imok iemelif church

12/08/2026

🧬 𝗧𝗛𝗘 𝗜𝗘𝗠𝗘𝗟𝗜𝗙 𝗗𝗡𝗔: 𝗗𝗜𝗦𝗖𝗢𝗩𝗘𝗥𝗜𝗡𝗚 𝗢𝗨𝗥 𝗜𝗗𝗘𝗡𝗧𝗜𝗧𝗬 𝗜𝗡 𝗖𝗛𝗥𝗜𝗦𝗧

𝗛𝗘𝗔𝗗𝗦 𝗨𝗣, 𝗜𝗘𝗠𝗘𝗟𝗜𝗙 𝗜𝗜𝗖 𝗙𝗔𝗠! 🧬

We’re officially releasing the schedule for our ongoing 𝗜𝗘𝗠𝗘𝗟𝗜𝗙 𝗗𝗡𝗔 𝗦𝗲𝗿𝗺𝗼𝗻 𝗦𝗲𝗿𝗶𝗲𝘀 𝗗𝗶𝘀𝗰𝗼𝘃𝗲𝗿𝗶𝗻𝗴 𝗢𝘂𝗿 𝗜𝗱𝗲𝗻𝘁𝗶𝘁𝘆 𝗶𝗻 𝗖𝗵𝗿𝗶𝘀𝘁!

Kasama na rin dito ang lineup ng ating mga speakers na magbabahagi ng mensahe sa bawat session. So yes, save the dates and make sure na hindi ka mawawala! 👀

Get ready to learn, reflect, and discover more about who we are in Christ and what it means to live out our identity as His people.

📅 Check the schedule below and see you sa bawat session!

09/08/2026

𝙎𝙪𝙣𝙙𝙖𝙮 𝙒𝙤𝙧𝙨𝙝𝙞𝙥 | 𝙄𝙢𝙤𝙠 𝙄𝙀𝙈𝙀𝙇𝙄𝙁 𝘾𝙝𝙪𝙧𝙘𝙝
𝘼𝙪𝙜𝙪𝙨𝙩 𝟵, 𝟮𝟬𝟮𝟲

Sa ating Sunday Worship ngayong araw, ipinagpatuloy natin ang ating sermon series na “𝑫𝒊𝒔𝒄𝒐𝒗𝒆𝒓𝒊𝒏𝒈 𝑶𝒖𝒓 𝑰𝒅𝒆𝒏𝒕𝒊𝒕𝒚 𝒊𝒏 𝑪𝒉𝒓𝒊𝒔𝒕: 𝑻𝒉𝒆 𝑰𝑬𝑴𝑬𝑳𝑰𝑭 𝑫𝑵𝑨” sa ikatlong bahagi ng ating Vision: “Pangunguna Ayon kay Cristo (Christ-like Leadership).”

Sa mensahe, ipinaalala sa atin na ang IEMELIF DNA ay hindi lamang tungkol sa pagiging miyembro ng isang Iglesia. Ito ay tumutukoy sa ating espirituwal na pagkakakilanlan—ang mga pagpapahalaga, paniniwala, at paraan ng pamumuhay na dapat makita sa bawat tunay na alagad ni Cristo.

Binigyang-diin na ang leadership ay hindi lamang para sa mga Pastor, Chairman, o Ministry Head. Ang bawat isa ay may impluwensiya at pananagutang manguna—sa tahanan, paaralan, trabaho, ministeryo, at komunidad. Bago pa man basahin ng iba ang Biblia, maaari muna nilang “basahin” ang ating buhay bilang mga Cristiano.

Sa pamamagitan ng halimbawa ni Cristo, tinalakay ang apat na katangian ng isang lider-disipulo ayon kay Cristo:

𝙋𝙖𝙜𝙥𝙖𝙥𝙖𝙠𝙪𝙢𝙗𝙖𝙗𝙖 𝙜𝙖𝙮𝙖 𝙣𝙞 𝘾𝙧𝙞𝙨𝙩𝙤

Hindi dumating si Cristo upang paglingkuran, kundi upang maglingkod. Tulad ng paghuhugas Niya ng paa ng Kanyang mga alagad, tinuruan Niya tayong bumaba, magpakumbaba, at maglingkod. Ang tunay na paglilingkod ay hindi ginagawa upang mapansin, kundi upang parangalan ang Diyos.

