luas lamang sa mga pari."

Kag si Jesus nagsiling sa ila, "Ang Anak sang Tawo, Ginoo sang Adlaw nga Inugpahuway."
ANG EBANGHELYO SANG GINOO.

03/09/2024

SEPTIEMBRE 6 - BIERNES
IKA-22 NGA SEMANA SANG TUIG

LITURHIYA SANG PULONG

ANG PAGBASA GIKAN SA NAHAUNA NGA SULAT NI SAN PABLO NGA APOSTOL, SA MGA TAGA-CORINTO. 4:1-5

Mga utod: Dapat kamo magkabig sa amon nga mga alagad ni Kristo kag tulogyanan sang tinago nga mga kamatuoran sang Dios. Kinahanglan nga ang isa ka tulogyanan magmatutom sa iya agalon. Karon, wala sing kaso para sa akon kon hukman ninyo ako, ukon sang bisan ano nga tawohanon nga paghukom. Wala gani ako nagahukom sang akon kaugalingon. Ang akon konsyensya matinlo, pero wala ini nagapamatuod nga ako matarong. Ang Ginoo amo ang nagahukom sa akon.

Gani indi kamo maghukom sa bisan kay sin-o sa wala pa mag-abot ang nagakaigo nga tion. Hulata ninyo tubtob mag- abot ang Ginoo, kay sia magapasanag sang tinago nga mga butang sa kadudolman, kag magapahayag sang sekrito nga mga tinutuyo sang tagipusoon sang mga tawo. Dayon ang tagsa ka tawo magabaton gikan sa Dios sing pagdayaw nga bagay sa iya.
ANG PULONG SANG DIOS.

SALMO SA PAGSABAT
37: 3-4, 5-6, 27-28, 39-40

(S) Ang Ginoo nagaluwas sang matarong nga mga tawo.

1. Magsalig ka sa Ginoo, kag maghimo sing maayo; magkabuhi ka sa duta kag indi ka maano. Pangitaa ang imo kalipay sa Ginoo, kag ihatag Niya sa imo ang imo gid ginahandom. (S)

2. Itugyan ang imo kaugalingon sa Ginoo; magsalig ka sa Iya, kag sia magabulig sa Imo; Iya pasigahon ang imo kaayo subong kapawa, kag ang imo pagkamatarong subong sa udto nga adlaw. (S)

3. Likawi ang malaut kag himoa ang maayo, kag magakabuhi ka sa duta sa walay katubtoban; kay ang Ginoo nagahigugma sang matarong, kag wala sia nagabiya sa Iya matutom nga mga tawo. Iya sila ginaapinan sa gihapon, pero ang mga kaliwat sang malaut pagatabugon. (S)

4. Ang Ginoo nagaluwas sang matarong nga mga tawo, kag Iya sila ginaapinan sa tion sang kagamo, Iya sila ginabuligan kag ginatabangan, ginaluwas Niya sila sa mga malaut, kay nagadangop sila sa Iya agod apinan. (S)

ALELUYA
Ako amo ang kapawa sang kalibutan, siling sang Ginoo; ang nagasunod sa akon indi na gid maglakat sa kadudolman, kundi may kapawa sang kabuhi. ALELUYA!

EBANGHELYO
ANG PAGBASA SANG SANTOS NGA EBANGHELYO SUNO KAY SAN LUCAS. 5:33-39

May mga tawo nga nagsiling kay Jesus, “Ang mga gintuton-an ni Juan kag ang mga gintuton-an sang mga Fariseo palapuasa kag palapangamuyo, pero ang imo mga gintuton-an nagakaon kag nagainom sing masunson." Nagsabat si Jesus, "Mapapuasa bala ninyo ang mga inagda sa kasal samtang yara pa ang nobyo kaupod nila? Pero maga-abot ang tion nga ang nobyo kuhaon sa ila, kag magapuasa sila sa sadto nga mga adlaw."

Si Jesus nagsugid sa ila sini man nga palaanggiran, "Wala sing tawo nga nagagunting sa bag-o nga bayu kag itukap ini sa daan nga bayu. Kon himuon niya ini, maguhaban niya ang bag-o nga bayu kag ang tinabas nga bag-o indi magakabagay sa daan. Wala man sing tawo nga nagasulod sang bag-o nga bino sa daan nga mga sulodlan nga panit, kon himuon niya ini, ang bino nga bag-o magabusdik sang mga daan nga sulodlan nga panit, ang bino mauyang, kag ang sulodlan nga panit indi mapuslan.

