Imok IEMELIF Church

13/09/2026

13/09/2026

𝐒𝐮𝐧𝐝𝐚𝐲 𝐖𝐨𝐫𝐬𝐡𝐢𝐩 | Zamora Sunday
𝐒𝐞𝐩𝐭𝐞𝐦𝐛𝐞𝐫 𝟏𝟑, 𝟐𝟎𝟐𝟔

Sa ating Sunday Worship ngayong araw, ipinagpatuloy natin ang pagninilay sa pamana ng pananampalataya ni Obispo Nicolas Zamora sa mensaheng 𝐄𝐪𝐮𝐢𝐩 𝐭𝐨 𝐒𝐞𝐫𝐯𝐞 𝐰𝐢𝐭𝐡 𝐄𝐱𝐜𝐞𝐥𝐥𝐞𝐧𝐜𝐞: 𝐅𝐨𝐥𝐥𝐨𝐰𝐢𝐧𝐠 𝐭𝐡𝐞 𝐋𝐞𝐠𝐚𝐜𝐲 𝐨𝐟 𝐅𝐚𝐢𝐭𝐡. Binigyang-diin na hindi lamang tayo tinawag ng Diyos upang maging bahagi ng Kanyang Iglesia o maging tagapakinig lamang, kundi upang maging mga lingkod na handang gamitin, hubugin, at ihanda para sa gawain ng paglilingkod.

Batay sa Efeso 4:11–12, ipinaalala sa atin na ang bawat mananampalataya ay may kaloob, tungkulin, at bahagi sa katawan ni Cristo. Ang layunin ng paglilingkod ay hindi lamang matapos ang isang gawain, kundi 𝐩𝐚𝐭𝐚𝐭𝐚𝐠𝐢𝐧 𝐚𝐧𝐠 𝐈𝐠𝐥𝐞𝐬𝐢𝐚, 𝐩𝐚𝐥𝐚𝐠𝐮𝐢𝐧 𝐚𝐧𝐠 𝐦𝐠𝐚 𝐦𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚, 𝐚𝐭 𝐢𝐡𝐚𝐧𝐝𝐚 𝐚𝐧𝐠 𝐢𝐛𝐚 𝐩𝐚𝐫𝐚 𝐬𝐚 𝐩𝐚𝐠𝐩𝐚𝐩𝐚𝐭𝐮𝐥𝐨𝐲 𝐧𝐠 𝐦𝐢𝐧𝐢𝐬𝐭𝐞𝐫𝐲𝐨.

Sa buhay nina Don Paulino Zamora at Obispo Nicolas Zamora, nakita natin kung paano nagsisimula ang isang malaking pamana sa simpleng pagtuturo, paghahanda, at tapat na paglilingkod. Ang pananampalatayang ipinasa mula sa isang henerasyon ay maaaring maging binhing magbubunga ng malaking pagpapala sa mga susunod na salinlahi.

Sa mensahe, binigyang-diin ang mahahalagang katangian ng isang lingkod na naghahangad ng mahusay na paglilingkod:

𝟏. 𝐌𝐚𝐬𝐢𝐠𝐚𝐬𝐢𝐠 𝐬𝐚 𝐏𝐚𝐠𝐭𝐚𝐰𝐚𝐠 𝐧𝐠 𝐃𝐢𝐲𝐨𝐬
Ang paglilingkod ay nagsisimula sa pagtugon sa tawag ng Diyos. Hindi ito tungkol sa posisyon, titulo, o pagkilala, kundi sa pagkakaroon ng conviction na tayo ay tinawag upang maglingkod. May iba't ibang kaloob at tungkulin ang bawat isa, ngunit iisa ang layunin—ang patatagin ang katawan ni Cristo.

𝟐. 𝐇𝐚𝐧𝐝𝐚 𝐚𝐭 𝐌𝐚𝐠𝐚𝐠𝐚𝐦𝐢𝐭 𝐧𝐠 𝐃𝐢𝐲𝐨𝐬
Hindi kailangang hintayin ang isang malaking oportunidad bago magsimulang maglingkod. Minsan, ang simpleng pangangailangan ang nagiging pagkakataon upang gamitin tayo ng Diyos. Tulad ni Nicolas Zamora, mahalagang gamitin kung ano ang ipinagkaloob sa atin habang patuloy tayong nagpapahubog at naghahanda para sa mas malaking gawain.

𝟑. 𝐌𝐚𝐚𝐢𝐧𝐠𝐚𝐭 𝐚𝐭 𝐌𝐚𝐭𝐚𝐭𝐚𝐩𝐚𝐭 𝐬𝐚 𝐏𝐚𝐠𝐥𝐢𝐥𝐢𝐧𝐠𝐤𝐨𝐝
Ang mahusay na paglilingkod ay hindi lamang nasusukat sa dami ng nagawa, kundi sa paraan kung paano ito ginawa—may katapatan, integridad, pananagutan, at malasakit. Ang ating paglilingkod ay dapat maging tapat sa Diyos kahit hindi ito palaging nakikita o napapansin ng ibang tao.