𝙈𝙖𝙩𝙖𝙩𝙖𝙜 𝙨𝙖 𝙎𝙖𝙡𝙞𝙩𝙖 𝙣𝙜 𝘿𝙞𝙮𝙤𝙨

Hindi tayo maaaring magturo ng bagay na hindi natin natututuhan at hindi tayo makapangunguna kung ayaw nating magpagabay sa Panginoon. Sa panahon ng napakaraming impormasyon at opinyon, kailangan nating malaman hindi lamang kung ano ang sinasabi ng mundo, kundi kung ano ang sinasabi ng Salita ng Diyos. Hindi lahat ng viral ay nasa Bible.

𝘽𝙪𝙤𝙣𝙜 𝙋𝙖𝙜𝙩𝙖𝙩𝙖𝙡𝙖𝙜𝙖 𝙠𝙖𝙮 𝘾𝙧𝙞𝙨𝙩𝙤

Ang pagsunod kay Cristo ay hindi kalahati lamang. Hindi lamang ito tuwing Linggo o kapag maganda ang sitwasyon. Ito ay araw-araw—kahit mahirap, kahit may pagsubok, kahit walang nakakakita, at kahit walang agarang resulta. Ang tunay na lider-disipulo ay may buong pagtitiwala at buong pagsunod kay Cristo.

𝙋𝙖𝙜𝙢𝙖𝙢𝙖𝙝𝙖𝙡 𝙨𝙖 𝙆𝙖𝙥𝙖𝙩𝙞𝙧𝙖𝙣

Ang pag-ibig ni Cristo ay hindi lamang salita kundi nakikita sa gawa. Sa panahong maraming nasasaktan at tahimik na nakikipaglaban sa kanilang mga problema, tinawag ang Iglesia na maging lugar ng pagmamahalan, pagpapatawad, pagdadamayan, at pananalangin—hindi ng paghuhusga, tsismis, o inggitan.

Sa huli, iniwan sa atin ang isang mahalagang tanong:

“Ang itanong ngayon ay hindi, may posisyon ba ako sa Iglesia? Ang itanong ngayon ay: naipapakita ko ba si Cristo sa aking pamumuhay?”

Nawa’y kapag nakita tayo ng mga tao sa ating tahanan, trabaho, ministeryo, at komunidad, hindi lamang ang ating pangalan o posisyon ang kanilang makita, kundi si Cristo sa ating pang-araw-araw na buhay.

Hindi naghahanap ang ating Panginoon ng perpektong tao, kundi ng pusong handang maglingkod, sumunod, magpasakop, at magbago.

Nawa’y maging bahagi ng ating buhay ang tunay na IEMELIF DNA mga lider na nagpapakumbaba, matatag sa Salita ng Diyos, buong pusong nakatalaga kay Cristo, at puspos ng pag-ibig sa kapwa.

-PPP. Ranill Lontoc

09/08/2026

Sunday Service | Join us via Live!

August 9, 2026
Speaker: PPP. Ranill Lontoc
Presider: Kptd. Frederic Gomez

02/08/2026

𝙎𝙪𝙣𝙙𝙖𝙮 𝙒𝙤𝙧𝙨𝙝𝙞𝙥 | 𝙄𝙢𝙤𝙠 𝙄𝙀𝙈𝙀𝙇𝙄𝙁 𝘾𝙝𝙪𝙧𝙘𝙝 𝘼𝙪𝙜𝙪𝙨𝙩 2, 2026

Sa ating Sunday Worship ngayong araw, sinimulan natin ang ating sermon series na "𝑫𝒊𝒔𝒄𝒐𝒗𝒆𝒓𝒊𝒏𝒈 𝑶𝒖𝒓 𝑰𝒅𝒆𝒏𝒕𝒊𝒕𝒚 𝒊𝒏 𝑪𝒉𝒓𝒊𝒔𝒕: 𝑻𝒉𝒆 𝑰𝑬𝑴𝑬𝑳𝑰𝑭 𝑫𝑵𝑨." Sa mensaheng "A Vigorous Church (𝑰𝒈𝒍𝒆𝒔𝒊𝒂𝒏𝒈 𝑷𝒖𝒏𝒐 𝒏𝒈 𝑺𝒊𝒈𝒍𝒂)," pinaalalahanan tayo na ang Iglesia ay hindi lamang isang gusali o organisasyon, kundi ang buhay na katawan ni Cristo na may malinaw na layunin, direksyon, at pagkakakilanlan na nagmumula sa Diyos.

