Sta. Rita de Cascia Parish, Sta. Rita, Samar

17/04/2025

TARAMDAN HAN SEMANA SANTA 2025

09/02/2025

PAKADI UG KITAA:
Ha malipayon nga kasing-kasing, an mga tagdumara han Cenaculo in nag-iimbitar han mga molopyo han Sta. Rita nga interesado bumulig han ikatulo ka tuig nga pagpasundayag han Pasyon han aton Ginoo yana nga tiarabot nga Biernes Santo han Semana Santa.

An kadungan nga mga impormasyon in nakasurat ha masunod nga poster.

Damo nga salamat gidaan han malipayon nga pagbaton.

Diyos an Magbalos.

28/03/2024

Pag-inaw:

Inin in haliputay nga pagpakita han pangandaman nga ginbubuhat han pinili nga mga kabatan-unan han parokya para han tidaraon nga CENACULO yana Viernes Santo.

27/03/2024

SEMANA SANTA 2024
Schedule

14/03/2024

KITAA:
Nagtikang na an sigidas nga pagpanginano ug pangandaman han kabatan-unan han parokya para han tiarabot nga Semana Santa kun diin an usa hini nga mga aktibidad amo an Pasyon han Pagsakita, Kamatay ug Pagkabanhaw han aton Ginoo Hesukristo pinaagi han CENACULO yana nga tuig 2024.

Ini nga pangandaman in nag aaghat liwat ha aton para andamon an aton mga kalugaringon para han tiarabot nga Triduum han Pasko nga kita in tumapo hini nga panahon nga mapainubsanon ha kasing-kasing ug mahinulsolon han aton mga sala.

12/02/2024

PASABOT:
Kaparte han pagpangandam han Semana Santa, an masunod amo in mga aktibidad yana nga maabot nga Miyerkules han Pamuring, Pebrero 14, 2024;

SKEDYUL HAN MGA MISA
6:00 aga - Singbahan ha Bungto
9:00 aga - Kapilya han Binanalan
3:00 kulop - Kapilya han Cadaragan
5:00 kulop - Kapilya han Anibongon

Gin-aaghat an bug-os nga mulopyo han magtinuohon ha mga nasabi nga lugar nga tumambong hinin nga mga pagsalin-urog han Santos nga Misa agud mas maging mahinungdanon an pagpangandam han tagsa nga mga kalugaringon para han Semana Santa.

Damo nga salamat.

06/01/2024

Ad Dei Gloriam!

Malinampuson nga iginkondukto yana nga gab-i an panlista han mga bag-o nga kabulig han CENACULO yana nga tuig. Kataliwan hini, iginsunod an blocking han mga pagbabag-o han pagkasunod-sunod han dalagan han istorya han Pasyon para maihaum han Santos nga Ebanghelyo han Biyernes Santo.

Para hadton positibo nga nagbaton, Damo nga Salamat!
Para han iba pa nga mga kasayuran, ayaw pag-alang pagpakiana han mga tagdumara hini nga aktibidad.

Damo nga Salamat.
Himaya ug pagdayeg para han Buhi nga Makagarahum nga Diyos!
Amen.

01/01/2024

01/01/2024

ANUNSYO:

An Parokya ni Santa Rita de Cascia pinaagi han mga nagmamangulo han mga aktibidad han ikinada-tuig nga pagsalin-urog han Triduum han Pasko in nag-iimbitar hadton mga mulopyo nga interesado pagbulig han CENACULO 2024.

Pagbubuhaton an panlista, paghan-ay han programa ug screening yana nga Enero 6, 2024 (Sabado) ha alas 6:00 han gab-i ha singbahan han bungto ni Santa Rita.

Gin-aaghat an mga karuyag maging kaparte hini nga talagsaon nga panhitabo nga magpalista ug bumulig para maging malinampuson ini nga aktibidad.

Para han kadugangan nga impormasyon, tawag o pagmensahe hinin masunod nga mga FB accounts;
Non Nomen
Jee Arr Daz Cajeda
Rickyboy Ballais.

Naglalaum kami han iyo pagtambong yana nga tiarabot nga Sabado.

Damo nga Salamat.

30/12/2023

SOLEMNIDAD NI MARIA, IROY HAN DIYOS

An Santos nga Misa in pagsasalin-urogon ha alas 10:00 hiton gab-i, Disyembre 31, 2023 kaupod an aton mga Hermana yana nga tuig 2024 nga hira;
Mrs. Fe T. Baleros
Mrs. Pacita A. Enverzo
Mrs. Lerma M. Malate
Mrs. Ligaya O. Aboga
Mrs. Ulrica P. Baysa

Ave Maria Purissima
Sin pecado concebida

02/11/2023

KITAA:
Naging malinampuson an pagselebrar han Solemne han Piyesta han mga Kasantusan kun diin naging mahinungdanon ini pinaagi han Santos nga Misa ug han pagkondukto han “Procession of Saints.
An aktibidad in gintambungan han molopyo kun diin an iba hini in nagsul-ot hin biste hin santo.
Kahuman han prusisyon, iginsunod an pagsalin-urog han Santos nga Misa nga ginpangunahan ni Rev. Fr. Peter Rongie Raquel.
Nagtikang an aktibidad han alas 4:00 han kulop ug nahuman han alas 7:00 pasado han gab-i.

Para hadton nakiduyog pinaagi hin pagbulig ug pag-ampo, DAMO NGA SALAMAT!