𝟒. 𝐑𝐞𝐬𝐩𝐨𝐧𝐬𝐚𝐛𝐥𝐞 𝐬𝐚 𝐏𝐚𝐠𝐡𝐚𝐡𝐚𝐧𝐝𝐚 𝐧𝐠 𝐈𝐛𝐚 𝐚𝐭 𝐬𝐚 𝐒𝐮𝐬𝐮𝐧𝐨𝐝 𝐧𝐚 𝐇𝐞𝐧𝐞𝐫𝐚𝐬𝐲𝐨𝐧
Ang ministeryo ay hindi dapat maging one-person ministry. Ang tunay na lider ay hindi lamang gumagawa ng gawain kundi naghahanda at humuhubog ng iba upang maipagpatuloy ang ministeryo. Ang tunay na tagumpay ay hindi lamang kung gaano karami ang ating nagawa, kundi kung gaano karami ang naging handa dahil sa ating paglilingkod.

𝟓. 𝐌𝐚𝐭𝐚𝐭𝐚𝐠 𝐬𝐚 𝐊𝐚𝐛𝐢𝐥𝐚 𝐧𝐠 𝐦𝐠𝐚 𝐏𝐚𝐠𝐬𝐮𝐛𝐨𝐤
Ang pagtawag ng Diyos ay hindi nangangahulugang wala nang magiging paghihirap. Sa buhay ni Nicolas Zamora, nakita ang katatagan sa kabila ng pagtutol, diskriminasyon, at mga hamon. Ang biyaya ng Diyos ang nagbibigay ng lakas upang magpatuloy at manatiling tapat sa Kanyang tawag.

𝟔. 𝐍𝐚𝐠𝐬𝐮𝐬𝐮𝐥𝐨𝐧𝐠 𝐧𝐠 𝐈𝐠𝐥𝐞𝐬𝐢𝐚𝐧𝐠 𝐌𝐚𝐲 𝐊𝐚𝐤𝐚𝐲𝐚𝐡𝐚𝐧𝐠 𝐌𝐚𝐠𝐩𝐚𝐭𝐮𝐥𝐨𝐲
Ang pamana ni Nicolas Zamora ay hindi lamang tungkol sa kasaysayan kundi sa pagpapatuloy ng isang Iglesia na may kakayahang mamahala, magpatuloy, at magpalaganap ng gawain. Ang legacy ay hindi lamang mga gusali, records, o achievements, kundi ang mga taong nahubog at naihanda upang ipagpatuloy ang gawain ng Diyos.

Sa pagtatapos ng mensahe, hinamon tayo na huwag lamang maging tagasunod ng mabuting pamana kundi maging 𝐭𝐚𝐠𝐚𝐩𝐚𝐠𝐩𝐚𝐭𝐮𝐥𝐨𝐲 𝐧𝐢𝐭𝐨. Tinawag tayo upang maglingkod, maghanda ng iba, maging matatag sa mga pagsubok, at magkaroon ng malasakit sa susunod na henerasyon. Maaaring hindi natin makita ngayon ang buong bunga ng ating paglilingkod, ngunit ang ating katapatan ngayon ay maaaring maging daan upang may isang taong magpatuloy bukas.

Nawa'y ang buhay at pamana ni Obispo Nicolas Zamora ay hindi lamang manatiling bahagi ng ating kasaysayan, kundi maging inspirasyon upang tayo rin ay maging mga lingkod na 𝐦𝐚𝐬𝐢𝐠𝐚𝐬𝐢𝐠 𝐬𝐚 𝐭𝐚𝐰𝐚𝐠 𝐧𝐠 𝐃𝐢𝐲𝐨𝐬, 𝐡𝐚𝐧𝐝𝐚𝐧𝐠 𝐠𝐚𝐦𝐢𝐭𝐢𝐧, 𝐦𝐚𝐭𝐚𝐭𝐚𝐩𝐚𝐭 𝐬𝐚 𝐩𝐚𝐠𝐥𝐢𝐥𝐢𝐧𝐠𝐤𝐨𝐝, 𝐦𝐚𝐭𝐚𝐭𝐚𝐠 𝐬𝐚 𝐩𝐚𝐠𝐬𝐮𝐛𝐨𝐤, 𝐚𝐭 𝐡𝐚𝐧𝐝𝐚𝐧𝐠 𝐦𝐚𝐠𝐡𝐚𝐧𝐝𝐚 𝐧𝐠 𝐬𝐮𝐬𝐮𝐧𝐨𝐝 𝐧𝐚 𝐡𝐞𝐧𝐞𝐫𝐚𝐬𝐲𝐨𝐧.