Binigyang-diin sa mensahe ang kahalagahan ng pagkakaroon ng malinaw na vision, sapagkat ang Iglesiang may pangitain ay may direksyon, pagkakaisa, at matatag na layunin sa paglilingkod. Bilang bahagi ng IEMELIF, tinawag tayong maging isang Iglesiang puno ng sigla (A Vigorous Church)—isang iglesiang may malusog na pananampalataya, matatag na doktrina, tunay na pagkakaisa, at masigasig sa pagmimisyon.

Sa mensahe, tinalakay ang tatlong katangian ng isang Iglesiang puno ng sigla:

1. 𝙉𝙖𝙣𝙖𝙣𝙖𝙩𝙞𝙡𝙞 𝙨𝙖 𝘿𝙤𝙠𝙩𝙧𝙞𝙣𝙖 𝙖𝙩 𝙋𝙖𝙣𝙖𝙣𝙖𝙡𝙖𝙣𝙜𝙞𝙣
Ang isang masiglang Iglesia ay nakasandig sa Salita ng Diyos at nananatiling tapat sa pananalangin. Ang espirituwal na kalusugan ng bawat mananampalataya ay lumalago sa pamamagitan ng patuloy na pag-aaral ng Kasulatan at pakikipag-ugnayan sa Panginoon.

2. 𝙉𝙖𝙜𝙩𝙖𝙩𝙖𝙜𝙡𝙖𝙮 𝙣𝙜 𝙏𝙪𝙣𝙖𝙮 𝙣𝙖 𝙋𝙖𝙜𝙠𝙖𝙠𝙖𝙞𝙨𝙖 𝙖𝙩 𝙏𝙖𝙥𝙖𝙩 𝙣𝙖 𝙋𝙖𝙜𝙢𝙖𝙢𝙖𝙝𝙖𝙡
Ang unang Iglesia ay naging matatag dahil sa kanilang pagmamahalan, pagkakaisa, at malasakit sa isa't isa. Ang tunay na sigla ng Iglesia ay makikita sa isang pamilyang nagtutulungan, nagpapatawad, at nagmamalasakit sa kapwa.

3. 𝙇𝙪𝙢𝙖𝙡𝙖𝙜𝙤 𝙖𝙩 𝘼𝙠𝙩𝙞𝙗𝙤𝙣𝙜 𝙉𝙖𝙜𝙢𝙞𝙢𝙞𝙨𝙮𝙤𝙣
Ang isang Iglesiang puno ng sigla ay hindi lamang lumalago sa pananampalataya kundi nagiging mabunga rin sa pagmimisyon. Ang mabuting patotoo at aktibong pagbabahagi ng Ebanghelyo ang nagiging daan upang mas marami pang makakilala kay Cristo.

Binigyang-hamon din tayo na suriin ang ating sariling buhay bilang mga mananampalataya. Taglay pa ba natin ang sigla sa paglilingkod, pananabik sa Salita ng Diyos, pagmamahal sa kapatiran, at malasakit sa misyon ng Iglesia? Ang sigla ng Iglesia ay nagsisimula sa bawat pusong handang sumunod, maglingkod, at mamuhay ayon sa kalooban ng Diyos.

Nawa'y magsilbing paalala ang mensaheng ito na bilang bahagi ng IEMELIF DNA, tayo ay tinawag upang maging isang Iglesiang puno ng sigla—matatag sa doktrina, nagkakaisa sa pag-ibig, at mabunga sa pagmimisyon. Sa ating sama-samang pagsunod kay Cristo, nawa'y patuloy na lumago ang Kanyang Iglesia at ang Kanyang pangalan lamang ang maluwalhati.