Pero ang bag-o nga bino dapat isulod sa bag-o nga sulodlan nga panit. Kag wala man sing bisan sin-o nga maluyag sang bag-o nga bino sa tapos sia makainom sang laon nga bino. Kay siling niya, "Ang laon nga bino mas maayo.
ANG EBANGHELYO SANG GINOO.

03/09/2024

SEPTIEMBRE 5 - HUEBES
IKA-22 NGA SEMANA SANG TUIG

LITURHIYA SANG PULONG

ANG PAGBASA GIKAN SA NAHAUNA NGA SULAT NI SAN PABLO NGA APOSTOL, SA MGA TAGA-CORINTO. 3: 18-23

Mga utod: Wala sing tawo nga magdaya sang iya kaugalingon kon ang bisan sin-o sa inyo maghunahona nga sia maalam nga tawo suno sa talaksan sining kalibutan, dapat sia magbiya sang tanan niya nga kaalam, agod nga manginmaalam sia.

Kay ang ginakabig sining kalibutan nga kaalam, kabuangan ina para sa Dios. Kay ginasiling sang kasulatan, "Ginadakop sang Dios ang maalam nga mga tawo sa ila kaabtik." Kag ang isa naman ka bahin sang kasulatan nagasiling: "Ang Ginoo nakahibalo nga ang painuino sang mga maalam walay pulos."

Gani walay bisan sin-o nga magpabugal sang sarang mahimo sang mga tawo. Kay kon hambalon gid man, ang tanan nga butang inyo. Inyo si Pablo, si Apolos, si Pedro, ining kalibutan, ang kabuhi kag ang kamatayon, ang karon kag ang palaabuton. Inin tanan inyo, kag kamo iya ni Kristo, Kag si Kristo iya sang Dios.
ANG PULONG SANG DIYOS

SALMO SA PAGSABAT
24: 1-2, 3-4, 5-6
(S) Ang kalibutan kag ang tanan nga yara sa Iya, iya sang Ginoo.

1. Ang kalibutan kag ang tanan nga yara sa Iya, iya sang Ginoo, iya man ang duta kag ang tanan nga nagakabuhi sa duta. Iya ini gintukod sa madalom nga mga tubig sa idalom sang duta, ginpasad niya ang iya mga sadsaran sa kadadalman sang dagat. (S)

2. Sin-o bala ang makataklad sa bukid sang Ginoo? Sin-o bala ang makasulod sa Iya balaan nga Templo? Ang may matinlo nga binuhatan kag panghunahona, nga wala nagasimba sa mga dios-dios. (S)

3. Pagabendisyunan sia sang Ginoo, kag ang Dios nga iya manlulowas magapakilala nga wala Sia sing sala. Amo ina ang mga tawo nga nagapalapit sa Dios, nga nagapalapit sa atubangan sang Dios ni Jacob. (S)

ALELUYA
Upod kamo sa Akon, siling sang Ginoo, kay tudloan Ko kamo sa pagpanahid sang mga tawo sang Dios. ALELUYA!

EBANGHELYO
ANG PAGBASA SANG SANTOS NGA EBANGHELYO SUNO KAY SAN LUCAS. 5:1-11

Isa sadto ka adlaw, si Jesus nagatindog sa ubay sang linaw sang Genezaret. Ang mga tawo nagdinaguso sa iya sa pagpamati sang pulong sang Dios. May nakita sia nga duha ka sakayan nga yara sa higad, kag ang mga mangingisda nakapanaog na sa paghugas sang ila mga sahid. Ang isa ka sakayan iya ni Simon. Ginsakyan ini ni Jesus kag ginpangabay niya si Simon nga itulod sing diutay ang sakayan. Nagpungko si Jesus sa sakayan kag nagpanudlo sa mga tawo.