𝐊𝐚𝐩𝐚𝐭𝐢𝐝, 𝐭𝐢𝐧𝐚𝐰𝐚𝐠 𝐤𝐚 𝐩𝐚𝐫𝐚 𝐦𝐚𝐠𝐥𝐢𝐧𝐠𝐤𝐨𝐝. 𝐀𝐧𝐠 𝐭𝐚𝐧𝐨𝐧𝐠 𝐚𝐲 𝐡𝐢𝐧𝐝𝐢 𝐥𝐚𝐦𝐚𝐧𝐠 𝐤𝐮𝐧𝐠 𝐚𝐧𝐨 𝐚𝐧𝐠 𝐠𝐢𝐧𝐚𝐰𝐚 𝐧𝐠 𝐦𝐠𝐚 𝐧𝐚𝐮𝐧𝐚 𝐬𝐚 𝐚𝐭𝐢𝐧, 𝐤𝐮𝐧𝐝𝐢 𝐤𝐮𝐧𝐠 𝐚𝐧𝐨 𝐚𝐧𝐠 𝐠𝐢𝐧𝐚𝐠𝐚𝐰𝐚 𝐧𝐚𝐭𝐢𝐧 𝐧𝐠𝐚𝐲𝐨𝐧 𝐛𝐢𝐥𝐚𝐧𝐠 𝐭𝐮𝐠𝐨𝐧 𝐬𝐚 𝐭𝐚𝐰𝐚𝐠 𝐧𝐠 𝐃𝐢𝐲𝐨𝐬.

-PPP. Ranill Lontoc

13/09/2026

Happy Birthday sa minamahal na kapatid sa Panginoon!

Sa pagdiriwang ng panibagong taon ng buhay, dalangin namin na patuloy kayong pagpalain ng Panginoon ng mabuting kalusugan, karunungan, at kagalakan. Maraming salamat sa inyong tapat na paglilingkod at sa pusong laging handang gamitin sa Kanyang ministeryo.

Nawa’y patuloy kayong gabayan, palakasin, at pagyamanin ng Diyos sa bawat hakbang ng inyong buhay. Patuloy kayong maging pagpapala sa inyong pamilya, sa ating lokal na iglesya, at sa marami pang tao.

Maligayang kaarawan! God bless you always! 🎂✨

13/09/2026

ZAMORA SUNDAY!

𝗜𝗧𝗢 𝗔𝗡𝗚 𝗣𝗔𝗠𝗔𝗡𝗔 𝗦𝗔 𝗔𝗧𝗜𝗡. 🇵🇭❤️‍🔥

Sa mahigit isang siglo ng kasaysayan, hindi lamang isang pangalan ang dala natin bilang mga IEMELIF. Dala natin ang pananampalataya, paninindigan, at paglilingkod na ipinasa sa atin ng mga naunang henerasyon.

Noong 1909, pinangunahan ni Obispo Nicolás Zamora ang pagtatatag ng Iglesia Evangélica Metodista en las Islas Filipinas (IEMELIF)—isang simbahang Pilipino na isinilang mula sa pananampalataya at hangaring magkaroon ng sariling tinig.

Hindi naging madali ang kanyang landas. Sa kabila ng mga hamon ng kanyang panahon, nanatili siyang matatag sa kanyang paninindigan at paglilingkod sa Diyos at sa kapwa.

Mahigit isang siglo na ang lumipas, ngunit ang apoy ng pananampalatayang kanyang ipinaglaban ay patuloy na nag-aalab sa bawat henerasyon.

𝗜𝘁𝗼 𝗮𝗻𝗴 𝗸𝗮𝘀𝗮𝘆𝘀𝗮𝘆𝗮𝗻 𝗻𝗮𝘁𝗶𝗻.
𝗜𝘁𝗼 𝗮𝗻𝗴 𝗽𝗮𝗺𝗮𝗻𝗮 𝘀𝗮 𝗮𝘁𝗶𝗻.
𝗜𝘁𝗼 𝗮𝗻𝗴 𝗜𝗘𝗠𝗘𝗟𝗜𝗙. ❤️‍🔥

Kaya bilang mga IEMELIF, buong puso nating masasabi:

𝗣𝗥𝗢𝗨𝗗 𝗧𝗔𝗬𝗢𝗡𝗚 𝗜𝗘𝗠𝗘𝗟𝗜𝗙. 🇵🇭🔥

Proud sa ating kasaysayan.
Proud sa ating pananampalataya.
Proud sa pamana ni Obispo Nicolás Zamora.