-PPP. Jason Velasco

02/08/2026

Happy Birthday sa ating minamahal na kapatid sa Panginoon!
Sa pagdiriwang ninyo ng panibagong taon ng buhay, dalangin namin na patuloy kayong pagpalain ng Panginoon ng mabuting kalusugan, karunungan, at kagalakan. Maraming salamat sa inyong tapat na paglilingkod at sa pusong laging handang gamitin sa Kanyang ministeryo.
Nawa’y patuloy kayong gabayan, palakasin, at pagyamanin ng Diyos sa bawat hakbang ng inyong buhay. Patuloy kayong maging pagpapala sa inyong pamilya, sa ating lokal na iglesya, at sa marami pang tao.
Maligayang kaarawan! God bless you always! 🎂✨

26/07/2026

26/07/2026

𝐏𝐌𝐊 𝐒𝐮𝐧𝐝𝐚𝐲 | 𝐈𝐦𝐨𝐤 𝐈𝐄𝐌𝐄𝐋𝐈𝐅 𝐂𝐡𝐮𝐫𝐜𝐡 𝐉𝐮𝐥𝐲 26, 2026

Sa ating PMK Sunday Worship ngayong araw, pinaalalahanan tayo ng Salita ng Diyos na ang tunay na kapangyarihan ng Iglesia ay nagmumula sa pagkakaisang may kahusayan sa paglilingkod. Sa temang "𝐇𝐚𝐫𝐦𝐨𝐧𝐲 𝐢𝐧 𝐄𝐱𝐜𝐞𝐥𝐥𝐞𝐧𝐜𝐞: 𝐏𝐨𝐰𝐞𝐫 𝐢𝐧 𝐒𝐞𝐫𝐯𝐢𝐜𝐞," itinuro sa atin na bagama't magkakaiba ang ating mga tungkulin, kaloob, at ministeryo, iisa ang ating Panginoon at iisa ang layunin—ang mapaluwalhati ang Diyos at mapatatag ang Kanyang Iglesia.

Sa mensahe, tinalakay ang tatlong katotohanan:

𝐎𝐧𝐞 𝐁𝐨𝐝𝐲, 𝐌𝐚𝐧𝐲 𝐏𝐚𝐫𝐭𝐬 (𝐈𝐢𝐬𝐚𝐧𝐠 𝐊𝐚𝐭𝐚𝐰𝐚𝐧, 𝐌𝐚𝐫𝐚𝐦𝐢𝐧𝐠 𝐁𝐚𝐡𝐚𝐠𝐢
Ipinaalala na ang Iglesia ay tulad ng isang katawan na binubuo ng iba't ibang bahagi. Hindi man tayo pare-pareho ng ministeryo o gawain, bawat isa ay mahalaga at may natatanging papel na ginagampanan. Kapag si Cristo ang ating kinikilalang Ulo at ang bawat lingkod ay tapat sa kaniyang tungkulin, nagiging buhay, matatag, at makapangyarihan ang Iglesia.

𝐃𝐢𝐟𝐟𝐞𝐫𝐞𝐧𝐭 𝐆𝐢𝐟𝐭𝐬, 𝐎𝐧𝐞 𝐆𝐢𝐯𝐞𝐫 (𝐈𝐛𝐚'𝐭 𝐈𝐛𝐚𝐧𝐠 𝐊𝐚𝐥𝐨𝐨𝐛, 𝐈𝐢𝐬𝐚𝐧𝐠 𝐍𝐚𝐠𝐤𝐚𝐥𝐨𝐨𝐛
Binigyang-diin na ang lahat ng ating talento, kakayahan, at espirituwal na kaloob ay biyaya mula sa Diyos. Hindi ito dahilan upang magkumpara o mainggit sa iba, kundi pagkakataon upang gamitin ang ating natatanging kaloob sa paglilingkod. Ang bawat biyaya ay ipinagkaloob upang makatulong sa paglago ng buong katawan ni Cristo.