Sa tapos sia makahambal, nagsiling sia kay Simon, "Magpalawod ka kag iladlad ang imo sahid agod makakuha kamo sang mga isda." Si Simon, nagsabat, "Manunodlo, nagpanahid kami sa bug-os gid nga gab-i kag wala kami sang may nakuha. Pero kon amo ina ang siling mo, iladlad ko ang sahid." Ginladlad nila ang sahid kag nakakuha sila sing madamo nga isda sa bagay nga ang ila sahid daw magisi na. Gani ginpaypay nila ang ila mga kaupod sa isa ka sakayan sa pagbulig sa ila. Nagpalapit ini sila kag ginpuno nila ang duha ka sakayan sang isda tubtob nga daw malunod na sila. Sang makita ni Simon Pedro ang natabo, nagluhod sia sa atubangan ni Jesus kag nagsiling, "Palayo ka sa akon, Ginoo, kay makasasala ako nga tawo."

Sia kag ang iya kaupdanan natingala gid sa kadamo sang isda nga ila nakuha. Ang mga kaupod ni Simon nga si Santiago kag si Juan, nga mga anak ni Zebedeo, natingala man. Si Jesus nagsiling kay Simon, "Indi ka mahadlok. Sugod karon magapanahid ikaw sang mga tawo." Ginpatakas nila ang mga sakayan, ginbayaan nila ang tanan kag nag-upod kay Jesus.
ANG EBANGHELYO SANG GINOO.

03/09/2024

SEPTIEMBRE 4 - MIYERKULES
IKA-22 NGA SEMANA SANG TUIG

LITURHIYA SANG PULONG
ANG PAGBASA GIKAN SA NAHAUNA NGA SULAT NI SAN PABLO NGA APOSTOL, SA MGA TAGA- CORINTO. 3:1-9

Mga kautoran, kon sa bagay, indi ako makahambal sa inyo subong sang paghambal ko sa mga tawo nga may Espiritu sang Dios. Napilitan ako sa paghambal sa inyo subong kalibutanon nga mga tawo kag mga bata pa sa Kristohanon nga pagtuo. Ginpainom ko lang anay kamo sang gatas, kag wala pagpakan-a sang matig-a nga kalan-on, kay indi makasarang sa pagkaon sini. Kag bisan subong indi makasarang magkaon sini, kay nagakabuhi pa kamo nga kalibutanon nga mga tawo. Kon nagahisaay kamo kag nagasinuay, wala bala ini nagapamatuod nga kalibutanon kamo nga mga tawo kag nagakabuhi suno sa talaksan sining kalibutan? Kon ang isa sa inyo magsiling, "Ako sa kay Pablo" kag ang isa man magasiling, "Ako sa kay Apolos," wala bala kamo nagaginawi subong mga kalibutanon nga mga tawo?"

Kon sa bagay, sin-o bala si Apolos? Kag sin-o bala si Pablo? Mga alagad lamang kami sang Dios, nga nagatuytoy sa inyo sa pagtuo. Ang tagsatagsa sa amon nagahimo lamang sang bulohaton nga ginhatag sang Ginoo sa amon nga pagabuhaton. Ako ang nagtanom sang binhi, si Apolos ang nagbunyag, pero ang Dios amo ang nagpatubo sang tanom. Ang nagatanom kag ang nagabunyag indi ang labing importante, kundi ang Dios nga nagapatubo sang tanom. Ang nagatanom kag ang nagabunyag pareho lang. Ang Dios magahatag sing balos sa kada isa sa ila suno pinangabudlayan. Kay kami nagabuligay sa pagpangabudlay para sa Dios, kag kamo ang palangumhan sang Dios.
ANG PULONG SANG DIOS.

SALMO SA PAGSABAT
33: 12-13, 14-15, 20-21
(S) Bulahan ang mga tawo nga ginpili sang Ginoo nga mangin-iya kaugalingon.

1. Bulahan ang pungsod nga ang iya Dios amo ang Ginoo; bulahan ang mga tawo nga ginpili sang Ginoo nga mangin-iya kaugalingon. Gikan sa langit nagatan-aw ang Ginoo, kag nakita niya ang tanan nga mga katawohan. (S)

2. Sa duog sa diin sia nagagahom ginatan-aw niya, ang tanan nga nagapuyo sa duta, sia ang nagahuman sang tanan nila nga mga hunahona, kag nakahibalo sang tanan nila nga mga binuhatan. (S)

3. Ang aton paglaom yara sa Ginoo, sia ang aton manugbulig kag mangangapin. Nagakalipay kita tungod sa iya, sa iya balaan nga ngalan nagasalig kita. (S)

ALELUYA
Ginpadala ako sang Ginoo sa pagwali sang Maayong Balita sa mga imol, sa pagbantala sang kahilwayan sa mga bihag. ALELUYA!