At higit sa lahat, patuloy nating aalagaan at ipapasa ang pananampalatayang ipinagkatiwala sa atinmula sa isang henerasyon tungo sa susunod.

13/09/2026

Zamora Sunday! Imok IEMELIF Church
Magbunyi ka, O IEMELIF!
September 13, 2026

12/09/2026

𝗜𝗧𝗢 𝗔𝗡𝗚 𝗣𝗔𝗠𝗔𝗡𝗔 𝗦𝗔 𝗔𝗧𝗜𝗡. 🇵🇭❤️‍🔥

Sa mahigit isang siglo ng kasaysayan, hindi lamang isang pangalan ang dala natin bilang mga IEMELIF. Dala natin ang pananampalataya, paninindigan, at paglilingkod na ipinasa sa atin ng mga naunang henerasyon.

Noong 1909, pinangunahan ni Obispo Nicolás Zamora ang pagtatatag ng Iglesia Evangélica Metodista en las Islas Filipinas (IEMELIF)—isang simbahang Pilipino na isinilang mula sa pananampalataya at hangaring magkaroon ng sariling tinig.

Hindi naging madali ang kanyang landas. Sa kabila ng mga hamon ng kanyang panahon, nanatili siyang matatag sa kanyang paninindigan at paglilingkod sa Diyos at sa kapwa.

Mahigit isang siglo na ang lumipas, ngunit ang apoy ng pananampalatayang kanyang ipinaglaban ay patuloy na nag-aalab sa bawat henerasyon.

𝗜𝘁𝗼 𝗮𝗻𝗴 𝗸𝗮𝘀𝗮𝘆𝘀𝗮𝘆𝗮𝗻 𝗻𝗮𝘁𝗶𝗻.
𝗜𝘁𝗼 𝗮𝗻𝗴 𝗽𝗮𝗺𝗮𝗻𝗮 𝘀𝗮 𝗮𝘁𝗶𝗻.
𝗜𝘁𝗼 𝗮𝗻𝗴 𝗜𝗘𝗠𝗘𝗟𝗜𝗙. ❤️‍🔥

Kaya bilang mga IEMELIF, buong puso nating masasabi:

𝗣𝗥𝗢𝗨𝗗 𝗧𝗔𝗬𝗢𝗡𝗚 𝗜𝗘𝗠𝗘𝗟𝗜𝗙. 🇵🇭🔥

Proud sa ating kasaysayan.
Proud sa ating pananampalataya.
Proud sa pamana ni Obispo Nicolás Zamora.

At higit sa lahat, patuloy nating aalagaan at ipapasa ang pananampalatayang ipinagkatiwala sa atinmula sa isang henerasyon tungo sa susunod.

𝗕𝗜𝗥𝗧𝗛 𝗢𝗙 𝗡𝗜𝗖𝗢𝗟𝗔𝗦 𝗭𝗔𝗠𝗢𝗥𝗔

Ngayong araw inaalala ang anibersaryo ng kapanganakan ng Methodist minister na si Nicolas Villegas Zamora. Si Zamora ang kauna-unahang Filipino protestant minister at ang tagapagtatag ng Iglesia Evangelica Metodista en las Islas Filipinas, ang kauna-unahang katutubong evangelical church sa Pilipinas.

Si Zamora ay isinilang sa Binondo, Maynila noong September 10, 1875. Siya ay kaapo-apuhan ng paring martir na si Fr. Jacinto Zamora, isa sa GomBurZa, na binitay noong February 1872 kasunod ng pag-aaklas sa Cavite. Pinasimulan ng kaniyang ama na si Paulino Zamora ang isang Bible group sa Bulacan sa kabila ng pagbabawal noon ng batas na makapagmay-ari ng Bibliya. Nagtapos si Nicolas Zamora ng Bachelor of Arts mula sa Ateneo Municipal de Manila (ngayo'y Ateneo de Manila University) at kalauna'y kumuha ng abogasya mula sa University of Santo Tomas. Naudlot ang kaniyang pag-aaral nang sumiklab ang himagsikan noong 1896 habang ipinatapon naman ang kaniyang ama sa Chafarinas Islands sa Morocco dahil sa mga gawaing panrelihiyon. Kalauna'y sumali si Nicolas sa rebolusyon at nagsilbing teniente mayor sa ilalim ni Gen. Gregorio del Pilar.