𝐒𝐡𝐚𝐫𝐞 𝐘𝐨𝐮𝐫 𝐆𝐢𝐟𝐭 𝐀𝐜𝐜𝐨𝐫𝐝𝐢𝐧𝐠 𝐭𝐨 𝐅𝐚𝐢𝐭𝐡 (𝐆𝐚𝐦𝐢𝐭𝐢𝐧 𝐚𝐧𝐠 𝐈𝐲𝐨𝐧𝐠 𝐊𝐚𝐥𝐨𝐨𝐛 𝐀𝐲𝐨𝐧 𝐬𝐚 𝐏𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚
Hinamon tayo na huwag itago ang mga kaloob na ipinagkatiwala sa atin. Habang lumalago ang ating pananampalataya, lalo rin nating gamitin ang ating kakayahan sa paglilingkod. Kapag ang bawat isa ay tapat na ginagamit ang kaniyang kaloob para sa Diyos, lumalakas ang ministeryo, lumalago ang Iglesia, at mas marami ang naaabot ng Ebanghelyo.

Binigyang-diin din sa mensahe na ang kahusayan (excellence) ay hindi lamang nasusukat sa husay ng isang tao, kundi sa pagkakaisa ng buong Iglesia. Walang ministeryong mas mataas o mas mababa, sapagkat lahat ay may mahalagang bahagi sa gawain ng Panginoon. Kapag ang bawat isa ay naglilingkod nang may kababaang-loob, katapatan, at pagmamahal, tunay na makikita ang 𝐇𝐚𝐫𝐦𝐨𝐧𝐲 𝐢𝐧 𝐄𝐱𝐜𝐞𝐥𝐥𝐞𝐧𝐜𝐞 𝐧𝐚 𝐧𝐚𝐠𝐝𝐮𝐝𝐮𝐥𝐨𝐭 𝐧𝐠 "𝐏𝐨𝐰𝐞𝐫 𝐢𝐧 𝐒𝐞𝐫𝐯𝐢𝐜𝐞"

Nawa'y magsilbing hamon ang mensaheng ito sa bawat isa na patuloy na tuklasin, paunlarin, at gamitin ang mga kaloob na ipinagkatiwala ng Diyos. Higit sa lahat, nawa'y manatili tayong nagkakaisa kay Cristo, sapagkat sa ating pagkakaisa at tapat na paglilingkod, ang Kanyang Iglesia ay lalago, titibay, at ang Kanyang pangalan lamang ang maluluwalhati.

Pred. Charmella Lontoc

26/07/2026

🎶 Happy National PMK Sunday 2026! 🤍

Ngayong araw, ipinagdiriwang natin ang Pagsamba, Musika, at Kultura bilang mga kaloob ng Diyos na ginagamit para sa Kanyang kaluwalhatian. Nawa’y patuloy nating paglingkuran ang Panginoon nang may pagkakaisa, kahusayan, at pusong handang maglingkod, dahil ang bawat talento ay may layunin sa Kanyang kaharian.

“Harmony in Excellence, Power in Service.”

Maligayang PMK Sunday sa ating buong IMOK IEMELIF Church! Patuloy tayong maging iisang katawan kay Cristo, na naglilingkod nang may pag-ibig at nagbibigay ng pinakamainam para sa Panginoon. To God be all the glory!

26/07/2026

Happy Birthday sa ating mga minamahal na kapatid sa Panginoon!

Sa pagdiriwang ninyo ng panibagong taon ng buhay, dalangin namin na patuloy kayong pagpalain ng Panginoon ng mabuting kalusugan, karunungan, at kagalakan. Maraming salamat sa inyong tapat na paglilingkod at sa pusong laging handang gamitin sa Kanyang ministeryo.

Nawa’y patuloy kayong gabayan, palakasin, at pagyamanin ng Diyos sa bawat hakbang ng inyong buhay. Patuloy kayong maging pagpapala sa inyong pamilya, sa ating lokal na iglesya, at sa marami pang tao.

Maligayang kaarawan! God bless you always! 🎂✨

26/07/2026

Sunday Worship | PMK Sunday
join us via live!

Speaker. Pred. Charm Lontoc