EBANGHELYO
ANG PAGBASA SANG SANTOS NGA EBANGHELYO SUNO KAY SAN LUCAS. 4: 38-44
Sadto nga panahon, si Jesus naggwa sa sinagoga kag nagkadto sa balay ni Simon. Ang ugangan nga babayi ni Simon may mataas nga hilanat, gani ginpangabay nila si Jesus sa pag-ayo sa iya. Ginkadtuan sia ni Jesus kag nagtindog Sia sa luyo sang iya higdaan, kag gintabog ang hilanat. Ang hilanat naghalin sa iya kag gilayon nagbangon sia kag nag-amuma sa ila.

Sang makatunod na ang adlaw, ang tanan nga mga nagamasakit sa nagkalain-lain nga balati-an gindala sang ila amigo sa kay Jesus. Si Jesus nagtungtong sang iya kamot sa tagsatagsa sa ila kag gin-ayo niya sila tanan. Ang mga yawa naggulowa man sa madamo nga mga tawo, kag nagsinggit, "Ikaw ang Anak sang Dios."

Ginsaway sila ni Jesus, kag wala Niya sila pagtugoti sa paghambal, kay nakahibalo sila nga sia amo si Kristo.

Sang pagbutlak sang adlaw, si Jesus naggwa sa banwa kag nagkadto sa baw-ing nga duog. Ang mga tawo nagpangita sa iya, kag sang makita nila Sia nagtinguha sila sa paghawid sa iya, agod indi sia makahalin. Pero nagsiling si Jesus sa ila, "Kinahanglan ibantala ko man ang Maayong Balita sang Ginharian sang Dios sa iban nga mga banwa, kay tungod sini ginpadala ako." Gani nagpangwali sila sa mga sinagoga sa bug-os nga pungsod.
ANG EBANGHELYO SANG GINOO.

03/09/2024

SEPTIEMBRE 2- LUNES
IKA-22 nga SEMANA SANG TUIG

LITURHIYA SANG PULONG

ANG PAGBASA GIKAN SA NAHAUNA NGA SULAT NI SAN PABLO NGA APOSTOL, SA MGA TAGA-CORINTO. 2: 1-5

Mga kautoran: Sang pagkadto ko sa inyo sa pagwali sang tinago nga kamatuoran sang Dios, wala ako maggamit sang madalom nga mga pulong ukon sang mataas nga kinaalam. Kay sang dira pa ako sa inyo nagtapat ako nga kalimtan ko ang tanan, luwas si Jesukristo, kag labi na gid ang iya pagkamatay sa krus. Gani sang pagkadto ko sa inyo maluya ako kag nagakurog sa kahadlok, kag ang akon mensahi kag paghambal indi paagi sa mahayluhon nga mga pulong sang tawohanon nga kaalam, kundi paagi sa gahom sang Espiritu sang Dios. Gani, ang inyo pagtuo wala mapasad sa kaalam sang tawo, kundi sa gahom sang Dios.

ANG PULONG SANG DIOS.
SALMO SA PAGSABAT
(S) Daw ano ang paghigugma ko sang Imo kasugoan, O
Ginoo!

1. Daw ano ang paghigugma ko sang Imo kasugoan! Ginapamalandungan ko ini sa bug-os nga adlaw. (S)

2. Ang Imo sugo yari sa akon sa tanan nga tion, kag nagahimo ini sa akon nga maalam pa sang sa tanan ko nga mga kaaway. (S)

3. Makahangop ako sing labaw pa sang sa tanan ko nga mga manunudlo, kay ginapamalandungan ko ang Imo mga pagtudlo. (S)

4. Labi pa ang akon kaalam sang sa tigulang nga mga tawo, kay ginatuman ko ang Imo mga sugo. (S)

5. Ginlikawan ko ang tanan nga malain nga pagginawi, kay luyag ako magtuman sang Imo pulong. (S)

6. Wala ko ginpatumbayai ang Imo mga pagtudlo, kay Ikaw gid ang nagtudlo sa akon. (S)

ALELUYA
Ang Espiritu sang Ginoo yari sa akon. Kag ginpili niya ako sa pagwali sang Maayong Balita sa mga imol. ALELUYA!