Nang magbalik ang kaniyang ama sa Pilipinas noong 1898, sinimulan ni Nicolas ang pagpapakalat ng salita ng Diyos sa pananampalatayang Protestantismo katuwang ang ama. Sila ay isa sa mga unang Filipino na sumapi sa Presbyterian Church sa Pilipinas. Gayunman, lumipat ng iglesia si Nicolas at sumapi sa Methodist Church. Matapos ang walong buwang pagtuturo ng pananampalatayang Methodist Episcopal Church (MEC), inordinahan siya bilang diakono (deacon) noong March 1900. Dahil sa kaniyang dedikasyon sa iglesia, nagawang umabot sa 300 ang bilang ng mananampalataya ng MEC sa Pilipinas pagsapit ng 1901. Noong March 1903 nang ordinahan siya bilang Elder ng MEC. Itinalaga rin siya bilang kauna-unahang pastor ng Methodist Church sa Avenida Rizal (ngayo'y Knox United Methodist Church). Nang parehong taon, nagsagawa rin siya ng mga pangangaral sa mga rally sa Bulacan at Pampanga, na lalong nagparami sa bilang ng mga kasapi ng MEC.

Sa paglobo ng bilang ng mga kasapi ng MEC, unti-unti ring lumitaw ang iba't ibang suliranin. Hindi naipagpatuloy ang Filipinisasyon ng iglesia, nangunguna pa rin ang mga American missionaries sa pagpapatakbo sa MEC, at nakararanas ng diskriminasyon ang mga Filipino. Dahil dito, binuo ng ilang kasapi ng MEC sa Tondo, Maynila ang Ang Kapisanang Katotohanan (AKK) noong 1904 na layong bumuo ng isang Filipino Methodist Church. Noong 1906 nang italaga si Nicolas sa Tondo. Nagtagumpay si Nicolas na pagbuklurin ang iglesia. Gayunman, ang pagtutol sa pagkakaloob ng "foreign field" status sa Philippine Church noong 1908 ang naging dahilan upang sumapi si Nicolas sa AKK. Noong February 28, 1909, tuluyan kumalas si Nicolas at ang kaniyang mga tagasuporta sa Methodist Church at itinatag ang Iglesia Evangelica Metodista en las Islas Filipinas (IEMELIF).

Pumanaw si Nicolas Zamora noong September 14, 1914 dahil sa kolera. Noong 1979 nang gawaran siya ng Supreme Award Plaque sa ika-80 anibersaryo ng Methodism sa Pilipinas. Bilang pagkilala, ipinangalan sa kaniya ang Nicolas Zamora Street (na dating Sande Street) sa Tondo, Maynila.

Project Vinta (September 10, 2021). Birth of Nicolas Zamora. Retrieved from https://www.facebook.com/photo/?fbid=3041833279397258&set=a.462604389250067

12/09/2026

𝗜𝗧𝗢 𝗔𝗡𝗚 𝗣𝗔𝗠𝗔𝗡𝗔 𝗦𝗔 𝗔𝗧𝗜𝗡. 🇵🇭❤️‍🔥

Sa mahigit isang siglo ng kasaysayan, hindi lamang isang pangalan ang dala natin bilang mga IEMELIF. Dala natin ang pananampalataya, paninindigan, at paglilingkod na ipinasa sa atin ng mga naunang henerasyon.

Noong 1909, pinangunahan ni Obispo Nicolás Zamora ang pagtatatag ng Iglesia Evangélica Metodista en las Islas Filipinas (IEMELIF)—isang simbahang Pilipino na isinilang mula sa pananampalataya at hangaring magkaroon ng sariling tinig.

Hindi naging madali ang kanyang landas. Sa kabila ng mga hamon ng kanyang panahon, nanatili siyang matatag sa kanyang paninindigan at paglilingkod sa Diyos at sa kapwa.

Mahigit isang siglo na ang lumipas, ngunit ang apoy ng pananampalatayang kanyang ipinaglaban ay patuloy na nag-aalab sa bawat henerasyon.

𝗜𝘁𝗼 𝗮𝗻𝗴 𝗸𝗮𝘀𝗮𝘆𝘀𝗮𝘆𝗮𝗻 𝗻𝗮𝘁𝗶𝗻.
𝗜𝘁𝗼 𝗮𝗻𝗴 𝗽𝗮𝗺𝗮𝗻𝗮 𝘀𝗮 𝗮𝘁𝗶𝗻.
𝗜𝘁𝗼 𝗮𝗻𝗴 𝗜𝗘𝗠𝗘𝗟𝗜𝗙. ❤️‍🔥

Kaya bilang mga IEMELIF, buong puso nating masasabi:

𝗣𝗥𝗢𝗨𝗗 𝗧𝗔𝗬𝗢𝗡𝗚 𝗜𝗘𝗠𝗘𝗟𝗜𝗙. 🇵🇭🔥

Proud sa ating kasaysayan.
Proud sa ating pananampalataya.
Proud sa pamana ni Obispo Nicolás Zamora.

At higit sa lahat, patuloy nating aalagaan at ipapasa ang pananampalatayang ipinagkatiwala sa atinmula sa isang henerasyon tungo sa susunod.

11/09/2026

𝗙𝗔𝗠𝗜𝗟𝗬 𝗗𝗔𝗬 𝟮𝟬𝟮𝟲 | 𝗦𝗘𝗧𝗬𝗘𝗠𝗕𝗥𝗘 𝟭𝟭, 𝟮𝟬𝟮𝟲

Isang gabi ng pananampalataya, pagkakaisa, at masayang pagsasama ang naging bahagi ng ating 𝗙𝗮𝗺𝗶𝗹𝘆 𝗗𝗮𝘆 ngayong Setyembre 11 sa Imok IEMELIF Church. ❤️

Nagsimula ang ating programa sa isang makabuluhang 𝗪𝗼𝗿𝘀𝗵𝗶𝗽 𝗦𝗲𝗿𝘃𝗶𝗰𝗲 at 𝗕𝗮𝗻𝗮𝗹 𝗻𝗮 𝗞𝗼𝗺𝘂𝗻𝘆𝗼𝗻, kung saan sama-sama nating ginunita ang dakilang sakripisyo ng ating Panginoong Hesus.

Isang espesyal na bahagi rin ng gabi ang pagkilala sa mga nakatapos ng 𝗜𝗗𝗝 𝗟𝗲𝘃𝗲𝗹 𝟭 – 𝗕𝗲𝗹𝗶𝗲𝘃𝗲 𝗶𝗻 𝗖𝗵𝗿𝗶𝘀𝘁 sa ilalim ng 𝗜 𝗖𝗟𝗔𝗦𝗦: 𝗜𝗘𝗠𝗘𝗟𝗜𝗙 𝗖𝗵𝗿𝗶𝘀𝘁𝗶𝗮𝗻𝗼𝗻𝗴 𝗟𝘂𝗺𝗮𝗹𝗮𝗴𝗼, 𝗦𝗮𝗸𝘀𝗶𝗻𝗴 𝗦𝘂𝗺𝘂𝘀𝘂𝗻𝗼𝗱. Kasabay nito ang pagbibigay ng 𝗖𝗲𝗿𝘁𝗶𝗳𝗶𝗰𝗮𝘁𝗲 𝗼𝗳 𝗖𝗼𝗺𝗽𝗹𝗲𝘁𝗶𝗼𝗻 at panunumpa bilang mabuting kaanib.

Pero hindi doon nagtapos ang saya! Matapos ang worship, nagsalo-salo ang lahat sa dinner, awitan, 𝗙𝗮𝗺𝗶𝗹𝘆 𝗡𝗶𝗴𝗵𝘁, at game puno ng tawanan, saya, at masasayang alaala.

At sa pagtatapos ng gabi, tahimik na nagkaisa ang bawat isa sa 𝗖𝗮𝗻𝗱𝗹𝗲 𝗣𝗿𝗮𝘆𝗲𝗿, dala ang panalangin para sa ating bansa, iglesia, at mga pamilya.

Isang gabi na naman ang lumipas, ngunit ang samahan, pananampalataya, at mga alaala ay mananatili sa ating mga puso.

𝗧𝘂𝗹𝗼𝘆 𝘁𝗮𝘆𝗼𝗻𝗴 𝗹𝘂𝗺𝗮𝗹𝗮𝗴𝗼, 𝗻𝗮𝗴𝗸𝗮𝗸𝗮𝗶𝘀𝗮, 𝗮𝘁 𝗻𝗮𝗴𝗹𝗶𝗹𝗶𝗻𝗴𝗸𝗼𝗱 𝗸𝗮𝘆 𝗞𝗿𝗶𝘀𝘁𝗼. ❤️

10/09/2026

𝐅𝐀𝐌𝐈𝐋𝐘 𝐃𝐀𝐘 | 𝐒𝐄𝐓𝐘𝐄𝐌𝐁𝐑𝐄 𝟏𝟏, 𝟐𝟎𝟐𝟔

𝐒𝐚 𝐏𝐚𝐠-𝐚𝐥𝐚𝐚𝐥𝐚 𝐬𝐚 𝐀𝐤𝐢𝐧
1 Corinto 11:24

𝐒𝐚𝐦𝐚-𝐬𝐚𝐦𝐚 𝐧𝐚𝐭𝐢𝐧𝐠 𝐢𝐩𝐚𝐠𝐝𝐢𝐰𝐚𝐧𝐠 𝐚𝐧𝐠 𝐅𝐚𝐦𝐢𝐥𝐲 𝐃𝐚𝐲 𝐚𝐭 𝐬𝐚𝐫𝐢𝐚𝐰𝐚𝐢𝐧 𝐚𝐧𝐠 𝐝𝐚𝐤𝐢𝐥𝐚𝐧𝐠 𝐬𝐚𝐤𝐫𝐢𝐩𝐢𝐬𝐲𝐨 𝐧𝐠 𝐚𝐭𝐢𝐧𝐠 𝐏𝐚𝐧𝐠𝐢𝐧𝐨𝐨𝐧𝐠 𝐇𝐞𝐬𝐮𝐬 𝐬𝐚 𝐩𝐚𝐦𝐚𝐦𝐚𝐠𝐢𝐭𝐚𝐧 𝐧𝐠 𝐁𝐚𝐧𝐚𝐥 𝐧𝐚 𝐊𝐨𝐦𝐮𝐧𝐲𝐨𝐧.