EBANGHELYO
ANG PAGBASA SANG SANTOS NGA EBANGHELYO SUNO KAY SAN LUCAS. 4:16-30

Dayon si Jesus nagkadto sa Nazaret sa diin sia nagdaku, kag sang Adlaw nga Inugpahuway nagkadto sia sa sinagoga suno sa iya kinaandan nga ginahimo. Nagtindog sia sa pagbasa sang mga Kasulatan kag ginhatag sa iya ang libro ni Isaias nga propeta. Ginbukad niya ini kag nakita niya ang bahin sa diin nasulat ang masunod:
"Ang Espiritu sang Ginoo yari sa akon,
tungod kay ginpili niya ako sa
pagwali sang maayong balita sa mga imol.
Ginpadala niya ako sa pagpahibalo
sang kahilwayan sa mga bihag, kag sa pag-ayo sang panulok
sang mga bulag,
sa paghilway sang mga ginapigos, kag sa pagpahibalo nga ang tion
nag-abot na nga ang Ginoo magaluwas sang iya
mga katawhan."

Gintakop ni Jesus ang libro, gin-uli sa manugbulig, kag nagpungko. Ang tanan nga mga tawo sa sinagoga nagtulok sa iya. Nagsugod sia sa paghambal sa ila. "Ini nga dinalan sang “Ini kasulatan natuman karon nga adlaw samtang ginapamatian ninyo ang pagbasa sini."

Gindayaw sia sang tanan, kag natingala sila sang matahom nga pulong nga iya ginhambal. Nagsiling sila, "Indi bala sia anak ni Jose?"

Nagsiling si Jesus sa ila, "Sa walay duhaduha magasiling kamo sa akon sining hulobaton. 'Manugbulong, ayuha anay ang imo kaugalingon.' Kag magasiling man kamo sa akon, 'Abi, himua man diri sa imo kaugalingon nga banwa ang namon nga ginhimo nimo sa Capernaum." "Kag nagsiling pa gid si Jesus, "nagasiling ako sa inyo: wala sing propeta nga ginabaton sa iya kaugalingon nga banwa! Pamatii ninyo ako: matuod gid nga madamo ang mga babayi nga balo sa Israel sang panahon ni Elias, sang wala gid mag-ulan sa sulod sang tatlo ka tuig kag anom ka bulan kag may daku nga tiggulotom sa bug-os nga duta. Pero si Elias wala ginpadala sa bisan kay sin-o sa ila, kundi sa babayi nga balo nga nagaestar sa Sarepta sa duta sang Sidon. Kag may madamo nga mga aruon sa Israel sang panahon ni Eliseo nga propeta, pero wala gid sing isa sa ila nga gin-ayo, kundi si Naaman lang nga taga-Siria."

Ang tanan nga mga tawo sa sinagoga naakig gid sang pagkabati nila sini. Nagtindog sila kag ila ginganoy si Jesus pa gwa sa banwa, kag gindala nila sia sa ibabaw sang bakulod sa diin ang ila banwa napasad, agod ila sia itiklod sa pil-as. Pero si Jesus nag-agi sa tunga nila, kag naglakat.
ANG EBANGHELYO SANG GINOO.

29/08/2024

Ika-22 nga Domingo sang Tuig • Septiembre 1, 2024

27/08/2024

AGOSTO 31 - SABADO
Ika-21 nga Semana sang Ordinaryo nga Panahon Tuig II

LITURHIYA SANG PULONG
ANG PAGBASA GIKAN SA NAHAUNA NGA SULAT NI SAN PABLO NGA APoSTOL, SA MGA TAGA-CORINTO. 1: 26-31

Karon, mga kautoran, panumdoma ninyo kon ano kamo
sa inyo. Suno sa
anay sang pagtawag sang Dios
panghunahona sang mga tawo mga pila man lang sa inyo ang
maalam, ukon gamhanan, ukon dungganon. Ginpili sang Dios
sing hungod ang ginakabig sang kalibutan nga kabuangan, sa
pagpakahuya sang maalam nga mga tawo, kag sang ginakabig
sang kalibutan nga maluya, sa pagpakahuya sang gamhanan
nga mga tawo. Ginpili sang Dios ang ginakabig sang kalibutan
nga kubos, talamayon, kag wala sing pulos, sa pagpakawalay
pulos sang ginakabig sang kalibutan nga importante.
Ini
nagakahulogan nga wala sing tawo nga makapabugal sa
atubangan sang Dios. Pero ang Dios naghiusa sa inyo kay
Kristo Jesus kag naghimo sa iya nga aton kaalam. Paagi kay
Kristo ginpakamatarong kita sa atubangan sang Dios, kag
nahimo kita nga balaan nga mga tawo sang Dios kag nangin
hilway. Gani, subong sang ginasiling sang kasulatan, "Ang
bisan sin-o nga luyag magpabugal, dapat magpabugal sang
ginhimo sang Ginoo."
ANG PULONG SANG DIOS.