📅 𝐒𝐞𝐭𝐲𝐞𝐦𝐛𝐫𝐞 𝟏𝟏, 𝟐𝟎𝟐𝟔 | 𝐁𝐢𝐲𝐞𝐫𝐧𝐞𝐬
🕔 𝟓:𝟎𝟎 𝐏𝐌
📍 𝐈𝐦𝐨𝐤 𝐈𝐄𝐌𝐄𝐋𝐈𝐅 𝐂𝐡𝐮𝐫𝐜𝐡
𝐏𝐞𝐫𝐬𝐨𝐧𝐚𝐥 𝐚𝐭 𝐎𝐧𝐥𝐢𝐧𝐞

𝐓𝐚𝐠𝐚𝐩𝐚𝐠𝐬𝐚𝐥𝐢𝐭𝐚: 𝐑𝐞𝐛. 𝐀𝐥𝐞𝐱𝐚𝐧𝐝𝐞𝐫 𝐍. 𝐄𝐬𝐭𝐮𝐝𝐢𝐥𝐥𝐨
𝐓𝐚𝐠𝐚𝐩𝐚𝐧𝐠𝐮𝐧𝐚: 𝐏𝐏𝐏. 𝐉𝐚𝐬𝐨𝐧 𝐀. 𝐕𝐞𝐥𝐚𝐬𝐜𝐨

Inaanyayahan ang bawat pamilya na makiisa sa isang makabuluhang gabi ng 𝐩𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚, 𝐩𝐚𝐠𝐤𝐚𝐤𝐚𝐢𝐬𝐚, 𝐚𝐭 𝐩𝐚𝐠-𝐚𝐥𝐚𝐚𝐥𝐚 𝐤𝐚𝐲 𝐊𝐫𝐢𝐬𝐭𝐨.

10/09/2026

𝟏𝟓𝟏𝐒𝐓 𝐁𝐈𝐑𝐓𝐇 𝐀𝐍𝐍𝐈𝐕𝐄𝐑𝐒𝐀𝐑𝐘 𝐎𝐅 𝐁𝐈𝐒𝐇𝐎𝐏 𝐍𝐈𝐂𝐎𝐋𝐀𝐒 𝐕. 𝐙𝐀𝐌𝐎𝐑𝐀

Ngayong araw, ating ginugunita ang ika-151 anibersaryo ng kapanganakan ni 𝐁𝐢𝐬𝐡𝐨𝐩 𝐍𝐢𝐜𝐨𝐥𝐚𝐬 𝐕𝐢𝐥𝐥𝐞𝐠𝐚𝐬 𝐙𝐚𝐦𝐨𝐫𝐚 isang Pilipinong mangangaral, lider, at lingkod ng Diyos na naglaan ng kanyang buhay sa pagpapalaganap ng Ebanghelyo at paglilingkod sa kapwa.

Ipinanganak siya noong 𝐒𝐞𝐭𝐲𝐞𝐦𝐛𝐫𝐞 𝟏𝟎, 𝟏𝟖𝟕𝟓 sa Binondo, Maynila, kina 𝐏𝐚𝐮𝐥𝐢𝐧𝐨 𝐙𝐚𝐦𝐨𝐫𝐚 at 𝐄𝐩𝐢𝐟𝐚𝐧𝐢𝐚 𝐕𝐢𝐥𝐥𝐞𝐠𝐚𝐬. Lumaki siya sa panahong puno ng malalaking pagbabago sa kasaysayan ng Pilipinas isang panahong humubog sa kanyang pananaw, pananampalataya, at hangaring maglingkod sa kanyang bayan.

Sa murang yugto ng kanyang buhay, nahubog ang kanyang kakayahan sa pangangaral. Noong 𝐇𝐮𝐥𝐲𝐨 𝟏𝟖𝟗𝟗, nagsimula siyang mangaral sa Soldiers’ Institute, kung saan ipinakita niya ang kanyang kahusayan sa pagpapahayag ng Salita ng Diyos. Sa kanyang matapang na patotoo at masigasig na paglilingkod, marami ang nahikayat na makinig at tumanggap sa mensahe ng Ebanghelyo.