SALMO SA PAGSABAT
(S) Bulahan ang mga tawo nga ginpili sang Dios nga
mangin-Iya kaugalingon.

1. Bulahan ang pungsod nga ang lya Dios amo ang Ginoo,
bulahan ang mga tawo nga ginpili sang Dios nga mangin-ya
kaugalingon! Gikan sa langit nagatan-aw ang Ginoo kag
makita Niya ang tanan nga mga katawohan. (S)

2. Ang Ginoo nagabantay sa mga nagakahadlok sa Iya, sa mga
nagasalig sa lya mapinadayunon nga gugma. Ginaluwas Niya
sila sa kamatayon; ginabuhi Niya sila sa tion sang tiggulotom.
(S)

3. Ang aton paglaum yara sa Ginoo, Sia ang aton manugbulig kag
mangangapin. Nagakalipay kita tungod sa lya; sa Iya balaan
nga ngalan nagasalig kita. (S)

ALELUYA
Ginahatag Ko sa inyo ang isa ka bag-o nga sugo:
maghigugmaanay kamo. Subong nga Ako naghigugma sa inyo,
sa amo man nga bagay dapat kamo maghigugmaanay.
ALELUYA!

EBANGHELYO
ANG PAGBASA SANG SANTOS NGA EBANGHELYo SUNo KAY SAN
MATEO. 25: 14-30

Si Jesus nagsiling sa iya mga
gintuton-an: "Ang
Ginharian sang langit kaangay sang isa ka
tawo nga
manuglakat sa iban nga lugar. Gintawag niya ang iya m
suloguon kag gintugyan niya sa ila ang iya mga pagkabutang.
Ginhatagan niya ang kada isa sa ila suno sa ila ikasarang.
Ginhatagan niya ang isa sing lima ka libo (P5,000) ang isa sing
duha ka libo (P2,000), kag ang isa pa gid sing isa ka libo
(P1,000). Dayon naglakat sia. Ang suloguon nga nakabaton
sing lima ka libo (P5,000) naglakat kag iya ginpatikang ang iya
kuwarta, kag nakaganansya sia sing lima ka libo (P5,000).
Amo man ang nakabaton sing duha ka libo (P2,000)
nakagarnansya sia sing duha ka libo (P2,000).
Pero ang
nakabaton sing isa ka libo (P1,000) naglakat kag nagkutkot sa
duta, kag ginlubong niya ang kuwarta sang iya agalon.
"Sa tapos ang mnalawig nga panahon nagbalik ang agalon
kag nagpakighusay sa iya mga suloguon. Ang suloguon nga
nakabaton sing lima ka libo (P5,000) nagsulod kag nagdala
sing lima ka libo (P5,000). Nagsiling sia, "Agalon, ginhatagan
mo ako sing lima ka libo (P5,000). Yari pa gid ang lima ka libo
(P5,000) nga akon naganansya. Ang iya agalon nagsiling sa
iva, Maayo gid, maayo kag matutom nga suloguon! Tungod
kay maayo ka magpatikang sang diutay nga kantidad, karon
itugyan ko sa imo ang dalagku pa gid nga kantidad. Dali diri
kag mag-ambit sang akon kalipay!
Dayon ang suloguon nga nakabaton sing duha ka libo
(P2,000) nagsulod kag nagsiling, 'Agalon ginhatagan mo ako
sing duha ka libo (P2,000). Yari pa gid ang duha ka libo
(P2,000) nga akon naganansya.' Ang iya agalon nagsiling,
Maayo gid, maayo kag matutom nga suloguon! Tungod kay
maayo ka magpatikang sang diutay nga kantidad, karon
itugyan ko sa imo ang daku nga kantidad. Dali diri kag mag-
ambit sang akon kalipay!"
Dayon ang suloguon nga nakabaton sang isa ka libo
(P1,000) nagsulod kag nagsiling, Agalon, nakahibalo ako nga
mabudlay ikaw nga tawo, kay nagaani ka sa wala mo matamnni
kag nagatipon sang patubas sa wala
wala mo masab-ugi.
Hinadlukan ako, gani naglakat ako kag gintago ko ang imo