Ang kanyang pagtawag sa ministeryo ay nagpatuloy nang siya ay maordinahan bilang 𝐝𝐢𝐲𝐚𝐤𝐨𝐧𝐨 noong 𝐌𝐚𝐫𝐬𝐨 𝟏𝟎, 𝟏𝟗𝟎𝟎, at bilang 𝐞𝐥𝐝𝐞𝐫 noong 𝐌𝐚𝐫𝐬𝐨 𝟏𝟑, 𝟏𝟗𝟎𝟑 sa Methodist Episcopal Church. Sa mga panahong ito, higit niyang inilaan ang kanyang sarili sa pangangaral, pangunguna, at paglilingkod sa mga Pilipino.

Ngunit higit pa sa kanyang kakayahan bilang mangangaral, nakilala si Nicolas Zamora sa kanyang 𝐭𝐚𝐩𝐚𝐧𝐠 𝐩𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚 at paninindigan. Nanindigan siya para sa isang iglesia na may sariling pagkakakilanlan, pamumuno, at kalayaang maglingkod sa Diyos bilang isang tunay na Pilipinong iglesia.

Noong 𝐏𝐞𝐛𝐫𝐞𝐫𝐨 𝟐𝟖, 𝟏𝟗𝟎𝟗, itinatag ang 𝐈𝐠𝐥𝐞𝐬𝐢𝐚 𝐄𝐯𝐚𝐧𝐠𝐞𝐥𝐢𝐜𝐚 𝐌𝐞𝐭𝐨𝐝𝐢𝐬𝐭𝐚 𝐞𝐧 𝐥𝐚𝐬 𝐈𝐬𝐥𝐚𝐬 𝐅𝐢𝐥𝐢𝐩𝐢𝐧𝐚𝐬 (𝐈𝐄𝐌𝐄𝐋𝐈𝐅), isang mahalagang bunga ng kanyang paninindigan, pananampalataya, at hangaring makapaglingkod sa Diyos at sa sambayanang Pilipino.

Sa kabila ng maikling panahon ng kanyang buhay, malaki ang naging ambag ni Bishop Nicolas Zamora sa kasaysayan ng Protestantismo sa Pilipinas. Ang kanyang buhay ay naging halimbawa ng isang lider na hindi lamang nangaral, kundi 𝐧𝐚𝐦𝐮𝐡𝐚𝐲 𝐚𝐲𝐨𝐧 𝐬𝐚 𝐤𝐚𝐧𝐲𝐚𝐧𝐠 𝐩𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚, 𝐧𝐚𝐠𝐬𝐢𝐤𝐚𝐩 𝐩𝐚𝐫𝐚 𝐬𝐚 𝐤𝐚𝐩𝐚𝐰𝐚, at 𝐧𝐚𝐠𝐢𝐰𝐚𝐧𝐠 𝐝𝐚𝐚𝐧 𝐩𝐚𝐫𝐚 𝐬𝐚 𝐦𝐠𝐚 𝐬𝐮𝐬𝐮𝐧𝐨𝐝 𝐧𝐚 𝐡𝐞𝐧𝐞𝐫𝐚𝐬𝐲𝐨𝐧.

Pumanaw siya noong 𝐒𝐞𝐭𝐲𝐞𝐦𝐛𝐫𝐞 𝟏𝟒, 𝟏𝟗𝟏𝟒 sa edad na 39. Ngunit ang kanyang buhay, pananampalataya, at paglilingkod ay patuloy na nabubuhay sa alaala ng mga taong kanyang naabot at sa pamana ng ministeryong kanyang iniwan.

Sa paggunita sa kanyang ika-151 kapanganakan, nawa'y hindi lamang natin alalahanin kung sino si Nicolas Zamora, kundi maging inspirasyon din sa atin ang kanyang 𝐩𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚, 𝐩𝐚𝐧𝐢𝐧𝐢𝐧𝐝𝐢𝐠𝐚𝐧, at 𝐩𝐚𝐠𝐥𝐢𝐥𝐢𝐧𝐠𝐤𝐨𝐝.

“Alalahanin ninyo ang mga naging tagapanguna sa inyo... at tularan ninyo ang kanilang pananampalataya.” - 𝐇𝐞𝐛𝐫𝐞𝐨 𝟏𝟑:𝟕

𝐌𝐚𝐥𝐢𝐠𝐚𝐲𝐚𝐧𝐠 𝟏𝟓𝟏𝐬𝐭 𝐁𝐢𝐫𝐭𝐡 𝐀𝐧𝐧𝐢𝐯𝐞𝐫𝐬𝐚𝐫𝐲, 𝐁𝐢𝐬𝐡𝐨𝐩 𝐍𝐢𝐜𝐨𝐥𝐚𝐬 𝐕. 𝐙𝐚𝐦𝐨𝐫𝐚! 🕊️