kuwarta sa duta. Yari ang imo kuwarta. Ang iya agalon
nagsiling, 'Malain kag matamad ka nga suloguon! Nakahibalo
ka gali nga ako nagaani sa wala ko matamni kag nagatipon
sang patubas nga wala ko masab-ugi? Kuntani ginpatago mo
sa bangko ang akon kuwarta, agod sa akon pagbalik, makuha
ko ang akon kuwarta upod sang iya saka.
Karon, kuhaa ninyo ang kuwarta sa iya kag ihatag sa
suloguon nga nakabaton sing napulo ka libo (P10,000). Kay
ang tagsatagsa nga may iya, hatagan pa gid, kag magasulobra
ang iya pagkabutang. Pero sia nga wala sing iya, bisan pa ang
kuwarta, kag nakaganansya sia sing lima ka libo (P5,000).
Amo man ang nakabaton sing duha ka libo (P2,000)
nakagarnansya sia sing duha ka libo (P2,000).
Pero ang
nakabaton sing isa ka libo (P1,000) naglakat kag nagkutkot sa
duta, kag ginlubong niya ang kuwarta sang iya agalon.
"Sa tapos ang mnalawig nga panahon nagbalik ang agalon
kag nagpakighusay sa iya mga suloguon. Ang suloguon nga
nakabaton sing lima ka libo (P5,000) nagsulod kag nagdala
sing lima ka libo (P5,000). Nagsiling sia, "Agalon, ginhatagan
mo ako sing lima ka libo (P5,000). Yari pa gid ang lima ka libo
(P5,000) nga akon naganansya. Ang iya agalon nagsiling sa
iva, Maayo gid, maayo kag matutom nga suloguon! Tungod
kay maayo ka magpatikang sang diutay nga kantidad, karon
itugyan ko sa imo ang dalagku pa gid nga kantidad. Dali diri
kag mag-ambit sang akon kalipay!
Dayon ang suloguon nga nakabaton sing duha ka libo
(P2,000) nagsulod kag nagsiling, 'Agalon ginhatagan mo ako
sing duha ka libo (P2,000). Yari pa gid ang duha ka libo
(P2,000) nga akon naganansya.' Ang iya agalon nagsiling,
Maayo gid, maayo kag matutom nga suloguon! Tungod kay
maayo ka magpatikang sang diutay nga kantidad, karon
itugyan ko sa imo ang daku nga kantidad. Dali diri kag mag-
ambit sang akon kalipay!"
Dayon ang suloguon nga nakabaton sang isa ka libo
(P1,000) nagsulod kag nagsiling, Agalon, nakahibalo ako nga
mabudlay ikaw nga tawo, kay nagaani ka sa wala mo matamnni
kag nagatipon sang patubas sa wala
wala mo masab-ugi.
Hinadlukan ako, gani naglakat ako kag gintago ko ang imo
kuwarta sa duta. Yari ang imo kuwarta. Ang iya agalon
nagsiling, 'Malain kag matamad ka nga suloguon! Nakahibalo
ka gali nga ako nagaani sa wala ko matamni kag nagatipon
sang patubas nga wala ko masab-ugi? Kuntani ginpatago mo
sa bangko ang akon kuwarta, agod sa akon pagbalik, makuha
ko ang akon kuwarta upod sang iya saka.
Karon, kuhaa ninyo ang kuwarta sa iya kag ihatag sa
suloguon nga nakabaton sing napulo ka libo (P10,000). Kay
ang tagsatagsa nga may iya, hatagan pa gid, kag magasulobra
ang iya pagkabutang. Pero sia nga wala sing iya, bisan pa ang diutay niya nga pagkabutang kuhaon pa. Nahanungod sa
sining walay pulos nga suloguon, ihaboy sia ninyo didto sa
kadudolman sa gwa. Didto magahibi sia kag magabagrot sang
iya mga ngipon.
ANG EBANGHELYO SANG GINOO.

Send a message to learn more